Chapter 213

paramārthamayatvavarṇanaṃ nāma sargaḥ |
trayodaśottaradviśatatamaḥ sargaḥ |
vasiṣṭhaḥ |
sarvatra sarvadā sarvaṃ sarvathā vyomni cinmaye |
sādhu sambhavati svacchaṃ śūnyatvaṃ kha ivākhile || 1 ||
[Analyze grammar]

yatra vittatra sargaśrīravyomni vyomni cāsti vit |
cinmayatvātpadārthānāṃ sarveṣāṃ nāstyavitkvacit || 2 ||
[Analyze grammar]

padārthajātaṃ śailādi yathā svapne purādi vā |
cidevaikaṃ paraṃ vyoma tathā jāgratpadārthabhūḥ || 3 ||
[Analyze grammar]

pāṣāṇākhyānamatredaṃ śṛṇu śrutirasāyanam |
pūrvaṃ mayaiva yaddṛṣṭaṃ citraṃ prakṛtameva vā || 4 ||
[Analyze grammar]

ahaṃ viditavedyatvātkadācitpūrṇamānasaḥ |
tyaktumicchurimaṃ lokaṃ vyavahāraghanabhramam || 5 ||
[Analyze grammar]

dhyānaikaniṣṭhatāmetya śanairviśrāntaye ciram |
tyaktājavañjavībhāva ekāntārthī śamaṃ vrajan || 6 ||
[Analyze grammar]

idaṃ cintitavānasmi kasmiṃścidamarālaye |
saṃsthito vividhāḥ paśyanbhaṅgurā jāgatīrgatīḥ || 7 ||
[Analyze grammar]

virasā khalviyaṃ lokasthitirāpātasundarī |
na jātu sukhadā manye kasyacitkenacitkvacit || 8 ||
[Analyze grammar]

udvegaṃ janayantyantastīvrasaṃvegakhedataḥ |
imā dṛśyadṛśo draṣṭuriṣṭāniṣṭaphalapradāḥ || 9 ||
[Analyze grammar]

kimidaṃ dṛśyate kiṃ vā prekṣyate ko'hameva vā |
sarvaṃ śāntamajaṃ vyoma cinmātrātma niriṅganam || 10 ||
[Analyze grammar]

tasmātsamastasiddhendradevadaityādidurgamam |
supradeśamito gatvā saṅgopyātmānamātmanā || 11 ||
[Analyze grammar]

adṛśyaḥ sarvabhūtānāṃ nirvikalpasamādhigaḥ |
same svacche pade śānte āse vigatavedanam || 12 ||
[Analyze grammar]

tasmātko nu pradeśaḥ syādatyantaṃ śūnyatāṃ gataḥ |
yatraitā nānubhūyante pañcabāhyārthavedanāḥ || 13 ||
[Analyze grammar]

śabdakānanavāryabdabhūtā dhyāninamākulāḥ |
kṣobhayantyapyasaṅkṣubdhāstasmānme girayo'rayaḥ || 14 ||
[Analyze grammar]

nānāvidhā nagendrāṇāmantarā valitā janaiḥ |
deśā viṣamayā eva niśśeṣā viṣayāhibhiḥ || 15 ||
[Analyze grammar]

janairjalacarairvyāptāḥ sāgarāgārakukṣayaḥ |
vividhārambhasaṃrabdhairnagarāṇīva nāgaraiḥ || 16 ||
[Analyze grammar]

taṭānyadryamburāśīnāṃ lokapālapurāṇi ca |
bhūtākulāni śṛṅgāṇi pātālakuharāṇi ca || 17 ||
[Analyze grammar]

gāyantyanilaśītkārairnṛtyanti latikākaraiḥ |
puṣpairhasantyagendrāṇāṃ guhā gahanakoṭarāḥ || 18 ||
[Analyze grammar]

maunimīnamunisparśakampinālacalāmbujāḥ |
sarasyo virasā eva vāryāvartavirāvitāḥ || 19 ||
[Analyze grammar]

pavanaspandasaṅkṣubdhatṛṇapāṃsupatākinī |
raṭatyanilabhāṅkārairnirjanorvyapyasaṃyatā || 20 ||
[Analyze grammar]

tasmādākāśamāśūnyaṃ kasmiṃściddūrakoṇake |
atra tiṣṭhāmyavaṣṭabhya yogayuktimaninditām || 21 ||
[Analyze grammar]

kasmiṃścidekakoṇe'tra kṛtvā kalpanayā kuṭīm |
vajrodaradṛḍhāṃ tasyāmantastiṣṭhāmyavāsanam || 22 ||
[Analyze grammar]

iti sañcintya yāto'hamākāśamasinirmalam |
yāvattadapi paśyāmi sakalaṃ vitatāntaram || 23 ||
[Analyze grammar]

kvacidbhramatsiddhagaṇaṃ kvacidudgarjadambudam |
kvacidvidyādharadharaṃ yakṣotkṣiptakṣayaṃ kvacit || 24 ||
[Analyze grammar]

kvacitbhramatpuravaraṃ prārabdhasamaraṃ kvacit |
kvaciddravajjaladharaṃ kvacidunnṛttayogini || 25 ||
[Analyze grammar]

kvaciddaityapuroḍḍīnaṃ sagandharvapuraṃ kvacit |
kvacidbhramadgrahagaṇaṃ tārakākulitaṃ kvacit || 26 ||
[Analyze grammar]

kvacitkhakhagasaṅghuṣṭaṃ kvacitkṣubdhamahānilam |
kvacidutpātavalitaṃ kvacinmaṅgalamaṇḍitam || 27 ||
[Analyze grammar]

kvaciccāpūrvabhūtaughaṃ nāgaiścāgopitaṃ kvacit |
kvacidarkarathākrāntaṃ kvacidarkarathoddhuram || 28 ||
[Analyze grammar]

kvacidādityadāhārtaṃ śaśiśaityānvitaṃ kvacit |
kvacitkṣudrajanāsahyaṃ kvacidagnyauṣṇyadurgamam || 29 ||
[Analyze grammar]

kvaciduttālavetālaṃ garuḍoḍḍāmaraṃ kvacit |
kvacitsapralayāmbhodaṃ kvacitsapralayānilam || 30 ||
[Analyze grammar]

tato bhūtagaṇāṃstyaktvā dūrāddūrataraṃ gataḥ |
prāptavānahamekāntaṃ śūnyamatyantavistṛtam || 31 ||
[Analyze grammar]

atyantamandapavanaṃ svapne'pyaprāptabhūtakam |
maṅgalotpātarahitamagamyaṃ siddhasantateḥ || 32 ||
[Analyze grammar]

kalpitātha mayā tatra kuṭī prakaṭakoṭarā |
nīrandhrakuḍyanibiḍā padmakuṭmalasundarī || 33 ||
[Analyze grammar]

ghuṇakṣuṇṇāṅgapūrṇendubimbodaramanoharā |
kalhārakundamandārapuṣpaśrīkośaśobhitā || 34 ||
[Analyze grammar]

samagrabhūtāgamyatvaṃ tatra saṅkalpya cetasā |
agamye sarvabhūtānāmahamāsaṃ tadā tataḥ || 35 ||
[Analyze grammar]

baddhapadmāsanaśśāntamanāḥ paramamaunavān |
saṃvatsaraśatāntena nirṇīyotthānamātmanaḥ || 36 ||
[Analyze grammar]

nirvikalpasamādhistho nidrāmudrāmivāgataḥ |
samaḥ somyo nabhassvacchaḥ samutkīrṇa ivāmbarāt || 37 ||
[Analyze grammar]

śuddhaṃ yadanusandhatte cetaḥ paśyati tatkṣaṇāt |
cireṇa vā śāpavaravyaktivadvitataṃ yadā || 38 ||
[Analyze grammar]

tadā varṣaśatenātra bodhabījaṃ dhṛtāṅkuram |
āsīnme hṛdayakṣetre kālasekavikāsataḥ || 39 ||
[Analyze grammar]

samprabuddho'bhavanme'tha jīvo sambuddhavedanaḥ |
śiśirakṣīṇagātrasya madhāviva rasastaroḥ || 40 ||
[Analyze grammar]

tacchataṃ tatra varṣāṇāṃ nimeṣa iva me gatam |
bahvyo'pi kālagatayo bhavantyekadhiyāṃ manāk || 41 ||
[Analyze grammar]

vikāsamāgato bāhyaṃ tato buddhīndriyakramaḥ |
vāsantaḥ puṣparūpeṇa drumasyeva raso mama || 42 ||
[Analyze grammar]

māṃ prāṇapūritamupāgatasaṃvidaṃśamabhyāgatastvahamiti prasṛtaḥ piśācaḥ |
icchāṅganāvivalito'tha kuto'pi sadma pronnāmasannamanavāyurivāgravṛkṣam || 43 ||
[Analyze grammar]