Chapter 156

śrīkṛṣṇa uvāca |
ataḥ paraṃ pravakṣyāmi rājankāñcanadhenukām |
yāṃ dattvā sarvapāpebhyo mucyate nātra saṃśayaḥ || 1 ||
[Analyze grammar]

surāpo brahmahā goghno bhīrurbhagnavrato'pi vā |
gurughātī svasṛgāmī paradārarataśca yaḥ || 2 ||
[Analyze grammar]

mucyate pātakaiḥ sarvairdattvā kāñcanadhenukām |
saṃśuddhasya suvarṇasya paṃcāśatpalikāṃ śubhām || 3 ||
[Analyze grammar]

arddhena vā prakurvīta śaktyā vā nṛpasattama |
ukhāṃ paścimabhāge tu dṛṣṭakukṣipayodharām || 4 ||
[Analyze grammar]

vibhaktāṅgīṃ sujaghanāṃ sumanoharakarṇikām |
sarvaratnavicitrāṅgīṃ kārayetkapilāṃ śubhām || 5 ||
[Analyze grammar]

caturthena tu bhāgena vatsaṃ tasyāḥ prakalpayet |
raupyaghaṭāṃ ca dattvā tu kauśeyaparivāritām || 6 ||
[Analyze grammar]

tāmraśṛṃgīṃ tathā kuryādvaiḍūryamayakaṃbalām |
muktāphalamaye netre vaidrumī rasanā tathā || 7 ||
[Analyze grammar]

kṛṣṇājine guḍaprasthaṃ tatrasthāṃ kārayecchubhām |
kuṃbhāṣṭakasamopetāṃ nānā phalasamanvitām || 8 ||
[Analyze grammar]

tathāṣṭādaśa dhānyātapatropānadyugānvitām |
bhājanaṃ vasanaṃ caiva tāmradohanakaṃ tathā || 9 ||
[Analyze grammar]

dīpakānnādilavaṇaśarkarādhānyakānvitām |
pradadyādbrāhmaṇaṃ pūjya vastrairābharaṇaiḥ śubhaiḥ || 10 ||
[Analyze grammar]

snātaḥ pradakṣiṇīkṛtya dhenuṃ sarvāṅgasaṃyutām |
guḍadhenūktamaṃtraiśca āvāhya pratipūjya ca || 11 ||
[Analyze grammar]

tvaṃ sarvadevagaṇamandirabhūṣaṇāsi viśveśvaratripathagodadhiparvatānām |
śraddhāmbutīkṣṇaśakalīkṛtapātakaughaḥ prāpnoti nirvṛtimatīva parāṃ namāmi || 12 ||
[Analyze grammar]

loke yathepsitaphalārthavidhāyinī tvāmāsādya ko hi bhayabhāgbhavatīha martyaḥ |
saṃsāraduḥkhaśamanāya yatastvakāmāstvāṃ kāmadhenumiti vedavido vadaṃti || 13 ||
[Analyze grammar]

evamāmantrya tāṃ dhenuṃ viprāya pratipādayet |
sadakṣiṇopaskarāṃ ca praṇipatya kṣamāpayet || 14 ||
[Analyze grammar]

dānakāle tu ye devāstīrthāni manavastathā |
śarīre nivasaṃtyasyāstāñchṛṇuṣva narādhipa || 15 ||
[Analyze grammar]

netrayoḥ sūryaśaśinau jihvāyāṃ tu sarasvatī |
daṃteṣu maruto devāḥ karṇayośca tathāśvinau || 16 ||
[Analyze grammar]

śṛṃgāgragau sadā cāsyā devau rudrapitāmahau |
gaṃdharvāpsarasaścaiva kakuddeśaṃ pratiṣṭhitāḥ |
kukṣau samudrāśca tvāro yonau tripathagāminī || 17 ||
[Analyze grammar]

ṛṣayo romakūpeṣu apāne vasudhā sthitā |
antreṣu nāgā vijñeyāḥ parvatāścāsthiṣu sthitāḥ || 18 ||
[Analyze grammar]

dharmakāmārthamokṣāstu pādeṣu parisaṃsthitāḥ |
huṃkāre ca caturvedāḥ kaṃṭhe rudrāḥ pratiṣṭhitāḥ || 19 ||
[Analyze grammar]

pṛṣṭhabhāge sthito merurviṣṇuḥ sarvaśarīragaḥ |
evaṃ sarvamayī devī pāvanī viśvarūpiṇī || 20 ||
[Analyze grammar]

kāñcanena kṛtā dhenuḥ sarvadevamayī smṛtā |
yo dadyāttādṛśīṃ dhenuṃ sarvadānaprado hi saḥ || 21 ||
[Analyze grammar]

karmabhūmau hi martyānāṃ dānametatsudurlabham |
tasmāddeyamidaṃ śaktyā sarvakalmaṣanāśanam || 22 ||
[Analyze grammar]

pāvanaṃ tāraṇaṃ caiva kīrtidaṃ śāṃtidaṃ tathā |
varṣakoṭiśataṃ sāgraṃ svargaloke gato naraḥ || 23 ||
[Analyze grammar]

nārī vā pūjyate devairvimānavaramāsthitā |
gaṃdharvaigīyamānastu puṣpairmālāvibhūṣitaiḥ || 24 ||
[Analyze grammar]

sarvābharaṇasaṃpannaḥ sarvadvaṃdvavivarjitaḥ |
svarge sthitvā ciraṃ kālaṃ tato martye'bhijāyate || 25 ||
[Analyze grammar]

ādhi vyādhi vinirmukto rūpavānpriyadarśanaḥ |
evaṃ naro vā nārī vā dattvā dānamidaṃ bhuvi |
sarvānkāmānavāpnoti jāyamānaḥ punaḥ punaḥ || 26 ||
[Analyze grammar]

āmantrya sādhukulaśīlaguṇānvitāya viprāya yaḥ kanakadhenumimāṃ pradadyāt |
prāpnoti siddhamunikinnaradevajuṣṭaṃ kanyāśataiḥ parivṛtaṃ padamindumauleḥ || 27 ||
[Analyze grammar]