Chapter 75

yudhiṣṭhira uvāca |
upavāsāsamarthānāṃ sadaiva puruṣottama |
ekā yā dvādaśī puṇyā tāṃ vadasva mamānagha || 1 ||
[Analyze grammar]

śrīkṛṣṇa uvāca |
māsi bhādrapade śuklā dvādaśī śravaṇānvitā |
sarvakāmapradā puṇyā copavāse mahāphalā || 2 ||
[Analyze grammar]

saṃgame saritāṃ snātvā dvādaśyāṃ samupoṣitaḥ |
ayatnātsamavāpnoti dvādaśadvādaśīphalam || 3 ||
[Analyze grammar]

budhaśravaṇadvādaśyāmevaṃ vai saṃyato bhavet |
atīva mahatī tasyāṃ kṛtaṃ sarvamathākṣayam || 4 ||
[Analyze grammar]

dvādaśī śravaṇopetā yadā bhavati bhārata |
saṃgame saritāṃ snātvā gaṃgādisnānajaṃ phalam |
sopavāsaḥ samāpnoti nātra kāryā vicāraṇā || 5 ||
[Analyze grammar]

jalapūrṇe tathā kuṃbhe sthāpayitvā vicakṣaṇaḥ |
paṃcaratnasamopetaṃ sopavītaṃ supūji tam || 6 ||
[Analyze grammar]

tasya skaṃdhe sughaṭitaṃ sthāpayitvā janārdanam |
yathāśakti svarṇamayaṃ śaṃkhaśārṅgavibhūṣitam || 7 ||
[Analyze grammar]

snāpayitvā vidhānena sitacaṃdana carcitam |
sitavastrayugacchannaṃ chatropānadyugānvitam || 8 ||
[Analyze grammar]

oṃ namo vāsudevāyeti śiraḥ saṃpūjayaddhareḥ |
śrīdharāya mukhaṃ tadvatkaṃṭha kṛṣṇāya vai punaḥ || 9 ||
[Analyze grammar]

oṃ namaḥ śrīmate vakṣo bhujau sarvāstradhāriṇe |
vyāpakāya namaḥ kukṣī keśavāyodaraṃ namaḥ || 10 ||
[Analyze grammar]

trailokyajanakāyeti evaṃ saṃpūjayeddharim |
sarvādhipataye jaṃghe pādau sarvātmane namaḥ || 11 ||
[Analyze grammar]

anena vidhinā rājanpuṣpairdhūpaiḥ samarcayet |
tatastasyāgrato deyaṃ naivedyaṃ ghṛtapācitam || 12 ||
[Analyze grammar]

sodakāṃśca navānkuṃbhāñchaktyā dadyādvicakṣaṇaḥ |
evaṃ saṃpūjya gorvidaṃ jāgaraṃ tatra kārayet || 13 ||
[Analyze grammar]

prabhāte vimale snātvā saṃpūjya garuḍadhvajam |
puṣpadhūpādinaivedyaiḥ phalairvastraiḥ suśobhanaiḥ |
tataḥ puṣpāṃjaliṃ baddhvā maṃtrametamudīrayet || 14 ||
[Analyze grammar]

namo namaste govinda budhaśravaṇa saṃjñaka |
aghaughasaṃkṣayaṃ kṛtvā sarvasaukhyaprado bhava || 15 ||
[Analyze grammar]

evaṃ saṃpūjya goviṃda brāhmaṇaṃ pūjayettataḥ |
anaṃtaraṃ brāhmaṇe vai vedavedāṃtapārage |
purāṇajñe viśeṣeṇa vidhivatsaṃpradāpayet || 16 ||
[Analyze grammar]

dvādaśyāṃ śravaṇe yukte aśeṣāhaskarānvite |
karakaṃ saṃgame snātvā prīyatāṃ me janārdanaḥ || 17 ||
[Analyze grammar]

śrīkṛṣṇa uvāca |
atrāpyudāharaṃtīmamitihāsaṃ purātanam |
mahatyaraṇye yadvṛttaṃ bhūmipāla śṛṇuṣva tat || 18 ||
[Analyze grammar]

deśo daśārṇako nāma tasya bhāge tu paścime |
asti kaścinmarudeśaḥ sarvasattvabhayaṃkaraḥ || 19 ||
[Analyze grammar]

sutaptasikatā bhūmiryatra duṣṭā mahoragāḥ |
alpacchāyadrumākīrṇo mṛtaprāṇi samākulaḥ || 20 ||
[Analyze grammar]

śamīkhadirapālāśakarīraiḥ pīlubhiḥ saha |
tatra bhīmā drumāḥ pārtha kaṃṭakaiḥ śabalā dṛḍhaiḥ || 21 ||
[Analyze grammar]

dagdhaprāṇigaṇākīrṇā yatra bhūrddṛśyate kvacit |
annodakaṃ no labhaṃte rājaṃstatra balāhakāḥ || 22 ||
[Analyze grammar]

kadācidapi dṛśyaṃte bhrāmyanto hi vihagamāḥ |
vṛkṣāṃtaragatairnityaṃ śiśubhistṛṣitaiḥ samam |
utkṛttajīvitā rājandṛśyaṃte vihagottamāḥ || 23 ||
[Analyze grammar]

tṛṣāturāśca sahasā mṛgāḥ saikatamāgatāḥ |
saikateṣveva naśyaṃti jalaṃ saikatasetuvat || 24 ||
[Analyze grammar]

tasmiṃstathāvidhe deśe kaściddaivavaśādvaṇik |
nijasārthaparibhraṣṭaḥ praviṣṭo marujāṃgale || 25 ||
[Analyze grammar]

piśācānmalināṃstīkṣṇānnirmāṃsānbhīmadarśanān |
itastataḥ saṃcarato dadarśa vaṇiguttamaḥ || 26 ||
[Analyze grammar]

babhrāmodbhrāṃtahṛdayaḥ kṣuttṛṣābhramakarṣitaḥ |
kva grāmaḥ kva jalaṃ kvāhaṃ yāsyāmi na bubodha saḥ || 27 ||
[Analyze grammar]

atha pretāndadarśāsau tṛṣṇāvyākuliteṃdriyān |
snāyubaddhāsthicaraṇānprekṣamāṇānitastataḥ || 28 ||
[Analyze grammar]

pretaskaṃdhasamārūḍhamekaṃ pretaṃ dadarśa ha |
apaśyadbahubhiḥ pretaiḥ samaṃtātparivāritam || 29 ||
[Analyze grammar]

āgacchantaṃ tamavyagraṃ srutuśabdapuraḥsaram |
pretaskaṃdhānmahīṃ gatvā tasyāṃtikamupāgamat || 30 ||
[Analyze grammar]

sa dṛṣṭvātha vaṇikchreṣṭhamidaṃ vacanamabravīt |
asminvai nirjale deśe gamanaṃ bhavataḥ katham || 31 ||
[Analyze grammar]

tamuvāca vaṇigdhīmānsārthabhraṣṭasya caiva me |
praveśo daivayogena pūrvakarmakṛtena tu || 32 ||
[Analyze grammar]

tṛṣṇā māṃ bādhate'tyarthaṃ kṣuddunoti bhṛśaṃ tathā |
prāṇāḥ kaṃṭhamanuprāptā vacanaṃ naśyatīva me |
atropāyaṃ na paśyāmi jīveyaṃ yena kenacit || 33 ||
[Analyze grammar]

kṛṣṇa uvāca |
ityevamukte pretastaṃ vaṇijaṃ vākyamabravīt |
puṃnāgamimamāśritya pratīkṣasva muhūrtakam || 34 ||
[Analyze grammar]

kṛtātithyo yathālābhaṃ gamiṣyasi yathāsukham |
evamuktastathā cakre sa vaṇiktṛṣṇayārditaḥ || 35 ||
[Analyze grammar]

madhyāhnasamaye prāpte tatastaṃ deśamāgataḥ |
punnāgavṛkṣātkarako vāridhārāmanoramaḥ |
dadhyodanasamāyukto vardhamānena saṃyutaḥ || 36 ||
[Analyze grammar]

āgate karake tasminprādādatithaye tadā |
bhuktvānnaṃ ca jalaṃ pītvā vaṇiktuṣṭimupāgataḥ |
vitṛṣṇo vijvaraścaiva kṣaṇena samapadyata || 37 ||
[Analyze grammar]

tatastu pretasaṃghasya bhoktukāmasya vai dadau |
dadhyodadanaṃ sapānīyaṃ pretāstṛptiṃ parāṃ gatāḥ || 38 ||
[Analyze grammar]

atithiṃ tarpayitvā ca pretalokaṃ ca sarvaśaḥ |
tataḥ svayaṃ sa bubhuje bhuktaśeṣaṃ yathāsukham || 39 ||
[Analyze grammar]

tasya bhuktavataścānnaṃ pānīyaṃ ca kṣayaṃ yayau |
pretādhipaṃ tatastṛpto vaṇigvacanamabravīt || 40 ||
[Analyze grammar]

āścaryametatparamaṃ vane'sminpratibhāti me |
annapānasya samprāptiḥ paramasya kutastava || 41 ||
[Analyze grammar]

stokena ca tathānnena bibharṣi subahūnpṛthak |
tṛptāḥ paraṃ kathaṃ tvete nirmāṃsā bhinnaku kṣayaḥ || 42 ||
[Analyze grammar]

aparaṃ ca kathaṃ ceha mama pāpaparikṣayaḥ |
hastāvalaṃbanakastvaṃ samprāpto nirjane vane |
tṛptaścāsi kathaṃ grāsamātreṇa ca śubhavrata || 43 ||
[Analyze grammar]

kastvamasyāṃ sughorāyāmaṭavyāṃ tu kṛtālayaḥ |
tametaṃ saṃśayaṃ chiṃdhi paraṃ kautūhalaṃ mama || 44 ||
[Analyze grammar]

evamuktaḥ sa vāṇijyā preto vacanamabravīta |
śṛṇu bhadra pravakṣyāmi duṣkṛtaṃ karma cātmanaḥ || 45 ||
[Analyze grammar]

śākale nagare ramye ahamāsaṃ sudurmatiḥ |
vāṇijyāsaktitaḥ pūrvaṃ kālo nīto mayānagha || 46 ||
[Analyze grammar]

dhanalobhānmayā tatra kadācicca pramādinā |
na dattā bhikṣave bhikṣā tṛṣṇayā pīḍitāya ca || 47 ||
[Analyze grammar]

prativeśe ca tatrāsīdbrāhmaṇo guṇavānmama |
śravaṇadvādaśīyoge māsi bhādrapade tathā || 48 ||
[Analyze grammar]

sa kadācinmayā sārdhaṃ toṣāṃ nāma nadīṃ yayau |
tasyāśca saṃgamaḥ puṇyo yatrāsīccandrabhāgayā || 49 ||
[Analyze grammar]

caṃdrabhāgā somasutā toṣā caivārkanaṃdinī |
tayoḥ śītoṣṇasalilasaṃgamaḥ sumanoharaḥ || 50 ||
[Analyze grammar]

tattīrthavaramāsādya prātiveśyaḥ sa ca dvijaḥ |
śravaṇadvādaśīyoge snātaścaivamupoṣitaḥ || 51 ||
[Analyze grammar]

caṃdrabhāgātoṣayośca vāridhānyairnavairdṛḍhaiḥ |
dadhyodanayutaiḥ sārdhaṃ sampūrṇairvardhamānakaiḥ || 52 ||
[Analyze grammar]

chatropānadyugaṃ vastraṃ pratimāṃ vidhivaddhareḥ |
caṃdrabhāgājīvanena dadhyodanayutaṃ tadā || 53 ||
[Analyze grammar]

etatkṛtvā gṛhaṃ prāptastataḥ kālena kenacit |
pañcatvamahamāsādya nāstikyātpretatāṃ gataḥ |
asyāmaṭavyāṃ ghorāyāṃ yathā dṛṣṭastvayānagha || 54 ||
[Analyze grammar]

brahmasvahāriṇastvete pāpāḥ pretatvamāgatāḥ |
paradāraratāḥ kecitsvāmidroharatāḥ pare || 55 ||
[Analyze grammar]

mitradroharatāḥ keciddeśe'smiṃstu sudāruṇe |
mamaite bhṛtyatāṃ yātā annapānakṛtena ca || 56 ||
[Analyze grammar]

akṣayyo bhagavānkṛṣṇaḥ paramātmā sanātanaḥ |
yaddīyate tamuddiśya akṣayyaṃ tatprakīrtitam || 57 ||
[Analyze grammar]

mayā vihīnāḥ kiṃ tvete vane'sminbhṛśadāruṇe |
pīḍāmanubhaviṣyaṃti dāruṇāṃ karmayonijām || 58 ||
[Analyze grammar]

eteṣāṃ tvaṃ mahābhāga mamānugrahakāmyayā |
anekanāmagotrāṇi gṛhāṇa lekhanena ca || 59 ||
[Analyze grammar]

astu kakṣāgatā caiva tava saṃpuṭikā śubhā |
himavatyāṃ tathāsādya tatra tvaṃ lapsyase nidhim || 60 ||
[Analyze grammar]

gayāśīrṣe tato gatvā śrāddhaṃ kuru mahāmate |
ekamekamathoddiśya pretaṃpretaṃ yathāsukham || 61 ||
[Analyze grammar]

evaṃ sambhāṣamāṇo'sau taptajāṃbūnadaprabhaḥ |
vimānavaramāruhya svargalokamito gataḥ || 62 ||
[Analyze grammar]

svargate pretanāthe tu prabhāvātsa vaṇikpumān |
nāmagotrāṇi saṃgṛhya prayātaḥ sa himācalam || 63 ||
[Analyze grammar]

tatra prāpya nidhiṃ gatvā vinikṣipya svake gṛhe |
dhanabhāgamupādāya gayāśīrṣavaṭaṃ yayau |
pretānāṃ kramaśastatra cakre śrāddhaṃ dinedine || 64 ||
[Analyze grammar]

yasyayasya gayāśrāddhaṃ sa karoti dine vaṇik |
sa ca tasya sadā svapne darśayatyātmanastanum || 65 ||
[Analyze grammar]

bravīti ca mahābhāga prasādena tavānagha |
pretabhāvo mayā tyaktaḥ prāptosmi paramāṃ gatim || 66 ||
[Analyze grammar]

sa kṛtvā dhanalobhācca pretānāṃ satkṛtiṃ vaṇik |
jagāma svagṛhaṃ tatra māsi bhādrapade tathā || 67 ||
[Analyze grammar]

śravaṇadvādaśīyoge pūjayitvā janārdanam |
dānaṃ ca dattvā viprebhyaḥ sopavāso jitendriyaḥ || 68 ||
[Analyze grammar]

mahānadīsaṃgameṣu prativarṣaṃ yudhiṣṭhira |
cakāra vidhivaddānaṃ tato diṣṭāṃtamāgataḥ || 69 ||
[Analyze grammar]

avāpa paramaṃ sthānaṃ durlabhaṃ cātra mānavaiḥ |
yatra kāmaphalā vṛkṣā nadyaḥ pāyasakardamāḥ |
śītalāmalapānīyāḥ puṣkariṇyo manoharāḥ || 70 ||
[Analyze grammar]

taṃ deśamāsādya vaṇiṅ mahātmā sutaptajāṃbūnadabhūṣitāṃgaḥ |
kalpaṃ samagraṃ saha sundarībhiḥ svarge sa reme muditaḥ sadaiva || 71 ||
[Analyze grammar]