Chapter 2

[English text for this chapter is available]

lomaśa uvāca |
ekadā tu tadā tena yajñaḥ prāraṃbhito mahān |
tatrāhūtāstadā sarve dīkṣitena tapasvinā || 1 ||
[Analyze grammar]

ṛṣayo vividhāstatra vaśiṣṭhādyāḥ samāgatāḥ |
agastyaḥ kaśyapo'triśca vāmadevastathā bhṛguḥ || 2 ||
[Analyze grammar]

dadhīco bhagavānvyāso bharadvājo'tha gautamaḥ |
ete cānye ca bahavaḥ samājagmurmaharṣayaḥ || 3 ||
[Analyze grammar]

tathā sarve suragaṇā lokapālastathā'pare vidyādharāśca gaṃdharvāḥ kiṃnarāpsarasāṃ gaṇāḥ || 4 ||
[Analyze grammar]

saptalokātsamānīto brahmā lokapitāmahaḥ |
vaikuṃṭhācca tathā viṣṇuḥ samānīto maravaṃ prati || 5 ||
[Analyze grammar]

devendro hi samānīta iṃdrāṇyā saha suprabhaḥ |
tathā caṃdro hi rohiṇyā varuṇaḥ priyayayā saha || 6 ||
[Analyze grammar]

kuberaḥ puṣpakārūḍho mṛgā'rūḍho'tha mārutaḥ |
bastā'rūḍhaḥ pāvakaśca pretā'rūḍho'tha nirṛti || 7 ||
[Analyze grammar]

ete sarve samāyātā yajñavāṭe dvijanmanaḥ |
te sarve satkṛtāstena dakṣeṇa ca durātmanā || 8 ||
[Analyze grammar]

bhavanāni mahārhāṇi suprabhāṇi mahāṃti ca |
tvaṣṭrā kṛtāni divyāni kauśalyena mahātmanā || 9 ||
[Analyze grammar]

teṣu sarveṣu dhiṣṇyeṣu yathājoṣaṃ samāsthitāḥ || 10 ||
[Analyze grammar]

varttamāne mahāyajñe tīrthe kanakhale tathā |
ṛtvijaśca kṛtāstena bhṛgvādyāśca tapodhanāḥ || 11 ||
[Analyze grammar]

dīkṣāyuktastadā dakṣaḥ kṛtakautukamaṃgalaḥ |
bhāryayā sahito vipraiḥ kṛtasvatyayano bhṛśam || 12 ||
[Analyze grammar]

reje mahattvena tadā suhṛdbhiḥ paritaḥ sadā |
etasminnaṃtare tatra dadhīcirvākyamabravīt || 13 ||
[Analyze grammar]

dadhīciruvāca |
ete sureśā ṛṣayo mahattarāḥ salokapālāśca samāgatāstava |
tathā'pi yajñastu na śobhate bhṛśaṃpinākinā tena mahātmanā vinā || 14 ||
[Analyze grammar]

yenaiva sarvāṇyapi maṃgalāni jātāni śaṃsaṃti mahāvipaścitaḥ |
so'sau na dṛṣṭo'tra pumānpurāṇo vṛṣadhvajo nīlakaṇṭhaḥ kapardī || 15 ||
[Analyze grammar]

amaṃgalānyeva ca maṃgalāni bhavaṃti yenādhikṛtāni dakṣa |
triyaṃbakenātha sumaṃgalāni bhavaṃti sadyohyapamaṃgalāni || 16 ||
[Analyze grammar]

tasmāttvayaiva kartavyamāhvānaṃ parameṣṭhinā |
tvaritaṃ caiva śakreṇa viṣṇunā prabhaviṣṇunā || 17 ||
[Analyze grammar]

sarvaireva hi gaṃtavyaṃ yatra devo maheśvaraḥ || 18 ||
[Analyze grammar]

dākṣāyaṇyā sametaṃ tamānayadhvaṃ tvarānvitāḥ |
tena sarvaṃ pavitraṃ syācchaṃbhunā yoginā bhṛśam || 19 ||
[Analyze grammar]

yasya smṛtyā ca nāmoktyā samagraṃ sukṛtaṃ bhavet |
tasmātsarvaprayatnena samāneyo vṛṣadhvajaḥ || 20 ||
[Analyze grammar]

tasya tadvacanaṃ śrutvā prahasannāha duṣṭadhīḥ |
mūlaṃ viṣṇurhi devānāṃ yatra dharmaḥ sanātanaḥ || 21 ||
[Analyze grammar]

yasminvedāśca yajñāśca karmāṇivividhāni ca |
pratiṣṭhitāni sarvāṇi so'sau viṣṇurihāgataḥ || 22 ||
[Analyze grammar]

satyalokātsamāyāto brahmā lokapitāmahaḥ |
vedaiścopaniṣadbhiśca āgamairvividhaiḥ saha || 23 ||
[Analyze grammar]

tathā suragaṇaiḥ sākamāgataḥ surarāṭ svayam |
tathā yūyaṃ samāyātā ṛṣayo vītakalmaṣāḥ || 24 ||
[Analyze grammar]

yeye yajñocitāḥ śāṃtāstete sarve samāgatāḥ |
vedavedārthatattvajñāḥ sarve yūyaṃ dṛḍhavratāḥ || 25 ||
[Analyze grammar]

atraiva ca kimasmākaṃ rudreṇāpi prayojanam |
kanyā dattā mayā viprā brahmaṇā noditena hi || 26 ||
[Analyze grammar]

akulīno hyasau viprā naṣṭo naṣṭapriyaḥ sadā |
bhūtapretapiśācānāṃ patireko duratyayaḥ || 27 ||
[Analyze grammar]

ātmasaṃbhāvito mūḍhaḥstabdho maunī samatsaraḥ |
karmaṇyasminnayogyo'sau nānīto hi mayā'dhunā || 28 ||
[Analyze grammar]

tasmāttvayā na vaktavyaṃ punarevaṃ vacodvija |
sarvairbhavadbhiḥ kartavyo yajño me saphalo mahān || 29 ||
[Analyze grammar]

etacchrutvā vacastasya dadhīcirvākyamabravīt || 30 ||
[Analyze grammar]

dadhīciruvāca |
sarveṣāmṛṣivaryāṇāṃ surāṇāṃ bhāvitātmanām |
anayo'yaṃ mahāñjāto vinā tena mahātmanā || 31 ||
[Analyze grammar]

vināśo'pi mahānsadyohyatratyānāṃ bhaviṣyati |
evamuktvā dadhīco'sāveka eva vinirgataḥ || 32 ||
[Analyze grammar]

yajñavāṭācca dakṣasya tvaritaḥ svāśramaṃ yayau |
munau vinirgate dakṣaḥ prahasannidamabravīt || 33 ||
[Analyze grammar]

gataḥ śivapriyo vīro dadhīcirnāma nāmataḥ |
āviṣṭacittā maṃdāśca mithyāvādaratāḥ khalāḥ || 34 ||
[Analyze grammar]

vedabāhya durācārāstyājyāste hyatra karmaṇi |
vedavādaratā yūyaṃ sarve viṣṇupurogamāḥ || 35 ||
[Analyze grammar]

yajñaṃ me saphalaṃ viprāḥ kurvaṃtu hyacirādiva |
tadā te devayajanaṃ cakruḥ sarve saharṣayaḥ || 36 ||
[Analyze grammar]

etasminnaṃtare tatra parvate gaṃdhamādane |
dhārāgṛhe vimānena sakhībhiḥ parivāritā || 37 ||
[Analyze grammar]

dākṣāyaṇī mahādevī cakāra vividhāstadā |
krīḍā vimānamadhyastā kandukādyāḥ sahasraśaḥ || 38 ||
[Analyze grammar]

krīḍāsaktā tadā devī dadarśātha mahāsatī |
yajñaṃ prayāṃtaṃ somaṃ ca rohiṇyā sahitaṃ prabhum || 39 ||
[Analyze grammar]

kva gamiṣyati caṃdro'yaṃ vijaye pṛccha satvaram |
tayoktā vijayā devī taṃ papraccha yathocitam || 40 ||
[Analyze grammar]

kathitaṃ tena tatsarvaṃ dakṣasyaiva makhādikam |
tacchrutvā tvaritā devī vijayā jātasaṃbhramā |
kathayāmāsa tatsarvaṃ yaduktaṃ śaśinā bhṛśam || 41 ||
[Analyze grammar]

vimṛśya kāraṇaṃ devī kimāhvānaṃ karoti na |
dakṣaḥ pitā me mātā ca vismṛtā māṃ kuto'dhunā || 42 ||
[Analyze grammar]

pṛcchāmi śaṃkaraṃ cādya kāraṇaṃ kṛtaniścayā |
sthāpayitvā sakhīstatra āgatā śaṃkaraṃ prati || 43 ||
[Analyze grammar]

dadarśataṃ sabhāmadhye trilocanamavasthitam |
gaṇaiḥ parivṛtaṃ sarvaiścaṃḍamuṃḍādibhistadā || 44 ||
[Analyze grammar]

bāṇo bhṛṃgistathā naṃdī śailādo hi mahātapāḥ |
mahākālo mahācaṃḍo mahāmuṃḍo mahāśirāḥ || 45 ||
[Analyze grammar]

dhūmrākṣo dhūmraketuśca dhūmrapādastathaiva ca |
ete cānye ca bahavo gaṇā rudrānuvartinaḥ || 46 ||
[Analyze grammar]

kecidbhayānakā raudrāḥ kabaṃdhāśca tathā pare |
vilocanāśca kecicca vakṣohīnāstathā pare || 47 ||
[Analyze grammar]

evaṃbhūtāśca śataśaḥ sarve te kṛttivāsasaḥ |
jaṭākalāpasaṃbhūṣāḥ sarve rudrākṣabhūṣaṇāḥ || 48 ||
[Analyze grammar]

jiteṃdriyā vītarāgāḥ sarve viṣayavairiṇaḥ |
ebhiḥ sarvaiḥ parivṛtaḥ śaṃkaro lokaśaṃkaraḥ |
dṛṣṭastayā upāviṣṭa āsane parāmādbhute || 49 ||
[Analyze grammar]

ākṣiptacittā sahasā jagāma śivasaṃnidhim |
śivena sthāpitā svāṃke prītiyuktena vallabhā || 50 ||
[Analyze grammar]

premṇoditā vacobhiḥ sā bahumānapuraḥsaram |
kimāgamanakāryaṃme vada śīghraṃ sumadhyame || 51 ||
[Analyze grammar]

evamuktā tadā tena uvācāsitalocanā || 52 ||
[Analyze grammar]

satyuvāca |
piturmama mahāyajñe kasmāttava na rocate |
gamanaṃ devadevaśa tatsarvaṃ kathaya prabho || 53 ||
[Analyze grammar]

suhṛdāmeṣa vai dharmaḥ suhṛdbhiḥ saha saṃgatim |
kurvaṃti yanmahādeva suhṛdāṃ prītivardhinīm || 54 ||
[Analyze grammar]

tasamātsarvaprayatnena anāhūto'pi gaccha bhoḥ |
yajñavāṭaṃ piturme'dya vacanānme sadāśiva || 55 ||
[Analyze grammar]

tasyāstadvacanaṃ śrutvā ba bhāṣe sūnṛtaṃ vacaḥ |
tvayā bhadre na gaṃtavyaṃ dakṣasya yajanaṃ prati || 56 ||
[Analyze grammar]

tasya ye māninaḥ sarve sasurāsukiṃnarāḥ |
te sreva yajanaṃ prāptāḥ pitustava na saṃśayaḥ || 57 ||
[Analyze grammar]

anāhūtāśca ye subhru gacchaṃti paramandiram |
apamānaṃ prāpnuvanti maraṇādadhikaṃ tataḥ || 58 ||
[Analyze grammar]

pareṣāṃ maṃdiraṃ prāpta iṃdropi laghutāṃ vrajet |
tasmāttvāyā na gaṃtavyaṃ dakṣasya yajanaṃ śubhe || 59 ||
[Analyze grammar]

evamuktā satī tena maheśena mahātmanā |
uvāca roṣasaṃyuktaṃ vākyaṃ vākyavidāṃ varā || 60 ||
[Analyze grammar]

yajño hi satyaṃ loke tvaṃ sa tvaṃ devavareśvara |
anāhūto'si tenādya pitrā me dṛṣṭacāriṇā |
tatsarvaṃ jñātumicchāmi tasya bhāvaṃ durātmanaḥ || 61 ||
[Analyze grammar]

tasmāccādyaiva gacchāmi yajñavāḍaṃ piturmmama |
anujñāṃ dehi me nātha devadeva jagatpate || 62 ||
[Analyze grammar]

ityukto bhagavānrudrastayā devyā śivaḥ svayam |
vijñātākhiladṛgdraṣṭā bhagavānbhūtabhāvanaḥ || 63 ||
[Analyze grammar]

sa tāmuvāca deveśo maheśaḥ sarvasiddhidaḥ |
gaccha devi tvarāyuktā vacanānmama suvrate || 64 ||
[Analyze grammar]

etaṃ naṃdinamāruhya nānāvidhagaṇānvitā |
gaṇāḥ ṣaṣṭisahasrāṇi jagmūraudrāḥ śivajñayā || 65 ||
[Analyze grammar]

tairgaṇaiḥ saṃvṛtā devī jagāma pitṛmaṃdiram |
nirīkṣya tadbalaṃ sarvaṃ mahādevotivismitaḥ || 66 ||
[Analyze grammar]

bhūṣaṇāni mahārhāṇi tebhyo devyai paraṃtapaḥ |
preṣayāmāsa cāvyagro mahādevo'nu pṛṣṭhataḥ || 67 ||
[Analyze grammar]

devyā gataṃ vai svapiturgṛhaṃ tadā vimṛśya sarvaṃ bhagavānmaheśaḥ |
dākṣāyaṇī pitravamānitā satī na yāsyatīti svapuraṃ punarjagau || 68 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kedārakhaṃḍe dakṣayajñaṃ prati satīdevyāgamanavarṇanaṃnāma dvitīyo'dhyāyaḥ || 2 ||
[Analyze grammar]