Chapter 210

sumanturuvāca |
ityeṣa saptamīkalpaḥ samāsātkathitastava |
vistarātte punarvacmi śṛṇu caikamanā vibho || 1 ||
[Analyze grammar]

phālgunāmalapakṣasya ṣaṣṭhyāṃ ca samupoṣitaḥ |
pūjayedbhāskaraṃ snātvā gaṃdhapuṣpavilepanaiḥ || 2 ||
[Analyze grammar]

arkapuṣpairmahābāho guggulena sugaṃdhinā |
śvetena karavīreṇa caṃdanena divākaram || 3 ||
[Analyze grammar]

guḍodakena naivedyaṃ nivedyaṃ prītaye raveḥ |
evaṃ pūjya divā bhānuṃ rātrau tasyāgrataḥ svapet |
japanbhaumaṃ paraṃ jāpyaṃ vinidraḥ satataṃ budhaḥ || 4 ||
[Analyze grammar]

śatānīka uvāca |
kiṃ tatparaṃ bhagavataḥ priyaṃ jāpyamanuttamam || 5 ||
[Analyze grammar]

japtavyo yatparairbhaktyā bhānustasyāgrato naraiḥ |
tanme brūhi tathā mantrāndhūpadīpānviśeṣataḥ |
yenāhaṃ taṃ japañjapyaṃ pūjayāmi divākaram || 6 ||
[Analyze grammar]

sumanturuvāca |
vacmi te bharataśreṣṭha samāsānna tu vistarāt || 7 ||
[Analyze grammar]

ṣaḍakṣareṇa mantreṇa kuryātsarvaṃ samāhitaḥ |
japaṃ homaṃ tathā pūjāṃ śatajaptena sarvadā || 8 ||
[Analyze grammar]

sāvitryā ca japaṃ pūrvaṃ kṛtvā śatasahasraśaḥ |
paścātsarvaṃ prakurvīta japādikamanākulam || 9 ||
[Analyze grammar]

oṃ bhoḥ sāvitri bhāskarāya sahasraraśmi dhīmahi |
tena sūryaḥ pracodayāt || 10 ||
[Analyze grammar]

japa eva paraḥ proktaḥ saptamyāṃ bhānunā svayam |
japtvā sakṛdbhavetpūto mānavo nātra saṃśayaḥ || 11 ||
[Analyze grammar]

prabhāte tvatha saptamyāṃ japanniyatamānasaḥ |
pūjayedbhānkaraṃ bhaktyā pūrvoktavidhinā nṛpa || 12 ||
[Analyze grammar]

śraddhayā bhojayeccāpi brāhmaṇāñchaktito nṛpa |
divyānbhogāṃśca vidhivadbhakṣyabhojyairanekaśaḥ || 13 ||
[Analyze grammar]

vittaśāṭhyaṃ na kurvīta bhojakāṃśca prabhojayet |
na bhojayettathā'saurānsaurānyatnena bhojayet || 14 ||
[Analyze grammar]

śatānīka uvāca |
ke bhojyā ke na vā bhojyā brāhmaṇā brahmavittama |
keṣu citteṣu saptamyāṃ devadevo divākaraḥ || 15 ||
[Analyze grammar]

ghaṭībhojyo bhavedvipraḥ saptamīṃ kurute ca yaḥ |
saurabhinneṣvabhojyo yo yaśca bhukto divākare || 16 ||
[Analyze grammar]

ete bhojyā dvijā rājannādityena samāsataḥ |
proktāḥ kurukulaśreṣṭha tathā'bhojyāñchṛṇuṣva vai || 17 ||
[Analyze grammar]

sabhāryaḥ sapatiryastu kuṣṭharogairhataśca yaḥ |
yaścānyadevatābhaktastathā nakṣatrasūcakaḥ || 18 ||
[Analyze grammar]

parāpavādanirato yaśca devalakastathā |
ete'bhojyāḥ savitrā tu svayaṃ devena cintitāḥ || 19 ||
[Analyze grammar]

śatānīka uvāca |
ye bhojyā brāhmaṇāḥ proktā ye cābhojyā dvijottamāḥ |
eteṣāṃ lakṣaṇaṃ brūhi sarveṣāṃ vai samāhitaḥ || 20 ||
[Analyze grammar]

sumanturuvāca |
sādhu pṛṣṭho'smi rājendra kīrtayāmyeva kṛtsnaśaḥ |
paṭhatāṃ tu trayī vidyāṃ brāhmaṇānāṃ kadambakaḥ || 21 ||
[Analyze grammar]

ghaṭetyuktā tu sā rājansvayaṃ devena bhānunā |
sā ghaṭā vidyate yasya sa ghaṭītyucyate dvijaiḥ || 22 ||
[Analyze grammar]

brahmakṣatraviśāṃ vīra śūdrāṇāṃ ca kadambakaḥ |
śṛṇvatāṃ vidhivatpuṇyaṃ bhaktyā pustakavācanam || 23 ||
[Analyze grammar]

iti māse nibaddhasya homasyeti ca bhānunā |
kathitaṃ kuruśārdūla svayamākāśagāminā || 24 ||
[Analyze grammar]

yasyāḥ kartā bhavedyastu mama syātkarako mataḥ |
sa vipro rājaśārdūla sadeṣṭo bhāskarasya tu || 25 ||
[Analyze grammar]

jayopajīvī vyāsaśca samaḥ syājjīvakastathā |
yānyetāni purāṇāni setihāsāni bhārata |
jayeti kathitānīha svayaṃ devena bhāsvatā || 26 ||
[Analyze grammar]

ekaṃ nivāsayanyastu brāhmaṇaṃ tūpajīvati |
jayopajīvī sa jñeyo vācakaśca tathā nṛpa || 27 ||
[Analyze grammar]

āruṇeyādiśāstrāṇi saptāśvatilakaṃ tathā |
yaśca jānāti saurāṇi vipraḥ saurassa tattvavit || 28 ||
[Analyze grammar]

pūjayetsatataṃ yastu bhāskaraṃ nṛpasattama |
bhojakāṃśca tathā rājanyathā devaṃ divākaram || 29 ||
[Analyze grammar]

sa jñeyo bhāskare bhakto bhojanīyaḥ prayatnataḥ |
bhojyānāṃ lakṣaṇaṃ hyetadabhojyānāṃ śṛṇuṣva me || 30 ||
[Analyze grammar]

vṛṣalī yasya vai bhāryā brāhmaṇasya viśeṣataḥ |
parabhāryāpatirasau brāhmaṇo brāhmaṇādhamaḥ || 31 ||
[Analyze grammar]

daivena nihataḥ kuṣṭhī brāhmaṇo brahmaghātakaḥ |
bhojako viṃdate yastu na ca taṃ pūjaye ttathā || 32 ||
[Analyze grammar]

jñeyonyadevabhaktosau sa vipraḥ kurunaṃdana |
ādityaṃ bhojakaṃ vidyādbhānordehasamudbhavam || 33 ||
[Analyze grammar]

nādityaṃ pūjayedyastu sa bhojyo na kadācana |
muṇḍo vyaṃgadharo gauraḥ śaṃkhapuṣpadharastathā || 34 ||
[Analyze grammar]

yasya yāti gṛhe rājanbhojako mānavasya tu |
tasya yāṃti gṛhe devāḥ pitaro bhāraka rasya tu || 35 ||
[Analyze grammar]

rakṣobhūtapiśācāśca yoginyopi palāyitāḥ |
sakṛdbhuṅkte gṛhe yasya bhojako gṛhadharmiṇaḥ || 36 ||
[Analyze grammar]

saptasaṃvatsaraṃ yāvatṛpto bhavati bhāskaraḥ |
tasmāttānbhojayeddivyānbhojakānsatataṃ budhaḥ |
yastu tānniṃdate vipraḥ sa na bhojyaḥ kadācana || 37 ||
[Analyze grammar]

nijaṃ bhartāramutsṛjya svairaṃ yānyatra gacchati |
svairiṇī sā tu vai proktā pāpiṣṭhā kuladūṣiṇī || 38 ||
[Analyze grammar]

pracchannaṃ rocate rājanyā nārī bhavadoṣataḥ |
jñeyā sā svairiṇī rājankule bhavati nāśinī || 39 ||
[Analyze grammar]

yo'syāṃ rato bhavedvipraḥ sa jñeyaḥ svairiṇīrataḥ |
raṃgopajīvī kathako yaśca prākṛtanartakaḥ || 40 ||
[Analyze grammar]

raṃgopajīvī rājeṃdra tathā ca bahuyācakaḥ |
dve ete nāmanī rājankathakasya prakīrtite |
kṛtenānena yādṛkca udvṛttaḥ kurunaṃdana || 41 ||
[Analyze grammar]

yaḥ stutiṃ gāyate vipraḥ proccaistu janasaṃsadi |
raṃgopajīvī proktoyaṃ dvitīyaḥ parikīrtitaḥ || 42 ||
[Analyze grammar]

sūcanaṃ kathanaṃ proktaṃ sarvaśāstreṣu bhārata |
sūcayedyastu ṛkṣāṇi sa vai nakṣatrasūcakaḥ || 43 ||
[Analyze grammar]

śatānīka uvāca |
aho bata mahatkaṣṭaṃ bhavato yaddvijānprati |
vedāṃgaṃ jyotiḥśāstraṃ tu ṣaṣṭhaṃ proktaṃ manīṣibhiḥ || 44 ||
[Analyze grammar]

ṣaḍaṃgo na bhavettena rahitena dvijena ca |
abhojye paṭhanāttasya yadvatsyādbrāhmaṇo dvija || 45 ||
[Analyze grammar]

bhojyo'khaṇḍaṃ yayau vipro'narthakena tvanarthakam |
vimṛśya kathyatāṃ vipra atra me saṃśayo mahān || 46 ||
[Analyze grammar]

sumaṃturuvāca |
sādhu pṛṣṭosmi bhavatā śrūyatāmatra nirṇayaḥ |
yasya jīvyamidaṃ jñeyamaṃgaṃ viprasya vai bhavet || 47 ||
[Analyze grammar]

sāṃvatsareṇa jyotiṣā jñānanakṣatrasūcakaḥ |
na sa bhojyo bhavedrājanyasyeyaṃ jīvikā bhavet || 48 ||
[Analyze grammar]

niṣkāraṇaṃ parāṇāṃ ca parokṣaṃ doṣakīrtanam |
guṇānāṃ ca yathā guptiḥ parivādaparastu saḥ || 49 ||
[Analyze grammar]

brāhmaṇo yastu rājeṃdra vṛttyā karma karoti vai |
devatāyatane ceha devānāṃ pūjanaṃ tathā || 50 ||
[Analyze grammar]

ādhipatyaṃ bhakṣaṇaṃ ca naivedyasya paraṃtapa |
sa jñeyo devalo rājanbrāhmaṇo brāhmaṇādhamaḥ || 51 ||
[Analyze grammar]

nādhikārastu viprāṇāṃ bhaumānāṃ devapūjane |
vṛttyā bharataśārdūla ādhipatye viśeṣataḥ || 52 ||
[Analyze grammar]

yastu pūjayate devīṃ brāhmaṇo dravyalobhataḥ |
vṛttyai kurukulaśreṣṭha sa yāti narakaṃ dhruvam || 53 ||
[Analyze grammar]

devālayeṣu sarveṣu agnikāryaṃ ca suvrata |
yaḥ kuryāddravyalobhena adhogatimavāpnuyāt || 54 ||
[Analyze grammar]

devālayeṣu sarveṣu varjayitvā śivālayam |
devānāṃ pūjanaṃ rājannagnikāryeṣu vā vibho || 55 ||
[Analyze grammar]

adhikāraḥ smṛto rājanbhojakānāṃ na saṃśayaḥ |
pūjayaṃtastu te devānprāpnuvaṃti parāṃ gatim || 56 ||
[Analyze grammar]

naivedyaṃ bhuñjate yasmādbhojayaṃti ca bhāskaram |
pūjayaṃti ca devānāṃ divyatantreṇa te gatāḥ || 57 ||
[Analyze grammar]

pūjayitvā tu vai devānnaivedyaṃ bhakṣya ca prabhoḥ |
yāṃti te paramaṃ sthānaṃ yatra devo divākaraḥ || 58 ||
[Analyze grammar]

brāhmaṇaścāpi taṃ brūyā ttīkṣṇe sati mahāmate |
evaṃ kariṣye śreyorthaṃ nātmanastava vā vibho || 59 ||
[Analyze grammar]

ityāmaṃtrya tato gacchetsvagṛhaṃ kurunandana |
tathā pare'hni saṃpūjya devaṃ bhaktyā divākaram || 60 ||
[Analyze grammar]

kṛtvā ca pāvakaṃ rājanbrāhmaṇānbhojayettataḥ |
śālyodanaṃ tathā mudgaṃ sugandhaṃ mudgameva hi || 61 ||
[Analyze grammar]

apūpānguḍapūpāṃśca payo dadhi tathā nṛpa |
etaistu tṛptimāyāti bhāskaro narasattama || 62 ||
[Analyze grammar]

varjyāni bharataśreṣṭha śṛṇu tvaṃ gadato mama |
kulatthakānmasūrāṃśca niṣpāvādīṃstathaiva ca || 63 ||
[Analyze grammar]

sisrukaṃ ca tathānyacca rājamāṣāṃstathaiva ca |
naitāni bhāskare dadyādya icchecchreya ātmanaḥ || 64 ||
[Analyze grammar]

durgadhaṃ yacca kaṭukamatyalpaṃ bhāskarasya tu |
vimiśrāṃstaḍulāṃścāpi na dadyādbhāskarāya vai || 65 ||
[Analyze grammar]

itthaṃ bhojya dvijaṃ rājanprāśayedarkasaṃpuṭam |
praṇamya śirasā devamudakena samanvitam || 66 ||
[Analyze grammar]

gṛhītvā ketanaṃ yastu bhajate'nyatra lokataḥ |
nāśnaṃti pitarastasya na devā na ca mānavāḥ || 67 ||
[Analyze grammar]

niṣkramya nagarādrājangatvā pūrvottarāṃ diśam |
nātyucce nātinīce ca śucau deśe'rkamuttamam || 68 ||
[Analyze grammar]

jātaṃ dṛṣṭvā mahābāho pūjayitvā khagottama |
pūrvottaragatāścaiva tasya śākhā diśannṛpa || 69 ||
[Analyze grammar]

śākhāyā agrataḥ pātre susūkṣme pallavāśrite |
suśliṣṭe na pṛthagbhūte saṃpūjya gṛhamāvrajet || 70 ||
[Analyze grammar]

snātaḥ pūjya vivasvaṃtamarkapuṣpaiḥ khagottama |
brāhmaṇānbhojayitvā tu arko me prīyatāmiti || 71 ||
[Analyze grammar]

prāśya maṃtreṇārkapuṭaṃ tato bhuṃjīta |
vāgyataḥ || devasya purato vīra tvaspṛśandaśanaiḥ puṭam || 72 ||
[Analyze grammar]

oṃ arkasaṃpuṭa bhadraṃ te bhadraṃ te'rkaṃ sadāstu vai |
mamāpi kuru bhadraṃ ca prāyaścittaprado bhava || 73 ||
[Analyze grammar]

imaṃ maṃtraṃ japanrājansmarannarkaṃ mahāmate |
sthitvā pūrvamukho brahma vāriṇā sahitaṃ nṛpa || 74 ||
[Analyze grammar]

prāśya bhuṃkte ca yo rājansa yāti paramāṃ gatim |
daṃtairaspṛśya he vīra tatpuṭaṃ cārkasaṃjñitam || 75 ||
[Analyze grammar]

anena vidhinā bhaktyā kartavyā saptamī sadā |
yāvadvarṣe mahābāho prītaye'rkasya śraddhayā || 76 ||
[Analyze grammar]

yaścemāṃ saptamīṃ kuryādbhāskaraṃ prīṇayannaraḥ |
tasyākṣayaṃ bhavedvittamacalaṃ sāptapauruṣam || 77 ||
[Analyze grammar]

suvarṇaṃ rajataṃ tāmraṃ hiraṇyaṃ ca tathā kṣayam |
kṛtvemāṃ siddhimāyātaḥ kauthumiḥ sahasā gataḥ || 78 ||
[Analyze grammar]

kuṣṭharogācca vai mukto jayastomo mahīpatiḥ |
bṛhadbaladhvajaḥ kopī yājñavalkyo 'tha kṛṣṇajaḥ || 79 ||
[Analyze grammar]

arkaṃ caiva samārādhya tato'guste'rkasāmyatām |
iyaṃ dhanyatamā puṇyā saptamī pāpanāśinī || 80 ||
[Analyze grammar]

paṭhatāṃ śṛṇvatāṃ rājankurvatāṃ ca viśeṣataḥ |
tasmādeṣā sadā kāryā vidhivacchreyase'nagha || 81 ||
[Analyze grammar]

śatānīka uvāca |
janakādayo yathā siddhiṃ gatā bhānuṃ prapūjya ca |
śrutaṃ mayā tu bahuśo na śrutaṃ kauthumiryathā || 82 ||
[Analyze grammar]

siddhiṃ gato'rkamārādhya kuṣṭhānmuktaśca suvrata |
kaścāsau kauthumirvipraḥ kathaṃ kuṣṭha mavāptavān || 83 ||
[Analyze grammar]

kathamārādhayāmāsa bhānuṃ devapatiṃ dvija |
etanme vipra nikhilaṃ kīrtayasva samāsataḥ || 84 ||
[Analyze grammar]