Chapter 74

saṃjaya uvāca |
parivartamāne tvāditye tatra sūryasya raśmibhiḥ |
rajasā kīryamāṇāśca mandībhūtāśca sainikāḥ || 1 ||
[Analyze grammar]

tiṣṭhatāṃ yudhyamānānāṃ punarāvartatāmapi |
bhajyatāṃ jayatāṃ caiva jagāma tadahaḥ śanaiḥ || 2 ||
[Analyze grammar]

tathā teṣu viṣakteṣu sainyeṣu jayagṛddhiṣu |
arjuno vāsudevaśca saindhavāyaiva jagmatuḥ || 3 ||
[Analyze grammar]

rathamārgapramāṇaṃ tu kaunteyo niśitaiḥ śaraiḥ |
cakāra tatra panthānaṃ yayau yena janārdanaḥ || 4 ||
[Analyze grammar]

yatra yatra ratho yāti pāṇḍavasya mahātmanaḥ |
tatra tatraiva dīryante senāstava viśāṃ pate || 5 ||
[Analyze grammar]

rathaśikṣāṃ tu dāśārho darśayāmāsa vīryavān |
uttamādhamamadhyāni maṇḍalāni vidarśayan || 6 ||
[Analyze grammar]

te tu nāmāṅkitāḥ pītāḥ kālajvalanasaṃnibhāḥ |
snāyunaddhāḥ suparvāṇaḥ pṛthavo dīrghagāminaḥ || 7 ||
[Analyze grammar]

vaiṇavāyasmayaśarāḥ svāyatā vividhānanāḥ |
rudhiraṃ patagaiḥ sārdhaṃ prāṇināṃ papurāhave || 8 ||
[Analyze grammar]

rathasthitaḥ krośamātre yānasyatyarjunaḥ śarān |
rathe krośamatikrānte tasya te ghnanti śātravān || 9 ||
[Analyze grammar]

tārkṣyamārutaraṃhobhirvājibhiḥ sādhuvāhibhiḥ |
tathāgacchaddhṛṣīkeśaḥ kṛtsnaṃ vismāpayañjagat || 10 ||
[Analyze grammar]

na tathā gacchati rathastapanasya viśāṃ pate |
nendrasya na ca rudrasya nāpi vaiśravaṇasya ca || 11 ||
[Analyze grammar]

nānyasya samare rājangatapūrvastathā rathaḥ |
yathā yayāvarjunasya manobhiprāyaśīghragaḥ || 12 ||
[Analyze grammar]

praviśya tu raṇe rājankeśavaḥ paravīrahā |
senāmadhye hayāṃstūrṇaṃ codayāmāsa bhārata || 13 ||
[Analyze grammar]

tatastasya rathaughasya madhyaṃ prāpya hayottamāḥ |
kṛcchreṇa rathamūhustaṃ kṣutpipāsāśramānvitāḥ || 14 ||
[Analyze grammar]

kṣatāśca bahubhiḥ śastrairyuddhaśauṇḍairanekaśaḥ |
maṇḍalāni vicitrāṇi viceruste muhurmuhuḥ || 15 ||
[Analyze grammar]

hatānāṃ vājināgānāṃ rathānāṃ ca naraiḥ saha |
upariṣṭādatikrāntāḥ śailābhānāṃ sahasraśaḥ || 16 ||
[Analyze grammar]

etasminnantare vīrāvāvantyau bhrātarau nṛpa |
sahasenau samārchetāṃ pāṇḍavaṃ klāntavāhanam || 17 ||
[Analyze grammar]

tāvarjunaṃ catuḥṣaṣṭyā saptatyā ca janārdanam |
śarāṇāṃ ca śatenāśvānavidhyetāṃ mudānvitau || 18 ||
[Analyze grammar]

tāvarjuno mahārāja navabhirnataparvabhiḥ |
ājaghāna raṇe kruddho marmajño marmabhedibhiḥ || 19 ||
[Analyze grammar]

tatastau tu śaraugheṇa bībhatsuṃ sahakeśavam |
ācchādayetāṃ saṃrabdhau siṃhanādaṃ ca nedatuḥ || 20 ||
[Analyze grammar]

tayostu dhanuṣī citre bhallābhyāṃ śvetavāhanaḥ |
ciccheda samare tūrṇaṃ dhvajau ca kanakojjvalau || 21 ||
[Analyze grammar]

athānye dhanuṣī rājanpragṛhya samare tadā |
pāṇḍavaṃ bhṛśasaṃkruddhāvardayāmāsatuḥ śaraiḥ || 22 ||
[Analyze grammar]

tayostu bhṛśasaṃkruddhaḥ śarābhyāṃ pāṇḍunandanaḥ |
ciccheda dhanuṣī tūrṇaṃ bhūya eva dhanaṃjayaḥ || 23 ||
[Analyze grammar]

tathānyairviśikhaistūrṇaṃ hemapuṅkhaiḥ śilāśitaiḥ |
jaghānāśvānsapadātāṃstathobhau pārṣṇisārathī || 24 ||
[Analyze grammar]

jyeṣṭhasya ca śiraḥ kāyātkṣurapreṇa nyakṛntata |
sa papāta hataḥ pṛthvyāṃ vātarugṇa iva drumaḥ || 25 ||
[Analyze grammar]

vindaṃ tu nihataṃ dṛṣṭvā anuvindaḥ pratāpavān |
hatāśvaṃ rathamutsṛjya gadāṃ gṛhya mahābalaḥ || 26 ||
[Analyze grammar]

abhyadravata saṃgrāme bhrāturvadhamanusmaran |
gadayā gadināṃ śreṣṭho nṛtyanniva mahārathaḥ || 27 ||
[Analyze grammar]

anuvindastu gadayā lalāṭe madhusūdanam |
spṛṣṭvā nākampayatkruddho mainākamiva parvatam || 28 ||
[Analyze grammar]

tasyārjunaḥ śaraiḥ ṣaḍbhirgrīvāṃ pādau bhujau śiraḥ |
nicakarta sa saṃchinnaḥ papātādricayo yathā || 29 ||
[Analyze grammar]

tatastau nihatau dṛṣṭvā tayo rājanpadānugāḥ |
abhyadravanta saṃkruddhāḥ kirantaḥ śataśaḥ śarān || 30 ||
[Analyze grammar]

tānarjunaḥ śaraistūrṇaṃ nihatya bharatarṣabha |
vyarocata yathā vahnirdāvaṃ dagdhvā himātyaye || 31 ||
[Analyze grammar]

tayoḥ senāmatikramya kṛcchrānniryāddhanaṃjayaḥ |
vibabhau jaladānbhittvā divākara ivoditaḥ || 32 ||
[Analyze grammar]

taṃ dṛṣṭvā kuravastrastāḥ prahṛṣṭāścābhavanpunaḥ |
abhyavarṣaṃstadā pārthaṃ samantādbharatarṣabha || 33 ||
[Analyze grammar]

śrāntaṃ cainaṃ samālakṣya jñātvā dūre ca saindhavam |
siṃhanādena mahatā sarvataḥ paryavārayan || 34 ||
[Analyze grammar]

tāṃstu dṛṣṭvā susaṃrabdhānutsmayanpuruṣarṣabhaḥ |
śanakairiva dāśārhamarjuno vākyamabravīt || 35 ||
[Analyze grammar]

śarārditāśca glānāśca hayā dūre ca saindhavaḥ |
kimihānantaraṃ kāryaṃ jyāyiṣṭhaṃ tava rocate || 36 ||
[Analyze grammar]

brūhi kṛṣṇa yathātattvaṃ tvaṃ hi prājñatamaḥ sadā |
bhavannetrā raṇe śatrūnvijeṣyantīha pāṇḍavāḥ || 37 ||
[Analyze grammar]

mama tvanantaraṃ kṛtyaṃ yadvai tatsaṃnibodha me |
hayānvimucya hi sukhaṃ viśalyānkuru mādhava || 38 ||
[Analyze grammar]

evamuktastu pārthena keśavaḥ pratyuvāca tam |
mamāpyetanmataṃ pārtha yadidaṃ te prabhāṣitam || 39 ||
[Analyze grammar]

arjuna uvāca |
ahamāvārayiṣyāmi sarvasainyāni keśava |
tvamapyatra yathānyāyaṃ kuru kāryamanantaram || 40 ||
[Analyze grammar]

saṃjaya uvāca |
so'vatīrya rathopasthādasaṃbhrānto dhanaṃjayaḥ |
gāṇḍīvaṃ dhanurādāya tasthau giririvācalaḥ || 41 ||
[Analyze grammar]

tamabhyadhāvankrośantaḥ kṣatriyā jayakāṅkṣiṇaḥ |
idaṃ chidramiti jñātvā dharaṇīsthaṃ dhanaṃjayam || 42 ||
[Analyze grammar]

tamekaṃ rathavaṃśena mahatā paryavārayan |
vikarṣantaśca cāpāni visṛjantaśca sāyakān || 43 ||
[Analyze grammar]

astrāṇi ca vicitrāṇi kruddhāstatra vyadarśayan |
chādayantaḥ śaraiḥ pārthaṃ meghā iva divākaram || 44 ||
[Analyze grammar]

abhyadravanta vegena kṣatriyāḥ kṣatriyarṣabham |
rathasiṃhaṃ rathodārāḥ siṃhaṃ mattā iva dvipāḥ || 45 ||
[Analyze grammar]

tatra pārthasya bhujayormahadbalamadṛśyata |
yatkruddho bahulāḥ senāḥ sarvataḥ samavārayat || 46 ||
[Analyze grammar]

astrairastrāṇi saṃvārya dviṣatāṃ sarvato vibhuḥ |
iṣubhirbahubhistūrṇaṃ sarvāneva samāvṛṇot || 47 ||
[Analyze grammar]

tatrāntarikṣe bāṇānāṃ pragāḍhānāṃ viśāṃ pate |
saṃgharṣeṇa mahārciṣmānpāvakaḥ samajāyata || 48 ||
[Analyze grammar]

tatra tatra maheṣvāsaiḥ śvasadbhiḥ śoṇitokṣitaiḥ |
hayairnāgaiśca saṃbhinnairnadadbhiścārikarśanaiḥ || 49 ||
[Analyze grammar]

saṃrabdhaiścāribhirvīraiḥ prārthayadbhirjayaṃ mṛdhe |
ekasthairbahubhiḥ kruddhairūṣmeva samajāyata || 50 ||
[Analyze grammar]

śarormiṇaṃ dhvajāvartaṃ nāganakraṃ duratyayam |
padātimatsyakalilaṃ śaṅkhadundubhinisvanam || 51 ||
[Analyze grammar]

asaṃkhyeyamapāraṃ ca rajo''bhīlamatīva ca |
uṣṇīṣakamaṭhacchannaṃ patākāphenamālinam || 52 ||
[Analyze grammar]

rathasāgaramakṣobhyaṃ mātaṅgāṅgaśilācitam |
velābhūtastadā pārthaḥ patribhiḥ samavārayat || 53 ||
[Analyze grammar]

tato janārdanaḥ saṃkhye priyaṃ puruṣasattamam |
asaṃbhrānto mahābāhurarjunaṃ vākyamabravīt || 54 ||
[Analyze grammar]

udapānamihāśvānāṃ nālamasti raṇe'rjuna |
parīpsante jalaṃ ceme peyaṃ na tvavagāhanam || 55 ||
[Analyze grammar]

idamastītyasaṃbhrānto bruvannastreṇa medinīm |
abhihatyārjunaścakre vājipānaṃ saraḥ śubham || 56 ||
[Analyze grammar]

śaravaṃśaṃ śarasthūṇaṃ śarācchādanamadbhutam |
śaraveśmākarotpārthastvaṣṭevādbhutakarmakṛt || 57 ||
[Analyze grammar]

tataḥ prahasya govindaḥ sādhu sādhvityathābravīt |
śaraveśmani pārthena kṛte tasminmahāraṇe || 58 ||
[Analyze grammar]