Chapter 18

līlopākhyāne sadehādeharāṣṭravarṇanaṃ nāma sargaḥ |
aṣṭādaśaḥ sargaḥ |
vasiṣṭhaḥ |
itthaṃ vinodayāmīdaṃ duḥkhitaṃ cittamityalam |
bodhayitveṅgitairbhūpānāsthānādutthitātha sā || 1 ||
[Analyze grammar]

praviśyāntaḥpuraṃ bhartuḥ pārśve'ntaḥpuramaṇḍape |
viveśa puṣpaguptasya cintayāmāsa ceti sā || 2 ||
[Analyze grammar]

aho vicitrā māyeyamete'smatpuramānavāḥ |
bahirantaścidādarśe tatra ceha ca saṃsthitāḥ || 3 ||
[Analyze grammar]

tālītamālahintālamālitā girayo'pyamī |
yathā tatra tathehāpi bata māyeyamātatā || 4 ||
[Analyze grammar]

ādarśe bahirantaśca yathā śailo'nubhūyate |
bahirantaścidādarśe tathā sargo'nubhūyate || 5 ||
[Analyze grammar]

atra bhrāntimayaḥ sargaḥ kaḥ syātkaḥ pāramārthikaḥ |
iti pṛcchāmi vāgīśīmabhyarcyottamasaṃśayam || 6 ||
[Analyze grammar]

iti niścitya tāṃ devīṃ pūjayāmāsa sā tadā |
dadarśa ca puraḥ prāptāṃ kumārīrūpadhāriṇīm || 7 ||
[Analyze grammar]

bhadrāsanagatāṃ devīmupaviśya purogatā |
paramārthamahāśaktiṃ līlāpṛcchadbhuvi sthitā || 8 ||
[Analyze grammar]

līlā |
anukampyasya no devi bhajantyudvegamuttamāḥ |
tvayaiva kila sargādau sthāpiteti purāsthitiḥ || 9 ||
[Analyze grammar]

tadiyaṃ yatpurā prahvā pṛcchāmi parameśvari |
tvaṃ brūhi tvatkṛto nūnaṃ saphalo me'styanugrahaḥ || 10 ||
[Analyze grammar]

devī |
astyādarśo jagannāmnaḥ khādapyadhikanirmalaḥ |
yasya yojanakoṭīnāṃ koṭayo'vayavo manāk || 11 ||
[Analyze grammar]

nissandhibandho'bhighano mṛdurmasṛṇaśītalaḥ |
acetyaciditi khyāto nāmnā nirbhittiragrahaḥ || 12 ||
[Analyze grammar]

dikkālakalanākāśaprakāśaniyatikramāḥ |
yatreme pratibimbanti parāṃ parimitiṃ gatāḥ || 13 ||
[Analyze grammar]

trijagatpratibimbaśrīrbahirantaśca saṃsthitā |
[līlā:] tatrāmba kṛtrimā kā syātkāsau vā syādakṛtrimā || 14 ||
[Analyze grammar]

devī |
akṛtrimatvaṃ sargasya kīdṛśaṃ vada sundari |
kīdṛśaṃ kṛtrimatvaṃ syād yathāvatkathayeti me || 15 ||
[Analyze grammar]

līlā |
yathāhamiha tiṣṭhāmi tvaṃ ca devi sthitāmbike |
asāvakṛtrimaḥ sarga iti deveśi vedmyaham || 16 ||
[Analyze grammar]

yatrādhunā sa bhartā me sthitaḥ sargaḥ sa kṛtrimaḥ |
ahaṃ manye yataśśūnyo deśakālādyapūrakaḥ || 17 ||
[Analyze grammar]

devī |
kṛtrimo'kṛtrimātsargo na kadācana jāyate |
na hi kāraṇataḥ kāryamudetyasadṛśaṃ kvacit || 18 ||
[Analyze grammar]

līlā |
dṛśyate kāraṇātkāryaṃ suvilakṣaṇamambike |
ambvādātumaśaktā mṛdghaṭastajjastadāspadam || 19 ||
[Analyze grammar]

devī |
sampadyate hi yatkāryaṃ kāraṇaiḥ sahakāribhiḥ |
mukhyakāraṇavaicitryaṃ kiñcittasyāvalokyate || 20 ||
[Analyze grammar]

na ca tvadbhartṛsargasya kiñcitpṛthvyādi kāraṇam |
na bhūmaṇḍalato bhūmirjātā tatra varānane || 21 ||
[Analyze grammar]

gatā cidita uḍḍīya kutaḥ syādihabhūtalam |
sahakārīṇi kānyeva kāraṇānyatra kāraṇam || 22 ||
[Analyze grammar]

kāraṇānāmabhāve'pi yadeti sahakāriṇām |
tatpūrvakāraṇānnānyatsarveṇetyanubhūyate || 23 ||
[Analyze grammar]

līlā |
smṛtiḥ sā devi madbhartustathā sphāratvamāgatā |
smṛteśca kāraṇaṃ vedmi sargo'yamiti niścayaḥ || 24 ||
[Analyze grammar]

devī |
smṛtirākāśarūpaiva yathā tajjastathaiva te |
bhartṛsargo'nubhūto hi sa khameva tathābale || 25 ||
[Analyze grammar]

līlā |
smṛtyākāśamayaḥ sargo yathā bharturmamoditaḥ |
tathaivemamahaṃ manye sa sargo'tra nidarśanam || 26 ||
[Analyze grammar]

devī |
evametadasatsargo bhartuste bhāti bhāsuraḥ |
tathaivāyamihābhāti paśyāmyetadahaṃ sute || 27 ||
[Analyze grammar]

līlā |
yathā patyuramūrto'smātsargātsargo bhramātmakaḥ |
jātastathāyaṃ vada me jagatkuḍyanivṛttaye || 28 ||
[Analyze grammar]

devī |
prāksmṛtirbhrāntimātrātmā sargo'yamudito yathā |
svapnabhramātmako bhāti tathedaṃ kathyate śṛṇu || 29 ||
[Analyze grammar]

asti kaściccidākāśe kvacitsaṃsāramaṇḍapaḥ |
ākāśakācadalavacchādanācchādanākṛtiḥ || 30 ||
[Analyze grammar]

merustambhasthalokeśapuraśrīsālabhañjikaḥ |
caturdaśāpavarakastrigarto bhānudīpakaḥ || 31 ||
[Analyze grammar]

koṇasthabhūtavalmīkavyāptaparvataloṣṭakaḥ |
anekaputrajaraḍhaprajeśabrāhmaṇāspadam || 32 ||
[Analyze grammar]

ṛkṣaughakośakārāḍhyavyomordhvatalakālimā |
nabhonivāsisiddhaughamaṣakāhitaghuṅghumaḥ || 33 ||
[Analyze grammar]

payodagṛhadhūmograjālāvalitakoṇakaḥ |
vātamārgamahāvaṃśasthitavaimānikakrimiḥ || 34 ||
[Analyze grammar]

surāsurādidurbālalīlākalakalākulaḥ |
lokāntarapuragrāmabhāṇḍopaskaranirbharaḥ || 35 ||
[Analyze grammar]

saritsroto'bdhisarasījalokṣitamahītalaḥ |
pātālabhūtalasvargābhogabhāsurakoṭaraḥ || 36 ||
[Analyze grammar]

tatra kasmiṃścidekasmin koṇāpavarakodare |
śailaloṣṭatale'styeko girigrāmakagartakaḥ || 37 ||
[Analyze grammar]

asminnadīśailavanopagūḍhe sāgniḥ sadāraḥ sutavānarogaḥ |
gokṣīravān rājabhayādvimuktaḥ sarvātithirdharmaparo dvijo'bhūt || 38 ||
[Analyze grammar]