Chapter 125

śrīnārāyaṇa uvāca |
śaṃkaraḥ pārvatīṃ prāha mahāvaikuṇṭhavarṇanam |
tripādvibhūterakṣarabrahmasthā dhāmasṛṣṭayaḥ || 1 ||
[Analyze grammar]

śuddhāḥ śāntāḥ susantaśca brahmānandasukhātmikāḥ |
nityāśca nirvikārāśca heyabhāgavivarjitāḥ || 2 ||
[Analyze grammar]

hiraṇmayā asaṃkhyātāḥ koṭyabjasūryakāntayaḥ |
nārāyaṇapadāṃbhojabhaktisadrasapūritāḥ || 3 ||
[Analyze grammar]

sāmādistutikartāro yatra santi hi sāttvatāḥ |
tadvadidaṃ mahāvaikuṇṭhākhyaṃ dhāma paraṃ padam || 4 ||
[Analyze grammar]

niḥśreyasaṃ ca nirvāṇaṃ kaivalyaṃ mokṣa ucyate |
nārāyaṇacaraṇayoḥ rasabhogasuvardhitāḥ || 5 ||
[Analyze grammar]

mahātmāno mahābhāgā vaiṣṇavā nivasanti hi |
dāsyo vaiṣṇavamūrdhanyā hareḥ sevāratāḥ sadā || 6 ||
[Analyze grammar]

tadviṣṇoḥ paramaṃ dhāma vaikuṇṭhaṃ taddhareḥ padam |
nānājanapadākīrṇaṃ saccidbrahmasukhapradam || 7 ||
[Analyze grammar]

padmarāgaidindranīlairbahuratnaiḥ suśobhitam |
koṭivaiśvānaraprakhyaṃ sarvavidyāmayaṃ mahat || 8 ||
[Analyze grammar]

āmodakaramandāravṛkṣairbahubhirāvṛtam |
nānāmaṇimayairdivyaivimānaiḥ koṭibhiryutam || 9 ||
[Analyze grammar]

sa loko vipulaḥ puṇyaḥ śuddha ātmamayaḥ śubhaḥ |
yugapatkoṭisāhasrasūryabhāsāprabhāsitaḥ || 10 ||
[Analyze grammar]

nityo'yaṃ vaiṣṇavo lokaḥ pradhānānte na līyate |
mayā brahmādidevaiśca na draṣṭumapi śakyate || 11 ||
[Analyze grammar]

kalpacintāmaṇivṛkṣā'mṛtavallyādipūritaḥ |
miṣṭāmbudivyasopānadīrghikālasitaḥ śubhaḥ || 12 ||
[Analyze grammar]

svarṇavarṇaiḥ sadā'mlānaiḥ samarūpaistu paṃkajaiḥ |
ramante kanyakāstatra vimānairviharanti ca || 13 ||
[Analyze grammar]

jvaladagnisamaiḥ kāntairbhūṣaṇaiḥ koṭibhiryutāḥ |
nirantaraṃ muktapakṣisaṃghaiḥ sāmabhirīḍitaḥ || 14 ||
[Analyze grammar]

nṛtyasya maṇḍapastatra sugandhadravyaśobhitaḥ |
ūnaṣoḍaśavarṣaiśca divyanārīnarairvṛtaḥ || 15 ||
[Analyze grammar]

sarvalakṣaṇaśobhāḍhyairdivyaśobhivibhūṣaṇaiḥ |
sarvatra lasitaḥ samyak tvānandena prapūritaḥ || 16 ||
[Analyze grammar]

nṛtyaṃ bhavati nityaṃ vai tatra tārasvarādibhiḥ |
ānanda jāyate tena muhurvaikuṇṭhavāsinām || 17 ||
[Analyze grammar]

evaṃ ramyapradeśeṣu muditaiḥ patibhiḥ saha |
nārāyaṇaṃ tvarcayanti pramadāḥ sāttvatapriyāḥ || 18 ||
[Analyze grammar]

nārāyaṇakṛpālabdhaṃ sukhamaśnanti sarvadā |
gāyanti bhagavallīlāṃ caritāni śubhāni ca || 19 ||
[Analyze grammar]

padmekṣaṇāḥ kamalavatkomalāṃgyaśca yoṣitaḥ |
divyasragvasanopetāḥ padmayā sadṛśāḥ śubhāḥ || 20 ||
[Analyze grammar]

śaṃkhacakragadāpadmadharairbhūṣaṇabhūṣitaiḥ |
sragvibhiḥ pītavasanaiḥ patibhiḥ saha saṃsthitāḥ || 21 ||
[Analyze grammar]

sevante śrīhariṃ nārāyaṇaṃ divyaṃ bhajanti tam |
anyonyaramamāṇānāṃ harerbhakteḥ sukho rasaḥ || 22 ||
[Analyze grammar]

sarvadā vardhata eva dravaniṣṭho bhavatyapi |
ityevaṃ vasativyāptaṃ vyūhābhyantaramaṇḍalam || 23 ||
[Analyze grammar]

maṇḍalābhyantare tatra prākāro vidyate mahān |
caturdvārasamāyuktastuṅgagopurasaṃyutaḥ || 24 ||
[Analyze grammar]

vimānāni ca saudhāni santi durge'pi tatra ca |
caṇḍapracaṇḍau prāgdvāre yāmye bhadrasubhadrakau || 25 ||
[Analyze grammar]

vāruṇyāṃ jaya vijayau saumye dhātā vidhātṛkaḥ |
kumudḥ kumudākṣaśca puṇḍarīko'tha vāmanaḥ || 26 ||
[Analyze grammar]

śaṃkukarṇaḥ sarvanidraḥ sumukhaḥ supratiṣṭhitaḥ |
aṣṭau prākārapatayo gauṇadvāreṣu santi hi || 27 ||
[Analyze grammar]

prākārābhyantare tatra prākārabhavanāni vai |
koṭivaiśvānaratulyojjvalāni ratnavanti ca || 28 ||
[Analyze grammar]

ārūḍhayauvanadivyanārīnarayutāni vai |
vartulaprākāralagnasthitimanti bhavanti hi || 29 ||
[Analyze grammar]

prākāro vartulākāro daśalakṣasuyojanaḥ |
sāptabhaumo mahāvyomni vartulo vartate'bhitaḥ || 30 ||
[Analyze grammar]

gopureṣu dvādaśasu rājamārgāḥ sulambanāḥ |
prākārābhyantare tatra rājasaudhaṃ prayānti vai || 31 ||
[Analyze grammar]

durge tvanu rājasaudhamabhito nagarī śubhā |
divyā hyayodhyā subhagā nārāyaṇavinirmitā || 32 ||
[Analyze grammar]

anantamaṇibhāskaragṛhapaṃktibhirāvṛtā |
prodbhinnayauvanaiḥ ramyairdivyanārīnarairyutā || 33 ||
[Analyze grammar]

divyanadanadīyuktā premajalasunirjharā |
divyabhojyapānavastrā saṃkalpodbhavasādhanā || 34 ||
[Analyze grammar]

asaṃkhyadivyasaudhādivaiṣṇavagṛhaśobhitā |
mahābhāgavatasāttvatātmanivedisaṃśritā || 35 ||
[Analyze grammar]

narā nārāyaṇākārāścaturhastāḥ suvaiṣṇavāḥ |
nāryo lakṣmīsamākārā mālākaustubhabhāsurāḥ || 36 ||
[Analyze grammar]

candanāgurukarpūrakuṃkumā''modasaṃyutāḥ |
nānāpuṣpodyānayānavāhanagṛhasaṃśritāḥ || 37 ||
[Analyze grammar]

madhye madhye kalpavṛkṣodyānāni santi bhūriśaḥ |
catvarāścandraśālāśca viśrāntiśālimaṇḍapāḥ || 38 ||
[Analyze grammar]

divyāḥ sahasrabhaumāśca santi nārāyaṇecchayā |
kalpadrumatale sthitvā chāyāyāṃ kamalānanāḥ || 39 ||
[Analyze grammar]

divyasugandhaśobhāgryanānāpuṣpaparicchadāḥ |
śubhāstaraṇasaṃvṛttaślakṣṇaparyaṃkasaṃsthitāḥ || 40 ||
[Analyze grammar]

sudhāṃśukoṭisaṃkāśā divyābharaṇabhūṣitāḥ |
suvarṇasubhrūyugalaślakṣṇanāsāñcitānanāḥ || 41 ||
[Analyze grammar]

ramante vaiṣṇavāstatra saccidānandavigrahāḥ |
vaiṣṇavyaḥ sarvadā nārāyaṇaṃ sevanta ādarāt || 42 ||
[Analyze grammar]

ayodhyāyāṃ tu divyāyāṃ mandirāṇi tvanekaśaḥ |
nārāyaṇīnāṃ devīnāṃ vaiṣṇavīnāṃ bhavanti vai || 43 ||
[Analyze grammar]

athā'pyantaḥpurāṇyeva saprākārāṇi santi hi |
sodyānāni samasteṣṭasādhanānvitakāni vai || 44 ||
[Analyze grammar]

aṣṭadikṣvaṣṭasaudhāḥ saprākārāḥ santi connatāḥ |
atrāṣṭaśaktayo lakṣmyāstanavaḥ paritaḥ sthitāḥ || 45 ||
[Analyze grammar]

ramā ca rukmiṇī sītā padmā padmālayā śivā |
sudakṣiṇā suśīlā ca ratyanaṅgapradāstu tāḥ || 46 ||
[Analyze grammar]

śaṃkhacakragadāpadmakhaḍgaśārṅgādihetayaḥ |
sarvā nūtnanavarūpā prāptayauvanapūritāḥ || 47 ||
[Analyze grammar]

vartule svasvasaudheṣu nārāyaṇena saṃgatāḥ |
taptakāṃcanasaṃkāśāḥ sarvābharaṇabhūṣitāḥ || 48 ||
[Analyze grammar]

susnigdhanīlakuṭilā'lakarājivirājitāḥ |
mandārapārijātādidivyapuṣpavirājitāḥ || 49 ||
[Analyze grammar]

ratnā'vataṃsaśobhāḍhyāścikurāntālisannibhāḥ |
keyūrāṃ'gadahārādyairbhūṣaṇairupaśobhitāḥ || 50 ||
[Analyze grammar]

pīnastanyo vaiṣṇavyastā nārāyaṇyo nirantaram |
krīḍanti smā'moghavīryavāridhihariṇā saha || 51 ||
[Analyze grammar]

sa vai nārāyaṇaḥ svāmī sarvadāsīmanoharaḥ |
krīḍatyantaḥpureṣvatra tāsāṃ yāvadanaṃgadaḥ || 52 ||
[Analyze grammar]

īśvarībhiḥ sa deveśo ratiṃ vindati naikadhām |
sudhāṃkṣukoṭisaṃkāśo divyābharaṇabhūṣitaḥ || 53 ||
[Analyze grammar]

suvarṇasubhrūyugalaślakṣṇanāsāñcitānanaḥ |
snigdhāyatasulāvaṇyakapolābhyāṃ virājitaḥ || 54 ||
[Analyze grammar]

nīlakuñjitakeśāḍhyo raktābjadalalocanaḥ |
mandāraketakījātīkabarīkṛtakeśavān || 55 ||
[Analyze grammar]

snigdhabimbaphalābhauṣṭhaḥ susmitānanapaṃkajaḥ |
anarghyamauktikābhāsadantāvalivirājitaḥ || 56 ||
[Analyze grammar]

haricandanaliptāṃgaḥ kastūrītilakāṃkitaḥ |
unnatāṃsabhujairdivyaiścaturbhirupaśobhitaḥ || 57 ||
[Analyze grammar]

japākusumasaṃkāśakarapallavaśobhitaḥ |
sphuratkeyūrakaṭakairaṅgulīyaiśca śobhitaḥ || 58 ||
[Analyze grammar]

śrīvatsakaustubhābhyāṃ ca śobhitaḥ pṛthuvakṣasā |
muktāmayasuśobhāḍhyadivyastagbhiralaṃkṛtaḥ || 59 ||
[Analyze grammar]

bālārkasadṛśajyotsnāpītavastreṇa veṣṭitaḥ |
māṇikyanūpuropetapadapadmavirājitaḥ || 60 ||
[Analyze grammar]

akalaṃkitacandrābhanakhapaṃktivirājitaḥ |
raktotpalanibhaślakṣṇaśubhāma'ghriyugapaṃkajaḥ || 61 ||
[Analyze grammar]

pāṃcajanyarathāṃgābhyāṃ bāhuyugme virājitaḥ |
taptajāṃbūnadaślakṣṇaśubhāṃghridvayapaṃkajaḥ || 62 ||
[Analyze grammar]

tābhiḥ krīḍati deveśo nārāyaṇaḥ sanātanaḥ |
bahurūpadharaḥ śrīmānnaikaśrībhiḥ susevitaḥ || 63 ||
[Analyze grammar]

pratiśri rājate rājādhirājo'ntaḥpureṣu saḥ |
āsāṃ nārāyaṇamahālakṣmītulyāḥ samṛddhayaḥ || 64 ||
[Analyze grammar]

na nyūnā aṇvapi santi nārāyaṇyo yataśca tāḥ |
nārāyaṇaikapatikā nārāyaṇaikasaṃśrayāḥ || 65 ||
[Analyze grammar]

nārāyaṇaikasatprāṇā nārāyaṇātmikā hi tāḥ |
nārāyaṇasamaiśvaryā nārāyaṇaparāyaṇāḥ || 66 ||
[Analyze grammar]

nārāyaṇe sadā magnā nārāyaṇārthakṛtsvakāḥ |
bhajanti snehasannarmahāsyavilāsakhelanaiḥ || 67 ||
[Analyze grammar]

premānandaparikelisvāṃgamardanabhāvanaiḥ |
etāsāṃ tu ramādīnāmaṣṭānāṃ vartulāntare || 68 ||
[Analyze grammar]

udyānastu mahān divyaścandraśītalabhūruhām |
sukhavṛkṣā miṣṭavṛkṣāstathaivā''nandavallayaḥ || 69 ||
[Analyze grammar]

maṇihīrakasopānā'vatārakuṇḍasusthalāḥ |
amṛtanirjharaṇāḍhyāścitrapuṣpāḥ pradeśakāḥ || 70 ||
[Analyze grammar]

mauktikavālukāḥ svarṇabhūmayo dugdhavārdhayaḥ |
mṛdvāstaraṇasusthānāḥ sudivyavanarājayaḥ || 71 ||
[Analyze grammar]

svalpāni tu vimānāni santi sṛtivarāstathā |
jalaphutkārayantrāṇi dolāvṛkṣāśca śobhanāḥ || 72 ||
[Analyze grammar]

kuṃjā vallīprakṛtikā''varaṇāḥ santi bhūriśaḥ |
śayyāsthānāni ramyāṇi viśrāntiprasthalāni ca || 73 ||
[Analyze grammar]

ratisthānānyanekāni pracchannasthānabhūmikāḥ |
nārāyaṇecchayā tadvai jāyate'pekṣyate yathā || 74 ||
[Analyze grammar]

adṛśyatvaṃ ca dṛśyatvaṃ prakāśatvaṃ tato'nyathā |
yathāpekṣaṃ tadā tattadicchayā parivartate || 75 ||
[Analyze grammar]

tādṛśavartulodyānamadhye nārāyaṇasya vai |
prāsādaḥ śataśikharo vartate sumahojjvalaḥ || 76 ||
[Analyze grammar]

śatasadbhūmikaścaiva divyaratnamayo mahān |
śatayojanavistāro varatoraṇaśobhitaḥ || 77 ||
[Analyze grammar]

vimānairgṛhasaṃkāśairgṛhaiśca bahubhiryutaḥ |
maṇimāṇikyasadratnasphaṭikoptasubhittikaḥ || 78 ||
[Analyze grammar]

divyasopānasaṃrājadgavākṣākṣisuśobhitaḥ |
ghummaṭairvividhairyuktaḥ patākādhvajadarśanaḥ || 79 ||
[Analyze grammar]

bahubhiḥ svarṇakalaśairnaikacandraprabhojjvalaḥ |
divyadāsīgaṇaiḥ strībhiḥ sarvataḥ samalaṃkṛtaḥ || 80 ||
[Analyze grammar]

antaḥpuraṃ mahālakṣmyā nārāyaṇasya sarvathā |
prāsādo'yaṃ bhavatyeva mukhyā'ntaḥpurameva vai || 81 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne mahāvaikuṇṭhe vyūhābhyantaraprākāratadvasatitadabhyantarā' |
yodhyāvasatiramādyaṣṭadāsīprāsādatadabhyantarodyānatanmadhyamahālakṣmīprāsādatadupakaraṇādivarṇananāmā paṃcaviṃśatyadhikaśatatamo'dhyāyaḥ || 125 ||
[Analyze grammar]