Chapter 196

śrīpuruṣottama uvāca |
evaṃ nārāyaṇīśri vai tadā mayā śubhāvaham |
upadiṣṭaṃ mokṣadaṃ tatstrībhyāṃ ca harṣulāya ca || 1 ||
[Analyze grammar]

athāpi vidrumavallī vṛddhā'patyādivarjitā |
māṃ papracchā harekṛṣṇa yathā putravatī tvaham || 2 ||
[Analyze grammar]

bhavāmyapi tathā kānta kṛpāṃ vidhehi vai mayi |
ahaṃ tasyāstu bhaktāyā bhāgyaṃ prārthanayā tathā || 3 ||
[Analyze grammar]

sevayā ca navaṃ tatrā'karavaṃ putradaṃ śubham |
tathā'stvevaṃ mayoktā sā prasannā samajāyata || 4 ||
[Analyze grammar]

upadeśo mayā tebhyaḥ punardatto'tiśodhanaḥ |
bhaktiryasya bhavet kṛṣṇanārāyaṇe mayi prabhau || 5 ||
[Analyze grammar]

pratyakṣe tasya varteta kāryaṃ kṛṣṇavaco'niśam |
kṛṣṇabhaktā vadeyuryat kāryaṃ tadapi satvaram || 6 ||
[Analyze grammar]

evaṃvidhā'bhilāṣī ca pratīkṣeta harervacaḥ |
tathāmūrtiṃ mama citte dhārayedvai nirantaram || 7 ||
[Analyze grammar]

nityaṃ navanavaśraddho dhārayenna samutsṛjet |
manyeta pūrṇakāmaṃ ca mama dhyānaparāyaṇaḥ || 8 ||
[Analyze grammar]

ciraṃ dhyāyanmaya mūrti tato yāti parāṃ gatim |
sādhusevāṃ prakuryādvā tathā yāti paraṃ padam || 9 ||
[Analyze grammar]

sādhūnāṃ ca guṇāneva gṛhṇīyād durguṇāṃstyajan |
nnākṛtau parameśe ca sādhau cāpi guṇānnayet || 10 ||
[Analyze grammar]

satāṃ prasannatāhetuṃ sadācāraṃ caret sadā |
ācāre vacane kārye satāṃ yoge prasevane || 11 ||
[Analyze grammar]

saṃśayaṃ naiva kurvīta kusaṃgaḥ saṃśayo hyataḥ |
viśvāsena prakurvīta satāṃ ceṣṭaṃ harestathā || 12 ||
[Analyze grammar]

tadeva muktidaṃ syādvai niḥsaṃśayo jayaṃ vrajet |
adhamoddhārakaścā'hamuddharāmi madāśritam || 13 ||
[Analyze grammar]

sotsāhena tu sevāyāṃ vartitavyaṃ satāṃ hareḥ |
sotsāhānāṃ sevakānāṃ naivā'sādhyaṃ hi kiñcana || 14 ||
[Analyze grammar]

nānāvidhapadārthānāṃ prāptirmatprāptito bhavet |
matsukhena sadā''nandavanto bhavanti macchritāḥ || 15 ||
[Analyze grammar]

antarā māṃ padārthānāṃ tyāgaṃ karoti sarvathā |
sarvadā māṃ bhajate yaḥ sa muktaḥ sa ca me priyaḥ || 16 ||
[Analyze grammar]

nijendriyāṇāṃ vyāpārā arpaṇīyā parātmani |
tadā divyakriyāḥ sarvā bhavanti matparāyaṇāḥ || 17 ||
[Analyze grammar]

vartate tasya tṛptiśca sākṣāt kṛṣṇasya yogataḥ |
sākṣāddharestu saṃyogastathā brahmadaśā nijā || 18 ||
[Analyze grammar]

yasyā'sti tasya kartavyaśeṣo nāsti pramuktaye |
jñānendriyāṇi sarvāṇi yadgṛhṇanti nijā'danam || 19 ||
[Analyze grammar]

adanaṃ taddhariḥ sākṣāddharerguṇāśca śāśvatāḥ |
evaṃ karmakarāṇāṃ cendriyāṇāṃ viṣayo hariḥ || 20 ||
[Analyze grammar]

bhaved yasya tu tasyā'trā''nando bhaveddhi śāśvataḥ |
divyaguṇādisaṃprāptau sarvaṃ kṛṣṇamayaṃ bhavet || 21 ||
[Analyze grammar]

evamatraiva kartavyaṃ bhavitavyaṃ tathā sadā |
rūpaṃ satāṃ hareścāpi rasaḥ satāṃ harestathā || 22 ||
[Analyze grammar]

gandhaḥ satāṃ hareścāpi śabdaḥ satāṃ harestathā |
sparśaḥ satāṃ hareścāpi śuddhikṛnmokṣakṛt sadā || 23 ||
[Analyze grammar]

satāṃ harerdarśanaṃ ca sparśanaṃ dehasevanam |
pādasammardanaṃ cāpi pāvanaṃ śodhakaṃ sadā || 24 ||
[Analyze grammar]

satāṃ harergṛhe vāsastadājñāpālanaṃ tathā |
asaṃśayastadācāre pāvano mokṣadaḥ sadā || 25 ||
[Analyze grammar]

bhoktavyaṃ bhogyamevā''rpya śrīkṛṣṇe nā'nyathā kvacit |
kṛṣṇāya kṛṣṇamūrtyātmasatpuruṣāya vā'rpayet || 26 ||
[Analyze grammar]

arpitaṃ divyatāṃ yāti tadbhoktā mokṣago bhavet |
hareryogānnirguṇaṃ tattadbhoktā nirguṇo bhavet || 27 ||
[Analyze grammar]

sadyo'ntaḥkaraṇaṃ śuddhaṃ karoti nirguṇaṃ hi tat |
bandhanaṃ naiva jāyeta nirguṇasyopabhogataḥ || 28 ||
[Analyze grammar]

evaṃ vijñāya pañcā'pi tathā'nye viṣayā api |
sevyāḥ śuddhikarā divyā prasādarūpiṇaḥ sadā || 29 ||
[Analyze grammar]

anarpitā na vai sevyāḥ parihāryā hi dūrataḥ |
evaṃ vai vartamānānāṃ vikṣepo naiva jāyate || 30 ||
[Analyze grammar]

bandhanaṃ na bhaveccāpi puṇyā muktiḥ kare sthitā |
śuddhyanti sarvakāmāśca siddhyanti kāmitāḥ sadā || 31 ||
[Analyze grammar]

mama vāsaḥ sadā tasyāntare bhavati saukhyadaḥ |
evaṃ vivicya kartavyaḥ satāṃ saṃgo harestathā || 32 ||
[Analyze grammar]

satsaṃgaḥ sarvadā kāryo niḥśreyasaprado hi saḥ |
nāsti tādṛk padārtho vā vastu yanmama yogataḥ || 33 ||
[Analyze grammar]

nopeyād divyabhāvaṃ vā mokṣadaṃ na bhavediti |
sarvaṃ pavitraṃ madyogācchreṣṭhaṃ nikṛṣṭamityapi || 34 ||
[Analyze grammar]

evaṃ jñātvā'rpaṇīyaṃ me sarvaṃ varṣma ca daihikam |
evaṃ śaraṇamāptasyā'pyahaṃ tasya bhavāmi hi || 25 ||
[Analyze grammar]

brahmātmaniṣṭhāyuktasya gurudharmayutasya ca |
rāgaśūnyasya sarvatra snehayuktasya vai mayi || 36 ||
[Analyze grammar]

mama māhātmyavijñasya mama prasādaśevadheḥ |
mamaiśvaryaṃ samastaṃ vai dhāmni tasya bhavatyapi || 37 ||
[Analyze grammar]

mama prasannatālabhyamaiśvaryaṃ tena cā'rjyate |
satāṃ samāgamānnityaṃ siddhadharmaṃ samālabhet || 38 ||
[Analyze grammar]

muktidaḥ siddhadharmo vai tamarjayet satāṃ śrayāt |
sādhyadharmo hariścā'haṃ prāpyo bhavāmi siddhataḥ || 39 ||
[Analyze grammar]

yasya sākṣāddhareḥ prāptiḥ sākṣād yogaḥ prasevanam |
sarvadā darśanaṃ cāsti tathāpi māyikaṃ sukham || 40 ||
[Analyze grammar]

yadi vāñcchati tasyātmā na tṛpto nirayābhigaḥ |
sa eva jñānahīno vai bodhyo yo na tṛṣāṃ tyajet || 41 ||
[Analyze grammar]

sadasadbodhamāsādya māyāsukhaṃ tatastyajet |
ātmasukhaṃ parityajya māyāsukhe pramodate || 42 ||
[Analyze grammar]

tasya śāśvatakāryāṇi naiva siddhyanti kānyapi |
ātmasthasya harerme ca sukhaṃ bhuṃkte tu yo janaḥ || 43 ||
[Analyze grammar]

sa eva vidvān muktātmā bhaktātmā sarvato'dhikaḥ |
upāsanābalenā'yaṃ jāyate hi narāyaṇaḥ || 44 ||
[Analyze grammar]

nārī nārāyaṇī syācca rādhā lakṣmīryathā ramā |
satsamāgamamāptasya nijātmaparamātmanoḥ || 45 ||
[Analyze grammar]

sākṣād vai darśanaṃ divyaṃ jāyate nā'tra saṃśayaḥ |
satsaṃgo vidyate yasya tasya cātmapradarśane || 46 ||
[Analyze grammar]

paramātmadarśane'pi svātantryaṃ kṛpayā bhavet |
ātmadarśanayatnodyoginaḥ satsaṃgavartinaḥ || 47 ||
[Analyze grammar]

mama pratāpamālambya cāntardṛṣṭiṃ vidhāya ca |
vīkṣate svasvarūpaṃ ced bhāsvadbhāsuramīkṣate || 48 ||
[Analyze grammar]

ātmaprakāśe vimale sākṣānmāṃ parameśvaram |
vīkṣate bālakṛṣṇaṃ vai śāśvatānandavān bhavet || 49 ||
[Analyze grammar]

bhaktā tvaikāntikī yā ca nārī vā'pi naro'pi vā |
madarthakṛtasarvasvā māṃ prayāti pare pade || 50 ||
[Analyze grammar]

kriyāsu kriyamāṇāsu sarvāsvapi hariḥ svayam |
cintanīyo dhāraṇīyo yathādṛṣṭo yathāśrutaḥ || 51 ||
[Analyze grammar]

bhojanīyaḥ sevanīyo rañjanīyo haristvaham |
tena bhaktāḥ prayāntyeva brahmadhāmā'kṣaraṃ param || 52 ||
[Analyze grammar]

śāntacitte vīkṣaṇīyaḥ śrīkṛṣṇo'ntardṛśā ciram |
sarvānandāḥ prāpaṇīyā mama mūrtestadātmataḥ || 53 ||
[Analyze grammar]

jīvo'yaṃ dehināṃ dehe saṃsāre'pārasāgare |
caturaśītilakṣeṣu deheṣu khaniyogiṣu || 54 ||
[Analyze grammar]

utpanno bahuvāraṃ vai strī vā pumān punaḥ punaḥ |
narā bhuktāstathā nāryo bhuktāścā'nena vai muhuḥ || 55 ||
[Analyze grammar]

pītāni sarvadugdhāni garbhakuṭyo vilokitāḥ |
maraṇaṃ jananaṃ cāpi dṛṣṭaṃ punaḥ punastathā || 56 ||
[Analyze grammar]

ahantā mamatā cāpi dehe daihikavastuṣu |
kṛtā'pi bahudhā yatra dehe sthitimavāptavān || 57 ||
[Analyze grammar]

vismṛtāni samastāni pūrvavarṣmāṇi tāni vai |
idaṃ janmāntare prāpte vismaryate tathaiva ha || 58 ||
[Analyze grammar]

tadidaṃ cātra dehe vai saṃgastyājyo yathocitaḥ |
ahantā mamatā tyājyā jñānena pūrvage yathā || 59 ||
[Analyze grammar]

vivekena viṣayeṣvāsaktiṃ tyaktvā harau mayi |
sajjeta dehavān yaḥ sa mukto bhavati macchrayāt || 60 ||
[Analyze grammar]

muktyarthaṃ ca vivekārthaṃ māhātmyārthaṃ mamāpi ca |
sevyāḥ santaḥ sadā pūtāḥ pāvanā matsyarūpiṇaḥ || 61 ||
[Analyze grammar]

sevayā ca tataḥ prāpyaikāntikatvaṃ ca divyatām |
dhāmā'kṣaraṃ paraṃ prāpyā'kṣarasādharmyayogataḥ || 62 ||
[Analyze grammar]

sevante koṭiśo muktā yathā māṃ sevate tvayam |
tanmuktapaṃktau sthātavyamityevaṃ māṃ prasevayet || 63 ||
[Analyze grammar]

sukhaṃ cānyat samagraṃ tu tucchaṃ ca kṣaṇikaṃ tathā |
vicāryaikāntabhaktiṃ me kuryād rahasyavedinīm || 64 ||
[Analyze grammar]

alobhi svamanaḥ kāryaṃ māyike viṣaye tviha |
yenā'tra ramyarūpādau lobho naiva prajāyate || 65 ||
[Analyze grammar]

tadbalena harerdhāma pratiyāne'pi mārgagāḥ |
āyānti siddhayastāsu lobhaścāsya na vai bhavet || 66 ||
[Analyze grammar]

paraṃ pāraṃ prakṛteḥ sa prayātyeva mamāśritaḥ |
ananyacetā bhūtvaiva bhuṃkte matsukhamūrjitam || 67 ||
[Analyze grammar]

yasya kriyāsu sarvāsu mama mūrtismṛtirbhavet |
tasyaiva sthiratā syādvai sarvathā svāminī prabhau || 68 ||
[Analyze grammar]

yadyatsukhepsā yasya syāt tattat sukhaṃ madagrataḥ |
grahaṇīyaṃ nā'nyatastu sarvaṃ dadāmi tasya vai || 69 ||
[Analyze grammar]

mama rājyaṃ bhaktarājyaṃ bhedastatra na vidyate |
tasmād rājñyā sadā bhāvyaṃ na bhāvyaṃ veśyayā kvacit || 70 ||
[Analyze grammar]

ityevaṃ tu mayā lakṣmi hyupadiṣṭaṃ tataśca te |
pupūjurmāṃ paramayā bhaktyā va snehārdramānasāḥ || 71 ||
[Analyze grammar]

phalānyuttamajātīni bhojayāmāsurutsukāḥ |
athāpi sādhurūpaṃ māṃ prasādayitumutsukāḥ || 72 ||
[Analyze grammar]

sevayituṃ samutsāhā uṣituṃ cakrurāgraham |
athā'ha sādhurūpo vai teṣāmāgrahatastadā || 73 ||
[Analyze grammar]

uṣituṃ ca divārātramadhikaṃ svīcakāra ha |
divase tūṣṇavārbhiste snāpayāmāsurādarāt || 74 ||
[Analyze grammar]

puṣpāṇāṃ bahubhirhāraiḥ puṣpanirmitabhūṣaṇaiḥ |
puṣpavastraiḥ puṣpaśṛṃgārakairarhaṇamādadhuḥ || 75 ||
[Analyze grammar]

mukuṭaḥ pītapuṣpāṇāṃ kaṭake cāṃgade tathā |
vibhūṣāḥ pītapuṣpāṇāṃ kṛtāstaiśca dhṛtā mayā || 76 ||
[Analyze grammar]

ambarāṇi samastāni saptarūpasumāni vai |
sugandhīni vicitrāṇi dhṛtāni ca mayā tadā || 77 ||
[Analyze grammar]

dolā kadambavṛkṣasya śākhāyāṃ rajjubhiḥ kṛtā |
baddhā supallavapuṣpatoraṇādyairvibhūṣitā || 78 ||
[Analyze grammar]

niṣādya māṃ tu dolāyāṃ trayaste bhāvagarbhitāḥ |
āndolayāmāsuriṣṭaṃ svāminaṃ prāṇarakṣakam || 79 ||
[Analyze grammar]

pāyayāmāsurikṣūṇāṃ rasaṃ nāraṃgiṇāṃ tathā |
nālīkerajalaṃ cāpi miṣṭavāri sugandhi ca || 80 ||
[Analyze grammar]

rātrau vādyaviśeṣaiśca kīrtanaṃ cakrurutsukāḥ |
sahasraśo janāstatrā''yayurdarśanakāṃkṣiṇaḥ || 81 ||
[Analyze grammar]

pāvanāste tato jātā darśanasparśanādibhiḥ |
prasādagrahaṇaiścāpi yayuste tu nijālayān || 82 ||
[Analyze grammar]

harṣulaścāpi tatpatnyau siṣevire ca māṃ niśi |
sarvārpaṇena nirdoṣabuddhyā divyaprasevanaiḥ || 83 ||
[Analyze grammar]

atha yā śreṣṭhabhāryā sā nāmnā vidrumavallakī |
sarvasuptyuttaraṃ cārdharātrottaraṃ rahaḥ svayam || 84 ||
[Analyze grammar]

pracchannaikākinī tatrā''gatya māṃ parameśvaram |
dehasammardanenaiva siṣeve putrakāminī || 85 ||
[Analyze grammar]

śanakairmama karṇe sā kṛtvā''nanaṃ ca maunavat |
arthayāmāsa bhagavana putraṃ me dehi keśava || 86 ||
[Analyze grammar]

prasanno'haṃ sevayā ca bhaktāyāḥ sarvathā hariḥ |
tathā'stviti mayā spṛṣṭā putravatī bhaveti ca || 87 ||
[Analyze grammar]

samudghāṭitabhāgyā sā prasannā bahudhā'bhavat |
yatheṣṭaṃ sevayāmāsa māṃ tato'dhikabhāvanā || 88 ||
[Analyze grammar]

supto'haṃ sā ca patyuśca sevāyāṃ pragatā tadā |
landhamanorathā jātā sagarbhā śobhanā tathā || 89 ||
[Analyze grammar]

atha prāpte tu samaye suṣuve bālakaṃ śubham |
putraṃ samujjvalaṃ tvekaṃ harṣulo harṣamāpa ha || 90 ||
[Analyze grammar]

vidrumavallakī tvevaṃ labdhvā putraṃ tataḥ param |
mānapātraṃ sadā jātā sarvasaubhāgyasundarī || 91 ||
[Analyze grammar]

evaṃ lakṣmi mayā bhaktā tāritā sevayā tadā |
prasannena mayā sā'pi tāritā bālahatyayā || 92 ||
[Analyze grammar]

bālaścojjīvitaścāpi sevā'pi svīkṛtā tathā |
evameva hi bhaktānāṃ karomi rakṣaṇaṃ sadā || 93 ||
[Analyze grammar]

jīvāstu dehasaṃyuktā yāvantaḥ santi tāvatā |
sadoṣā eva vartante kintu bhaktyā taranti te || 94 ||
[Analyze grammar]

bhaktyā'haṃ tārayāmyetān pāpāṃścāpi narān drutam |
athā'haṃ gantukāmaśca pūjito vanditaśca taiḥ || 95 ||
[Analyze grammar]

sādhuveṣeṇa sahasā cāntarhito'bhavaṃ kṣaṇāt |
harṣulādyā yathādṛṣṭaṃ dhyāne sasmaruranvaham || 96 ||
[Analyze grammar]

bhaktiṃ cakrurbhāvataste sādhusevāṃ ca cakrire |
bhuktvā bhogāṃśca vipulām yayuste svargamuttamam || 97 ||
[Analyze grammar]

svargāt svargottaraṃ prāpya mama dhāmā'kṣaraṃ yayuḥ |
evaṃ niṣkāmasevābhiryānti brahma nirāmayam || 98 ||
[Analyze grammar]

sevayā labhyate putraḥ sevayā labhyate sukham |
sevayā labhyate cāpyabhayaṃ niṣpāpatā tathā || 99 ||
[Analyze grammar]

sevayā bhogakoṭyaśca sevayā śāśvataṃ sukham |
sevayā śrīhariścā'haṃ prāpyaḥ pūrṇeṣṭasampradaḥ || 100 ||
[Analyze grammar]

bhaktyā bhaktān tārayāmi gṛhṇāmi sevayā tataḥ |
tādātmyenā''nandayāmi sarvaṃ dadāmi tatparam || 101 ||
[Analyze grammar]

paṭhanācchravaṇāccā'sya smaraṇāt sevanāttathā |
bhuktirmuktirbhavedeva smṛddhiśca śāśvatīrbhavet || 102 ||
[Analyze grammar]

iti śrīlakṣmīnārāyaṇīyasaṃhitāyāṃ tṛtīye dvāparasantāne harṣulākhyabhaktasyodyāne śrīharerupadeśo harṣulasya jyeṣṭhapatnyā api putralābhaścetyādinirūpaṇanāmā ṣaṇṇavatyadhikaśatamo'dhyāyaḥ || 196 ||
[Analyze grammar]