Chapter 58

śakuniruvāca |
bahu vittaṃ parājaiṣīḥ pāṇḍavānāṃ yudhiṣṭhira |
ācakṣva vittaṃ kaunteya yadi te'styaparājitam || 1 ||
[Analyze grammar]

yudhiṣṭhira uvāca |
mama vittamasaṃkhyeyaṃ yadahaṃ veda saubala |
atha tvaṃ śakune kasmādvittaṃ samanupṛcchasi || 2 ||
[Analyze grammar]

ayutaṃ prayutaṃ caiva kharvaṃ padmaṃ tathārbudam |
śaṅkhaṃ caiva nikharvaṃ ca samudraṃ cātra paṇyatām |
etanmama dhanaṃ rājaṃstena dīvyāmyahaṃ tvayā || 3 ||
[Analyze grammar]

vaiśaṃpāyana uvāca |
etacchrutvā vyavasito nikṛtiṃ samupāśritaḥ |
jitamityeva śakuniryudhiṣṭhiramabhāṣata || 4 ||
[Analyze grammar]

yudhiṣṭhira uvāca |
gavāśvaṃ bahudhenūkamasaṃkhyeyamajāvikam |
yatkiṃcidanuvarṇānāṃ prāksindhorapi saubala |
etanmama dhanaṃ rājaṃstena dīvyāmyahaṃ tvayā || 5 ||
[Analyze grammar]

vaiśaṃpāyana uvāca |
etacchrutvā vyavasito nikṛtiṃ samupāśritaḥ |
jitamityeva śakuniryudhiṣṭhiramabhāṣata || 6 ||
[Analyze grammar]

yudhiṣṭhira uvāca |
puraṃ janapado bhūmirabrāhmaṇadhanaiḥ saha |
abrāhmaṇāśca puruṣā rājañśiṣṭaṃ dhanaṃ mama |
etadrājandhanaṃ mahyaṃ tena dīvyāmyahaṃ tvayā || 7 ||
[Analyze grammar]

vaiśaṃpāyana uvāca |
etacchrutvā vyavasito nikṛtiṃ samupāśritaḥ |
jitamityeva śakuniryudhiṣṭhiramabhāṣata || 8 ||
[Analyze grammar]

yudhiṣṭhira uvāca |
rājaputrā ime rājañśobhante yena bhūṣitāḥ |
kuṇḍalāni ca niṣkāśca sarvaṃ cāṅgavibhūṣaṇam |
etanmama dhanaṃ rājaṃstena dīvyāmyahaṃ tvayā || 9 ||
[Analyze grammar]

vaiśaṃpāyana uvāca |
etacchrutvā vyavasito nikṛtiṃ samupāśritaḥ |
jitamityeva śakuniryudhiṣṭhiramabhāṣata || 10 ||
[Analyze grammar]

yudhiṣṭhira uvāca |
śyāmo yuvā lohitākṣaḥ siṃhaskandho mahābhujaḥ |
nakulo glaha eko me yaccaitatsvagataṃ dhanam || 11 ||
[Analyze grammar]

śakuniruvāca |
priyaste nakulo rājanrājaputro yudhiṣṭhira |
asmākaṃ dhanatāṃ prāpto bhūyastvaṃ kena dīvyasi || 12 ||
[Analyze grammar]

vaiśaṃpāyana uvāca |
evamuktvā tu śakunistānakṣānpratyapadyata |
jitamityeva śakuniryudhiṣṭhiramabhāṣata || 13 ||
[Analyze grammar]

yudhiṣṭhira uvāca |
ayaṃ dharmānsahadevo'nuśāsti loke hyasminpaṇḍitākhyāṃ gataśca |
anarhatā rājaputreṇa tena tvayā dīvyāmyapriyavatpriyeṇa || 14 ||
[Analyze grammar]

vaiśaṃpāyana uvāca |
etacchrutvā vyavasito nikṛtiṃ samupāśritaḥ |
jitamityeva śakuniryudhiṣṭhiramabhāṣata || 15 ||
[Analyze grammar]

śakuniruvāca |
mādrīputrau priyau rājaṃstavemau vijitau mayā |
garīyāṃsau tu te manye bhīmasenadhanaṃjayau || 16 ||
[Analyze grammar]

yudhiṣṭhira uvāca |
adharmaṃ carase nūnaṃ yo nāvekṣasi vai nayam |
yo naḥ sumanasāṃ mūḍha vibhedaṃ kartumicchasi || 17 ||
[Analyze grammar]

śakuniruvāca |
garte mattaḥ prapatati pramattaḥ sthāṇumṛcchati |
jyeṣṭho rājanvariṣṭho'si namaste bharatarṣabha || 18 ||
[Analyze grammar]

svapne na tāni paśyanti jāgrato vā yudhiṣṭhira |
kitavā yāni dīvyantaḥ pralapantyutkaṭā iva || 19 ||
[Analyze grammar]

yudhiṣṭhira uvāca |
yo naḥ saṃkhye nauriva pāranetā jetā ripūṇāṃ rājaputrastarasvī |
anarhatā lokavīreṇa tena dīvyāmyahaṃ śakune phalgunena || 20 ||
[Analyze grammar]

vaiśaṃpāyana uvāca |
etacchrutvā vyavasito nikṛtiṃ samupāśritaḥ |
jitamityeva śakuniryudhiṣṭhiramabhāṣata || 21 ||
[Analyze grammar]

śakuniruvāca |
ayaṃ mayā pāṇḍavānāṃ dhanurdharaḥ parājitaḥ pāṇḍavaḥ savyasācī |
bhīmena rājandayitena dīvya yatkaitavyaṃ pāṇḍava te'vaśiṣṭam || 22 ||
[Analyze grammar]

yudhiṣṭhira uvāca |
yo no netā yo yudhāṃ naḥ praṇetā yathā vajrī dānavaśatrurekaḥ |
tiryakprekṣī saṃhatabhrūrmahātmā siṃhaskandho yaśca sadātyamarṣī || 23 ||
[Analyze grammar]

balena tulyo yasya pumānna vidyate gadābhṛtāmagrya ihārimardanaḥ |
anarhatā rājaputreṇa tena dīvyāmyahaṃ bhīmasenena rājan || 24 ||
[Analyze grammar]

vaiśaṃpāyana uvāca |
etacchrutvā vyavasito nikṛtiṃ samupāśritaḥ |
jitamityeva śakuniryudhiṣṭhiramabhāṣata || 25 ||
[Analyze grammar]

śakuniruvāca |
bahu vittaṃ parājaiṣīrbhrātṝṃśca sahayadvipān |
ācakṣva vittaṃ kaunteya yadi te'styaparājitam || 26 ||
[Analyze grammar]

yudhiṣṭhira uvāca |
ahaṃ viśiṣṭaḥ sarveṣāṃ bhrātṝṇāṃ dayitastathā |
kuryāmaste jitāḥ karma svayamātmanyupaplave || 27 ||
[Analyze grammar]

vaiśaṃpāyana uvāca |
etacchrutvā vyavasito nikṛtiṃ samupāśritaḥ |
jitamityeva śakuniryudhiṣṭhiramabhāṣata || 28 ||
[Analyze grammar]

śakuniruvāca |
etatpāpiṣṭhamakaroryadātmānaṃ parājitaḥ |
śiṣṭe sati dhane rājanpāpa ātmaparājayaḥ || 29 ||
[Analyze grammar]

vaiśaṃpāyana uvāca |
evamuktvā matākṣastānglahe sarvānavasthitān |
parājayallokavīrānākṣepeṇa pṛthakpṛthak || 30 ||
[Analyze grammar]

śakuniruvāca |
asti vai te priyā devī glaha eko'parājitaḥ |
paṇasva kṛṣṇāṃ pāñcālīṃ tayātmānaṃ punarjaya || 31 ||
[Analyze grammar]

yudhiṣṭhira uvāca |
naiva hrasvā na mahatī nātikṛṣṇā na rohiṇī |
sarāgaraktanetrā ca tayā dīvyāmyahaṃ tvayā || 32 ||
[Analyze grammar]

śāradotpalapatrākṣyā śāradotpalagandhayā |
śāradotpalasevinyā rūpeṇa śrīsamānayā || 33 ||
[Analyze grammar]

tathaiva syādānṛśaṃsyāttathā syādrūpasaṃpadā |
tathā syācchīlasaṃpattyā yāmicchetpuruṣaḥ striyam || 34 ||
[Analyze grammar]

caramaṃ saṃviśati yā prathamaṃ pratibudhyate |
ā gopālāvipālebhyaḥ sarvaṃ veda kṛtākṛtam || 35 ||
[Analyze grammar]

ābhāti padmavadvaktraṃ sasvedaṃ mallikeva ca |
vedīmadhyā dīrghakeśī tāmrākṣī nātiromaśā || 36 ||
[Analyze grammar]

tayaivaṃvidhayā rājanpāñcālyāhaṃ sumadhyayā |
glahaṃ dīvyāmi cārvaṅgyā draupadyā hanta saubala || 37 ||
[Analyze grammar]

vaiśaṃpāyana uvāca |
evamukte tu vacane dharmarājena bhārata |
dhigdhigityeva vṛddhānāṃ sabhyānāṃ niḥsṛtā giraḥ || 38 ||
[Analyze grammar]

cukṣubhe sā sabhā rājanrājñāṃ saṃjajñire kathāḥ |
bhīṣmadroṇakṛpādīnāṃ svedaśca samajāyata || 39 ||
[Analyze grammar]

śiro gṛhītvā viduro gatasattva ivābhavat |
āste dhyāyannadhovaktro niḥśvasanpannago yathā || 40 ||
[Analyze grammar]

dhṛtarāṣṭrastu saṃhṛṣṭaḥ paryapṛcchatpunaḥ punaḥ |
kiṃ jitaṃ kiṃ jitamiti hyākāraṃ nābhyarakṣata || 41 ||
[Analyze grammar]

jaharṣa karṇo'tibhṛśaṃ saha duḥśāsanādibhiḥ |
itareṣāṃ tu sabhyānāṃ netrebhyaḥ prāpatajjalam || 42 ||
[Analyze grammar]

saubalastvavicāryaiva jitakāśī madotkaṭaḥ |
jitamityeva tānakṣānpunarevānvapadyata || 43 ||
[Analyze grammar]