Chapter 2

śrīnārāyaṇa uvāca |
śṛṇu lakṣmi pravakṣyāmi bhaktasya dravalabdhaye |
yathā me'nugrahaḥ prāpyastadvidhāraya tattvataḥ || 1 ||
[Analyze grammar]

mukta sṛṣṭāvīśasṛṣṭau jīvasṛṣṭāvapi prabhuḥ |
asṛjatsākṛtīnsarvān śarīriṇa iti sthitiḥ || 2 ||
[Analyze grammar]

ātmā tvindra itiproktaḥ sarvaśaktiguṇāśrayaḥ |
manaścittamahaṃbuddhistasya karaṇamāntaram || 3 ||
[Analyze grammar]

indrasya śaktayaścaitāścatasraḥ samudāhṛtāḥ |
śrotratvaṅnetrarasanāghrāṇavākpādapāṇayaḥ || 4 ||
[Analyze grammar]

pāyūpasthe cendriyāṇi bahiḥkaraṇakāni hi |
daśāpi śaktayaścaitā indrasyaiva bhavanti vai || 5 ||
[Analyze grammar]

grāhyeṣu tāstu gacchanti padārtheṣu bahirbahiḥ |
grāhyākāreṇa tā bhūtvā grāhyākāraṃ bhajanti ca || 6 ||
[Analyze grammar]

parāvṛtya tu tāḥ sarvā dhāryākāraṃ bhajanti ca |
vidhvā'ntaḥkaraṇānyetā ātmānaṃ yānti vai yadā || 7 ||
[Analyze grammar]

bhogyākāraṃ gatāstāśca tā indrānubhavaṃ gatāḥ |
aparokṣānubhāvo'yaṃ svātmanyeva bhavatyatha || 8 ||
[Analyze grammar]

ahamindre sthitaḥ sākṣātsarvaśaktiprapūrakaḥ |
indro madyogataḥ pūrṇaśaktyāśraya itisthitiḥ || 9 ||
[Analyze grammar]

āgrāhyāttu madantaṃ vai prematattvaṃ dravo mataḥ |
sarvatra nihitaṃ tadvai tena snihyanti mūrtayaḥ || 10 ||
[Analyze grammar]

snehapūrṇā''nandapūrṇapremapūrṇaḥ sukhāśrayaḥ |
dravapūrṇo hyahaṃ viṣṇurmadyogāddravavān hi saḥ || 11 ||
[Analyze grammar]

sarvaṃ sthūlaṃ tathā sūkṣmaṃ cetanaṃ cā'nyadeva vā |
maddravāddravitaṃ sarvaṃ me'nugraho'tra kāraṇam || 12 ||
[Analyze grammar]

ayaṃ tu dravito bhūyāditime'nukṛpā bhavet |
tadā dravati tatkālaṃ nā'nyathā tu kadācana || 13 ||
[Analyze grammar]

matkṛpāyāḥ sādhanaṃ tu sarvasvātmārpaṇaṃ matam |
sarvadā'haṃ kṛpāpūrṇaḥ kṛpāluḥ karuṇodadhiḥ || 14 ||
[Analyze grammar]

bhaktollāsātkṛpāvṛṣṭiṃ karomi kṛpayā'nvitaḥ |
yathā yathā kṛpāyā me pravāho viśati dhruve || 15 ||
[Analyze grammar]

bhakte tathā tathā tattvaṃ dravatāṃ yātyabhīkṣṇaśaḥ |
eka evā'dvitīyo'haṃ sthito'smyakṣaradhāmani || 16 ||
[Analyze grammar]

manmūrtau tatra me muktā brahma cā'kṣaramityapi |
dravanti premabāhulyānme'nugrahabalādapi || 17 ||
[Analyze grammar]

tadā samrāḍvirāje'haṃ na kiñcidvyatiricyate |
muktiṃ seyaṃ tadaikyātmā''pyate tatsthitivedibhiḥ || 18 ||
[Analyze grammar]

sa ekākī na ramate cecchaddvitīyamātmanaḥ |
brahma taccā'kṣaraṃ tasmātprādurbhūtaṃ mahātmanaḥ || 19 ||
[Analyze grammar]

dvedhā'bhūttannirākāraṃ sākāraṃ ceśavāñcchayā |
nirākāraṃ paraṃ dhāma yasmād dhāmāni jajñire || 20 ||
[Analyze grammar]

sākāraṃ svasamākāraṃ mūrtaṃ mūrtyanurūpakam |
sa haristu punaraicchannaikarūpatvamātmanaḥ || 21 ||
[Analyze grammar]

muktā anādinastasmātprādurbhūtā anantaśaḥ |
tatrā''saṃstanmaṇḍalāni tripāde divi cāmṛte || 22 ||
[Analyze grammar]

muktā brahma parabrahma brahmasṛṣṭistrikaṃ matam |
rūpānurūpāvayavā divyāḥ sarve sarūpiṇaḥ || 23 ||
[Analyze grammar]

ātmarūpāṇīndriyāṇi tattvā'bhinnāni santi vai |
upacārāttu nāmāni rasaśaktyātmakāni hi || 24 ||
[Analyze grammar]

manaḥ śrotraṃ ca vāk cakṣustvag rasādīni tāni vai |
pūrṇe cinhe'pi guptā na tadratirvāsanā na ca || 25 ||
[Analyze grammar]

amātṛjaṃ yatastatra kośaṣaṭkaṃ na vidyate |
prāṇastatrā''tmanaḥ śaktiḥ kāśo'nāvaraṇātmatā || 26 ||
[Analyze grammar]

suhiraṇyakeśanakhadantā naiva viyoginaḥ |
saccidrūpaikamānāste svātmakāḥ pravibhānti hi || 27 ||
[Analyze grammar]

divyāḥ sarve prakāśāste rājante divyadhāmani |
ityayaṃ brahmalokastu aupaniṣad ucyate || 28 ||
[Analyze grammar]

brāhmī muktistanurbrāhmī brahmānandānubhogyatā |
so'śnute sarvakāmāṃstu saha śrīhariṇā sadā || 29 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne akṣaradhāmni parabrahmabrahmamuktādīnāṃ dravamuktyā'pi sākāratādarśako dvitīyo'dhyāyaḥ || 2 ||
[Analyze grammar]