Chapter 136

śrīkṛṣṇa uvāca |
śṛṇu tvaṃ rādhike devāyatanako bhaktarāṭ punaḥ |
papraccha śrīhariṃ jñātuṃ prāsādanirmitiṃ tadā || 1 ||
[Analyze grammar]

lokānāmupakārārthaṃ jñātumaṃgapramāṇakam |
antarmānāni sarvāṇi vijñātuṃ mandirasya vai || 2 ||
[Analyze grammar]

bhagavan devadeveśa devālaye yathā yathā |
aṃgāni mūlato yāni bhavanti cā''dhvajaṃ vada || 3 ||
[Analyze grammar]

yenā'haṃ ca mamāṃ'gāni jānīyāṃ yatra devatāḥ |
ādhyātmikyaṃ imāścāpi nivatsyanti tanau mama || 4 ||
[Analyze grammar]

ityasya vai svarūpaṃ ca jñātvā prāsādakasya ca |
anye prāsādavaryāśca bhaviṣyanti sajātayaḥ || 5 ||
[Analyze grammar]

śilpino viśvakarmāṇo yadādhārān svabuddhibhiḥ |
prāsādān kalpayiṣyanti naikarūpāṃstaduttaram || 6 ||
[Analyze grammar]

tasmād vada harekṛṣṇa prāsādāṃgavivecanām |
hitakṛd devavāsānāṃ yanmūlaḥ śilpivistaraḥ || 7 ||
[Analyze grammar]

itipṛṣṭo harikṛṣṇastamuvāca samāsataḥ |
rekhālakṣyātmarūpaṃ vai devāyatanakaṃ munim || 8 ||
[Analyze grammar]

saptayavodarairmītaścā'ṅgulo madhyamaḥ smṛtaḥ |
caturviśatyaṃgulaiśca hasto vai parikīrtitaḥ || 9 ||
[Analyze grammar]

hasto'yaṃ gajasaṃjño'sti devaprāsādke tathā |
pratimāyāṃ ca liṅge ca pīṭhe ca maṇḍape tathā || 10 ||
[Analyze grammar]

rājaprāsādike cāpi mahādīrghanivāsake |
dīrghaharmye pṛthivyāṃ ca hastenā'nena māpayet || 11 ||
[Analyze grammar]

devaprāsādake cāpi maṇḍape bhittibāhyataḥ |
mānaṃ grāhyaṃ ca śikhare mandire devatālaye || 12 ||
[Analyze grammar]

pṛthivyā dīrghatāyāṃ vai hastasaṃkhyā tu yāvatī |
guṇitā sā prakartavyā vyāsatā hastasaṃkhyayā || 12 ||
[Analyze grammar]

utpannā yā hastasaṃkhyā bhañjanīyā'ṣṭasaṃkhyayā |
śeṣasaṃkhyā bhavedaiva āyanāmnīti viśrutā || 14 ||
[Analyze grammar]

ekā'ṅkastu dhvajāyaḥ syāt pañcā'ṅkastu vṛṣāyakaḥ |
saptasaṃkhyā gajāyaḥ syād devālaye ta uttamāḥ || 11 ||
[Analyze grammar]

dhvajāye tvarthalābhaḥ syād vṛṣāyo dhanadhānyadaḥ |
kalyāṇado gajāyaśca mandirādau matā ime || 16 ||
[Analyze grammar]

prāsāde ca pratimāyāṃ liṅge pṛthvyāṃ ca maṇḍape |
pīṭhe siṃhāsane vedyāṃ kuṇḍe dhvaje ca cāmare || 17 ||
[Analyze grammar]

chatre vāpyāṃ taṭāke ca kūpe devāsane'mbare |
bhūṣāyāṃ pīṭhikāyāṃ ca hāre mukuṭake tathā || 18 ||
[Analyze grammar]

dhvajāyaḥ sarvathā śreṣṭho grāhyaḥ śilpikalāvidā |
śeṣe tritve tu siṃhāyaḥ siṃhāsane śubho mataḥ || 19 ||
[Analyze grammar]

devālaye dhvajāyaḥ syācchreṣṭha eva na saṃśayaḥ |
vṛṣāyo vā gajāyo vā na grāhyo devatālaye || 20 ||
[Analyze grammar]

dhvajāyo na bhaveccedvai gajāyastatra gṛhyate |
pūrvāyāstu dhvajaḥ svāmī paścimāyā vṛṣāyakaḥ || 21 ||
[Analyze grammar]

uttarāyā gajāyo'sti siṃhāyo dakṣiṇādiśaḥ |
kṣetrāyāmaṃ guṇayecca vistāreṇa tataśca tām || 22 ||
[Analyze grammar]

saṃkhyāṃ vibhañjyācca saptaviṃśatyā śeṣakaṃ ca yat |
bhavettadaṃkasaṃkhyākaṃ nakṣatraṃ veśmano bhavet || 23 ||
[Analyze grammar]

nakṣatraṃ bhañjayitvā vai aṣṭākhyasaṃkhyayā tataḥ |
śeṣasaṃkhyā vyayasaṃjñā nyūnā sā cā''yato yadi || 24 ||
[Analyze grammar]

śreṣṭhā sā narasaṃjñā'sti dhanadhānyādidāyinī |
vyayo'dhiko rākṣasaḥ syāt samānastu piśācakaḥ || 25 ||
[Analyze grammar]

aśubhau tau sadā bodhyau naravyayo hi lābhadaḥ |
aṣṭau vyayāśca te bodhyāḥ śeṣaike śāntanāmakaḥ || 26 ||
[Analyze grammar]

dhvajāyena samaṃ śānto vyayo deyaḥ phalapradaḥ |
siṃhāyena samaṃ pauro vyayo deyo dvitīyakaḥ || 27 ||
[Analyze grammar]

vṛṣāyena samaṃ deyaḥ śriyānandastu pañcamaḥ |
gajāyena samaṃ deyaḥ śrīvatso vyaya eva ca || 28 ||
[Analyze grammar]

kṣetrapāste prakīrtyante pūjitā vighnanāśakāḥ |
maṇiratnasuvarṇādyaiḥ prāsādā devatāpriyāḥ || 29 ||
[Analyze grammar]

nadyāstaṭe pure tīrthe siddhāśrame ca gahvare |
udyāne ca taṭāke ca kāryā devālayāḥ śubhāḥ || 30 ||
[Analyze grammar]

nagarābhimukhāḥ śreṣṭhāḥ prāsādāḥ sukhadāḥ sadā |
teṣu madhye ca bāhye ca devatāḥ sukhadā sadā || 31 ||
[Analyze grammar]

śrīḥ kubero gaṇeśaśca gopure sukhadāḥ sadā |
madhye vā svasya nilaye sukhadāḥ santi vaiṣṇavāḥ || 32 ||
[Analyze grammar]

rātrau pṛthvyāṃ pradīpaṃ ca saṃsthāpya dhruvatārake |
avalambanasūtreṇa rekhaikyaṃ lekhayed budhaḥ || 33 ||
[Analyze grammar]

uttarā sā diśā śuddhā kīlakairniścitāṃ tu tām |
kuryādāvāri niravanedāśilābhāgabhūtalam || 34 ||
[Analyze grammar]

pāṣāṇānte jalānte vā kūrmaśilāṃ niveśayet |
yaddiśi syātsarpamukhaṃ tasyāṃ khātaṃ na cācaret || 35 ||
[Analyze grammar]

catuṣṣaṣṭicatuṣkīnāṃ kāryamekaṃ hi koṣṭhakam |
samakoṇaṃ catuṣkoṇaṃ kṛtvā cobhayatodiśi || 36 ||
[Analyze grammar]

ravyādivāsarāṃstatra likhedaṣṭau kramādapi |
catuṣkoṇe raviryathā patellikhettathāvidham || 37 ||
[Analyze grammar]

tatra koṣṭhe maṃgalasya paṃktau nāgamukhaṃ mahat |
śaneḥ paṃktau maṃgalasya paṃktau deho mato'sya vai || 38 ||
[Analyze grammar]

śanaiḥ paṃktau tathā pucchaṃ bhavennāgāsyakoṣṭhake |
dehasthale na vai khātaṃ kartavyaṃ kvacideva ca || 39 ||
[Analyze grammar]

kanyātulāvṛścike ca ravau pūrve mukhaṃ bhavet |
bhādreṣorjeṣvapi nāgamukhaṃ pūrve bhavet sadā || 40 ||
[Analyze grammar]

tatastrike ca dakṣe syāt tatastrike tu paścime |
tatastrike uttare syāt tatra khātaṃ na kārayet || 41 ||
[Analyze grammar]

kukṣidvayasya vai pārśve khātaṃ śastaṃ mataṃ yathā |
yadi nāgamukhaṃ pūrve vāyavye khātamācaret || 42 ||
[Analyze grammar]

dakṣiṇe cet sarpamukhaṃ tvaiśānyāṃ khātamācaret |
paścime cennāgamukhaṃ khātaṃ vahnau tadācaret || 43 ||
[Analyze grammar]

uttare cennāgamukhaṃ nairṛtye khātamācaret |
devālayeṣu sarvatra nikhaned vāmakukṣike || 44 ||
[Analyze grammar]

gajaikamānaprāsāde caturaṃgulakūrmakaḥ |
tato daśagajaṃ yāvad dvyaṃgulāṃ pratihastakam || 45 ||
[Analyze grammar]

kūrmaṃ saṃvardhayet kūrmaśilā yogyā tu sā matā |
daśato viṃśatiṃ yāvadekāṃgulāṃ vivardhayet || 46 ||
[Analyze grammar]

viṃśatitaśca pañcāśadgajaṃ cārdhāṃgulaṃ dharet |
iṣṭakānāṃ tu prāsāde iṣṭakākūrmakaḥ smṛtaḥ || 47 ||
[Analyze grammar]

pāṣāṇānāṃ mandirādau pāṣāṇasya hi kūrmakaḥ |
kūrmaśilā'dhobhāge'ṣṭāṃ'śakaṃ padmaṃ samācaret || 48 ||
[Analyze grammar]

ekagajāyatā cā'ṣṭāṃ'gulordhvā caturasrikā |
pāṣāṇasaudhe dātavyā svasthākhyā sā sahāyadā || 49 ||
[Analyze grammar]

iṣṭikānāṃ tu saudheṣu kūrmārdhāṃgulamānataḥ |
kṛtvā kūrmaśilā deyā sthaulye sā syād dhruvapradā || 50 ||
[Analyze grammar]

kūrmaśilopari kāryā nava vai koṣṭhakāstataḥ |
agnisthe koṣṭhake vāridṛśyaṃ matsyaṃ tu dakṣiṇe || 51 ||
[Analyze grammar]

nairṛte maṇḍukadṛśyaṃ paścime makaradṛśiḥ |
vāyavye tu grāsamukhamuttare śaṃkhadarśanam || 52 ||
[Analyze grammar]

caiśāne sarpadṛśyaṃ ca pūrve kuṃbhasya darśanam |
navame madhyabhāge vai kūrmaḥ kārya itisthitiḥ || 53 ||
[Analyze grammar]

nandā bhadrā jayā riktā tathā'jitā'parājitā |
śuklau saubhāginī cātha dharaṇī navamī matā || 54 ||
[Analyze grammar]

kūrmaḥ kāryaścaikahaste devālaye'ṅgulā'rdhakaḥ |
suvarṇasyā'thavā raupyakasya śreṣṭhaḥ sa sammataḥ || 55 ||
[Analyze grammar]

paścāt pratyekahastena āpaṃcadaśahastakam |
ardhāṃ'gulena kūrmo'yaṃ vardhanīyo bhavediti || 56 ||
[Analyze grammar]

pañcadaśādekatriṃśadgajaparyantameva tu |
caturthāṃśāṃ'gulavṛddhiḥ kūrmasyaiveṣyate sadā || 57 ||
[Analyze grammar]

ekatriṃśādāpañcāśadgajaparyantameva tu |
ekaikadorakasyaiva vṛddhiḥ kūrme pradīyate || 58 ||
[Analyze grammar]

dugdhadadhighṛtamadhuśarkarābhiḥ sakūrmakaḥ |
snapanīyastataḥ sthāpyo dharaṇīnāmako hi saḥ || 59 ||
[Analyze grammar]

patrā''yo naiva kartavyaḥ kartavyaśchidravarjitaḥ |
madhye ca vyomaśūnyaśca kartavyo bhāgavarjitaḥ || 60 ||
[Analyze grammar]

maṇibhiḥ pūjanīyaścācchādanīyaḥ pravālakaiḥ |
yā nandādyāścāṣṭadikṣu śilāstāśca śubhā yathā || 61 ||
[Analyze grammar]

prāsāde tvekahaste tu matā saptāṃgulā śilā |
tataḥ pañcagajaṃ yāvat dvyaṃgulāstāḥ śilāḥ matāḥ || 62 ||
[Analyze grammar]

tato vai daśahaste tu tryaṃgulāstāḥ śilā matāḥ |
tato viṃśatihaste tu pādonacaturaṃgulā || 63 ||
[Analyze grammar]

pañcāśadgajaparyantaṃ sapādacaturaṃgulāḥ |
samakoṇāścaturthāṃ'śasthūlāḥ kāryāḥ śilā nava || 64 ||
[Analyze grammar]

śilānāmupari cāgnikoṇe śaktiṃ pradāpayet |
dakṣiṇāyāṃ ca daṇḍaṃ tu nairṛtyāyāṃ tu khaṅgakam || 65 ||
[Analyze grammar]

paścimāyāṃ tu pāśaṃ vai vāyavyāyāṃ tathāṃ'kuśam |
uttarāyāṃ gadāṃ dadyād aiśānyāṃ tu triśūlakam || 66 ||
[Analyze grammar]

pūrvasyāṃ vajrakaṃ dadyānmakhaṃ tāsāṃ bahiryathā |
raktaṃ śyāmaṃ cābhravarṇaṃ pāṇḍuraṃ śvetamambaram || 67 ||
[Analyze grammar]

haritaṃ śvetaṃ pītaṃ ca bastramācchādayet kramāt |
khāte śilā'dhaḥ saṃpuṭāḥ sthāpanīyā nidhernava || 68 ||
[Analyze grammar]

śaṃkhaḥ padmo mahāpadmo makaraḥ kundanālakau |
kacchapaśca mukundaśca kharvaśca nidhayo nava || 69 ||
[Analyze grammar]

īśānādagnikoṇādvā dakṣe śilā'ṣṭakā'rpaṇam |
madhye kūrmaśilā paścād vedamāṃgalyagītikaiḥ || 70 ||
[Analyze grammar]

pūrve nandā sthāpanīyā tato'nyā dharaṇī tataḥ |
śilāṣṭakodaraṃ sāvakāśaṃ rakṣyaṃ puṭādivat || 71 ||
[Analyze grammar]

abhitaḥ pālikāḥ kṛtvopari sthāpyāḥ puṭādivat |
dharaṇīnābhinālaṃ tu sāvakāśaṃ tadūrdhvake || 72 ||
[Analyze grammar]

āsiṃhāsanaparyantaṃ cānayet sukhado hi saḥ |
kūrmasya sthāpane śilāsthāpane ghṛtapakvakam || 73 ||
[Analyze grammar]

miṣṭānnaṃ devatābhyaśca dikpālebhyo'pi miṣṭakam |
baliṃ dadyād divyavastraṃ śilpine śrīphalānvitam || 74 ||
[Analyze grammar]

brāhmaṇāyā'rpayed bhojyaṃ dakṣiṇāṃ vaidikāya ca |
prāsādānāmadhiṣṭhānaṃ jagatī vedikā matā || 75 ||
[Analyze grammar]

yāvatkoṇo bhavet devaprāsādo jagatī tathā |
caturasrā tathā'ṣṭāsrā vartulā cā'yatā'thavā || 76 ||
[Analyze grammar]

prāsādarūparūpā tu vedikā vai praśasyate |
vedikā jagatī pradakṣiṇā ceti samarthakāḥ || 77 ||
[Analyze grammar]

prāsādājjagatī kāryā ṣaḍguṇā śobhanā matā |
brahmaviṣṇumaheśānāṃ saptaguṇā tu mandire || 78 ||
[Analyze grammar]

dviguṇā vā caturguṇā pañcaguṇā kvacinmatā |
tribhramā jagatī śreṣṭhā dvibhramā tu ca madhyamā || 79 ||
[Analyze grammar]

ekabhramā kaniṣṭhā ca tribhramā viṣṇumandire |
ucchrāyasya tribhāgena nyūnā dvitīyabhrāmiṇī || 80 ||
[Analyze grammar]

taducchrāyavibhāgena nyūnā tṛtīyabhrāmiṇī |
evaṃ samucchrayaḥ kāryo bhramaṇīnāṃ tribhāgataḥ || 81 ||
[Analyze grammar]

catuṣkoṇā dvādaśakoṇā vā viṃśatikoṇakāḥ |
aṣṭāviṃśatikoṇāḥ ṣaṭatriṃśatkoṇāstu cottamāḥ || 82 ||
[Analyze grammar]

prāsādaśced dvādaśahastā''yato jagatī tadā |
āyatā'rthapramāṇena samucchrayavatī matā || 83 ||
[Analyze grammar]

dvāviṃśatigajā''yatye tattṛtīyāṃ'śakocchrayā |
dvātriṃśadāyatabhāve caturthāṃ'śocchrayo mataḥ || 84 ||
[Analyze grammar]

pañcāśadāyatabhāve turye'pi caturaṃśikā |
ucchraye samatā cāpi sadā nirvighnatākarī || 85 ||
[Analyze grammar]

jagatyucchrāyamānasya bhāgāḥ kāryāḥ samāḥ purā |
aṣṭāviṃśatirevā'tha jāḍyakuṃbhastribhāgakaḥ || 86 ||
[Analyze grammar]

dvibhāgā karṇikā kāryā tribhāge sarapaṭṭikā |
padmapatrayutā kāryā dvibhāgaḥ khurako mataḥ || 87 ||
[Analyze grammar]

saptabhāgo bhavet kuṃbhastribhāgaḥ kalaśo bhavet |
ekabhāgā''ntarapatrī kapotālistribhāgajā || 88 ||
[Analyze grammar]

caturbhāgaḥ puṣpakaṇṭhaḥ kartavyaḥ sukhadā ime |
nirgame puṣpakaṇṭho vai caturbhāgo hi gṛhyate || 89 ||
[Analyze grammar]

jāḍyakuṃbho'pi ca tathā caturbhāgo hi gṛhyate |
karṇikāsu pūrvato vai samārabhya pradakṣiṇam || 90 ||
[Analyze grammar]

aṣṭānāṃ dikprapālānāṃ sthāpyāḥ supratimāḥ śubhāḥ |
śilāḥ prāsādadhartryastu dīrghāḥ puṣṭā nīrandhrakāḥ || 91 ||
[Analyze grammar]

sthāpyā dṛḍhāḥ sucūrṇādyairavakāśavivarjitāḥ |
jagatīdāśikāyāścopari bhīṭaṃ tato bhavet || 92 ||
[Analyze grammar]

gajaprāsādakabhīṭaṃ caturaṃgulamucchritam |
kṛtvā tataśca pañcāśadgajaparyantameva tu || 93 ||
[Analyze grammar]

ardhāṃgulaṃ pratigajaṃ bhīṭamucchritameva ca |
ekadvitrīṇi bhīṭāni coparyupari mānataḥ || 94 ||
[Analyze grammar]

caturthāṃśanyūnamānaiḥ kāraṇīyāni sarvathā |
nikāso'pi caturthāṃ'śaḥ svasvocchrayapramāṇataḥ || 95 ||
[Analyze grammar]

bhīṭasyāṃ'śatrayaṃ kṛtvoparibhāge parārdhake |
puṣpakacippikāḥ kāryāḥ pīṭhaṃ bhīṭopari nyaset || 96 ||
[Analyze grammar]

prāsāde tvekahaste tu pīṭhaṃ vai dvādaśāṃgulam |
pañcahastāvadhiṃ pañcāṃgulaṃ pratigajaṃ tataḥ || 97 ||
[Analyze grammar]

daśāvadhiṃ tato vṛddhiścaturaṃgulamānataḥ |
viṃśāvadhiṃ tato vṛddhistryaṃgulā vai matā śubhā || 98 ||
[Analyze grammar]

ṣaṭtriṃśadavadhiṃ vṛddhiḥ sārdhaikāṃgulamānataḥ |
pañcāśadgajaparyantamūnapādaḥ samucchrayaḥ || 99 ||
[Analyze grammar]

pañcamāṃśā'dhikā śreṣṭhā pīṭhavṛddhiḥ śubhā matā |
ekaviṃśatisaṃbhāgāḥ prāsādasyocchraye ca ye || 100 ||
[Analyze grammar]

pañcādinavabhāgāntaḥ pīṭhotsedho yatheṣṭakaḥ |
śubhadaṃ sarvatobhadraṃ padmaṃ vasundharaṃ tathā || 101 ||
[Analyze grammar]

siṃhaṃ vyomaṃ garuḍaṃ ca haṃsaṃ vṛṣaṃ ca pīṭhakam |
navadhā pīṭhameva syāt pīṭhaṃ prāsādadhārakam || 102 ||
[Analyze grammar]

pīṭhocchrāye tripaṃcāśad bhāgāḥ kāryāstataḥ param |
dvāviṃśatibhāgāstu nirgame'rpyā vidhānataḥ || 103 ||
[Analyze grammar]

navabhāgā jāḍyakubhe saptabhāgāstu karṇake |
andhārīsahite bodhyāścāthāpi saptabhāgakāḥ || 104 ||
[Analyze grammar]

chajjikāsahitagrāsapaṭṭikāyā matāstathā |
hastistaro dvādaśāṃśe vājistaro daśāṃśake || 105 ||
[Analyze grammar]

aṣṭabhāge narastaraḥ kartavyaḥ śubhadarśanaḥ |
aśvastare mukhyadevavāhanasya staro'pi vā || 106 ||
[Analyze grammar]

karṇakāgraprabhāvādvai pañcabhāgātmanirgamaḥ |
jāḍyakuṃbho hi kartavyaḥ sārdhatribhāgakarṇakaḥ || 107 ||
[Analyze grammar]

āntarālaścārdhabhāgaścaturbhāgā tataḥ param |
chajjikāyuggrāsapaṭṭī kartavyā śobhanā parā || 108 ||
[Analyze grammar]

hastistaraścaturbhāge nirgamo vājinirgamāt |
prabhāgako hi kartavyonarastaro dvibhāgakaḥ || 109 ||
[Analyze grammar]

starāṇāmantarāle ca tathordhve karṇikā tathā |
chajjikā ca prakartavyā śobhākarī tu rādhike || 110 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne prāsādarūpe mandiranirmāṇe khātādyārabhya pīṭhakarṇīparyantaṃ mandirāṃgānāṃ nirdeśapramāpaṇādināmā ṣaṭtriṃśa |
dadhikaśatatamo'dhyāyaḥ || 136 ||
[Analyze grammar]