Chapter 6

pṛthuruvāca |
ekasyārthāya yo hanyādātmano vā parasya vā |
bahūnvai prāṇino loke bhavettasyeha pātakam || 1 ||
[Analyze grammar]

sukhamedhanti bahavo yasmiṃstu nihate śubhe |
tasmin hate nāsti bhadre pātakaṃ nopapātakam || 2 ||
[Analyze grammar]

ekasminyatra nidhanaṃ prāpite duṣṭakāriṇi || 2 ||
[Analyze grammar]

bahūnāṃ bhavati kṣemaṃ tatra puṇyaprado vadhaḥ || 2 ||
[Analyze grammar]

so'haṃ prajānimittaṃ tvāṃ haniṣyāmi vasuṃdhare |
yadi me vacanaṃ nādya kariṣyasi jagaddhitam || 3 ||
[Analyze grammar]

tvāṃ nihatyādya bāṇena macchāsanaparāṅmukhīm |
ātmānaṃ prathayitvāhaṃ prajā dhārayitā svayam || 4 ||
[Analyze grammar]

sā tvaṃ śāsanamāsthāya mama dharmabhṛtāṃ vare |
saṃjīvaya prajāḥ sarvāḥ samarthā hyasi dhāraṇe || 5 ||
[Analyze grammar]

duhitṛtvaṃ ca me gaccha tata enamahaṃ śaram |
niyaccheyaṃ tvadvadhārthamudyataṃ ghoradarśanam || 6 ||
[Analyze grammar]

vasuṃdharovāca |
sarvametadahaṃ vīra vidhāsyāmi na saṃśayaḥ |
vatsaṃ tu mama taṃ paśya kṣareyaṃ yena vatsalā || 7 ||
[Analyze grammar]

samāṃ ca kuru sarvatra māṃ tvaṃ dharmabhṛtāṃ vara |
yathā viṣyandamānaṃ me kṣīraṃ sarvatra bhāvayet || 8 ||
[Analyze grammar]

vaiśaṃpāyana uvāca |
tata utsārayāmāsa śilāḥ śatasahasraśaḥ |
dhanuṣkoṭyā tadā vainyastena śailā vivardhitāḥ || 9 ||
[Analyze grammar]

pṛthurvainyastadā rājā mahīṃ cakre samāṃ tataḥ || 9 ||
[Analyze grammar]

manvantareṣvatīteṣu viṣamāsīdvasuṃdharā || 9 ||
[Analyze grammar]

svabhāvenābhavaṃstasyā samāni viṣamāṇi ca || 9 ||
[Analyze grammar]

cākṣuṣasyāntare pūrvamāsīdevaṃ tadā kila || 9 ||
[Analyze grammar]

na hi pūrvavisarge vai viṣame pṛthivītale |
pravibhāgaḥ purāṇāṃ vā grāmāṇāṃ vā tadābhavat || 10 ||
[Analyze grammar]

na sasyāni na gorakṣyaṃ na kṛṣirna vaṇikpathaḥ |
naiva satyānṛtaṃ tatra na lobho na ca matsaraḥ |
vaivasvate'ntare tasmin sāṃprate samupasthite |
vainyātprabhṛti rājendra sarvasyaitasya saṃbhavaḥ || 11 ||
[Analyze grammar]

yatra yatra samaṃ tvasyā bhūmerāsīttadānagha |
tatra tatra prajāḥ sarvā nivāsaṃ samarocayan || 12 ||
[Analyze grammar]

āhāraḥ phalamūlāni prajānāmabhavattadā |
kṛcchreṇa mahatā yukta ityevamanuśuśruma || 13 ||
[Analyze grammar]

saṃkalpayitvā vatsaṃ tu manuṃ svāyaṃbhuvaṃ prabhum |
sve pāṇau puruṣavyāghra dudoha pṛthivīṃ tataḥ || 14 ||
[Analyze grammar]

sasyajātāni sarvāṇi pṛthurvainyaḥ pratāpavān |
sasyāni tena vai dugdhā vainyeneyaṃ vasuṃdharā |
tenānnena prajāstāta vartante'dyāpi nityaśaḥ || 15 ||
[Analyze grammar]

ṛṣibhiḥ śrūyate cāpi punardugdhhā vasuṃdharā |
vatsaḥ somo'bhavatteṣāṃ dogdhā cāṅgirasaḥ sutaḥ || 16 ||
[Analyze grammar]

bṛhaspatirmahātejāḥ pātraṃ chandāṃsi bhārata |
kṣīramāsīdanupamaṃ tapo brahma ca śāśvatam || 17 ||
[Analyze grammar]

tataḥ punardevagaṇaiḥ puraṃdarapurogamaiḥ |
kāñcanaṃ pātramādāya dugdheyaṃ śrūyate mahī || 18 ||
[Analyze grammar]

vatsastu maghavānāsīddogdhā tu savitā vibhuḥ |
kṣīramūrjaskaraṃ caiva yena vartanti devatāḥ || 19 ||
[Analyze grammar]

pitṛbhiḥ śrūyate cāpi punardugdhā vasuṃdharā |
rājataṃ pātramādāya svadhāmamitavikramaiḥ || 20 ||
[Analyze grammar]

yamo vaivasvatasteṣāmāsīdvatsaḥ pratāpavān |
antakaścābhavaddogdhā kālo lokaprakālanaḥ || 21 ||
[Analyze grammar]

nāgaiśca śrūyate dugdhā vatsaṃ kṛtvā tu takṣakam |
alābupātramādāya viṣaṃ kṣīraṃ narottama || 22 ||
[Analyze grammar]

teṣāmairāvato dogdhā dhṛtarāṣṭraḥ pratāpavān |
nāgānāṃ bharataśreṣṭha sarpāṇāṃ ca mahīpate || 23 ||
[Analyze grammar]

tenaiva vartayantyugrā mahākāyā mahābalāḥ |
tadāhārāstadācārāstadvīryāstadapāśrayāḥ || 24 ||
[Analyze grammar]

asuraiḥ śrūyate cāpi punardugdhā vasuṃdharā |
āyasaṃ pātramādāya māyāḥ śatrunibarhaṇīḥ || 25 ||
[Analyze grammar]

virocanastu prāhrādirvatsasteṣāmabhūttadā |
ṛtvigdvimūrdhā daityānāṃ madhurdogdhā mahābalaḥ || 26 ||
[Analyze grammar]

tayaite māyayādyāpi sarve māyāvino'surāḥ |
vartayantyamitaprajñāstadeṣāmamitaṃ balam || 27 ||
[Analyze grammar]

yakṣaiśca śrūyate rājanpunardugdhā vasuṃdharā |
āmapātre mahārāja purāntardhānamakṣayam || 28 ||
[Analyze grammar]

vatsaṃ vaiśravaṇaṃ kṛtvā yakṣaiḥ puṇyajanaistathā |
dogdhā rajatanābhastu pitā maṇivarasya yaḥ |
yakṣātmajo mahātejāstriśīrṣaḥ sumahātapāḥ |
dogdhā tu dhanadaḥ svāminnevaṃ taiśca vasuṃdharā |
tena te vartayantīha paramarṣiruvāca ha || 29 ||
[Analyze grammar]

rākṣasaiśca piśācaiśca punardugdhā vasuṃdharā |
śāvaṃ kapālamādāya prajā bhoktuṃ nararṣabha || 30 ||
[Analyze grammar]

dogdhā rajatanābhastu teṣāmāsītkurūdvaha |
vatsaḥ sumālī kauravya kṣīraṃ rudhirameva ca || 31 ||
[Analyze grammar]

tena kṣīreṇa rakṣāṃsi yakṣāścaivāmaropamāḥ |
vartayanti piśācāśca bhūtasaṃghāstathaiva ca || 32 ||
[Analyze grammar]

padmapatre punardugdhā gandharvaiḥ sāpsarogaṇaiḥ |
vatsaṃ citrarathaṃ kṛtvā śucīn gandhānnarottama || 33 ||
[Analyze grammar]

teṣāṃ ca surucistvāsīddogdhā bharatasattama |
gandharvarājo'tibalo mahātmā sūryasaṃnibhaḥ || 34 ||
[Analyze grammar]

śailaiśca śrūyate dugdhā punardevī vasuṃdharā |
oṣadhīrvai mūrtimatī ratnāni vividhāni ca || 35 ||
[Analyze grammar]

vatsastu himavānāsīddogdhā merurmahāgiriḥ |
pātraṃ tu śailamevāsīttena śailāḥ pratiṣṭhitāḥ || 36 ||
[Analyze grammar]

dugdheyaṃ vṛkṣavīrudbhiḥ śrūyate ca vasuṃdharā |
pālāśaṃ pātramādāya cchinnadagdhaprarohaṇam || 37 ||
[Analyze grammar]

sarvakāmadughā dogdhrī pṛthivī janamejaya || 37 ||
[Analyze grammar]

seyaṃ dhātrī vidhātrī ca pāvanī ca vasuṃdharā |
carācarasya sarvasya pratiṣṭhā yonireva ca |
sarvakāmadughā dogdhrī sarvasasyaprarohiṇī || 38 ||
[Analyze grammar]

āsīdiyaṃ samudrāntā medinīti pariśrutā |
madhukaiṭabhayoḥ kṛtsnā medasābhipariplutā || 39 ||
[Analyze grammar]

teneyaṃ medinī devī procyate brahmavādibhiḥ || 39 ||
[Analyze grammar]

tato'bhyupagamād rājñaḥ pṛthorvainyasya bhārata |
duhitṛtvamanuprāptā devī pṛthvīti cocyate || 40 ||
[Analyze grammar]

pṛthunā pravibhaktā ca śodhitā ca vasuṃdharā |
sasyākaravatī sphītā purapattanamālinī || 41 ||
[Analyze grammar]

evaṃprabhāvo vainyaḥ sa rājāsīd rājasattama |
namasyaścaiva pūjyaśca bhūtagrāmairna saṃśayaḥ || 42 ||
[Analyze grammar]

brāhmaṇaiśca mahābhāgairvedavedāṅgapāragaiḥ |
pṛthureva namaskāryo vṛttidaḥ sa sanātanaḥ || 43 ||
[Analyze grammar]

pārthivaiśca mahābhāgaiḥ pārthivatvamabhīpsubhiḥ |
ādirājo namaskāryaḥ pṛthurvainyaḥ pratāpavān || 44 ||
[Analyze grammar]

yodhairapi ca vikrāntaiḥ prāptukāmairjayaṃ yudhi |
ādirājo namaskāryo yodhānāṃ prathamo nṛpaḥ || 45 ||
[Analyze grammar]

yo hi yoddhā raṇaṃ yāti kīrtayitvā pṛthuṃ nṛpam |
sa ghorarūpān saṃgrāmān kṣemī tarati kīrtimān || 46 ||
[Analyze grammar]

vaiśyairapi ca vittāḍhyairvaiśyavṛttimanuṣṭhitaiḥ |
pṛthureva namaskāryo vṛttidātā mahāyaśāḥ || 47 ||
[Analyze grammar]

tathaiva śūdraiḥ śucibhistrivarṇaparicāribhiḥ |
pṛthureva namaskāryaḥ śreyaḥ paramabhīpsubhiḥ || 48 ||
[Analyze grammar]

ete vatsaviśeṣāśca dogdhāraḥ kṣīrameva ca |
pātrāṇi ca mayoktāni kiṃ bhūyo varṇayāmi te || 49 ||
[Analyze grammar]

ya idaṃ śṛṇuyānnityaṃ pṛthoścaritamāditaḥ || 49 ||
[Analyze grammar]

putrapautrasamāyukto modate suciraṃ bhuvi || 49 ||
[Analyze grammar]

uktāni bharataśreṣṭha vainyasyeha mahātmanaḥ || 49 ||
[Analyze grammar]

kimanyadbharataśreṣṭha pṛcchasi tvaṃ nareśvara || 49 ||
[Analyze grammar]

yaḥ śṛṇoti sadā bhaktyā sa svargī nātra saṃśayaḥ || 49 ||
[Analyze grammar]