Chapter 196

saptāśvavatilaka uvāca |
atītya bhuktaṃ puruṣaḥ saptamyāṃ garuḍāgraja |
maitrīṃ vidadhyātsarvatra jīvahiṃsāṃ vivarjayet || 1 ||
[Analyze grammar]

saptamyāṃ na spṛśettailaṃ nīlaṃ vastraṃ na dhārayet |
na śayīta striyā sārdhaṃ na seveta durodaram || 2 ||
[Analyze grammar]

na rudyādaśrupātena na vā dhyāyetpiśācakān |
nākṛṣecchiraso yūkā na vṛthāvādamācaret |
parasyāniṣṭakathanamativādaṃ ca varjayet || 3 ||
[Analyze grammar]

na kaṃcittāḍayejjaṃtuṃ na viśeta kadācana |
brahmahatyāmavāpnoti viśamāno ravergṛham || 4 ||
[Analyze grammar]

ityete samayāḥ proktāḥ saurāṇāṃ garuḍāgraja |
bhojakānāṃ viśeṣeṇa purā me bhānunānagha || 5 ||
[Analyze grammar]

bhojakaḥ khagaśārdūla yo lobhāddravyamutsṛjet |
vṛddhyai tu satataṃ vīra sa gacchennarakaṃ dhuvam || 6 ||
[Analyze grammar]

viśeṣe cālpakaśate kāmayāne khagādhipa |
prayujyamāno bhojakastu paṃcakena śatena vai || 7 ||
[Analyze grammar]

prāyaścittī bhavedvīra na cārhaḥ pūjane raveḥ |
kṛtvā sāṃtapanaṃ kṛcchraṃ tatraḥ saṃpūjayedravim || 8 ||
[Analyze grammar]

nānyadevapratiṣṭhā tu kartavyā bhojakena tu |
kṛtvā tu tāṃ khagaśreṣṭha prāyaścittīyate naraḥ || 9 ||
[Analyze grammar]

tasmāttu tāṃ na kuryādvai bhojakaḥ khagasattama |
muktvā tu bhāskaraṃ devaṃ nānyaṃ devaṃ nivedayet || 10 ||
[Analyze grammar]

kṛtvādhiveśaṃ devānāṃ brahmādīnāṃ khagādhipa |
bhojako na spṛśedbhānuṃ kuryātkṛcchraṃ ca śuddhaye || 11 ||
[Analyze grammar]

kṛtvā tu kṛcchraṃ vidhi vacchuddherhetuṃ khagādhipa |
tataḥ pūjayituṃ bhānumadhikārī bhavennaraḥ || 12 ||
[Analyze grammar]

na vijñātaṃ pradātavyaṃ na mlānaṃ na ca dūṣitam |
na ca paryuṣitaṃ mālyaṃ dātavyamṛddhimicchatā || 13 ||
[Analyze grammar]

devamullocayedyastu sa khalaḥ puṣpalobhataḥ |
puṣpāṇi ca sugaṃdhīni bhojako netarāṇi ca || 14 ||
[Analyze grammar]

brahmahatyāmavāpnoti bhojako lobhamohitaḥ |
mahārauravamāsādya pacyate śāśvatīḥ samāḥ || 15 ||
[Analyze grammar]

haṃta te kīrtayiṣyāmi dhūpadānavidhiṃ param |
pradāne devadevasya yena dhūpena yatphalam || 16 ||
[Analyze grammar]

sadā caṃdanadhūpena sānnidhyaṃ kurute raviḥ |
pradadyānmānase caiva yadyadicchati mānavaḥ || 17 ||
[Analyze grammar]

tathaivāgurudhūpena varaṃ dadyā dabhīpsitam |
ārogyaṃ vā striyaṃ prepsurnityadā guggulaṃ dahet || 18 ||
[Analyze grammar]

maṃgalaṃ dhūpadānena sadā yacchati bhānumān |
ārogyaṃ ca striyaṃ dadyā tsaukhyaṃ ca paramaṃ bhavet || 19 ||
[Analyze grammar]

sadā kuṃkumadhūpena saubhāgyaṃ labhate naraḥ |
śrīvāsakasya dhūpena vāṇijyaṃ saphalaṃ bhavet || 20 ||
[Analyze grammar]

rasaṃ sarvarasopetaṃ dadatorthāgamo dhruvam |
devadāruṃ ca dahato bhavatyannamathākṣayam || 21 ||
[Analyze grammar]

vilepanaṃ kuṃkumena sarvakāmaphalapradam |
iha loke sukhī bhūtvā dātā svargama vāpnuyāt || 22 ||
[Analyze grammar]

caṃdanasya pradānena śriyamāyuśca viṃdati |
raktacaṃdanadānena sarvaṃ dadyāddivākaraḥ || 23 ||
[Analyze grammar]

api rogaśatairgrastaiḥ kṣiprārogyamavā pnuyāt |
vartigaṃdhaiśca saugaṃdhyaṃ paramaṃ viṃdate naraḥ || 24 ||
[Analyze grammar]

kastūrikālepanakairaiśvaryamatulaṃ labhet |
karpūrasaṃyutairgaṃdhaiḥ kṣmādhipādhipatirbhavet || 25 ||
[Analyze grammar]

catuḥsamena gaṃdhena kiṃ tulyaṃ prāpnuyānnaraḥ |
devāgāraṃ tu tanmanye bhaktyā ya upalepayet || 26 ||
[Analyze grammar]

sa rogānmucyate kṣipraṃ puruṣo bhogavānbhavet |
aṣṭādaśeha kuṣṭhāni ye cānye vyādhayo nṛṇām |
pralayaṃ yāṃti te sarve mṛdā yadyupalepayet || 27 ||
[Analyze grammar]

pralepanānāṃ sarveṣāṃ raktacaṃdanamuttamam |
nātaḥ parataraṃ kiṃcidbhānostuṣṭikaraṃ param || 28 ||
[Analyze grammar]

kiṃ tasya na bhavelloko yo hyanena pralepayet |
sarvakāmasamṛddho'sau sūryaloke mahīyate || 29 ||
[Analyze grammar]

upalipya ravergehaṃ kuryādvai maṃḍalaṃ punaḥ |
ekenātha samāpnoti bhāgyamārogyamuttamam || 30 ||
[Analyze grammar]

tribhiḥ saptabhiracchinnā bālo vānyopi yo naraḥ |
tena pradāpayeddevānkuryāttānna nivārayet |
anena vidhinā kuryādyāvatīḥ sapta saptamī || 31 ||
[Analyze grammar]

etā vai sapta saptamyo yathā proktā vivasvatā |
kurvīta yo naro bhaktyā sarvapāpaiḥ pramucyate || 32 ||
[Analyze grammar]

arkasaṃpuṭakairvittaṃ maricaiḥ priyasaṃgamam |
niṃbapatrai roganāśaṃ phalaiḥ putrānyathepsitān |
dhanaṃ dhānyaṃ suvarṇaṃ ca tato dadyādvivasvate || 33 ||
[Analyze grammar]

jayaṃ prāpnoti vipulaṃ kṛtvā sarvatra khecara |
sarvānkāmānkāmikastu prāpnuyānnātra saṃśayaḥ || 34 ||
[Analyze grammar]

naro vā yadi vā nārī yathoktaṃ saptamīvratam |
yaḥ karoti khagaśreṣṭha sa yāti paramaṃ padam || 35 ||
[Analyze grammar]

na teṣāṃ triṣu lokeṣu kiṃcidastīti durlabham |
ye bhaktyā lokanāthasya vratinaḥ saṃyatendriyāḥ || 36 ||
[Analyze grammar]

sarvayajñaphalaṃ teṣāṃ yathā vedoditaṃ bhavet |
brahmeṃdraviṣṇavastena pūjitā nātra saṃśayaḥ || 37 ||
[Analyze grammar]

nāṃdho na kuṣṭhī na klībo na vyaṃgo na ca nirdhanaḥ |
kadāpi ca bhavetkaścidyaścaretsaptamīvratam || 38 ||
[Analyze grammar]

putrārthī śrutisaṃpannāllaṃbhetputrāścirāyuṣaḥ |
na teṣāṃ triṣu lokeṣu kiṃcidastīti durlabham |
bhogārthī labhate bhogānvratenānena suvrata || 39 ||
[Analyze grammar]

krodhātpramādāllobhācca vratabhaṃgo yadā bhavet |
prāyaścittamidaṃ kṛtvā punareva vratī bhavet || 40 ||
[Analyze grammar]

saptaiva yāvatsaptamyaḥ saṃprāptā guruṇā khaga |
tāsu bhāskaramabhyarcya mālyadhūpādibhirnaraḥ |
bhojayitvā dvijāñchaktyā prāpnuyātsvargamakṣayam || 41 ||
[Analyze grammar]

saptamyāṃ vipramukhyebhyo yo'nnaṃ dadyātkhageśvara |
tadakṣayaṃ bhavettasya sa ca sūryagṛhaṃ vrajet || 42 ||
[Analyze grammar]

iti te kīrtitaṃ vīra saptamīvratamuttamam |
bhūya evābhidhāsyāmi śṛṇu me vadatonagha || 43 ||
[Analyze grammar]

yena vrataprabhāveṇa kāmikaṃ phalamaśnute |
saptamīṃ khagaśārdūla śuklāṃ dvādaśanāmikām || 44 ||
[Analyze grammar]

gomūtragomayāhāraḥ ṣaḍvṛtāhāra eva ca |
atha vā yāvakāhāraḥ śīrṇaparṇāśanopi vā || 45 ||
[Analyze grammar]

kṣīrāśī caikabhaktaṃ vā sikthāhārotha vā punaḥ |
jalāhārotha vā vidvānpūjayeta divākaram || 46 ||
[Analyze grammar]

puṣpopahārairvividhaiḥ padmasaugaṃdhikotpalaiḥ |
nānāprakārairgaṃdhaiśca dhūpairguggulucaṃdanaiḥ || 47 ||
[Analyze grammar]

kṛśaraiḥ pāyasānnairvā vividhaiśca vibhūṣaṇaiḥ |
arcayitvā dvijaśreṣṭha bhakṣyavastrādibhūṣaṇaiḥ || 48 ||
[Analyze grammar]

sarvapakṣaphalaṃ prāpya sūryalokaṃ tato vrajet |
tapasoṃte tato vīra kule mahati jāyate || 49 ||
[Analyze grammar]

yathākramaṃ prayatnena nāmāni parikīrtayet |
māghe ca phālgune māsi caitre ca garuḍāgraja || 50 ||
[Analyze grammar]

vaiśākhe tvatha jyeṣṭhe tu āṣāḍhe śrāvaṇe tathā |
māsi bhādrapade vīra tathā cāśvayuje khaga || 51 ||
[Analyze grammar]

mārgaśīrṣe tathā pauṣe pūjayetsatataṃ ravim |
vibhāvasuṃ vivasvaṃtaṃ bhāskaraṃ pakṣisattama || 52 ||
[Analyze grammar]

vikartanaṃ pataṃgaṃ ca sahasrāṃśuṃ khagādhipa |
etāni devanāmāni māseṣveteṣu khecara || 53 ||
[Analyze grammar]

pūjayeddevadeveśaṃ devānāmapi durlabham |
evaṃ krameṇa tīkṣṇāṃśuṃ nāmabhiḥ paripūjayet || 54 ||
[Analyze grammar]

ityevaṃ te samākhyātaṃ mayā guhyamidaṃ khaga |
abhaktāya na dātavyaṃ nāśiṣyāya kathaṃcana || 55 ||
[Analyze grammar]

na ca pāpakṛte vīra dātavyaṃ vinatātmaja |
vyādhestu nāśanārthāya deyaṃ viprāya suvrata || 56 ||
[Analyze grammar]

dattvā svargamavāpnoti śrutvā ca vidhivatkhaga || 57 ||
[Analyze grammar]