Chapter 63

[English text for this chapter is available]

sukarmovāca |
tayoścāpi dvijaśreṣṭha mātāpitrośca snātayoḥ |
putrasyāpi hi sarvāṃge pataṃtyaṃbukaṇā yadā || 1 ||
[Analyze grammar]

sarvatīrthasamaṃ snānaṃ putrasyāpi sujāyate |
patitaṃ vikalaṃ vṛddhamaśaktaṃ sarvakarmasu || 2 ||
[Analyze grammar]

vyādhitaṃ kuṣṭhinaṃ tātaṃ mātaraṃ ca tathāvidhām |
upācarati yaḥ putrastasya puṇyaṃ vadāmyaham || 3 ||
[Analyze grammar]

viṣṇustasya prasannātmā jāyate nātra saṃśayaḥ |
prayāti vaiṣṇavaṃ lokaṃ yadaprāpyaṃ hi yogibhiḥ || 4 ||
[Analyze grammar]

pitarau vikalau dīnau vṛddhāvetau gurū sutaḥ |
mahāgadena saṃprāptau parityajati pāpadhīḥ || 5 ||
[Analyze grammar]

putro narakamāpnoti dāruṇaṃ kṛmisaṃkulam |
vṛddhābhyāṃ ca samāhūto gurūbhyāmiha sāṃpratam || 6 ||
[Analyze grammar]

na prayāti suto bhūtvā tasya pāpaṃ vadāmyaham |
viṣṭhāśī jāyate mūḍho grāmaghroṇī na saṃśayaḥ || 7 ||
[Analyze grammar]

yāvajjanmasahasraṃ tu punaḥ śvā cābhijāyate |
putragehesthitau vṛddhau mātā ca janakastathā || 8 ||
[Analyze grammar]

abhojayitvā tāvannaṃ svayamatti ca yaḥ sutaḥ |
mūtraṃ viṣṭhāṃ sa bhuṃjīta yāvajjanmasahasrakam || 9 ||
[Analyze grammar]

kṛṣṇasarpo bhavetpāpī yāvajjanmaśatadvayam |
mātaraṃpitaraṃ vṛddhamavajñāya pravarttate || 10 ||
[Analyze grammar]

grāhopi jāyate duṣṭo janmakoṭiśatairapi |
tāvetau kutsate putraḥ kaṭukairvacanairapi || 11 ||
[Analyze grammar]

sa ca pāpī bhavedvyāghraḥ paścādṛkṣaḥ prajāyate |
mātaraṃpitaraṃ putro yo na manyeta duṣṭadhīḥ || 12 ||
[Analyze grammar]

kuṃbhīpāke vasettāvadyāvadyugasahasrakam |
nāsti mātṛsamaṃ tīrthaṃ putrāṇāṃ ca pituḥ samam || 13 ||
[Analyze grammar]

tāraṇāya hitāyaiva ihaiva ca paratra ca |
tasmādahaṃ mahāprājña pitṛdevaṃ prapūjaye || 14 ||
[Analyze grammar]

mātṛdevaṃ sarvadeva yogayogī tathābhavam |
mātṛpitṛprasādena saṃjātaṃ jñānamuttamam || 15 ||
[Analyze grammar]

trilokīyaṃ samastā tu saṃyātā mama vaśyatām |
arvācīnagatiṃ jāne devasyāsya mahātmanaḥ || 16 ||
[Analyze grammar]

vāsudevasya tasyaiva parācīnāṃ mahāmate |
sarvaṃ jñānaṃ samudbhūtaṃ pitṛmātṛprasādataḥ || 17 ||
[Analyze grammar]

ko na pūjayate vidvānpitaraṃ mātaraṃ tathā |
sāṃgopāṃgairadhītaistaiḥ śrutiśāstrasamanvitaiḥ || 18 ||
[Analyze grammar]

vedairapi ca kiṃ viprā pitā yena na pūjitaḥ |
mātā na pūjitā yena tasya vedā nirarthakāḥ || 19 ||
[Analyze grammar]

yajñaiśca tapasā vipra kiṃ dānaiḥ kiṃ ca pūjanaiḥ |
prayāti tasya vaiphalyaṃ na mātā yena pūjitā || 20 ||
[Analyze grammar]

na pitā pūjito yena jīvamāno gṛhe sthitaḥ |
eṣa putrasya vai dharmastathā tīrthaṃ nareṣviha || 21 ||
[Analyze grammar]

eṣa putrasya vai mokṣastathā janmaphalaṃ śubham |
eṣa putrasya vai yajño dānameva na saṃśayaḥ || 22 ||
[Analyze grammar]

pitaraṃ pūjayennityaṃ bhaktyā bhāvena tatparaḥ |
tasya jātaṃ samastaṃ tadyaduktaṃ pūrvameva hi || 23 ||
[Analyze grammar]

dānasyāpi phalaṃ tena tīrthasyāpi na saṃśayaḥ |
yajñasyāpi phalaṃ prāptaṃ mātā yenāpyupāsitā || 24 ||
[Analyze grammar]

pitā yena subhaktyā ca nityamevāpyupāsitaḥ |
tasya sarvā susaṃsiddhā yajñādyāḥ puṇyadāḥ kriyāḥ || 25 ||
[Analyze grammar]

etadarthaṃ samājñātaṃ dharmaśāstraṃ śrutaṃ mayā |
pitṛbhaktiparo nityaṃ bhavetputro hi pippala || 26 ||
[Analyze grammar]

tuṣṭe pitari saṃprāptaṃ yadurājñā purā sukham |
ruṣṭe pitari ca prāptaṃ mahatpāpaṃ purā śṛṇu || 27 ||
[Analyze grammar]

ruruṇā pauraveṇāpi pitrā śaptena bhūtale |
evaṃ jñānaṃ mayā cāptaṃ dvāvetau yadupāsitau || 28 ||
[Analyze grammar]

etayośca prasādena prāptaṃ phalamanuttamam || 29 ||
[Analyze grammar]

iti śrīpadmapurāṇe bhūmikhaṃḍe venopākhyāne mātāpitṛtīrthamāhātmye triṣaṣṭitamo'dhyāyaḥ || 63 ||
[Analyze grammar]