Chapter 46

[English text for this chapter is available]

ṣaṭcatvāriṃśo'dhyāyaḥ |
sukalovāca |
śvasaṃtīṃ śūkarīṃ dṛṣṭvā patitāṃ putravatsalām |
sudevāvakṛpayāviṣṭā gatvā tāṃ duḥkhitāṃ prati || 1 ||
[Analyze grammar]

abhiṣicya mukhaṃ tasyāḥ śītalenodakena ca |
punaḥ sarvāṃgamevāpi duḥkhitāṃ raṇaśālinīm || 2 ||
[Analyze grammar]

puṇyena śītatoyena sā uvācābhiṣiṃcatīm |
uvāca mānuṣīṃ vācaṃ susvaraṃ nṛpatipriyām || 3 ||
[Analyze grammar]

sukhaṃ bhavatu te devi abhiṣiktā tvayā yadi |
saṃparkāddarśanāttedya gato me pāpasaṃcayaḥ || 4 ||
[Analyze grammar]

tadākarṇya mahadvākyamadbhutākārasaṃyutam |
citrametanmayā dṛṣṭaṃ kṛtaṃ te'nāmayaṃ vacaḥ || 5 ||
[Analyze grammar]

paśujātimatīceyaṃ sauṣṭhavaṃ bhāṣate sphuṭam |
svaravyaṃjanasaṃpannaṃ saṃskṛtamuttamaṃ mama || 6 ||
[Analyze grammar]

harṣeṇa vismayenāpi kṛtvā sāhasamuttamam |
tatrasthā sā mahābhāgā taṃ patiṃ vākyamabravīt || 7 ||
[Analyze grammar]

paśya rājannapūrveyaṃ saṃskṛtaṃ bhāṣate mahat |
paśuyonigatā ceyaṃ yathā vai mānuṣo vadet || 8 ||
[Analyze grammar]

tadākarṇya tato rājā sarvajñānavatāṃ varaḥ |
adbhutamadbhutākāraṃ yanna dṛṣṭaṃ śrutaṃ mayā || 9 ||
[Analyze grammar]

tāmuvāca tato rājā sudevāṃ supriyāṃ tadā |
pṛccha caināṃ śubhāṃ kāṃte kā ceyaṃ tu bhaviṣyati || 10 ||
[Analyze grammar]

śrutvā tu nṛpatervākyaṃ sā papraccha ca sūkarīm |
kā bhaviṣyasi tvaṃ bhadre citraṃ te dṛśyate bahu || 11 ||
[Analyze grammar]

paśuyonigatā tvaṃ vai bhāṣase mānuṣaṃ vacaḥ |
sauṣṭhavaṃ jñānasaṃpannaṃ vada me pūrvaceṣṭitam || 12 ||
[Analyze grammar]

bhartuścāpi mahārāja bhaṭasyāsya mahātmanaḥ |
koyaṃ dharmo mahāvīryo gataḥ svargaṃ parākramaiḥ || 13 ||
[Analyze grammar]

ātmanaśca svabhartuśca sarvaṃ pūrvānugaṃ vada |
evamuktvā mahābhāgā virarāma nṛpapriyā || 14 ||
[Analyze grammar]

śūkaryuvāca |
yadi pṛcchasi māṃ bhadre mamāsya ca mahātmanaḥ |
tatsarvaṃ te pravakṣyāmi caritaṃ pūrvaceṣṭitam || 15 ||
[Analyze grammar]

ayameṣa mahāprājño gaṃdharvo gītapaṃḍitaḥ |
raṃgavidyādharo nāma sarvaśāstrārthakovidaḥ || 16 ||
[Analyze grammar]

meruṃ girivaraśreṣṭhaṃ cārukaṃdaranirjharam |
tamāśritya mahātejāḥ pulastyo munisattamaḥ || 17 ||
[Analyze grammar]

tapaścacāra tejasvī nirvyalīkena cetasā |
vidyādharastatra gataḥ svecchayā sa mahāprabho || 18 ||
[Analyze grammar]

tamāśritya giriśreṣṭhaṃ gītamabhyasate tadā |
svaratālasamopetaṃ susvaraṃ cāruhāsini || 19 ||
[Analyze grammar]

gītaṃ śrutvā munistasya dhyānāccalitamānasaḥ |
gāyaṃtaṃ tamuvācedaṃ gītavidyādharaṃ prati || 20 ||
[Analyze grammar]

bhavadgītena divyena devā muhyaṃti nānyathā |
susvareṇa supuṇyena tālamānena paṃḍita || 21 ||
[Analyze grammar]

layayuktena bhāvena mūrcchanā sahitena ca |
me manaścalitaṃ dhyānādgītenānena suvrata || 22 ||
[Analyze grammar]

idaṃ sthānaṃ parityajya anyasthānaṃ vrajasva tat |
gītavidyādhara uvāca |
ātmajñānasamaṃ gītamanyasthānaṃ vrajāmi kim || 23 ||
[Analyze grammar]

duḥkhaṃ dade na kasyāpi sukhado nṛṣu sarvadā |
gītenānena divyena sarvāstuṣyaṃti devatāḥ || 24 ||
[Analyze grammar]

śaṃbhuścāpi samānīto gītadhvanirato dvija |
gītaṃ sarvarasaṃ proktaṃ gītamānaṃdadāyakam || 25 ||
[Analyze grammar]

śṛṃgārādyārasāḥ sarve gītenāpi pratiṣṭhitāḥ |
śobhāmāyāṃti gītena vedāścatvāra uttamāḥ || 26 ||
[Analyze grammar]

gītena devatāḥ sarvāstoṣamāyāṃti nānyathā |
tadevaṃ nindase gītaṃ māmevaṃ paricālayeḥ || 27 ||
[Analyze grammar]

anyāyo'yaṃ mahābhāga tavaiva iha dṛśyate |
pulastya uvāca |
satyamuktaṃ tvayādyaiva gītārthaṃ bahupuṇyadam || 28 ||
[Analyze grammar]

śṛṇu tvaṃ māmakaṃ vākyaṃ mānaṃ tyaja mahāmate |
nāhaṃ gītaṃ prakutsāmi gītaṃ vaṃdāmi nānyathā || 29 ||
[Analyze grammar]

vidyāścaturdaśaivaitā ekībhāvena bhāvadāḥ |
prāṇināṃ siddhimāyāṃti manasā niścalena ca || 30 ||
[Analyze grammar]

tapaśca tadvanmaṃtrāśca susiddhyaṃtyekaciṃtayā |
hṛṣīkāṇāṃ mahāvargaścapalo mama saṃmataḥ || 31 ||
[Analyze grammar]

viṣayeṣveva sarveṣu nayatyātmānamuccakaiḥ |
cālayitvā manastasmāddhyānādeva na saṃśayaḥ || 32 ||
[Analyze grammar]

yatra śabdaṃ na rūpaṃ ca yuvatī naiva tiṣṭhati |
munayastatra gacchaṃti tapaḥsiddhyarthameva hi || 33 ||
[Analyze grammar]

ayaṃ gītaḥ pavitraste bahusaukhyapradāyakaḥ |
na paśyema vayaṃ vīra tiṣṭhāmo vanasaṃsthitāḥ || 34 ||
[Analyze grammar]

anyatsthānaṃ prayāhi tvaṃ novā vayaṃ vrajāmahe |
gītavidhādhara uvāca |
iṃdriyāṇāṃ balaṃ vargaṃ jitaṃ yena mahātmanā || 35 ||
[Analyze grammar]

sa jayī kathyate yogī sa ca vīraḥ sasādhakaḥ |
śabdaṃ śrutvātha vā dṛṣṭvā rūpamevaṃ mahāmate || 36 ||
[Analyze grammar]

calate naiva yo dhyānātsa dhīrastapasādhakaḥ |
bhavāṃstu tejasā hīna iṃdriyairvijito yataḥ || 37 ||
[Analyze grammar]

svargepi nāsti sāmarthyaṃ mama gītasya dharṣaṇe |
varjayaṃti vanaṃ sarve hīnavīryā na saṃśayaḥ || 38 ||
[Analyze grammar]

ayaṃ sādhāraṇo vipra vanadeśo na saṃśayaḥ |
devānāṃ sarvajīvānāṃ yathā mama tathā tava || 39 ||
[Analyze grammar]

kathaṃ gacchāmyahaṃ tyaktvā vanamevamanuttamam |
yūyaṃ gacchaṃtu tiṣṭhaṃtu yadbhavyaṃ tattu nānyathā || 40 ||
[Analyze grammar]

evamābhāṣya taṃ vipraṃ gītavidyādharastadā |
samākarṇya tatastena muninā tasya uttaram || 41 ||
[Analyze grammar]

ciṃtayāmāsa medhāvī kiṃ kṛtvā sukṛtaṃ bhavet |
kṣamāṃ kṛtvā jagāmātha anyatsthānaṃ dvijottamaḥ || 42 ||
[Analyze grammar]

tapaścacāra dharmātmā yogāsanagataḥ sadā |
kāmaṃ krodhaṃ parityajya mohaṃ lobhaṃ tathaiva ca || 43 ||
[Analyze grammar]

sarvendriyāṇi saṃyamya manasā samameva ca |
evaṃ sthitastadā yogī pulastyo munisattamaḥ || 44 ||
[Analyze grammar]

sukalovāca |
gate tasminmahābhāge pulastye munipuṃgave |
kālādiṣṭena tenāpi gītavidyādhareṇa ca || 45 ||
[Analyze grammar]

ciṃtitaṃ suciraṃ kālaṃ na dṛṣṭoyaṃ bhayānmama |
kva gatastiṣṭhate vāpi kurute kiṃ kathaṃ ca saḥ || 46 ||
[Analyze grammar]

jñātvā padmātmajasutamekāṃtavanaśālinam |
gato varāharūpeṇa tasyāśramamanuttamam || 47 ||
[Analyze grammar]

āsanasthaṃ mahātmānaṃ tejojvālāsamāvilam |
dṛṣṭvā cakāra vai kṣobhaṃ tasya viprasya bhāmini || 48 ||
[Analyze grammar]

dharṣayenniyataṃ vipraṃ tuṃḍāgreṇa kuceṣṭayā |
paśuṃ jñātvā mahārāja kṣamate tasya duṣkṛtam || 49 ||
[Analyze grammar]

mūtrayetpurataḥ kṛtvā viṣṭhāṃ ca kurute tataḥ |
nṛtyate krīḍate tatra patati proccaletpunaḥ || 50 ||
[Analyze grammar]

paśuṃ jñātvā parityakto muninā tena bhūpate |
ekadā tu tathāyāte tena rūpeṇa vai punaḥ || 51 ||
[Analyze grammar]

aṭṭāṭṭahāsena punarhāsyamevaṃ kṛtaṃ tadā |
rodanaṃ ca kṛtaṃ tatra gītaṃ gāyati susvaram || 52 ||
[Analyze grammar]

tathā tamāgataṃ vipro gītavidyādharaṃ nṛpa |
ceṣṭitaṃ tasya vai dṛṣṭvā ghoṇireṣa bhavennahi || 53 ||
[Analyze grammar]

jñātvā tasya tu vṛttāṃtaṃ māmevaṃ paricālayet |
paśuṃ jñātvā mayā tyakto duṣṭa eṣa sunirghṛṇaḥ || 54 ||
[Analyze grammar]

evaṃ jñātvā mahātmānaṃ gaṃdharvādhamameva hi |
cukopa muniśārdūlastaṃ śaśāpa mahāmatiḥ || 55 ||
[Analyze grammar]

yasmācchūkararūpeṇa māmevaṃ paricālayeḥ |
tasmādvraja mahāpāpa pāpayoniṃ tu śaukarīm || 56 ||
[Analyze grammar]

śaptastenāpi vipreṇa gato devaṃ puraṃdaram |
tamuvāca mahātmānaṃ kaṃpamāno varānane || 57 ||
[Analyze grammar]

śṛṇu vākyaṃ sahasrākṣa tava kāryaṃ kṛtaṃ mayā |
tapa eva hi kurvansandāruṇaṃ munipuṃgavaḥ || 58 ||
[Analyze grammar]

tasmāttapaḥprabhāvāttu cālitaḥ kṣobhito mayā |
śaptastenāsmi vipreṇa devarūpaṃ praṇāśitam || 59 ||
[Analyze grammar]

paśuyoniṃ gataṃ śakra māmevaṃ parirakṣaya |
jñātvā tasya sa vṛttāṃtaṃ gītavidyādharasya ca || 60 ||
[Analyze grammar]

tena sārdhaṃgataśceṃdrastaṃ muniṃ paryabhāṣata |
dīyatāmanugraho nātha siddhijñosi dvijottama || 61 ||
[Analyze grammar]

kṣamyatāṃ munivaryāsminkriyatāṃ śāpamokṣaṇam |
iti saṃprārthito vipro maheṃdreṇāha hṛṣṭadhīḥ || 62 ||
[Analyze grammar]

pulastya uvāca |
vacanāttava deveśa kṣaṃtavyaṃ ca mayāpi hi |
bhaviṣyati mahārāja manuputro mahābalaḥ || 63 ||
[Analyze grammar]

ikṣvākurnāma dharmātmā sarvadharmānupālakaḥ |
tasya hastādyadā mṛtyurasyaiva ca bhaviṣyati || 64 ||
[Analyze grammar]

tadaiṣa vai svakaṃ dehaṃ prāpsyate nātra saṃśayaḥ |
etatte sarvavṛttāṃtaṃ śūkarasya niveditam || 65 ||
[Analyze grammar]

ātmanaśca pravakṣyāmi patyā sārdhaṃ śṛṇuṣva hi |
mayā ca pātakaṃ ghoraṃ kṛtaṃ yatpāpayā purā || 66 ||
[Analyze grammar]

iti śrīpadmapurāṇe bhūmikhaṃḍe venopākhyāne sukalācaritre |
ṣaṭcatvāriṃśo'dhyāyaḥ || 46 ||
[Analyze grammar]