Chapter 5

[English text for this chapter is available]

brahmovāca |
paṃcāmṛtasya snapanādyatphalaṃ labhate hareḥ |
śaṃkhodakena yatkiṃcittanme brūhyajitā'cyuta || 1 ||
[Analyze grammar]

śrībhagavānuvāca |
kṣīrasnānaṃ prakurvaṃti ye narā mama mūrddhani |
śatāśvamedhajaṃ puṇyaṃ biṃdunā biṃdunā smṛtam || 2 ||
[Analyze grammar]

kṣīrāddaśaguṇaṃ dadhnā ghṛtenaiva daśottaram |
madhunā taddaśaguṇaṃ sitayā tu tato'dhikam |
gaṃdhapuṣpodake maṃtraṃ sarvotkṛṣṭaṃ praśasyate || 3 ||
[Analyze grammar]

dvādaśyāṃ paṃcadaśyāṃ vā gavyena payasā mama |
snāpanaṃ devaśārdūla mahāpātakanāśanam || 4 ||
[Analyze grammar]

dadhyādīnāṃ vikārāṇāṃ kṣīrataḥ saṃbhavo yathā |
tathaiva śeṣakāmānāṃ kṣīrasnapanato mama || 5 ||
[Analyze grammar]

kṣīrasnānena saubhāgyaṃ dadhnā miṣṭānnabhojanam |
ghṛtena snāpayedyo māṃ naro mama puraṃ vrajet || 6 ||
[Analyze grammar]

madhunā sitayā yastu kārayenmārgaśīrṣake |
sa rājā jāyate loke punaḥ svargādihāgataḥ || 7 ||
[Analyze grammar]

gajāśvarathasaṃpūrṇaṃ sa rājyaṃ labhate bhuvi |
kārayenmārgaśīrṣe vai yaḥ kṣīrasnāpanaṃ mama || 8 ||
[Analyze grammar]

svarge loke sa jayati caṃdreṃdrarudramārutān |
kṣīrasnānaṃ paraṃ śreṣṭhaṃ mārgaśīrṣe ca putraka || 9 ||
[Analyze grammar]

kṣīrasnapanamāhātmyaṃ varcaskaṃ puṣṭivardhanam |
daurbhāgyaṃ vilayaṃ yāti kṣīrasnānena me suta || 10 ||
[Analyze grammar]

snāpayenmārgaśīrṣe māṃ yo vai paṃcā'mṛtenatu |
sa na śocyo bhavejjaṃturbaṃdhunā bhuvi mānada || 11 ||
[Analyze grammar]

kapilākṣīramādāya yaḥ snāpayati māṃ suta |
kapilāśatadānasya phalaṃ prāpnoti mānavaḥ || 12 ||
[Analyze grammar]

śaṃkhe tīrthodakaṃ kṛtvā yaḥ snāpayati deśikaḥ |
biṃdunā'pi sahomāse svakulaṃ tārayeddhi saḥ || 13 ||
[Analyze grammar]

kāpilaṃ kṣīramādāya śaṃkhe kṛtvā ca mānavaḥ |
yaḥ snāpayati māṃ bhaktyā sarvatīrthaphalaṃ labhet || 14 ||
[Analyze grammar]

śaṃkhe kṛtvā tu pānīyaṃ sākṣataṃ kuśasaṃyutam |
yaḥ snāpayetsahomāse sarvatīrthaphalaṃ labhet || 15 ||
[Analyze grammar]

śaṃkhāṣṭakena yaḥ snānaṃ kārayenmārgaśīrṣake |
bhaktyā bhagavataḥ śreṣṭho mama loke mahīyate || 16 ||
[Analyze grammar]

śaṃkhaṣoḍaśakenātha yaḥ snāpayati me suta |
sa pāpamuktaḥ suciraṃ svargaloke mahīyate || 17 ||
[Analyze grammar]

caturviṃśatisaṃkhyākaiḥ śaṃkhairyaḥ snāpayecca mām |
iṃdraloke ciraṃ sthitvā sa rājā bhuvi jāyate || 18 ||
[Analyze grammar]

śaṃkhā'ṣṭottaraśatenaiva snāpayenmārgaśīrṣake |
śaṃkheśaṃkhe suvarṇasya phalaṃ prāpnoti mānavaḥ || 19 ||
[Analyze grammar]

mārgaśīrṣe bhaktimānyaḥ kṛtvā śaṃkhadhvaniṃ hi mām |
snāpayetpitarastasya svargaṃ tāvatpratiṣṭhitāḥ || 20 ||
[Analyze grammar]

aṣṭottarasahasraṃ tu śaṃkha snānaṃ tu yaścaret |
sa gaṇo muktimāpnoti yāvadābhūtasaṃplavam || 21 ||
[Analyze grammar]

nityaṃ saṃsnāpayedyo māṃ śaṃkhena surasattama |
gaṃgāsnānaphalaṃ prāpya nityaṃ naṃdati devavat || 22 ||
[Analyze grammar]

śaṃkhetoyaṃ samādāya yaḥ snāpayati māṃ suta |
namo nārāyaṇetyuktvā mucyate sarvakilbiṣaiḥ || 23 ||
[Analyze grammar]

kṛtvā pādodakaṃ śaṃkhe vaiṣṇavānāṃ mahātmanām |
yo dadāti tilonmiśraṃ cāṃdrāyaṇaphalaṃ labhet || 24 ||
[Analyze grammar]

nādyaṃ taḍāgajaṃ vā'pi vāpīkūpādikaṃ ca yat |
gāṃgeyaṃ jāyate sarvaṃ jalaṃ śaṃkhakṛtaṃ ca yat || 25 ||
[Analyze grammar]

gṛhītvā mama pādāṃbu śaṃkhe kṛtvā tu vaiṣṇavaḥ |
yo vahecchirasā nityaṃ sa munistapatāṃ varaḥ || 26 ||
[Analyze grammar]

trailokye yāni tīrthāni mama caivājñayā suta |
śaṃkhe tāni vasaṃtīha tasmācchaṃkho varaḥ smṛtaḥ || 27 ||
[Analyze grammar]

sāṃbuṃ śaṃkhaṃ kare dhṛtvā maṃtrairetaistu vaiṣṇavaḥ |
yaḥ snāpayenmārgaśīrṣe tuṣṭastasya bhavāmyaham || 28 ||
[Analyze grammar]

śaṃkhādau caṃdradaivatyaṃ kukṣau varuṇadevatā |
pṛṣṭhe prajāpatiścaiva agre gaṃgā sarasvatī || 29 ||
[Analyze grammar]

teṣāmuccārapūrvaṃ tu snāpayenmāmataṃdritaḥ |
tasya puṇyasya saṃkhyāṃ vai kartuṃ naiva surāḥ kṣamāḥ || 30 ||
[Analyze grammar]

purato mama deveśa sapuṣpaḥ sajalākṣataḥ |
śaṃkhastvabhyarcitastiṣṭhettasya śrīḥ sarvatomukhī || 31 ||
[Analyze grammar]

vilepanena saṃpūrṇaṃ śaṃkhaṃ kṛtvā tu māṃ bhajet |
tadā me paramā prītirbhavedvai śatavārṣikī || 32 ||
[Analyze grammar]

śaṃkhe kṛtvā tu pānīyaṃ sapuṣpaṃ sajalākṣatam |
arghyaṃ dadāti yo māṃ vai tasya puṇyamanaṃtakam || 33 ||
[Analyze grammar]

arghyaṃ kṛtvā svayaṃ śaṃkhe yaḥ karoti pradakṣiṇām |
pradakṣiṇīkṛtā tena saptadvīpā vasuṃdharā || 34 ||
[Analyze grammar]

bhrāmayitvā ca me mūrdhni maṃdiraṃ śaṃkhavāriṇā |
prokṣayedvaiṣṇavo yastu nāśubhaṃ tadgrahe bhavet || 35 ||
[Analyze grammar]

nādhayo na klamastasya nārakaṃ na bhayaṃ kvacit |
yasya pādodakaṃ śaṃkhe kṛtaṃ mūrdhānamālabhet || 36 ||
[Analyze grammar]

grahā rakṣāṃsi kūṣmāṃḍapiśācoragadānavāḥ |
dṛṣṭvā śaṃkhodakaṃ mūrdhni vidravaṃti diśo daśa || 37 ||
[Analyze grammar]

vāditraninadairuccairgītamaṃgalaniḥsvanaiḥ |
yaḥ snāpayati māṃ bhaktyā jīvanmukto bhaveddhi saḥ || 38 ||
[Analyze grammar]

iti śrīskāṃde mahāpurāṇa ekāśītisāhasryāṃ sahitāyāṃ dvitīye vaiṣṇavakhaṇḍe brahmaviṣṇusaṃvāde mārgaśīrṣamāhātmye śaṃkhapūjanaphalakathanaṃnāma paṃcamo'dhyāyaḥ || 5 ||
[Analyze grammar]