Chapter 15 - nakṣatravyūhādhyāyaḥ [nakṣatravyūha-adhyāya]

[English text for this chapter is available]

āgneye sitakusumāhitāgnimantrajñasūtrabhāṣyajñāḥ |
ākarikanāpitadvijaghaṭakārapurohitābdajñāḥ || 1 ||
[Analyze grammar]

rohiṇyāṃ suvratapaṇyabhūpadhaniyogayuktaśākaṭikāḥ |
govṛṣajalacarakarṣakaśiloccayaiśvaryasampannāḥ || 2 ||
[Analyze grammar]

mṛgaśirasi surabhivastrābjakusumaphalaratnavanacaravihaṅgāḥ |
mṛgasomapīthigāndharvakāmukā lekhahārāśca || 3 ||
[Analyze grammar]

raudre vadhabandhānṛtaparadārasteyaśāṭhyabhedaratāḥ |
tuṣadhānyatīkṣṇamantrābhicāravetālakarmajñāḥ || 4 ||
[Analyze grammar]

āditye satyaudāryaśaucakularūpadhīyaśo'rthayutāḥ |
uttamadhānyaṃ vaṇijaḥ sevābhiratāḥ saśilpijanāḥ || 5 ||
[Analyze grammar]

puṣye yavagodhūmāḥ śālīkṣuvanāni mantriṇo bhūpāḥ |
salilopajīvinaḥ sādhavaśca yajñeṣṭisaktāśca || 6 ||
[Analyze grammar]

ahideve kṛtrimakandamūlaphalakīṭapannagaviṣāṇi |
paradhanaharaṇābhiratāstuṣadhānyaṃ sarvabhiṣajaśca || 7 ||
[Analyze grammar]

pitrye dhanadhānyāḍhyāḥ koṣṭhāgārāṇi parvatāśrayiṇaḥ |
pitṛbhaktavaṇigśūrāḥ kravyādāḥ strīdviṣo manujāḥ || 8 ||
[Analyze grammar]

prākphalgunīṣu naṭayuvatisubhagagāndharvaśilpipaṇyāni |
karpāsalavaṇamakṣikatailāni kumārakāścāpi || 9 ||
[mākṣika]
[Analyze grammar]

āryamṇe mārdavaśaucavinayapākhaṇḍidānaśāstraratāḥ |
śobhanadhānyamahādhanakarmānuratāḥ samanujendrāḥ || 10 ||
[pāṣaṇḍi]
[Analyze grammar]

haste taskarakuñjararathikamahāmātraśilpipaṇyāni |
tuṣadhānyaṃ śrutayuktā vaṇijastejoyutāścātra || 11 ||
[Analyze grammar]

tvāṣṭre bhūṣaṇamaṇirāgalekhyagāndharvagandhayuktijñāḥ |
gaṇitapaṭutantuvāyāḥ śālākyā rājadhānyāni || 12 ||
[Analyze grammar]

svātau khagamṛgaturagā vaṇijo dhānyāni vātabahulāni |
asthirasauhṛdalaghusattvatāpasāḥ paṇyakuśalāśca || 13 ||
[Analyze grammar]

indrāgnidaivate raktapuṣpaphalaśākhinaḥ satilamudgāḥ |
karpāsamāṣacaṇakāḥ purandarahutāśabhaktāśca || 14 ||
[Analyze grammar]

maitre śauryasametā gaṇanāyakasādhugoṣṭhiyānaratāḥ |
ye sādhavaśca loke sarvaṃ ca śaratsamutpannam || 15 ||
[Analyze grammar]

paurandare'tiśūrāḥ kulavittayaśo'nvitāḥ parasvahṛtaḥ |
vijigīṣavo narendrāḥ senānāṃ cāpi netāraḥ || 16 ||
[Analyze grammar]

mūle bheṣajabhiṣajo gaṇamukhyāḥ kusumamūlaphalavārtāḥ |
bījānyatidhanayuktāḥ phalamūlairye ca vartante || 17 ||
[vārttāḥ]
[Analyze grammar]

āpye mṛdavo jalamārgagāminaḥ satyaśaucadhanayuktāḥ |
setukaravārijīvakaphalakusumānyambujātāni || 18 ||
[Analyze grammar]

viśveśvare mahāmātramallakarituragadevatāsaktāḥ |
sthāvarayodhā bhogānvitāśca ye tejasā yuktāḥ || 19 ||
[bhaktāḥ | caujasā]
[Analyze grammar]

śravaṇe māyāpaṭavo nityodyuktāśca karmasu samarthāḥ |
utsāhinaḥ sadharmā bhāgavatāḥ satyavacanāśca || 20 ||
[Analyze grammar]

vasubhe mānonmuktāḥ klībācalasauhṛdāḥ striyāṃ dveṣyāḥ |
dānābhiratā bahuvittasaṃyutāḥ śamaparāśca narāḥ || 21 ||
[klībāś | dvaṣyāḥ | dveṣyāḥ]
[Analyze grammar]

varuṇeśe pāśikamatsyabandhajalajāni jalacarājīvāḥ |
saukarikarajakaśauṇḍikaśākunikāścāpi varge'smin || 22 ||
[Analyze grammar]

āje taskarapaśupālahiṃsrakīnāśanīcaśaṭhaceṣṭāḥ |
dharmavratairvirahitā niyuddhakuśalāśca ye manujāḥ || 23 ||
[Analyze grammar]

āhirbudhnye viprāḥ kratudānatapoyutā mahāvibhavāḥ |
āśramiṇaḥ pākhaṇḍā nareśvarāḥ sāradhānyaṃ ca || 24 ||
[āhirbudhnyu | pāṣaṇḍā]
[Analyze grammar]

pauṣṇe salilajaphalakusumalavaṇamaṇiśaṅkhamauktikābjāni |
surabhikusumāni gandhā vaṇijo naukarṇadhārāśca || 25 ||
[Analyze grammar]

aśvinyāmaśvaharāḥ senāpativaidyasevakāsturagāḥ |
turagārohā vaṇijo rūpopetāsturagarakṣāḥ || 26 ||
[turagārohāśca vanig]
[Analyze grammar]

yāmye'sṛkpiśitabhujaḥ krūrā vadhabandhatāḍanāsaktāḥ |
tuṣadhānyaṃ nīcakulodbhavā vihīnāśca sattvena || 27 ||
[Analyze grammar]

pūrvātrayaṃ sānalamagrajānāṃ rājñāṃ tu puṣyeṇa sahottarāṇi |
sapauṣṇamaitraṃ pitṛdaivataṃ ca prajāpaterbhaṃ ca kṛṣīvalānām || 28 ||
[Analyze grammar]

ādityahastābhijidāśvināni vaṇigjanānāṃ pravadanti tāni |
mūlatrinetrānilavāruṇāni bhānyugrajāteḥ prabhaviṣṇutāyāḥ || 29 ||
[bhāni | prabhaviṣṇutāyām]
[Analyze grammar]

saumyaindracitrāvasudaivatāni sevājanasvāmyamupāgatāni |
sārpaṃ viśākhā śravaṇo bharaṇyaścaṇḍālajāterabhinirdiśanti || 30 ||
[iti nirdaśanti]
[Analyze grammar]

raviravisutabhogamāgataṃ kṣitisutabhedanavakradūṣitam |
grahaṇagatamatholkayā hataṃ niyatamuṣākarapīḍitaṃ ca yat || 31 ||
[Analyze grammar]

tadupahatamiti pracakṣate prakṛtiviparyayayātameva vā |
nigaditaparivargadūṣaṇaṃ kathitaviparyayagaṃ samṛddhaye || 32 ||
[Analyze grammar]