Chapter 49

śrīnārāyaṇa uvāca |
vṛtraḥ prāha prabhagnāṃstānpalāyato vihasya vai |
he vipracitte namuce puloman śambarādayaḥ || 1 ||
[Analyze grammar]

dhruvo janmajuṣāṃ mṛtyuḥ śūrāṇāmapi dehinām |
āgatasya svabhāvasya pratīkāro na vidyate || 2 ||
[Analyze grammar]

śūrāṇāṃ raṇamadhye vai śatrūṇāṃ prativakṣasi |
kathaṃ mṛtyurna vai pūjyo yaśase śreyase tathā || 3 ||
[Analyze grammar]

mokṣadau tu matau mṛtyū dvāveva niyatau yathā |
yogināṃ yogarandhreṇa śūrāṇāṃ śastrarandhrataḥ || 4 ||
[Analyze grammar]

ityevaṃ bodhyamānā'pi vṛtrasenā palāyitā |
nā'gṛhṇāt taddharmavacaḥ prāṇāpattrastamānasā || 5 ||
[Analyze grammar]

tadā kruddhaḥ punarvṛtro vyājahāra sabhartsanam |
kiṃ mātṛhantṛbhiḥ kṣudrairnāmadhāmavināśibhiḥ || 6 ||
[Analyze grammar]

pṛṣṭhamṛtyusamāsadbhirmātṛdugdhaviḍambibhiḥ |
na vai palāyane kīrtirna loko na parāgatiḥ || 7 ||
[Analyze grammar]

nā'yaṃ dravadraṇaḥ ślāghyaḥ kṣullakānāmivā''rtidaḥ |
svasthā bhavantu sammukhā jayaṃ yāntu mamāgrataḥ || 8 ||
[Analyze grammar]

iti śrutvā balaṃ prāptāḥ parāvṛtya tadā ca te |
bhīṣayantaḥ surān śastrairardayāmāsurulbaṇāḥ || 9 ||
[Analyze grammar]

vṛtrastvindrebhakuṃbhe vai gadāṃ cikṣepa dhātavīm |
gajaḥ prahāraghātena saptadhanurapāsarat || 10 ||
[Analyze grammar]

indro jagrāha vajraṃ tad daityabhrātṛhaṇaṃ yadā |
vṛtraḥ prāha paraṃ kruddho diṣṭyā me samavasthitaḥ || 11 ||
[Analyze grammar]

brahmahā guruhā me ca bhrātṛhā śiṣyahā tathā |
diṣṭyā'nṛṇo bhavāmyeṣa śūlena sādito mayā || 12 ||
[Analyze grammar]

śrotrīyaṃ ca guruṃ bālaṃ viśvastaṃ dīkṣitaṃ dvijam |
khaḍgena hatvā te nūnaṃ kā gatiḥ saṃbhaviṣyati || 13 ||
[Analyze grammar]

hrīśrīdayādihīnaṃ tvāṃ gradhrāḥ khādantu bhūtale |
mama śūlena nirbhinnamaspṛṣṭavahnikaṃ śavam || 14 ||
[Analyze grammar]

yadi vajreṇa naṣṭo'haṃ gatiṃ yāsyāmi śūragām |
yadi śūlena naṣṭastvaṃ padamaindraṃ mama dhruvam || 15 ||
[Analyze grammar]

athavā kinnu rājyena nirayeṇa matena vai |
rāgadveṣau na me syātāṃ śrīharirme prasīdatu || 16 ||
[Analyze grammar]

dāsānudāso bhavitā tava vajreṇa nāśitaḥ |
saṃsārapāśaduḥkhābdhermocitaḥ syāmahaṃ tvayā || 17 ||
[Analyze grammar]

seviṣye bhagavatpādaṃ kariṣye bhaktasevanam |
kimanena vinaśvarakāyalokapadādinā || 18 ||
[Analyze grammar]

mā bhūyānmama cittasya saṃgo gehātmajādiṣu |
sarvadā mama saṃbhūyād vāsastaccaraṇādiṣu || 19 ||
[Analyze grammar]

ityevaṃ katthamānāya vṛtrāya prāhiṇod gadām |
gurvīṃ parvatasaṃkāśāmindro vajradharastadā || 20 ||
[Analyze grammar]

līlayeva gadāṃ tāṃ tu vṛtro jagrāha pāṇinā |
tāvadindraḥ svakaṃ vajraṃ prāhiṇod vṛtraśāntaye || 21 ||
[Analyze grammar]

taṃ ca lohamayaṃ vajramagrasanmukhagartayā |
vṛtro'thendravināśāya triśūlaṃ samavāsṛjat || 22 ||
[Analyze grammar]

jagādā'dya hato'syatra pāpa yāhi yamālayam |
indraḥ śatā'ravajreṇā'cchinat kṣaṇāt triśūlakam || 23 ||
[Analyze grammar]

yāvadvṛtro dvitīyaṃ tu śūlaṃ jagrāha pāṇinā |
tāvadindro'nyavajreṇā'cchinatsabhujaśūlakam || 24 ||
[Analyze grammar]

ekena hastena tadā ca vṛtro vegena jagrāha ca śūlamanyat |
cikṣepa cendrāya punastadānīṃ saṃgṛhya cānyaṃ parighaṃ tamāha || 25 ||
[Analyze grammar]

mṛto'sīndra gato'sīndra pūrvajānāṃ gamisthale |
kṛtvā tu garjanāṃ ghorāṃ tatāḍendraṃ hanau pragham || 26 ||
[Analyze grammar]

hastāttu nyapatadvajraṃ maghavā'pi bhramiṃ gataḥ |
devāḥ siddhāśca śūrāśca hā heti cukruśurbhṛśam || 27 ||
[Analyze grammar]

vṛtraścendraṃ tadā prāha vajraṃ gṛhāṇa pāṇinā |
raṇabhūmau gatānāṃ tu kā hrīrbalatulā''paṇe || 28 ||
[Analyze grammar]

āyuḥ śrīḥ kīrtiraiśvaryaṃ gṛhadārāsusampadaḥ |
naiva santīti kṛtvaiva viharasva raṇāṃgaṇe || 29 ||
[Analyze grammar]

sukhaṃ duḥkhaṃ mṛtyujīvī mānāmāne jayājayau |
sarvaṃ māyāmayaṃ jñātvā viharasva raṇāṃgaṇe || 30 ||
[Analyze grammar]

raṇāsanaśca śastrākṣaḥ prāṇaglaho'yamucyate |
akasmādvijayaḥ kasya yāte prāṇe prapatsyate || 31 ||
[Analyze grammar]

śrutvedantu bhāgavataṃ vacanaṃ vṛtranoditam |
tutoṣa paramaṃ tasmai vajramādāya pāṇinā || 32 ||
[Analyze grammar]

cikṣepa yāvad vṛtrāya tāvat sa daityarāṭ drutam |
kṛtvā'dharāṃ hanuṃ bhūmau vṛtro divyuttarāṃ hanum || 33 ||
[Analyze grammar]

śīghraṃ savajramindrantu vṛtro jagrāsa tatkṣaṇam |
hāhākāro mahānāsīccukruśuśca maharṣayaḥ || 34 ||
[Analyze grammar]

tāvadindraḥ svavajreṇodaraṃ tadvajrakartitam |
bhittvā kukṣiṃ viniṣkramya hyuccakarta śirastataḥ || 35 ||
[Analyze grammar]

papāta bhūmau yāvadvai vṛtracchinnamahātanuḥ |
nedurdundubhayo devamārge hṛṣṭā maharṣayaḥ || 36 ||
[Analyze grammar]

jagurgandharvasiddhāścā'psaraso nanṛturmudā |
puṣpavṛṣṭistadā devaiḥ kṛtā vijayagītikā || 37 ||
[Analyze grammar]

vṛtrātmā paśyatāṃ tatra līno mahasi brahmaṇaḥ |
hate vṛtre tadā lokā vijvarā hyabhavannatha || 38 ||
[Analyze grammar]

pratijagmuḥ svadhiṣṇyāni devā brahmādayaḥ punaḥ |
vṛtraghātasamutpannahatyayendrastu duḥkhitaḥ || 39 ||
[Analyze grammar]

na ca śarma manāk lebhe hatyāṃ nāśayituṃ tataḥ |
maharṣīn prārthayāmāsa hatyāṃ kva mārjayāmyaham || 40 ||
[Analyze grammar]

prāhustu ṛṣayastaṃ vai hayamedhena yājaya |
iṣṭvā nārāyaṇaṃ devaṃ mokṣyase pāparāśitaḥ || 41 ||
[Analyze grammar]

brahmahā pitṛhā gohā mātṛhā guruhā tathā |
śuddhyati yajanād yasya nāmakīrtanasevanāt || 42 ||
[Analyze grammar]

evaṃ prerita indrastu brahmahatyāparādrutaḥ |
udīciṃ diśamāśritya mānasākhye sarovare || 43 ||
[Analyze grammar]

varṣamekaṃ mahānāle hyuvāsa tāpapīḍitaḥ |
cāṇḍālī ghorakṛṣṇā sā raktavastrā''ntracarviṇī || 44 ||
[Analyze grammar]

durgandhā paritastatra saraso'pyanvavartata |
ṛṣayastaṃ samāhūya hayamedhena sarvaśaḥ || 45 ||
[Analyze grammar]

yathāvad dīkṣayāṃcakruḥ puruṣārādhanena ca |
pūrṇe'śvamedhe saṃjāte hatyānāśaṃ gatā tathā || 46 ||
[Analyze grammar]

indro vidhūtapāpaḥ san svargarājyamagātpunaḥ |
katheyaṃ lakṣmi  divyā'sti sūkṣmarūpeṇa matkṛtā || 47 ||
[Analyze grammar]

sthūlākhyānena te devi  darśitā sukhasaṃśravā |
sūryādigrahagatidā śaktirindraḥ samucyate || 48 ||
[Analyze grammar]

jalaprakāśarodhā''ḍhyā śaktirvṛtraḥ samucyate |
jalaprakāśasāmarthyād grahāḥ sugatikāḥ sadā || 49 ||
[Analyze grammar]

vṛtro'ndhakārarūpaḥ sa gatirodhaṃ karoti vai |
tannāśāya mahānindro yuddhaṃ karoti nityaśaḥ || 50 ||
[Analyze grammar]

viśeṣeṇa tu śaradi hīndro hantyasuraṃ tadā |
iti te sarvamākhyātaṃ hatyāphalamaniṣṭadam || 51 ||
[Analyze grammar]

itiśrīlakṣmīnārāyaṇīyasaṃhitāyāṃ prathame kṛtayugasantāne vṛtranāśottarabrahmahatyāvināśakahayamedhakaraṇādi nirūpaṇanāmaikonapaṃcāśattamo'dhyāyaḥ || 49 ||
[Analyze grammar]