Chapter 250

śrīkṛṣṇa uvāca |
rādhike'śvapāṭalastu śrutvā śrīlomaśaṃ punaḥ |
papraccha tyāgamārgaṃ ca pratyakṣaṃ phaladaṃ tathā || 1 ||
[Analyze grammar]

aśvapāṭala uvāca |
tyāgamārgeṇa pratyakṣaṃ yatphalaṃ samajāyate |
tadvadā'tra maharṣe me kiṃ pratyakṣaṃ ca kiṃ phalam || 2 ||
[Analyze grammar]

kimatra pratyakṣatamaṃ yadupāste bhavāniha |
pratyakṣe khalu sarveṣāṃ samānatā'valokyate || 3 ||
[Analyze grammar]

bhavānapīha śokaṃ ca yathā harṣaṃ ca vindati |
indriyārthāśca bhavataḥ samānāḥ sarvadehinām || 4 ||
[Analyze grammar]

samānānāṃ hi sarveṣāṃ kiṃ pratyakṣaṃ nirāmayam |
bhavato hi kimādhikyaṃ gṛhamedhita eva yat || 5 ||
[Analyze grammar]

śrīlomaśa uvāca |
harau tyāgastyāgamārgaḥ kimanyat tyajanena vai |
sarvasvārpaṇarūpo'yaṃ tyāgaḥ sarvottamo harau || 6 ||
[Analyze grammar]

tenā''tmano hi sākṣāttvaṃ tatpradattadṛśā khalu |
phalaṃ cātmasukhaṃ cāpi parameśaprasādataḥ || 7 ||
[Analyze grammar]

ahamupāsse pratyakṣaṃ bālakṛṣṇanarāyaṇam |
anādiśrīkṛṣṇanārāyaṇaṃ śrīkaṃbharāsutam || 8 ||
[Analyze grammar]

cakṣuṣormanasaścāpi yaḥ pratyakṣatamo'tra vai |
ātmanyeva parabrahma sa evā''ste śriyāḥ patiḥ || 9 ||
[Analyze grammar]

lakṣmīpatiḥ satāṃ svāmīmuktapatiḥ pareśvaraḥ |
kuṃkumavāpikākṣetralālaḥ śrīkṛṣṇavallabhaḥ || 10 ||
[Analyze grammar]

brahmapriyāpatiścātmapatirvidyāpatiḥ prabhuḥ |
muktipatiścā'kṣareśo dhāmeśādhipatirhariḥ || 11 ||
[Analyze grammar]

sa pratyakṣatamo me'tra rājaṃstaṃ tvaṃ vilokaya |
harṣaṃ śokaṃ pravindāmi rājan nāṭyasya veṣavat || 12 ||
[Analyze grammar]

samānānīndriyāṇyeva dehe samānatā'pi ca |
grahaṇādivyavahāraḥ samāno'pi tathāpi tu || 13 ||
[Analyze grammar]

bhūtāveśitavannityaṃ carāmi paramātmanā |
sa bhoktā sa niyantā ca sa evā''locanādimān || 14 ||
[Analyze grammar]

sarvabhūtādhibhūtenā''veśito'haṃ carāmi yat |
harṣaṃ śokaṃ sa evā'tra dehe vetti na dehyayam || 15 ||
[Analyze grammar]

tathāpi nāṭyavatsarvaṃ darśayāmi yathā mayi |
ahaṃ vedmi tathā vetti mārkaṇḍeyo mahāmuniḥ || 16 ||
[Analyze grammar]

vetti sanatkumāraśca nārado vā narāyaṇaḥ |
svayaṃprakāśaḥ śaṃbhurvā vetti nānyo bhuvaṃgataḥ || 17 ||
[Analyze grammar]

kapilādyāśca vartante jale kamalavaddhi te |
nirlepāste vayaṃ kṛṣṇaliptā api vilepinaḥ || 18 ||
[Analyze grammar]

rājādyāḥ svārthaliptāśca pratyakṣaṃ sukhiduḥkhinaḥ |
vayaṃ santaḥ kṛṣṇanārāyaṇā'jasraparāyaṇāḥ || 19 ||
[Analyze grammar]

tadarthakṛtasarvasvāstanmayāstadviśeṣitāḥ |
cintārogo na cāsmākaṃ sādhūnāṃ vidyate yataḥ || 20 ||
[Analyze grammar]

yo rogo jīvatāṃ dehendriyātmavādināṃ tviha |
sa rogo vigato naśca tasmānnirāmayā vayam || 21 ||
[Analyze grammar]

vāsanā rogamūlaṃ ca sā ca nārāyaṇe'rpitā |
dhanvantarimahāvaidye nāḍikā sarvato'rpitā || 22 ||
[Analyze grammar]

tasyānnirāmayāḥ smo'tra rājaṃstvaṃ tādṛśo bhava |
haripradattajñānena viharāmo'tra varṣmasu || 23 ||
[Analyze grammar]

tatpreritaṃ prakurmaśca sarvamarthyaṃ nirāmayam |
tatkṛtaṃ samanuṣṭhānaṃ sarvaṃ cāste nirāmayam || 24 ||
[Analyze grammar]

tatpradattaṃ ca vijñānaṃ śokaṃ jahāti mūlataḥ |
taṃ vinā svārthavṛttyutthaṃ jñānaṃ nāśayati prajāḥ || 25 ||
[Analyze grammar]

ato vayaṃ jñānavanto nirāmayā hi bhūpate |
aikātmyaṃ brahmaṇā nārāyaṇenāptaṃ nirāmayam || 26 ||
[Analyze grammar]

tattvamabuddhvā bahavaścāhaṃkāravaśaṃgatāḥ |
vādabalā na jānanti nirāmayatvamīdṛśam || 27 ||
[Analyze grammar]

tato bhavanti te brahmastenā mohavaśaṃgatāḥ |
tamobhāvanimagnānāmeṣāṃ tamaḥ parāyaṇam || 28 ||
[Analyze grammar]

prakṛtiṃ svāṃ doṣarūpāṃ daṃbhā'nṛtamadātmikām |
prākṛtāḥ samprayāntyeva brāhmāstadūrdhvavartanāḥ || 29 ||
[Analyze grammar]

evamāntarabodhāste santyajanti śubhāśubham |
parāṃ gatiṃ prapaśyantaḥ santo nārāyaṇe ratāḥ || 30 ||
[Analyze grammar]

dānamadhyayanaṃ yajñaḥ prajā santānamārjavam |
hariṃ vinā sā''mayaṃ tanmokṣaḥ kṛtvā'pi nāsti cet || 31 ||
[Analyze grammar]

dhikkārapadametad vai śramaḥ sarvo nirarthakaḥ |
rājyeṣu strīṣu lokeṣu dehendriyā'rthabhuktiṣu || 32 ||
[Analyze grammar]

vartamāno'pi cet kṛṣṇārpaṇaḥ so'yaṃ nirāmayaḥ |
nirvastro nirjanaścāpi niṣpātro niṣparigrahaḥ || 33 ||
[Analyze grammar]

sarvasaho'pi vai kṛṣṇārpaṇaṃ vinā kṣayā''mayaḥ |
tasmād rājan bhava kāṇḍaistrībhiścāpi nirāmayaḥ || 34 ||
[Analyze grammar]

śuṣkajñaptyā karmaṇā vā kā nirāmayatā bhavet |
kṛṣṇabhaktyā'rpaṇabhaktyā dhruvaṃ nirāmayo bhavet || 35 ||
[Analyze grammar]

nāmasaṃkīrtanaṃ śabdabrahma bodhyaṃ nirāmayam |
tatra niṣṇātatāṃ prāpya parabrahmā''gamaṃ vrajet || 36 ||
[Analyze grammar]

evaṃ śuddhasamācāraścātmā bhavati brāhmaṇaḥ |
kṛṣṇe tyāgakriyāvāṃśca parigrahavivarjitaḥ || 37 ||
[Analyze grammar]

manaḥsaṃkalpasaṃsiddho viśuddhabodhaniścayaḥ |
janma karma ca vidyā ca śuklā yasya harau matāḥ || 38 ||
[Analyze grammar]

pratyakṣabrahmaparamaḥ śraddadhānaḥ parāvare |
satsaṃgato bhāvitātmā śīlasantoṣasadvrataḥ || 39 ||
[Analyze grammar]

dharma bhāgavataṃ kṛcchre satyapyācaratīha yaḥ |
tasya brahmasutasyaiva brahmāṃkaśayanasya vai || 40 ||
[Analyze grammar]

nirāmayatvaṃ cāstyeva śāśvataṃ nirupadravam |
nāsya vai vartate kiṃcid vidhātavyaṃ divaṃ prati || 41 ||
[Analyze grammar]

prāyaścittaṃ na caivāsya karmaṇāṃ cārpaṇāddharau |
evaṃ bahuvidhā viprā yajñakarmaparāyaṇāḥ || 42 ||
[Analyze grammar]

śucayo vratavantaśca tryavadānā haristhitāḥ |
yajanto'haraharyajñairāśābandhanavarjitāḥ || 43 ||
[Analyze grammar]

ṛjavaḥ śamajityāśca brahmakarmaparāyaṇāḥ |
brahma yeṣāṃ paro dharmaḥ parārtho brahma nityadā || 44 ||
[Analyze grammar]

kāmo'pi brahma caiteṣāṃ mokṣo brahma sanātanam |
nyūnaṃ vā''dhikyamevāpi vartanaṃ brahma śāśvatam || 45 ||
[Analyze grammar]

vyutkramaśca kramaścāpi yeṣāṃ brahma parātparam |
teṣāṃ kṛṣṇātmanāṃ brahmasattamānāṃ tu śāśvatam || 46 ||
[Analyze grammar]

svargaṃ svargottamaṃ nityaṃ nirāmayaṃ mahāsukham |
śāśvatānandapūrṇaṃ te yanti tatparamaṃ padam || 47 ||
[Analyze grammar]

gṛhe yadvā vane yadvā nyāse vā brahmaṇi sthitāḥ |
yanti te sātvatā rājan parabrahma pareśvaram || 48 ||
[Analyze grammar]

sakāmāste tu dṛśyante divi jyotirmayāḥ surāḥ |
dhiṣṇyeṣu bahubhogāśca nakṣatratārakāgaṇāḥ || 49 ||
[Analyze grammar]

akāmā naiva dṛśyante dūraṃ pāraṃ paraṃ gatāḥ |
sakāmāśca punaḥ santo bhūtvā yāsyanti tatpadam || 50 ||
[Analyze grammar]

brahmātmanāmatṛṣṇānāṃ teṣāmanāmayaṃ dhruvam |
dhāmā'kṣaraṃ parabrahmasthānaṃ paraṃ nirāmayam || 51 ||
[Analyze grammar]

sāmayasya kṛte dharmaḥ paropakārasaṃjñakaḥ |
puṇyadaḥ puṇyaśīlasya gṛhe janmapradastathā || 52 ||
[Analyze grammar]

puṇyajanmatayā cārthaḥ puṇyalābho'sya jāyate |
kāmanā rāgahīnā ca kṛtātmanaḥ prajāyate || 53 ||
[Analyze grammar]

tyāgasantoṣasiddhiśca prajñā viśāradī bhavet |
apavargamatiścāpi brahmadharmaparo bhavet || 54 ||
[Analyze grammar]

brahmaṇaḥ padamanvicchan brahmalokaṃ prayāti ca |
gacchan kṣemaṃ samanvicchan durbalo'trā'vasīdati || 55 ||
[Analyze grammar]

bhuṃkte datte ca yajate prāptābhirvastubhiryadi |
parigrahaḥ śubho'pyasya na tyāgasukhasadṛśaḥ || 56 ||
[Analyze grammar]

karmapākaḥ śarīraṃ vai jñānapāko nirīhatā |
bhaktipāko brahmatā ca brahmapākaḥ paraṃ padam || 57 ||
[Analyze grammar]

dayā kṣamā ca santoṣaḥ satyaṃ śāntirahiṃsanam |
ārjavaṃ hrīstitikṣā ca mānagarvavivarjanam || 58 ||
[Analyze grammar]

satsaṃgo bhaktibhāvaśca sevā satāṃ surārcanam |
panthāno brahmaṇastvete prāpnotyetaiḥ paraṃ padam || 59 ||
[Analyze grammar]

gatiṃ gacchanti santo yāṃ tāmāhuḥ paramāṃ gatim |
saṃsāro vāsanāvargaḥ santoṣastvapavargakaḥ || 60 ||
[Analyze grammar]

sāmye'pīndriyavarge'pi sāmayā'mayate nṛpa |
ete nideśite te'tra nirāmayatvamāvaha || 61 ||
[Analyze grammar]

aśvapāṭala uvāca |
dharmārthakāmān satataṃ cāmanantīha dehinaḥ |
mokṣaṃ kecit samicchanti tasmādvai balinastrayaḥ || 62 ||
[Analyze grammar]

tatra lābho viśiṣṭo vai kasyāśrayeṇa dehinaḥ |
kiṃ phalaṃ kīdṛśaṃ ceti tanme lomaśa darśaya || 63 ||
[Analyze grammar]

lomaśa uvāca |
rājanpurā hyahaṃ kalpe gato'bhavaṃ vanāntare |
puṣkarāraṇyasaṃjñe ca tatra vipro viśālikaḥ || 64 ||
[Analyze grammar]

āsīttena kṛtā me ca pūjā phalajalādibhiḥ |
tapasvinā durbalena nirdhanena ca rāgiṇā || 65 ||
[Analyze grammar]

tato'haṃ pṛṣṭavāṃstasya kuśalaṃ sa jagāda mām |
dāridryaṃ duḥkhadaṃ loke tannirākuru lomaśa || 66 ||
[Analyze grammar]

tatastaṃ ca samādāya gato'haṃ cottarāṃ diśam |
kuberanagaraṃ divyaṃ vyomnā dravyapralipsayā || 67 ||
[Analyze grammar]

kuberaḥ svāgataṃ cakre dadau dhanaṃ yatheṣṭakam |
viśālikaḥ prasanno'bhūd dravyaṃ jagrāha śevadhim || 68 ||
[Analyze grammar]

athāpi dhanarājena niśi nijapure śubhe |
rakṣitau mandire ramye tvāvāmāsva ca nidritau || 69 ||
[Analyze grammar]

ahaṃ jānāmi tatsarvaṃ nidrāyāṃ brāhmaṇena yat |
vilokitaṃ mahāścaryaṃ kalmaṣāḍhyaṃ hi tacchṛṇu || 70 ||
[Analyze grammar]

apaśyata janān kāṃściddharmāḍhyān śuddhamānasān |
kāṃścitkāmābhibhūtāśca nṛtyagītaparāyaṇān || 71 ||
[Analyze grammar]

kāṃścitsvarṇamaṇiratnadravyābhūṣaṇasaṃbhṛtān |
kuberād dravyamādāya gacchataḥ svapurīṃ prati || 72 ||
[Analyze grammar]

tāvad bhūkampanaṃ jātaṃ bhūtanāśakaraṃ muhuḥ |
pṛthvīgartagatāste vai mṛtā niṣpeṣitā mṛdā || 73 ||
[Analyze grammar]

tatrāyātā yamadūtā netuṃ mṛtānanekaśaḥ |
kāmino nītavantaste dṛḍhabandhanabandhitān || 74 ||
[Analyze grammar]

dhanino'pi nītavanto vinā bandhanameva tān |
tato dadarśa kāmaṃ ca krodhaṃ lobhaṃ bhayaṃ madam || 75 ||
[Analyze grammar]

nidrāṃ tandrāṃ mahālasyaṃ pāpaṃ cāvṛtya tāna sthitān |
nirodhayitṝn svargāṇi bhayadān yāmyaduḥkhadān || 76 ||
[Analyze grammar]

vividhān nirayākhyāṃśca puruṣān paritaḥ sthitān |
tāneva vipraḥ svadravye dadarśa līnatāṃ gatān || 77 ||
[Analyze grammar]

bhayaṃ cāvāpa vai svapne vipro doṣān vilokya ca |
tāvad devāḥ samāyātā dhārmikān netumeva ha || 78 ||
[Analyze grammar]

vimānaiḥ śubhaśobhaiśca smṛddhaiḥ sammānitān mṛtān |
dhārmikān devatulyāṃśca kṛtvā ninyurhi tāpasān || 79 ||
[Analyze grammar]

harṣitān dhārmikān prāptadivyalokān vilokya saḥ |
vipro vicārayāmāsa tapodravyaṃ paraṃ sukham || 80 ||
[Analyze grammar]

dhanaṃ doṣabhṛta cāste kāmaḥ kalmaṣasaṃbhṛtaḥ |
nirayāṇāṃ kāraṇe tau dhanakāmau na śāntidau || 81 ||
[Analyze grammar]

atho'narthasvarūpo'sti kāmo duḥkhasvarūpavān |
tapodharmaḥ svarga eva dharmaṃ carāmi vai tataḥ || 82 ||
[Analyze grammar]

cariṣye'pi tato dharmaṃ lomaśasya kṛpāvaśāt |
asyā'nugrahamāpyaiva sukhaṃ prāpsye vṛṣodbhavam || 83 ||
[Analyze grammar]

pṛthivīṃ ratnapūrṇāṃ vā mahāntaṃ ratnasaṃcayam |
avāpya yāmyalokānāṃ dvāraṃ naiṣye kadācana || 84 ||
[Analyze grammar]

ityuktvā tu dhanaṃ prātastyaktvā tatraiva mandire |
taṃ kuberaṃ namaskṛtya yayau vai tapase dvijaḥ || 85 ||
[Analyze grammar]

lomaśena samaṃ śreṣṭhaṃ tapo divyaṃ cakāra ha |
devārcanaparo nityaṃ nityaṃ cātithipūjanaḥ || 86 ||
[Analyze grammar]

lomaśāśrayamāsādya parṇāhāro babhūva ha |
jalāhārastataścāsīd vāyubhakṣo babhūva ca || 87 ||
[Analyze grammar]

divyadṛṣṭyā dvijaścāpi yamapuryāṃ nṛpān gatān |
kuṇḍe rājasahasrāṇi magnāni niraye tadā || 88 ||
[Analyze grammar]

dadarśa tapasā cāpi nārakān kāmamohitān |
tataḥ svapnaṃ kṣaṇāttasya tatraivāntaradhīyata || 89 ||
[Analyze grammar]

viśāliko drutaṃ śayyāṃ tyaktvā śrīlomaśaṃ munim |
praṇanāma jagādāpi dṛṣṭaṃ sarvamaniṣṭakam || 90 ||
[Analyze grammar]

kāmo'rthaśca sadā yāmyalokadau duḥkhadau guro |
mayā dṛṣṭau yamapuryāṃ dharmaḥ svargaprado mataḥ || 91 ||
[Analyze grammar]

dharmād dṛṣṭā gatiḥ śreṣṭhā tapasā svargasaṃbhṛtā |
devatāḥ savimānāśca pūjayantīha dhārmikān || 92 ||
[Analyze grammar]

na dhanāḍhyānnāpi cātra kāminaḥ pūjayanti te |
dharme sukhakalā cāste cariṣyāmi vṛṣaṃ hitam || 93 ||
[Analyze grammar]

nedaṃ dhanaṃ mayā grāhyaṃ duḥkhadoṣānusevitam |
sarve doṣā nivasanti dhane dṛṣṭā mayā guro || 94 ||
[Analyze grammar]

adya svapne mayā dṛṣṭaṃ kampanaṃ vai bhuvaḥ khalu |
dhanāraṃbhe mahadduḥkhabharaṃ yaddarśanaṃ tviha || 95 ||
[Analyze grammar]

tadevā'maṃgalaṃ me'dya taddhanaṃ na prarocaye |
ityuktvā dhanadāyaiva dhanaṃ datvā tu bhūsuraḥ || 96 ||
[Analyze grammar]

lomaśena mayā sārdhaṃ cāyāt kuṃkumavāpikām |
bheje kṛṣṇaṃ parabrahma tapasā dharmasaṃbhṛtā || 97 ||
[Analyze grammar]

bhaktiṃ jagāma paramāṃ bhaktyā nārāyaṇasya ca |
vaiśālikaṃ hi tattīrthaṃ jātaṃ cātra purā nṛpa || 98 ||
[Analyze grammar]

tasmāddharmo mahāsvargamokṣadaḥ sukhaśāntidaḥ |
nirdoṣaḥ śrīharo nyasto dharmo niṣkāmasāttvataḥ || 99 ||
[Analyze grammar]

sāttvatānāṃ samācārastapo dhyānaṃ kratukriyā |
bhajanaṃ sevanaṃ devadevasyāśrayaṇaṃ sadā || 100 ||
[Analyze grammar]

tanmayatvaṃ tatparatvaṃ tadarthatvaṃ tadātmatā |
tasya sambandhavat sarvaṃ divyācaraṇameva yat || 101 ||
[Analyze grammar]

snānasandhyādikaṃ daihyaṃ smṛtyārādhanamāntaram |
pūjārcādyaṃ sāmayikaṃ satsaṃgādyaṃ tu sārthajam || 102 ||
[Analyze grammar]

sarvaṃ vai pāvanaṃ puṇyaṃ dharmākhyaṃ cātmano hitam |
pāpanāśakaraṃ cāpi yāmyadūtanirodhakam || 103 ||
[Analyze grammar]

viṣṇudhāmapradaṃ svargyaṃ śāśvatānandadāyakam |
ityuktvā rādhike śrīmān lomaśo virarāma ha || 104 ||
[Analyze grammar]

rājā dharme manaḥ kṛtvā punaḥ papraccha vai gurum |
lomaśaṃ jñānadaṃ divyātmānaṃ brahmaparāyaṇam || 105 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne |
lomaśagītāyāmaśvapāṭalakṛtastyāgamārgapratyakṣaphalapraśraḥ nirāmayapraśraḥ trivargeṣu kiṃśreṣṭhapraśnaḥ lomaśakṛtottaraṃ cetyādinirūpaṇanāmā pañcāśadadhikadviśata |
tamo'dhyāyaḥ || 250 ||
[Analyze grammar]