![Bhavishya Purana [sanskrit] - book cover](/uploads/a/Bhavishya-Purana-Sanskrit.jpg)
Bhavishya Purana [sanskrit]
245,265 words
This Sanskrit edition of the Bhavishya Purana. It is one of the traditional eighteen Mahapuranas presented as an encyclopedia of ancient Indian history and knowledge. The Bhavishyapurana contains 4 books and over 26,000 Sanskrit verses. It is famous for detailing the history and legends of ancient times as well as future times, narrating the genealogy of the kings and sages. The last part is considered an independent work known as the Bhavishyottara-Purana.
Chapter 203
śrīkṛṣṇa uvāca |
ataḥ paraṃ pravakṣyāmi raupyācalamanuttamam |
yatpradānānnaro yāti somalokaṃ narottama || 1 ||
[Analyze grammar]
sahasreṇa palānāṃ tu uttamo rajatācalaḥ |
paṃcabhirmadhyamaḥ proktastadarddhenāvaraḥ smṛtaḥ || 2 ||
[Analyze grammar]
aśakto viṃśaterūrdhvaṃ kārayedbhaktitaḥ sadā |
viṣkaṃbhaparvatāṃstadvatturīyāṃśena kalpayet || 3 ||
[Analyze grammar]
pūrvavadrājatānkuryānmaṃdarādīnvidhānataḥ |
kaladhautamayāṃstadvallokeśānkārayennṛpa || 4 ||
[Analyze grammar]
brahmaviṣṇuśivādīṃśca nitaṃbo'tra hiraṇmayaḥ |
rājataṃ syādyadanyeṣāṃ sarvaṃ tadiha kāṃcanam || 5 ||
[Analyze grammar]
śeṣaṃ ca pūrvavatkṛtvā homajāgaraṇādikam |
dadyāttadvatprabhāte tu gurave raupyaparvatam || 6 ||
[Analyze grammar]
viṣkaṃbhaśailānṛtvigbhyaḥ pūjayecca vibhūṣaṇaiḥ |
imaṃ maṃtraṃ paṭhandadyāddarbhapāṇirvimatsaraḥ || 7 ||
[Analyze grammar]
pitṝṇāṃ vallabhaṃ yasmāccharmadaṃ śaṃkarasya ca |
rajataṃ pāhi tasmānno ghorātsaṃsārasāgarāt || 8 ||
[Analyze grammar]
itthaṃ niveśya yo dadyādrajatācalamuttamam |
gavāmayutadānasya phalaṃ prāpnoti mānavaḥ || 9 ||
[Analyze grammar]
somaloke sagaṃdharvakiṃnarāpsarasāṃ gaṇaiḥ |
pūjyamāno vasedvidvānyāvadābhūtasaṃplavam || 10 ||
[Analyze grammar]
rājeśa rājatagiriṃ kanakopalālīcchannaṃ prasannasalile sahitaṃ sarobhiḥ |
yacchaṃti ye sukṛtino virajo vi śokaṃ gacchaṃti te gatamalā nṛpa somalokam || 11 ||
[Analyze grammar]
iti śrībhaviṣye mahāpurāṇa uttaraparvaṇi śrīkṛṣṇayudhiṣṭhirasaṃvāde raupyācaladānavidhivarṇanaṃ nāma tryadhikadviśatatamo'dhyāyaḥ || 203 ||
[Analyze grammar]
Other editions:
Also see the following editions of the Sanskrit text or (alternative) English translations of the Chapter 203
Bhavishya Purana: Sanskrit Text with Hindi Translation
by S. N. Khandelwal (2022)
Publisher: Chaukhamba Sanskrit Pratishthan; Pages: 2538.
Buy now!
Complete Bhavisya Mahapurana (English translation)
by Shantilal Nagar (2023)
Publisher: Parimal Publication Pvt. Ltd.; Pages: 2496; ISBN-10: 817110729X; ISBN-13: 9788171107292
Buy now!