Chapter 21

[English text for this chapter is available]

vāyuruvāca |
tatastridaśamukhyāste viṣṇuśakrapurogamāḥ |
sarve bhayaparitrastādudruvurbhayavihvalāḥ || 1 ||
[Analyze grammar]

nijairadūṣitairaṃgairdṛṣṭvā devānupadrutān |
daṃḍyānadaṃḍitānmatvā cukopa gaṇapuṃgavaḥ || 2 ||
[Analyze grammar]

tatastriśūlamādāya śarvaśaktinibarhaṇam |
ūrdhvadṛṣṭirmahābāhurmukhājjvālāḥ samutsṛjan || 3 ||
[Analyze grammar]

amarānapi dudrāva dviradāniva kesarī |
tānabhidravatastasya gamanaṃ sumanoharam || 4 ||
[Analyze grammar]

vārāṇasyeva mattasya jagāma prekṣaṇīyatām |
tatastatkṣobhayāmāsa mahatsurabalaṃ balī || 5 ||
[Analyze grammar]

mahāsarovaraṃ yadvanmatto vāraṇayūthapaḥ |
vikurvanbahudhāvarṇānnīlapāṃḍuralohitān || 6 ||
[Analyze grammar]

vibhradvyāghrājinaṃ vāso hemapravaratārakam |
chindanbhindannuda 1 lindandārayanpramathannapi || 7 ||
[Analyze grammar]

vyacaraddevasaṃgheṣu bhadro 'gniriva kakṣagaḥ |
tatra tatra mahāvegāccaraṃtaṃ śūladhāriṇam || 8 ||
[Analyze grammar]

tamekaṃ tridaśāḥ sarve sahasramiva menire |
bhadrakālī ca saṃkruddhā yuddhavṛddhamadoddhatā || 9 ||
[Analyze grammar]

muktajvālena śūlena nirbibheda raṇe surān |
sa tayā ruruce bhadro rudrakopasamudbhavaḥ || 10 ||
[Analyze grammar]

prabhayeva yugāṃtāgniścalayā dhūmadhūmrayā |
bhadrakālī tadāyuddhe vidrutatridaśābabhau || 11 ||
[Analyze grammar]

kalpe śeṣānalajvālādagdhāviśvajagadyathā |
tadā savājinaṃ sūryaṃ rudrānrudragaṇāgraṇīḥ || 12 ||
[Analyze grammar]

bhadro mūrdhni jaghānāśu vāmapādena līlayā |
asibhiḥ pāvakaṃ bhadraḥ paṭṭiśaistu yamaṃ yamī || 13 ||
[Analyze grammar]

rudrāndṛḍhena śūlena mudgarairvaruṇaṃ dṛḍhaiḥ |
parighairnirṛtiṃ vāyuṃ ṭaṃkaiṣṭaṃkadharaḥ svayam || 14 ||
[Analyze grammar]

nirbibheda raṇe vīro līlayaiva gaṇeśvaraḥ |
sarvāndevagaṇānsadyo munīñchaṃbhorvirodhinaḥ || 15 ||
[Analyze grammar]

tato devaḥ sarasvatyā nāsikāgraṃ suśobhanam |
ciccheda karajāgreṇa devamātustathaiva ca || 16 ||
[Analyze grammar]

ciccheda ca kuṭhāreṇa bāhudaṃḍaṃ vibhāvasoḥ |
agrato dvyaṃgulāṃ jihvāṃ māturdevyā lulāva ca || 17 ||
[Analyze grammar]

svāhādevyāstathā devo dakṣiṇaṃ nāsikāpuṭam |
cakarta karajāgreṇa vāmaṃ ca stanacūcukam || 18 ||
[Analyze grammar]

bhagasya vipule netre śatapatrasamaprabhe |
prasahyotpāṭayāmāsa bhadraḥ paramavegavān || 19 ||
[Analyze grammar]

pūṣṇo daśanarekhāṃ ca dīptāṃ muktāvalīmiva |
jaghāna dhanuṣaḥ koṭyā sa tenāspaṣṭavāgabhūt || 20 ||
[Analyze grammar]

tataścaṃdramasaṃ devaḥ pādāṃguṣṭhena līlayā |
kṣaṇaṃ kṛmivadākramya gharṣayāmāsa bhūtale || 21 ||
[Analyze grammar]

śiraściccheda dakṣasya bhadraḥ paramakopataḥ |
krośaṃtyāmeva vairiṇyāṃ bhadrakālyai dadau ca tat || 22 ||
[Analyze grammar]

tatprahṛṣṭā samādāya śirastālaphalopamam |
sā devī kaṃḍukakrīḍāṃ cakāra samarāṃgaṇe || 23 ||
[Analyze grammar]

tato dakṣasya yajñastrī kuśīlā bhartṛbhiryathā |
pādābhyāṃ caiva hastābhyāṃ hanyate sma gaṇeśvaraiḥ || 24 ||
[Analyze grammar]

ariṣṭanemine somaṃ dharmaṃ caiva prajāpatim |
bahuputraṃ cāṃgirasaṃ kṛśāśvaṃ kaśyapaṃ tathā || 25 ||
[Analyze grammar]

gale pragṛhya balino gaṇapāḥ siṃhavikramāḥ |
bhartsayaṃto bhṛśaṃ vāgbhirnirjaghnurmūrdhni muṣṭibhiḥ || 26 ||
[Analyze grammar]

dharṣitā bhūtavetālairdārāssutaparigrahāḥ |
yathā kaliyuge jārairbalena kulayoṣitaḥ || 27 ||
[Analyze grammar]

tacca vidhvastakalaśaṃ bhagnayūpaṃ gatotsavam |
pradīpitamahāśālaṃ prabhinnadvāratoraṇam || 28 ||
[Analyze grammar]

utpāṭitasurānīkaṃ hanyamānaṃ tapodhanam |
praśāntabrahmanirghoṣaṃ prakṣīṇajanasaṃcayam || 29 ||
[Analyze grammar]

krandamānāturastrīkaṃ hatāśeṣaparicchadam |
śūnyāraṇyanibhaṃ jajñe yajñavāṭaṃ tadārditam || 30 ||
[Analyze grammar]

śūlavegaprarugṇāśca bhinnabāhūruvakṣasaḥ |
vinikṛttottamāṃgāśca petururvyāṃ surottamāḥ || 31 ||
[Analyze grammar]

hateṣu teṣu deveṣu patiteṣuḥ sahasraśaḥ |
praviveśa gaṇeśānaḥ kṣaṇādāhavanīyakam || 32 ||
[Analyze grammar]

praviṣṭamatha taṃ dṛṣṭvā bhadraṃ kālāgnisaṃnibham |
dudrāva maraṇādbhīto yajño mṛgavapurdharaḥ || 33 ||
[Analyze grammar]

sa visphārya mahaccāpaṃ dṛḍhajyāghoṣaṇabhīṣaṇam |
bhadrastamabhidudrāva vikṣipanneva sāyakān || 34 ||
[Analyze grammar]

ākarṇapūrṇamākṛṣṭaṃ dhanurambudasaṃnibham |
nādayāmāsa ca jyāṃ dyāṃ khaṃ ca bhūmiṃ ca sarvaśaḥ || 35 ||
[Analyze grammar]

tamupaśritya sannādaṃ hato 'smītyeva vihvalam |
śaraṇārdhena vakreṇa sa vīro 'dhvarapūruṣam || 36 ||
[Analyze grammar]

mahābhayaskhalatpādaṃ vepantaṃ vigatatviṣam |
mṛgarūpeṇa dhāvantaṃ viśiraskaṃ tadākarot || 37 ||
[Analyze grammar]

tamīdṛśamavajñātaṃ dṛṣṭvā vai sūryasaṃbhavam |
viṣṇuḥ paramasaṃkruddho yuddhāyābhavadudyataḥ || 38 ||
[Analyze grammar]

tamuvāha mahāvegātskandhena natasaṃdhinā |
sarveṣāṃ vayasāṃ rājā garuḍaḥ pannagāśanaḥ || 39 ||
[Analyze grammar]

devāśca hataśiṣṭā ye devarājapurogamāḥ |
pracakrustasya sāhāyyaṃ prāṇāṃstyaktumivodyatāḥ || 40 ||
[Analyze grammar]

viṣṇunā sahitāndevānmṛgendraḥ kroṣṭukāniva |
dṛṣṭvā jahāsa bhūtendro mṛgendra iva vivyathaḥ || 41 ||
[Analyze grammar]