Chapter 11

śrīkṛṣṇa uvāca |
śṛṇu vai rādhike'nādikṛṣṇanārāyaṇo hariḥ |
mātrādipoṣito nityaṃ vardhate bālacandravat || 1 ||
[Analyze grammar]

nityaṃ tābhiśca kanyābhiḥ sevyate puruṣottamaḥ |
nirmalaḥ svacchahṛdayaḥ paramātmā nirāśrayaḥ || 2 ||
[Analyze grammar]

mātrānandakaraḥ pitṛpratibimbāmbakojjvalaḥ |
taṃ vīkṣya bālakaṃ kṛṣṇaṃ sarvarūpānurūpiṇam || 3 ||
[Analyze grammar]

prajā darśanakāriṇyo nijapuṇyaṃ hi menire |
enaṃ ca yogino dṛṣṭvā parameśaṃ hi menire || 4 ||
[Analyze grammar]

lomaśaṃ tvekadā''hūya pitā gopālakṛṣṇakaḥ |
māse ṣaṣṭhe karṇavedhaṃ raupyasūcyā'pyakārayat || 5 ||
[Analyze grammar]

dviguṇena tu sūtreṇa puṣṭyāyuḥ śrīvivṛddhaye |
asmin dine prage snātvā pitā gopālakṛṣṇakaḥ || 6 ||
[Analyze grammar]

lomaśasya tu hastenā'śvinīkumārapūjanam |
kārayāmāsa tanmūrtiṃ kārayitvā tu rājatīm || 7 ||
[Analyze grammar]

tatrā''vāhya tadā devavaidyaṃ pitā yadārcayat |
tāvatra sākṣāt samāyātaḥ sūryatulyaḥ sakuṇḍalaḥ || 8 ||
[Analyze grammar]

gṛhītvā sa kṛtāṃ pūjāṃ pasparśa pāṇinā hareḥ |
karṇau sukomalo ramyau śaṣkulīcakraśobhanau || 9 ||
[Analyze grammar]

sarvaśravaṇasiddhyādikṛtaśāśvatikā''śrayau |
nairugṇyena rasenā'dau praliptau ca śravāvubhau || 10 ||
[Analyze grammar]

tataśca pūjitā sūcī sūkṣmā navā ca kānakī |
dṛḍhayā ca tayā karṇo viddhau yathāsthalaṃ tadā || 11 ||
[Analyze grammar]

devavaidyena tu śanairlāghavena sukhena ca |
sūcīsparśo'ti bālena na jñāto rasavaibhavāt || 12 ||
[Analyze grammar]

atha viddhau yathāpekṣaṃ karṇau sūcī tadā'bhavat |
kanyā mūrtimatī devī divyāmbaravibhūṣaṇā || 13 ||
[Analyze grammar]

sarvāvayavaśobhāḍhyā candrojjvalā ca komalā |
uvāca sā tadā devī mātaraṃ pitaraṃ mudā || 14 ||
[Analyze grammar]

yasyā nārāyaṇasparśastasyā māyākṣayo dhruvam |
mama māyā vinaṣṭā'dya rakṣa māṃ kṛṣṇasannidhau || 15 ||
[Analyze grammar]

mātā śrutvā ca tāmāha kasya tvaṃ vidyase sutā |
vadā'tra kānaki devi taveṣṭaṃsaṃbhaviṣyati || 16 ||
[Analyze grammar]

sūcī śrutvā''ha ca naijaṃ vṛttāntaṃ vai yathodbhavam |
ahaṃ vai mānasī kanyā brahmaṇo'smi samudbhavā || 17 ||
[Analyze grammar]

mama kāryaṃ pāragatvaṃ chidrīkaraṇamityapi |
ekalāyāstathā kaṇṭakādidaityavināśanam || 18 ||
[Analyze grammar]

tunnavāyaḥ śvaśuro me viśvakarmasutaśca saḥ |
tunnavāyasya putrāya dorakāya samarpitā || 19 ||
[Analyze grammar]

sakāntāyā mama kāryaṃ sandhānaṃ vai viyuktayoḥ |
jaḍā'haṃ dhāturūpā'smi cetanā'smi ca devatā || 20 ||
[Analyze grammar]

kuṭumbaṃ me tathā dvedhā kāryaṃ ca kāraṇaṃ sadā |
kāraṇaṃ devatārūpaṃ kāryaṃ bhautikamityapi || 21 ||
[Analyze grammar]

ityevaṃ kathitaṃ te'tra dorakasya priyā'smyaham |
mātaścā'haṃ tava putrabhaktā jātā'smi cādyataḥ || 22 ||
[Analyze grammar]

divyā divyasvarūpā ca kṛtvā viśeṣato'tra vai |
sevāyāṃ tava putrasya rakṣa nārāyaṇasya mām || 23 ||
[Analyze grammar]

śrutvaivaṃ kambharālakṣmīstāmuvāca tadā punaḥ |
svāminā saha deveśi vasā'smiṃllomaśāśrame || 24 ||
[Analyze grammar]

svāmikuṭumbasahitā cāśvapaṭṭasarastaṭe |
vasā'tra nirbharā kṛṣṇaṃ sevituṃ hṛṣṭamānasā || 25 ||
[Analyze grammar]

ityuktā sā prajaharṣa natvā'śvinīkumārakam |
mātaraṃ śrīhariṃ tūrṇaṃ śvaśurasya gṛhaṃ gatā || 26 ||
[Analyze grammar]

vā sammantrya ca śīghraṃ sakuṭumbā samāyayau |
aśvapaṭṭasarasaśca tīre pūrvasthale tu sā || 27 ||
[Analyze grammar]

vartate sakuṭumbā vai kṛṣṇabhaktiparāyaṇā |
kanyakāḥ kṛṣṇamādāya vihartuṃ yānti tatsthalam || 28 ||
[Analyze grammar]

tunnavāyāśramaṃ tīrthaṃ pūrvatīre tato'bhavat |
athaikadā tu sā kṛṣṇaṃ kaṭyāṃ nidhāya modate || 29 ||
[Analyze grammar]

vicārayati nātho me bhagavāṃstu kadā bhavet |
jñātvā manogataṃ tasyāḥ kṛṣṇaḥ prāha hasaṃśca tām || 30 ||
[Analyze grammar]

vitarāmi ca te siddhiṃ bahurūpadharātmikām |
bhava kanyāsvarūpā ca vasa vai lomaśāśramam || 31 ||
[Analyze grammar]

mama prāptiryathākāle bhaviṣyati tavā'naghe |
ityuktamātre sā devī divyarūpā hi kanyakā || 32 ||
[Analyze grammar]

cārucampakavarṇābhā dvitīyarūpadhāriṇī |
babhūva śrībālakṛṣṇasannidhau sarasastaṭe || 33 ||
[Analyze grammar]

sā yayau kṛṣṇakāntena saha vai lomaśāśramam |
dorakasya gṛhiṇyākhyā dorakasya gṛhe sthitā || 34 ||
[Analyze grammar]

sā ca kṛṣaṇārpitasiddhyā koṭirūpadharā'bhavat |
jagatsu sūcikārūpā samavyāpnot prasandhinī || 22 ||
[Analyze grammar]

evaṃ sā'nugrahalābhāt kṛṣṇakāntaṃ sadā'labhat |
aśvinīputrakau vaidyau varadānāya sūcitau || 36 ||
[Analyze grammar]

tāvapyārādhanārthaṃ ca yayācāte nivāsanam |
tathā'stviti ca tau prāha kṛṣṇaḥ prasannamānasaḥ || 37 ||
[Analyze grammar]

tattīrthaṃ cāśvinīputrārāmanāma babhūva ha |
aśvapaṭṭasarasastu pūrve tīre drumeṣu ca || 38 ||
[Analyze grammar]

evaṃ kṛṣṇaprabhurvāsaṃ tābhyāṃ tasyai ca vai dadau |
svayaṃ kanyādhṛtaścāyāt svasaudhaṃ pārameśvaram || 39 ||
[Analyze grammar]

lomaśo'pi munistatra karṇavedhākhyasadvṛṣe |
pūjanaṃ dakṣiṇāṃ lebhe gopālakṛṣṇato bahu || 40 ||
[Analyze grammar]

yayau nijāśramaṃ divyo lomaśo munirāṭ tataḥ |
caitraśuklasya pūrṇāyāṃ tithau māse tu ṣaṣṭhake || 41 ||
[Analyze grammar]

samāgatāyāṃ tatraiva samāhūya ca lomaśam |
kārayāmāsa vidhinā pitā'nnaprāśanaṃ śubham || 42 ||
[Analyze grammar]

dadhyājyamadhumiśraṃ ca bālakṛṣṇasya vai prabhoḥ |
maṃgalasnānamevādau saṃkṛtvā mātṛkārcanam || 43 ||
[Analyze grammar]

pratiṣṭhāpya śuciṃ vahniṃ caruhomaṃ cakāra saḥ |
brahmādipūjanaṃ cakre sadannānyapyabhojayat || 44 ||
[Analyze grammar]

brāhmaṇebhyastathā sadbhyo dīnāndhebhyaśca vai tathā |
satībhyaḥ kanyakābhyaśca kumārebhyo'pyadād dhanam || 45 ||
[Analyze grammar]

gobhyo mṛgebhyo grāsāṃśca kīṭakādibhyaśca piṣṭakam |
jalaukaḥ kūrmamatsyebhyaścāpi kaṇān dadau tadā || 46 ||
[Analyze grammar]

kākapārāvatādibhyaḥ kaṇān dadau tadā pitā |
vṛkṣavallītṛṇādibhyo jalāni pradadau tadā || 47 ||
[Analyze grammar]

pitṛbhyaśca surebhyaśca mānuṣebhyo dadau tadā |
yatheṣṭāni ca bhojyāni tathopakaraṇānyapi || 48 ||
[Analyze grammar]

kumārikābhyaḥ sarvābhyo dravyabhūṣāmbarāṇi ca |
dehayogyāni śṛṅgāravastūni sādhanāni ca || 49 ||
[Analyze grammar]

bhojanāsanayānāni pattrāṇāvaraṇāni ca |
vidyāsādhanagranthāṃśca bhaktisādhanakāni ca || 50 ||
[Analyze grammar]

dadau pitā tu divyāni bhogyāni vividhāni ca |
athauṣadhayo bhūmisthāḥ sasyarūpāḥ kaṇapradāḥ || 51 ||
[Analyze grammar]

havyadāḥ phaladā kandamūladā godhūmādidāḥ |
rasadā madhurā gundrasāradāḥ śarkarāpradāḥ || 52 ||
[Analyze grammar]

patradāḥ puṣpadā bhakṣyabhojyalehyakacoṣyadāḥ |
rogahantryaḥ puṣṭikartryā vṛkṣagulmalatādikāḥ || 53 ||
[Analyze grammar]

svasvajanyā''svādyavastūnyādāya kanyakātmikāḥ |
sthāleṣu sannidhāyaiva navānnādīni sarvaśaḥ || 54 ||
[Analyze grammar]

savāditrakīrtanāni kurvantyaśca vibhūṣitāḥ |
vahnivarṇojjvalāḥ kṛṣṇaṃ bhojayituṃ samāgatāḥ || 55 ||
[Analyze grammar]

kuṃkumavāpikodyāne paścime yojanāyate |
sthālāni rakṣayitvaiva sasmaruḥ śrīpatiṃ prabhum || 16 ||
[Analyze grammar]

kalpodyāne cāgatāstā jñātvā kṛṣṇanarāyaṇaḥ |
lakṣarūpadharo bhūtvā pratyekāṃ'kagato'bhavat || 17 ||
[Analyze grammar]

pratyekayā suvarṇasyā''sane saṃsthāpya vallabhaḥ |
bhojitaḥ pūjito modito muhuścumbitaḥ prabhuḥ || 58 ||
[Analyze grammar]

bhagavānapi kaiśorarūpāṇi prāpya vai tataḥ |
bhojanāni sumṛṣṭāni cakhāda snehatastadā || 59 ||
[Analyze grammar]

sarvābhyaḥ svaprasādaśca pradattaḥ sthālapūritaḥ |
yadyad bhuṃkte ca tatsarvaṃ śrīhareryogatastadā || 60 ||
[Analyze grammar]

lakṣmyā saṃvardhitaṃ nyūnaṃ na kiñcidapi dṛśyate |
tāḥ sarvāḥ karakamalairbhojayanti patiṃ prabhum || 61 ||
[Analyze grammar]

bhagavāṃśca punarbhuṃkte tāsāṃ bhāvānubandhanaḥ |
vāraṃvāraṃ bhojitaḥ pāyitaḥ prapūjitastathā || 62 ||
[Analyze grammar]

tāsāṃ ca pūrayāmāsa saṃkalpān divyarūpadhṛk |
annaprāśanake cādyadine'nnāni cakhāda yat || 63 ||
[Analyze grammar]

aiśvaryaṃ vīkṣya tatsarvaṃ mumuhustatra keśave |
bhagavāṃśca jalaṃ pītvā bālarūpo babhūva ha || 64 ||
[Analyze grammar]

udgāraṃ tṛptidaṃ punaḥ punargṛhṇāti modate |
atha tābhirharistatra vanditaḥ sevanāya ca || 65 ||
[Analyze grammar]

yathā sevāṃ tava kurmo nityaṃ vayaṃ tathā kuru |
tvamātmā tvaṃ parātmā ca tvaṃ rasastvaṃ balaṃ ca naḥ || 66 ||
[Analyze grammar]

tvaṃ phalaṃ tva dalaṃ puṣpaṃ tvaṃ garbhastvaṃ ca mañjarī |
tvaṃ mūlaṃ madhyamastambhastvaṃ śākhā'ṅkura ityapi || 67 ||
[Analyze grammar]

tvaṃ prāṇastvaṃ jīvanaṃ ca khādyaṃ tvaṃ khādako'pi ca |
bhoktā tvaṃ bhojyamevā'si cā'ntarātmā'si nastathā || 68 ||
[Analyze grammar]

sraṣṭā pātā rakṣitā poṣayitā layabhūstathā |
tvamevā'si parabrahma svāmī prāṇapriyaḥ patiḥ || 69 ||
[Analyze grammar]

asmākamāntaraṃ hṛdyaṃ gṛhāṇa puruṣottama |
sevāyāṃ rakṣaya nātha kurmaḥ sevāṃ yathā tava || 70 ||
[Analyze grammar]

ityuktaścāṃ'kago viṣṇuḥ prahasyā''ha ca devatāḥ |
vanadevyo bhavatyo'tra vasantu lomaśāśrame || 71 ||
[Analyze grammar]

kanyārūpāstathā vṛkṣavallīrūpā api dhruvam |
vallīrūpā drumarūpā udyānāvāsamaṃgalāḥ || 72 ||
[Analyze grammar]

tiṣṭhantu phalapuṣpādyaiḥ sevārthaṃ mama sarvadā |
ityuktāstāḥ paraṃ prema jñātvā nārāyaṇasya vai || 73 ||
[Analyze grammar]

gṛhītvā'nugrahaṃ śreṣṭhaṃ babhūvurdvisvarūpikāḥ |
vṛkṣavallīsvarūpāstāḥ kalpodyāne vasanti ca || 74 ||
[Analyze grammar]

atha kanyāsvarūpāstā yāvat paśyanti keśavam |
punaḥ punaścāṃkagaṃ taṃ tāvat saṃhṛtya lomaśaḥ || 75 ||
[Analyze grammar]

rūpāṇi caikarūpo'bhūt śrīvallīkanyakāṃ'kagaḥ |
hasan sasmāra ca muniṃ lomaśaṃ śāśvataṃ gurum || 76 ||
[Analyze grammar]

drāgeva smṛtamātro'sau divyadeha upasthitaḥ |
tuṣṭāva parameśaṃ ca kā tvājñā vad māṃ prabho || 77 ||
[Analyze grammar]

haristasmai kanyakāstā vanadevīrdadau mudā |
lomaśastā namaskṛtyā''śramaṃ nināya devatāḥ || 78 ||
[Analyze grammar]

kṛṣṇanārāyaṇaparā brahmarūpāstu sevikāḥ |
haristato'bhavallupto yayau naijaṃ gṛhaṃ tadā || 75 ||
[Analyze grammar]

lomaśenā''veditaśca pitā putraparākramam |
aiśvaryaṃ cātulaṃ sarvaṃ jñātavān mudamāptavān || 80 ||
[Analyze grammar]

atha vai lomaśaṃ prāha gopālakṛṣṇakastadā |
bālo'yaṃ vidyate bālo vastuto bālako na vai || 81 ||
[Analyze grammar]

camatkārā bhavantyasya divyapuruṣaceṣṭitāḥ |
tasmād bhāvyo'pratarkyaśca kaścit sarveśvaraḥ prabhuḥ || 82 ||
[Analyze grammar]

vṛttirmukhyā kriyā mukhyā kā'sya vai saṃbhaviṣyati |
rājā vā devavaryo vā gururvā tyāgavānapi || 83 ||
[Analyze grammar]

vad kā'sya niścitaikā vṛttirbhāvyā śubhāśrayā |
ityukto lomaśaḥ prāha vastrapātradhanādikam || 84 ||
[Analyze grammar]

nidhehi purataścā'sya yad gṛhṇīyāttu viddhi tat |
ityukto vai pitā śīghraṃ vṛttiṃ jñātuṃ puro'sya ca || 89 ||
[Analyze grammar]

vastraṃ pātraṃ cāyudhaṃ ca dhanaṃ granthaṃ ca lekhinīm |
yaṣṭiṃ darbhaṃ hīrakaṃ ca mālikāṃ kaṇamuṣṭikām || 86 ||
[Analyze grammar]

sruvaṃ pūgīphalaṃ tantuṃ phalaṃ śaṃkhaṃ kapardikām |
jalapātraṃ darpaṇaṃ ca sasyaṃ kṛtrimahaṃsakam || 87 ||
[Analyze grammar]

dīpaṃ chatraṃ ca pāṣāṇaṃ ghṛtaṃ kāṣṭhaṃ tathauṣadham |
puṣpaṃ loṣṭhaṃ pādukāṃ ca sūcīṃ kalgiṃ nyadhāt punaḥ || 88 ||
[Analyze grammar]

dvātriṃśattāni vastūni vilokya bhagavānapi |
dvātriṃśadbhujavān bhūtvā pasparśa yugapat prabhuḥ || 89 ||
[Analyze grammar]

sarvāṇyapi ca vastūni jānātyeva kalānidhiḥ |
sarvavṛttimayo yo'sti kimavedyaṃ parātmanaḥ || 90 ||
[Analyze grammar]

kimasādhyaṃ kimakāryaṃ kimajñātaṃ hareḥ khalu |
āścaryaṃ prāpa ca pitā harirjahāsa vai tadā || 91 ||
[Analyze grammar]

lomaśaḥ prāha ca kalāścatuḥṣaṣṭiranuttamāḥ |
vartante'traiva deveśe purāṇapuruṣe gurau || 92 ||
[Analyze grammar]

sarvakartā sarvavṛttidātā poṣṭā bhaviṣyati |
sarvakāryakaraścāyaṃ paramātmā'sti śāśvataḥ || 93 ||
[Analyze grammar]

mātā jaharṣa saṃśrutvā dṛṣṭvā sutasya vaibhavam |
paśyatāṃ yāvatāṃ tāvat kṛṣṇanārāyaṇo hasan || 94 ||
[Analyze grammar]

pustakaṃ mālikāṃ dvābhyāṃ karābhyāṃ lekhinīṃ kuśam |
anyābhyāṃ ca karābhyāṃ tu dhṛtvā caturbhujo'bhavat || 95 ||
[Analyze grammar]

mālāṃ ca pustakaṃ dhṛtvā dvibhujaśca tato'bhavat |
aṃke kṛtvā pustakaṃ ca kṣiptvā kaṇṭhe ca mālikām || 96 ||
[Analyze grammar]

kalgīṃ cādāya hastena hasan nyadhāt svamastake |
kusumaṃ samajighracca harirbālasvarūpavān || 97 ||
[Analyze grammar]

śaṃkhacakragadāpadmadharo'dṛśyata vai tadā |
bāla eva svayaṃ taistairdhṛtairviśeṣatastadā || 98 ||
[Analyze grammar]

jñāpayāmāsa pitrādyān tattadviśeṣavṛttikam |
lomaśo'pi prasannaśca pūjāmādāya satkṛtim || 99 ||
[Analyze grammar]

yayau nijāśramaṃ nityaṃ bhajate taṃ narāyaṇam |
rādhike te'nādikṛṣṇacamatkāro mayā muhuḥ || 100 ||
[Analyze grammar]

kathito bhaktagamyaḥ sa pāṭhaśravācca mokṣadaḥ |
mayā divyena tā līlāḥ pratyakṣamavalokitāḥ || 101 ||
[Analyze grammar]

itiśrīlakṣmīnārāyaṇīyasaṃhitāyāṃ dvitīye tretāsantāne bālakṛṣṇasya prabhoḥ karṇavedhasaṃskāraḥ sūcyai camatkāradarśanam aśvinīkumāratīrtham annaprāśanasaṃskāraḥ vanadevatākāritaprāśanaṃ vanadevatābhyo bahurūpaiścamatkāraḥ kāntaprāptiḥ hare vṛttijñānārthaṃ purodhṛtavastraśastrādivastūni grahītuṃ bahurūpatā divyatā ceti nirūpaṇanāmaikādaśo'dhyāyaḥ || 11 ||
[Analyze grammar]