Chapter 16

[English text for this chapter is available]

brahmovāca |
śabdādīni ca bhūtāni paṃcīkṛtvāhamātmanā |
tebhyaḥ sthūlaṃ nabho vāyuṃ vahniṃ caiva jalaṃ mahīm || 1 ||
[Analyze grammar]

parvatāṃśca samudrāṃśca vṛkṣādīnapi nārada |
kalādiyugaparyetānkālānanyānavāsṛjam || 2 ||
[Analyze grammar]

sṛṣṭyaṃtānaparāṃścāpi nāhaṃ tuṣṭo'bhava nmune |
tato dhyātvā śivaṃ sāmbaṃ sādhakānasṛjaṃ mune || 3 ||
[Analyze grammar]

marīciṃ ca svanetrābhyāṃ hṛdayādbhṛgumeva ca |
śiraso'girasaṃ vyānātpulahaṃ munisattamam || 4 ||
[Analyze grammar]

udānācca pulastyaṃ hi vasiṣṭhañca samānataḥ |
kratuṃ tvapānācchrotrābhyāmatriṃ dakṣaṃ ca prāṇataḥ || 5 ||
[Analyze grammar]

asṛjaṃ tvāṃ tadotsaṃgācchāyāyāḥ kardamaṃ munim |
saṃkalpādasṛjaṃ dharmaṃ sarvasādhanasādhanam || 6 ||
[Analyze grammar]

evametānahaṃ sṛṣṭvā kṛtārthassādhakottamān |
abhavaṃ muniśārdūla mahādevaprasādataḥ || 7 ||
[Analyze grammar]

tato madājñayā tāta dharmaḥ saṃkalpasaṃbhavaḥ |
mānavaṃ rūpamāpannassādhakaistu pravartitaḥ || 8 ||
[Analyze grammar]

tato'sṛjaṃ svagātrebhyo vividhebhyo'mitānsutān |
surāsurādikāṃstebhyo dattvā tāṃ tāṃ tanuṃ mune || 9 ||
[Analyze grammar]

tato'haṃ śaṃkareṇātha preritoṃ'targatena ha |
dvidhā kṛtvātmano dehaṃ dvirūpaścābhavaṃ mune || 10 ||
[Analyze grammar]

arddhena nārī puruṣaścārddhena saṃtato mune |
sa tasyāmasṛjaddvaṃdvaṃ sarvasādhanamuttamam || 11 ||
[Analyze grammar]

svāyaṃbhuvo manustatra puruṣaḥ parasādhanam |
śatarūpābhidhā nārī yoginī sā tapasvinī || 12 ||
[Analyze grammar]

sā punarmanunā tena gṛhītātīva śobhanā |
vivāhavidhinā tātā'sṛjatsargaṃ samaithunam || 13 ||
[Analyze grammar]

tasyāṃ tena samutpannastanayaśca priyavrataḥ |
tathaivottānapādaśca tathā kanyātrayaṃ punaḥ || 14 ||
[Analyze grammar]

ākūtirdevahūtiśca prasūtiriti viśrutāḥ |
ākūtiṃ rucaye prādātkardamāya tu madhyamām || 15 ||
[Analyze grammar]

dadau prasūtiṃ dakṣāyottānapādānujāṃ sutāḥ |
tāsāṃ prasūtiprasavaissarvaṃ vyāptaṃ carācaram || 16 ||
[Analyze grammar]

ākūtyāṃ ca ruceścābhūdvaṃdvaṃ yajñaśca dakṣiṇā |
yajñasya jajñire putrā dakṣiṇāyāṃ ca dvādaśa || 17 ||
[Analyze grammar]

devahūtyāṃ kardamācca bahvyo jātāssutā mune |
daśājjātāścatasraśca tathā putryaśca viṃśatiḥ || 18 ||
[Analyze grammar]

dharmāya dattā dakṣeṇa śraddhādyāstu trayodaśa |
śṛṇu tāsāṃ ca nāmāni dharmastrīṇāṃ munīśvara || 19 ||
[Analyze grammar]

śraddhā lakṣmīrdhṛtistuṣṭiḥ puṣṭirmedhā tathā kriyā |
vasuḥrbuddhi lajjā śāṃtiḥ siddhiḥ kīrtistrayodaśa || 20 ||
[Analyze grammar]

tābhyāṃ śiṣṭā yavīyasya ekādaśa sulocanāḥ |
khyātissatpathasaṃbhūtiḥ smṛtiḥ prītiḥ kṣamā tathā || 21 ||
[Analyze grammar]

sannatiścānurūpā ca ūrjā svāhā svadhā tathā |
bhṛgurbhavo marīciśca tathā caivāṃgirā muniḥ || 22 ||
[Analyze grammar]

pulastyaḥ pulahaścaiva kratuścarṣivarastathā |
atrirvāsiṣṭho vahniśca pitaraśca yathākramam || 23 ||
[Analyze grammar]

khyātāstā jagṛhuḥ kanyā bhṛgvādyāssādhakā varāḥ |
tatassaṃpūritaṃ sarvaṃ trailokyaṃ sacarācaram || 24 ||
[Analyze grammar]

evaṃ karmānurūpeṇa praṇināmaṃbikāpate |
ājñayā bahavo jātā asaṃkhyātā dvijarṣabhāḥ || 25 ||
[Analyze grammar]

kalpabhedena dakṣasya ṣaṣṭiḥ kanyāḥ prakīrtitāḥ |
tāsāṃ daśa ca dharmāya śaśine saptaviṃśatim || 26 ||
[Analyze grammar]

vidhinā dattavāndakṣaḥ kaśyapāya trayodaśa |
catasraḥ pararūpāya dadau tārkṣyāya nārada || 27 ||
[Analyze grammar]

bhṛgvaṃgiraḥ kṛśāśvebhyo dve dve kanye ca dattavān |
tābhyastebhyastu saṃjātā bahvī sṛṣṭiścarācarā || 28 ||
[Analyze grammar]

trayodaśamitāstasmai kaśyapāya mahātmane |
dattā dakṣeṇa yāḥ kanyā vidhivanmunisattama || 29 ||
[Analyze grammar]

tāsāṃ prasūtibhirvyāptaṃ trailokyaṃ sacarācaram |
sthāvaraṃ jaṃgamaṃ caiva śūnya naiva tu kiṃcana || 30 ||
[Analyze grammar]

devāśca ṛṣayaścaiva daityāścaiva prajajñire |
vṛkṣāśca pakṣiṇaścaiva sarve parvatavīrudhaḥ || 31 ||
[Analyze grammar]

dakṣakanyāprasūtaiśca vyāptamevaṃ carācaram |
pātālatalamārabhya satyalokāvadhi dhruvam || 32 ||
[Analyze grammar]

brahmāṃḍaṃ sakalaṃ vyāptaṃ śūnyaṃ naiva kadācana |
evaṃ sṛṣṭiḥ kṛtā samyagbrahmaṇā śaṃbhuśāsanāt || 33 ||
[Analyze grammar]

satī nāma triśūlāgre sadā rudreṇa rakṣitā |
taporthaṃ nirmitā pūrvaṃ śaṃbhunā sarvaviṣṇunā || 34 ||
[Analyze grammar]

saiva dakṣātsamudbhūtā lokakāryārthameva ca |
līlāṃ cakāra bahuśo bhaktoddharaṇahetave || 35 ||
[Analyze grammar]

vāmāṃgo yasya vaikuṃṭho dakṣiṇāṃgo'hameva ca |
rudro hṛdayajo yasya trividhastu śivaḥ smṛtaḥ || 36 ||
[Analyze grammar]

ahaṃ viṣṇuśca rudraśca guṇāstraya udāhṛtāḥ |
svayaṃ sadā nirguṇaśca parabrahmāvyayaśśivaḥ || 37 ||
[Analyze grammar]

viṣṇussattvaṃ rajo'haṃ ca tamo rudra udāhṛtaḥ |
lokācārata ityevaṃ nāmato vastuto'nyathā || 38 ||
[Analyze grammar]

aṃtastamo bahissattvo viṣṇūrudrastathā mataḥ |
aṃtassattvastamobāhyo rajohaṃ sarvethā mune || 39 ||
[Analyze grammar]

rājasī ca surā devī sattvarūpāttu sā satī |
lakṣmīstamomayī jñeyā virūpā ca śivā parā || 40 ||
[Analyze grammar]

evaṃ śivā satī bhūtvā śaṃkareṇa vivāhitā |
pituryajñe tanuṃ tyaktvā nādāttāṃ svapadaṃ yayau || 41 ||
[Analyze grammar]

punaśca pārvatī jātā devaprārthanayā śivā |
tapaḥ kṛtvā suvipulaṃ punaśśivamupāgatā || 42 ||
[Analyze grammar]

tasyā nāmānyanekāni jātāni ca munīśvara |
kālikā caṃḍikā bhadrā cāmuṃḍā vijayā jayā || 43 ||
[Analyze grammar]

jayaṃtī bhadrakālī ca durgā bhagavatīti ca |
kāmākhyā kāmadā hyambā mṛḍānī sarvamaṃgalā || 44 ||
[Analyze grammar]

nāmadheyānyanekāni bhuktimuktipradāni ca |
guṇakarmānurūpāṇi prāyaśastatra pārvatī || 45 ||
[Analyze grammar]

guṇamayyastathā devyo devā guṇamayāstrayaḥ |
militvā vividhaṃ sṛṣṭeścakruste kāryamuttamam || 46 ||
[Analyze grammar]

evaṃ sṛṣṭiprakāraste varṇito munisattama |
śivājñayā viracito brahmāṃḍasya mayā'khilaḥ || 47 ||
[Analyze grammar]

paraṃ brahma śivaḥ proktastasya rūpāstrayaḥ surāḥ |
ahaṃ viṣṇuśca rudraśca guṇabhedānurūpataḥ || 48 ||
[Analyze grammar]

śivayā ramate svairaṃ śivaloke manorame |
svataṃtraḥ paramātmā hi nirguṇassaguṇo'pi vai || 49 ||
[Analyze grammar]

tasya pūrṇavatāro hiṃ rudrassākṣācchivaḥ smṛtaḥ |
kailāse bhavanaṃ ramyaṃ paṃcavaktraścakāra ha |
brahmāṃḍasya tathā nāśe tasya nāśosti vai na hi || 50 ||
[Analyze grammar]