Chapter 5

janamejaya uvāca |
śrutvā karṇaṃ hataṃ yuddhe putrāṃścaivāpalāyinaḥ |
narendraḥ kiṃcidāśvasto dvijaśreṣṭha kimabravīt || 1 ||
[Analyze grammar]

prāptavānparamaṃ duḥkhaṃ putravyasanajaṃ mahat |
tasminyaduktavānkāle tanmamācakṣva pṛcchataḥ || 2 ||
[Analyze grammar]

vaiśaṃpāyana uvāca |
śrutvā karṇasya nidhanamaśraddheyamivādbhutam |
bhūtasaṃmohanaṃ bhīmaṃ meroḥ paryasanaṃ yathā || 3 ||
[Analyze grammar]

cittamohamivāyuktaṃ bhārgavasya mahāmateḥ |
parājayamivendrasya dviṣadbhyo bhīmakarmaṇaḥ || 4 ||
[Analyze grammar]

divaḥ prapatanaṃ bhānorurvyāmiva mahādyuteḥ |
saṃśoṣaṇamivācintyaṃ samudrasyākṣayāmbhasaḥ || 5 ||
[Analyze grammar]

mahīviyaddigīśānāṃ sarvanāśamivādbhutam |
karmaṇoriva vaiphalyamubhayoḥ puṇyapāpayoḥ || 6 ||
[Analyze grammar]

saṃcintya nipuṇaṃ buddhyā dhṛtarāṣṭro janeśvaraḥ |
nedamastīti saṃcintya karṇasya nidhanaṃ prati || 7 ||
[Analyze grammar]

prāṇināmetadātmatvātsyādapīti vināśanam |
śokāgninā dahyamāno dhamyamāna ivāśayaḥ || 8 ||
[Analyze grammar]

vidhvastātmā śvasandīno hā hetyuktvā suduḥkhitaḥ |
vilalāpa mahārāja dhṛtarāṣṭro'mbikāsutaḥ || 9 ||
[Analyze grammar]

dhṛtarāṣṭra uvāca |
saṃjayādhiratho vīraḥ siṃhadviradavikramaḥ |
vṛṣamapratimaskandho vṛṣabhākṣagatisvanaḥ || 10 ||
[Analyze grammar]

vṛṣabho vṛṣabhasyeva yo yuddhe na nivartate |
śatrorapi mahendrasya vajrasaṃhanano yuvā || 11 ||
[Analyze grammar]

yasya jyātalaśabdena śaravṛṣṭiraveṇa ca |
rathāśvanaramātaṅgā nāvatiṣṭhanti saṃyuge || 12 ||
[Analyze grammar]

yamāśritya mahābāhuṃ dviṣatsaṃghaghnamacyutam |
duryodhano'karodvairaṃ pāṇḍuputrairmahābalaiḥ || 13 ||
[Analyze grammar]

sa kathaṃ rathināṃ śreṣṭhaḥ karṇaḥ pārthena saṃyuge |
nihataḥ puruṣavyāghraḥ prasahyāsahyavikramaḥ || 14 ||
[Analyze grammar]

yo nāmanyata vai nityamacyutaṃ na dhanaṃjayam |
na vṛṣṇīnapi tānanyānsvabāhubalamāśritaḥ || 15 ||
[Analyze grammar]

śārṅgagāṇḍīvadhanvānau sahitāvaparājitau |
ahaṃ divyādrathādekaḥ pātayiṣyāmi saṃyuge || 16 ||
[Analyze grammar]

iti yaḥ satataṃ mandamavocallobhamohitam |
duryodhanamapādīnaṃ rājyakāmukamāturam || 17 ||
[Analyze grammar]

yaścājaiṣīdatibalānamitrānapi durjayān |
gāndhārānmadrakānmatsyāṃstrigartāṃstaṅgaṇāñśakān || 18 ||
[Analyze grammar]

pāñcālāṃśca videhāṃśca kuṇindānkāśikosalān |
suhmānaṅgāṃśca puṇḍrāṃśca niṣādānvaṅgakīcakān || 19 ||
[Analyze grammar]

vatsānkaliṅgāṃstaralānaśmakānṛṣikāṃstathā |
yo jitvā samare vīraścakre balibhṛtaḥ purā || 20 ||
[Analyze grammar]

uccaiḥśravā varo'śvānāṃ rājñāṃ vaiśravaṇo varaḥ |
varo mahendro devānāṃ karṇaḥ praharatāṃ varaḥ || 21 ||
[Analyze grammar]

yaṃ labdhvā māgadho rājā sāntvamānārthagauravaiḥ |
arautsītpārthivaṃ kṣatramṛte kauravayādavān || 22 ||
[Analyze grammar]

taṃ śrutvā nihataṃ karṇaṃ dvairathe savyasācinā |
śokārṇave nimagno'hamaplavaḥ sāgare yathā || 23 ||
[Analyze grammar]

īdṛśairyadyahaṃ duḥkhairna vinaśyāmi saṃjaya |
vajrāddṛḍhataraṃ manye hṛdayaṃ mama durbhidam || 24 ||
[Analyze grammar]

jñātisaṃbandhimitrāṇāmimaṃ śrutvā parājayam |
ko madanyaḥ pumāṃlloke na jahyātsūta jīvitam || 25 ||
[Analyze grammar]

viṣamagniṃ prapātaṃ vā parvatāgrādahaṃ vṛṇe |
na hi śakṣyāmi duḥkhāni soḍhuṃ kaṣṭāni saṃjaya || 26 ||
[Analyze grammar]

saṃjaya uvāca |
śriyā kulena yaśasā tapasā ca śrutena ca |
tvāmadya santo manyante yayātimiva nāhuṣam || 27 ||
[Analyze grammar]

śrute maharṣipratimaḥ kṛtakṛtyo'si pārthiva |
paryavasthāpayātmānaṃ mā viṣāde manaḥ kṛthāḥ || 28 ||
[Analyze grammar]

dhṛtarāṣṭra uvāca |
daivameva paraṃ manye dhikpauruṣamanarthakam |
yatra rāmapratīkāśaḥ karṇo'hanyata saṃyuge || 29 ||
[Analyze grammar]

hatvā yudhiṣṭhirānīkaṃ pāñcālānāṃ rathavrajān |
pratāpya śaravarṣeṇa diśaḥ sarvā mahārathaḥ || 30 ||
[Analyze grammar]

mohayitvā raṇe pārthānvajrahasta ivāsurān |
sa kathaṃ nihataḥ śete vātarugṇa iva drumaḥ || 31 ||
[Analyze grammar]

śokasyāntaṃ na paśyāmi samudrasyeva viplukāḥ |
cintā me vardhate tīvrā mumūrṣā cāpi jāyate || 32 ||
[Analyze grammar]

karṇasya nidhanaṃ śrutvā vijayaṃ phalgunasya ca |
aśraddheyamahaṃ manye vadhaṃ karṇasya saṃjaya || 33 ||
[Analyze grammar]

vajrasāramayaṃ nūnaṃ hṛdayaṃ sudṛḍhaṃ mama |
yacchrutvā puruṣavyāghraṃ hataṃ karṇaṃ na dīryate || 34 ||
[Analyze grammar]

āyurnūnaṃ sudīrghaṃ me vihitaṃ daivataiḥ purā |
yatra karṇaṃ hataṃ śrutvā jīvāmīha suduḥkhitaḥ || 35 ||
[Analyze grammar]

dhigjīvitamidaṃ me'dya suhṛddhīnasya saṃjaya |
adya cāhaṃ daśāmetāṃ gataḥ saṃjaya garhitām |
kṛpaṇaṃ vartayiṣyāmi śocyaḥ sarvasya mandadhīḥ || 36 ||
[Analyze grammar]

ahameva purā bhūtvā sarvalokasya satkṛtaḥ |
paribhūtaḥ kathaṃ sūta punaḥ śakṣyāmi jīvitum |
duḥkhātsuduḥkhaṃ vyasanaṃ prāptavānasmi saṃjaya || 37 ||
[Analyze grammar]

tasmādbhīṣmavadhe caiva droṇasya ca mahātmanaḥ |
nātra śeṣaṃ prapaśyāmi sūtaputre hate yudhi || 38 ||
[Analyze grammar]

sa hi pāraṃ mahānāsītputrāṇāṃ mama saṃjaya |
yuddhe vinihataḥ śūro visṛjansāyakānbahūn || 39 ||
[Analyze grammar]

ko hi me jīvitenārthastamṛte puruṣarṣabham |
rathādatiratho nūnamapatatsāyakārditaḥ || 40 ||
[Analyze grammar]

parvatasyeva śikharaṃ vajrapātavidāritam |
śayīta pṛthivīṃ nūnaṃ śobhayanrudhirokṣitaḥ |
mātaṅga iva mattena mātaṅgena nipātitaḥ || 41 ||
[Analyze grammar]

yadbalaṃ dhārtarāṣṭrāṇāṃ pāṇḍavānāṃ yato bhayam |
so'rjunena hataḥ karṇaḥ pratimānaṃ dhanuṣmatām || 42 ||
[Analyze grammar]

sa hi vīro maheṣvāsaḥ putrāṇāmabhayaṃkaraḥ |
śete vinihato vīraḥ śakreṇeva yathā balaḥ || 43 ||
[Analyze grammar]

paṅgorivādhvagamanaṃ daridrasyeva kāmitam |
duryodhanasya cākūtaṃ tṛṣitasyeva piplukāḥ || 44 ||
[Analyze grammar]

anyathā cintitaṃ kāryamanyathā tattu jāyate |
aho nu balavaddaivaṃ kālaśca duratikramaḥ || 45 ||
[Analyze grammar]

palāyamānaḥ kṛpaṇaṃ dīnātmā dīnapauruṣaḥ |
kaccinna nihataḥ sūta putro duḥśāsano mama || 46 ||
[Analyze grammar]

kaccinna nīcācaritaṃ kṛtavāṃstāta saṃyuge |
kaccinna nihataḥ śūro yathā na kṣatriyā hatāḥ || 47 ||
[Analyze grammar]

yudhiṣṭhirasya vacanaṃ mā yuddhamiti sarvadā |
duryodhano nābhyagṛhṇānmūḍhaḥ pathyamivauṣadham || 48 ||
[Analyze grammar]

śaratalpe śayānena bhīṣmeṇa sumahātmanā |
pānīyaṃ yācitaḥ pārthaḥ so'vidhyanmedinītalam || 49 ||
[Analyze grammar]

jalasya dhārāṃ vihitāṃ dṛṣṭvā tāṃ pāṇḍavena ha |
abravītsa mahābāhustāta saṃśāmya pāṇḍavaiḥ || 50 ||
[Analyze grammar]

praśamāddhi bhavecchāntirmadantaṃ yuddhamastu ca |
bhrātṛbhāvena pṛthivīṃ bhuṅkṣva pāṇḍusutaiḥ saha || 51 ||
[Analyze grammar]

akurvanvacanaṃ tasya nūnaṃ śocati me sutaḥ |
tadidaṃ samanuprāptaṃ vacanaṃ dīrghadarśinaḥ || 52 ||
[Analyze grammar]

ahaṃ tu nihatāmātyo hataputraśca saṃjaya |
dyūtataḥ kṛcchramāpanno lūnapakṣa iva dvijaḥ || 53 ||
[Analyze grammar]

yathā hi śakuniṃ gṛhya chittvā pakṣau ca saṃjaya |
visarjayanti saṃhṛṣṭāḥ krīḍamānāḥ kumārakāḥ || 54 ||
[Analyze grammar]

chinnapakṣatayā tasya gamanaṃ nopapadyate |
tathāhamapi saṃprāpto lūnapakṣa iva dvijaḥ || 55 ||
[Analyze grammar]

kṣīṇaḥ sarvārthahīnaśca nirbandhurjñātivarjitaḥ |
kāṃ diśaṃ pratipatsyāmi dīnaḥ śatruvaśaṃ gataḥ || 56 ||
[Analyze grammar]

duryodhanasya vṛddhyarthaṃ pṛthivīṃ yo'jayatprabhuḥ |
sa jitaḥ pāṇḍavaiḥ śūraiḥ samarthairvīryaśālibhiḥ || 57 ||
[Analyze grammar]

tasminhate maheṣvāse karṇe yudhi kirīṭinā |
ke vīrāḥ paryavartanta tanmamācakṣva saṃjaya || 58 ||
[Analyze grammar]

kaccinnaikaḥ parityaktaḥ pāṇḍavairnihato raṇe |
uktaṃ tvayā purā vīra yathā vīrā nipātitāḥ || 59 ||
[Analyze grammar]

bhīṣmamapratiyudhyantaṃ śikhaṇḍī sāyakottamaiḥ |
pātayāmāsa samare sarvaśastrabhṛtāṃ varam || 60 ||
[Analyze grammar]

tathā draupadinā droṇo nyastasarvāyudho yudhi |
yuktayogo maheṣvāsaḥ śarairbahubhirācitaḥ |
nihataḥ khaḍgamudyamya dhṛṣṭadyumnena saṃjaya || 61 ||
[Analyze grammar]

antareṇa hatāvetau chalena ca viśeṣataḥ |
aśrauṣamahametadvai bhīṣmadroṇau nipātitau || 62 ||
[Analyze grammar]

bhīṣmadroṇau hi samare na hanyādvajrabhṛtsvayam |
nyāyena yudhyamānau hi tadvai satyaṃ bravīmi te || 63 ||
[Analyze grammar]

karṇaṃ tvasyantamastrāṇi divyāni ca bahūni ca |
kathamindropamaṃ vīraṃ mṛtyuryuddhe samaspṛśat || 64 ||
[Analyze grammar]

yasya vidyutprabhāṃ śaktiṃ divyāṃ kanakabhūṣaṇām |
prāyacchaddviṣatāṃ hantrīṃ kuṇḍalābhyāṃ puraṃdaraḥ || 65 ||
[Analyze grammar]

yasya sarpamukho divyaḥ śaraḥ kanakabhūṣaṇaḥ |
aśeta nihataḥ patrī candaneṣvarisūdanaḥ || 66 ||
[Analyze grammar]

bhīṣmadroṇamukhānvīrānyo'vamanya mahārathān |
jāmadagnyānmahāghoraṃ brāhmamastramaśikṣata || 67 ||
[Analyze grammar]

yaśca droṇamukhāndṛṣṭvā vimukhānarditāñśaraiḥ |
saubhadrasya mahābāhurvyadhamatkārmukaṃ śaraiḥ || 68 ||
[Analyze grammar]

yaśca nāgāyutaprāṇaṃ vātaraṃhasamacyutam |
virathaṃ bhrātaraṃ kṛtvā bhīmasenamupāhasat || 69 ||
[Analyze grammar]

sahadevaṃ ca nirjitya śaraiḥ saṃnataparvabhiḥ |
kṛpayā virathaṃ kṛtvā nāhanaddharmavittayā || 70 ||
[Analyze grammar]

yaśca māyāsahasrāṇi dhvaṃsayitvā raṇotkaṭam |
ghaṭotkacaṃ rākṣasendraṃ śakraśaktyābhijaghnivān || 71 ||
[Analyze grammar]

etāni divasānyasya yuddhe bhīto dhanaṃjayaḥ |
nāgamaddvairathaṃ vīraḥ sa kathaṃ nihato raṇe || 72 ||
[Analyze grammar]

rathasaṅgo na cettasya dhanurvā na vyaśīryata |
na cedastrāṇi nirṇeśuḥ sa kathaṃ nihataḥ paraiḥ || 73 ||
[Analyze grammar]

ko hi śakto raṇe karṇaṃ vidhunvānaṃ mahaddhanuḥ |
vimuñcantaṃ śarānghorāndivyānyastrāṇi cāhave |
jetuṃ puruṣaśārdūlaṃ śārdūlamiva vegitam || 74 ||
[Analyze grammar]

dhruvaṃ tasya dhanuśchinnaṃ ratho vāpi gato mahīm |
astrāṇi vā pranaṣṭāni yathā śaṃsasi me hatam |
na hyanyadanupaśyāmi kāraṇaṃ tasya nāśane || 75 ||
[Analyze grammar]

na hanyāmarjunaṃ yāvattāvatpādau na dhāvaye |
iti yasya mahāghoraṃ vratamāsīnmahātmanaḥ || 76 ||
[Analyze grammar]

yasya bhīto vane nityaṃ dharmarājo yudhiṣṭhiraḥ |
trayodaśa samā nidrāṃ na lebhe puruṣarṣabhaḥ || 77 ||
[Analyze grammar]

yasya vīryavato vīryaṃ samāśritya mahātmanaḥ |
mama putraḥ sabhāṃ bhāryāṃ pāṇḍūnāṃ nītavānbalāt || 78 ||
[Analyze grammar]

tatra cāpi sabhāmadhye pāṇḍavānāṃ ca paśyatām |
dāsabhāryeti pāñcālīmabravītkurusaṃsadi || 79 ||
[Analyze grammar]

yaśca gāṇḍīvamuktānāṃ sparśamugramacintayan |
apatirhyasi kṛṣṇeti bruvanpārthānavaikṣata || 80 ||
[Analyze grammar]

yasya nāsīdbhayaṃ pārthaiḥ saputraiḥ sajanārdanaiḥ |
svabāhubalamāśritya muhūrtamapi saṃjaya || 81 ||
[Analyze grammar]

tasya nāhaṃ vadhaṃ manye devairapi savāsavaiḥ |
pratīpamupadhāvadbhiḥ kiṃ punastāta pāṇḍavaiḥ || 82 ||
[Analyze grammar]

na hi jyāṃ spṛśamānasya talatre cāpi gṛhṇataḥ |
pumānādhiratheḥ kaścitpramukhe sthātumarhati || 83 ||
[Analyze grammar]

api syānmedinī hīnā somasūryaprabhāṃśubhiḥ |
na vadhaḥ puruṣendrasya samareṣvapalāyinaḥ || 84 ||
[Analyze grammar]

yadi mandaḥ sahāyena bhrātrā duḥśāsanena ca |
vāsudevasya durbuddhiḥ pratyākhyānamarocayat || 85 ||
[Analyze grammar]

sa nūnamṛṣabhaskandhaṃ dṛṣṭvā karṇaṃ nipātitam |
duḥśāsanaṃ ca nihataṃ manye śocati putrakaḥ || 86 ||
[Analyze grammar]

hataṃ vaikartanaṃ śrutvā dvairathe savyasācinā |
jayataḥ pāṇḍavāndṛṣṭvā kiṃ svidduryodhano'bravīt || 87 ||
[Analyze grammar]

durmarṣaṇaṃ hataṃ śrutvā vṛṣasenaṃ ca saṃyuge |
prabhagnaṃ ca balaṃ dṛṣṭvā vadhyamānaṃ mahārathaiḥ || 88 ||
[Analyze grammar]

parāṅmukhāṃstathā rājñaḥ palāyanaparāyaṇān |
vidrutānrathino dṛṣṭvā manye śocati putrakaḥ || 89 ||
[Analyze grammar]

aneyaścābhimānena bālabuddhiramarṣaṇaḥ |
hatotsāhaṃ balaṃ dṛṣṭvā kiṃ svidduryodhano'bravīt || 90 ||
[Analyze grammar]

bhrātaraṃ nihataṃ dṛṣṭvā bhīmasenena saṃyuge |
rudhiraṃ pīyamānena kiṃ svidduryodhano'bravīt || 91 ||
[Analyze grammar]

saha gāndhārarājena sabhāyāṃ yadabhāṣata |
karṇo'rjunaṃ raṇe hantā hate tasminkimabravīt || 92 ||
[Analyze grammar]

dyūtaṃ kṛtvā purā hṛṣṭo vañcayitvā ca pāṇḍavān |
śakuniḥ saubalastāta hate karṇe kimabravīt || 93 ||
[Analyze grammar]

kṛtavarmā maheṣvāsaḥ sātvatānāṃ mahārathaḥ |
karṇaṃ vinihataṃ dṛṣṭvā hārdikyaḥ kimabhāṣata || 94 ||
[Analyze grammar]

brāhmaṇāḥ kṣatriyā vaiśyā yasya śikṣāmupāsate |
dhanurvedaṃ cikīrṣanto droṇaputrasya dhīmataḥ || 95 ||
[Analyze grammar]

yuvā rūpeṇa saṃpanno darśanīyo mahāyaśāḥ |
aśvatthāmā hate karṇe kimabhāṣata saṃjaya || 96 ||
[Analyze grammar]

ācāryatvaṃ dhanurvede gataḥ paramatattvavit |
kṛpaḥ śāradvatastāta hate karṇe kimabravīt || 97 ||
[Analyze grammar]

madrarājo maheṣvāsaḥ śalyaḥ samitiśobhanaḥ |
diṣṭaṃ tena hi tatsarvaṃ yathā karṇo nipātitaḥ || 98 ||
[Analyze grammar]

ye ca kecana rājānaḥ pṛthivyāṃ yoddhumāgatāḥ |
vaikartanaṃ hataṃ dṛṣṭvā kimabhāṣanta saṃjaya || 99 ||
[Analyze grammar]

karṇe tu nihate vīre rathavyāghre nararṣabhe |
kiṃ vo mukhamanīkānāmāsītsaṃjaya bhāgaśaḥ || 100 ||
[Analyze grammar]

madrarājaḥ kathaṃ śalyo niyukto rathināṃ varaḥ |
vaikartanasya sārathye tanmamācakṣva saṃjaya || 101 ||
[Analyze grammar]

ke'rakṣandakṣiṇaṃ cakraṃ sūtaputrasya saṃyuge |
vāmaṃ cakraṃ rarakṣurvā ke vā vīrasya pṛṣṭhataḥ || 102 ||
[Analyze grammar]

ke karṇaṃ vājahuḥ śūrāḥ ke kṣudrāḥ prādravanbhayāt |
kathaṃ ca vaḥ sametānāṃ hataḥ karṇo mahārathaḥ || 103 ||
[Analyze grammar]

pāṇḍavāśca kathaṃ śūrāḥ pratyudīyurmahāratham |
sṛjantaṃ śaravarṣāṇi vāridhārā ivāmbudam || 104 ||
[Analyze grammar]

sa ca sarpamukho divyo maheṣupravarastadā |
vyarthaḥ kathaṃ samabhavattanmamācakṣva saṃjaya || 105 ||
[Analyze grammar]

māmakasyāsya sainyasya hṛtotsedhasya saṃjaya |
avaśeṣaṃ na paśyāmi kakude mṛdite sati || 106 ||
[Analyze grammar]

tau hi vīrau maheṣvāsau madarthe kurusattamau |
bhīṣmadroṇau hatau śrutvā ko nvartho jīvitena me || 107 ||
[Analyze grammar]

na mṛṣyāmi ca rādheyaṃ hatamāhavaśobhinam |
yasya bāhvorbalaṃ tulyaṃ kuñjarāṇāṃ śataṃ śatam || 108 ||
[Analyze grammar]

droṇe hate ca yadvṛttaṃ kauravāṇāṃ paraiḥ saha |
saṃgrāme naravīrāṇāṃ tanmamācakṣva saṃjaya || 109 ||
[Analyze grammar]

yathā ca karṇaḥ kaunteyaiḥ saha yuddhamayojayat |
yathā ca dviṣatāṃ hantā raṇe śāntastaducyatām || 110 ||
[Analyze grammar]