Chapter 116

brahmovāca |
kṛṣṇa rājā mahānāsīdyayātikulasambhavaḥ |
satrājiditi vikhyātaścakravartī mahābalaḥ || 1 ||
[Analyze grammar]

prabhāvaistejasā kāntyā kṣāntyā balasamanvitaḥ |
dhairyagambhīryasampanno vadānyo yaśasānvitaḥ || 2 ||
[Analyze grammar]

buddhyā vikramadakṣaśca sampanno brāhmaṇāyataḥ |
kṛtī kavistathā śūraḥ ṣaṭpadākhyairna nirjitaḥ || 3 ||
[Analyze grammar]

sadā pañcasu raktaśca vasumadbhirna nirjitaḥ |
rudratā vasubhirjātaiḥ sattvaśraddhāsamanvitaḥ || 4 ||
[Analyze grammar]

ambujasyāṇḍajasyeva ātreyasya tathācyuta |
ambujāyāstathā kṛṣṇa vāryapātraṃ sa vai vibho || 5 ||
[Analyze grammar]

gāṅgeyena bale tulyaḥ paulastyārcāśramo yathā |
gāṅgeyasya tathā kṛṣṇa dhiṣaṇasya hareryathā || 6 ||
[Analyze grammar]

kāmyaśca dvijabhaktastu tathā vālmīkivatsadā |
vyāsasya devaśārdūla jāmadagnyasya vā vibhoḥ || 7 ||
[Analyze grammar]

eṣāṃ naikairguṇairyuktaḥ sa rājā kṣmātale vibho |
śaśāsa sa mahābāhuḥ saptadvīpāṃ vasundharām || 8 ||
[Analyze grammar]

yasmingāthāṃ pragāyanti ye purāṇavido janāḥ |
satrājite mahābāhau kṛṣṇa dhātrīṃ samāśrite || 9 ||
[Analyze grammar]

yāvatsūrya udeti sma yāvacca pratitiṣṭhati |
satrājitaṃ tu tatsarvaṃ kṣetramityamidhīyate || 10 ||
[Analyze grammar]

sa sarvaratnasaṃyuktāṃ saptadvīpavatīṃ mahīm |
śaśāsa dharmeṇa purā cakravartī mahābalaḥ || 11 ||
[Analyze grammar]

nānyāyakṛnna cāśakto vadānyo balavattaraḥ |
tasyābhūtpuruṣā rājñaḥ samyagdharmānuśāsinaḥ || 12 ||
[Analyze grammar]

catvāraḥ sacivāstasya rājñaḥ satrājitasya tu |
babhūvurapratihatāḥ sadā vāti balasya vai || 13 ||
[Analyze grammar]

tasya bhaktiratīvāsīnnisargādeva bhūpateḥ |
divākare jagadbhānau raktacandanamālini || 14 ||
[Analyze grammar]

tasyordhvamahimānaṃ ca vilokya pṛthivīpateḥ |
na kevalaṃ janasyāpi hyabhavattasya vismayaḥ || 15 ||
[Analyze grammar]

sañcintayāmāsa nṛpaḥ samṛddhyā vismitastathā |
kathaṃ syāt sampadeṣā me punarapyanyajanmani || 16 ||
[Analyze grammar]

evaṃ sa bahuśo rājā tadā kṛṣṇa mahāyaśāḥ |
cintayannapi tanmūlaṃ nāsadanniścayānvitaḥ || 17 ||
[Analyze grammar]

yadā na niścayaṃ rājā sa yayau bhārgavīpriyaḥ |
tadā papraccha dharmajñānsa viprānsamupāgatān || 18 ||
[Analyze grammar]

sarvāśca sasukhānvīra viviktāntaḥ purasthitaḥ |
praṇipatya mahābāhurgrahītuṃ śāsanakriyāḥ || 19 ||
[Analyze grammar]

viśvāsānugrahā buddhirbhavatāṃ mayi sattamāḥ |
tadahaṃ praṣṭumicchāmi kiñcittadvaktumarhatha || 20 ||
[Analyze grammar]

sadvidyākhilavijñānasamyagdhautāntarātmabhiḥ |
bhavadbhiryadyanugrāhyaḥ syāmahaṃ vedavittamāḥ || 21 ||
[Analyze grammar]

tadyathāvanmayā pṛṣṭā bhavanto matprasādinaḥ |
vaktumarhatha vidvāṃsaḥ sarvasyaivopakāriṇaḥ || 22 ||
[Analyze grammar]

brahmovāca |
yaste manasi sandehastaṃ pṛcchādya mahīpate |
vadiṣyāmo yathānyāyaṃ yatte1 manasi varttate || 23 ||
[Analyze grammar]

vayaṃ hi nṛpaśārdūla bhavatā pāritoṣitāḥ |
samyakprajāṃ pālayitrā dadatā bhojanaṃ sadā || 24 ||
[Analyze grammar]

santuṣṭo brāhmaṇo'śnīyācchiṃdyādvā dharmasaṃśayam |
hitaṃ copadiśedvartma ahitādvā nivartayet || 25 ||
[Analyze grammar]

vivakṣumatha bhūpālaṃ bhāryā tasyaiva dhīmataḥ |
praṇipātena cāhedaṃ vinayātpraṇayānvitam || 26 ||
[Analyze grammar]

na strīṇāmavanīpāla vaktumīdṛgiheṣyate |
tathāpi bhūpate vakṣye sampadīdṛksudurlabhā || 27 ||
[Analyze grammar]

bhūyo'pi saṃśayānpraṣṭumalamīśo bhavānṛṣīn |
nanvahaṃ puraṣavyāghra sadāntaḥ puracāriṇī || 28 ||
[Analyze grammar]

tatprasādaṃ yadi bhavānkaroti mama pārthiva |
tanmadīyamṛṣīnpraṣṭuṃ sandehaṃ pārthivārhasi || 29 ||
[Analyze grammar]

satrājita uvāca |
brūhi subhrūrmataṃ yatte praṣṭavyā yanmayā dvijāḥ |
bhūyo'hamātmasandehaṃ prakṣyāmyetaddvijottamān || 30 ||
[Analyze grammar]

vimalavatyuvāca |
śrūyante pṛthivīpāla nṛpā ye tu cirantanāḥ |
yeṣāṃ ca sampadbhūpāla yathā te'dya kilābhavat || 31 ||
[Analyze grammar]

tadīdṛksampado dhāma tavāśeṣaṃ kṣitīśvara |
yena karmavipākena tadvadantu maharṣayaḥ || 32 ||
[Analyze grammar]

ahaṃ ca bhavato bhāryā sarvasīmantinīvarā |
atīva karmaṇā yena tadvijñāne kutūhalam || 33 ||
[Analyze grammar]

tathā sampatsamṛddhatvamanyeṣvapi hi vidyate |
nirastātiśayatvena nūnaṃ nālpena karmaṇā || 34 ||
[Analyze grammar]

tadanyajanmacaritaṃ naranātha nijaṃ bhavān |
munīnpṛccha tvayā cāhaṃ yanmayā ca purā kṛtam || 35 ||
[Analyze grammar]

brahmovāca |
sa tathoktastayā rājā patnyā vismitamānasaḥ |
munīnāṃ purato māyāṃ praśaṃsanvākyamabravīt || 36 ||
[Analyze grammar]

sādhu devi mataṃ yanme tvayā yadidamīritam |
satyaṃ munivacaḥ puṃsāṃ syāddha vai gṛhiṇī tathā || 37 ||
[Analyze grammar]

so'hametanmahābhāge pṛcchāmyetānmahāmunīn |
teṣāmaviditaṃ kiñcittriṣu lokeṣu na vidyate || 38 ||
[Analyze grammar]

evamuktvā priyāṃ rājā praṇipatya ca tānṛṣīn |
yathāvadetadakhilaṃ papraccha dharaṇīdharaḥ || 39 ||
[Analyze grammar]

rājovāca |
bhagavanto mamāśeṣaṃ prasādāvṛtacetasaḥ |
kathayantu yathāvṛttaṃ yanmayā sukṛtaṃ kṛtam || 40 ||
[Analyze grammar]

ko'hamāsaṃ purā viprāḥ kiṃsvitkarma mayā kṛtam |
kiṃ vānayā tu cārvaṃgyā mama patnyā kṛtaṃ dvijāḥ || 41 ||
[Analyze grammar]

yenāvayoriyaṃ lakṣmīrmartyaloke sudurlabhā |
catvāraścāpratihatā amātyā mama gacchataḥ || 42 ||
[Analyze grammar]

aśeṣā bhūbhṛto vaśyā dhanasyānto na vidyate |
balaṃ caivāpratihataṃ śarīrārogyameva ca || 43 ||
[Analyze grammar]

pratibhāti ca me kāntyā bhāryāyāmakhilaṃ jagat |
mamāpi vapuṣastejo na kaścitsahate dvijāḥ |
so'hamicchāmi tajjñātuṃ tathaiveyamaninditā |
nijānuṣṭhānamakhilaṃ yasyāśeṣamidaṃ phalam || 45 ||
[Analyze grammar]

brahmovāca |
iti pṛṣṭā narendreṇa samastāste tapodhanāḥ |
parāvasumathocuste kathyatāmasya bhūbhṛtaḥ || 46 ||
[Analyze grammar]

coditaḥ so'pi dharmajñairmahāśūrā mahāmatiḥ |
yogamāsthāya suciraṃ yathāvadyatamānasaḥ || 47 ||
[Analyze grammar]

jñātavānnṛpatestasya pūrvadehaviceṣṭitam |
sa tamāha munirbhūpaṃ vijñānecchaṃ mahāmatim || 48 ||
[Analyze grammar]

satrājitaṃ mahātmānaṃ jitaśatruṃ manasvinam |
sapatnīkaṃ mahābuddhiṃ brāhmaṇānsatyavādinaḥ || 49 ||
[Analyze grammar]

parāvasuruvāca |
śṛṇu bhūpāla sakalaṃ yasyedaṃ karmaṇaḥ phalam |
tava rājyādikaṃ subhrūryeyaṃ cāsīnmahīpate || 50 ||
[Analyze grammar]

tvamāsīḥ śūdrajātīyaḥ parahiṃsāparāyaṇaḥ |
kuṣṭhārto daṇḍapāruṣye niḥsnehaḥ sarvajantuṣu || 51 ||
[Analyze grammar]

dvayaṃ ca bhavato bhāryā pūrvamapyāyatekṣaṇā |
nityaṃ babhūva tvaccittā bhavacchuśrūṣaṇe ratā || 52 ||
[Analyze grammar]

pativratā mahābhāgā bhartsyamānāpi niṣṭhuram |
tvadvākyeṣu ca sarveṣu vīra karmasu codyatā || 53 ||
[Analyze grammar]

naiśvaryādasahāyasya tyajyamānasya bandhubhiḥ |
kṣayaṃ jagāma yortho'bhūtsañcitaḥ prapitāmahaiḥ || 54 ||
[Analyze grammar]

tasminkṣīṇe kṛṣiparastvamāsīḥ pṛthivīpate |
sāpi karmavipākena kṛṣirviphalatāṃ gatā || 55 ||
[Analyze grammar]

tato niḥsvaṃ parikṣīṇaṃ pareṣāṃ bhṛtyatāṃ gatam |
tatyāja sādhvī neyaṃ tvāṃ tyajyamānāpi pārthiva || 56 ||
[Analyze grammar]

anayā tu samaṃ sādhvyā bhānorāvasathe tvayā |
kṛtaṃ śuśrūṣaṇaṃ vṛttyā bhaktyā sammārjanādikam || 57 ||
[Analyze grammar]

niḥsnehaḥ sarvakāmebhyastanmayastvaṃ tadarpaṇaḥ |
ahanyahani visrambhāttasminnāvasathe raveḥ || 58 ||
[Analyze grammar]

kānyakubjapure vīra mahāśuśrūṣitaṃ tvayā |
divākarālaye nityaṃ kṛtaṃ tanmārjanaṃ tvayā || 59 ||
[Analyze grammar]

tathaivābhyukṣaṇaṃ bhūpa nityaṃ caivānulepanam |
patnyānayā nṛpa tathā yuṣmaccittānuvṛttayā || 60 ||
[Analyze grammar]

kāritaṃ śravaṇaṃ puṇyamitihāsapurāṇayoḥ |
dattvāṅgulīyakaṃ rājanpitṛdattaṃ tu vācake || 61 ||
[Analyze grammar]

ahanyahani yatkarma yuvayornṛpakurvatoḥ |
tatraiva tanmayatvena pāpahānirajāyata || 62 ||
[Analyze grammar]

bhānoḥ kāryaṃ mayā kāryaṃ paraṃ śuśrūṣaṇaṃ tathā |
nāprabhātaṃ prabhātaṃ vā cinteyamabhavanniśi || 63 ||
[Analyze grammar]

evamāyatanaṃ ramyamityevaṃ ca sukhāvaham |
sūryavaccaivametatsyādityāsītte manastadā || 64 ||
[Analyze grammar]

yogināṃ sukhadaṃ karma tathaiva sukhamityapi |
bhavaccittamabhūttatra yogakarmaṇyaharniśam || 65 ||
[Analyze grammar]

evaṃ tanmanasastatra kṛtodyogasya pārthiva |
bhūtānumāninaḥ samyagyathoktādhikakāriṇaḥ || 66 ||
[Analyze grammar]

smarato gopatiṃ nityaṃ cittenāpi dṛḍhātmanaḥ |
niḥśeṣamupaśāṃtaṃ te pāpaṃ sūryaniṣevaṇāt || 67 ||
[Analyze grammar]

tato'dhikaṃ purastasmādagārasyānulepanam |
saṃmārjanaṃ ca bahuśaḥ sapatnīkena yatkṛtam || 68 ||
[Analyze grammar]

kevalaṃ dharmamāśritya tyaktvā vṛttimaśeṣataḥ |
anayā śravaṇaṃ puṇyaṃ kāritaṃ vācakātsadā || 69 ||
[Analyze grammar]

nānādhātuvikāraistu gomayena mṛdā tathā |
upalepanaṃ kṛtaṃ bhaktyā tvayā pūrvaṃ surālaye || 70 ||
[Analyze grammar]

athājagāma vai tatra kuvalāśvo mahīpatiḥ |
mahāsainyaparīvāraḥ prabhūtagajavāhanaḥ || 71 ||
[Analyze grammar]

sarvasampadupetaṃ taṃ sarvābharaṇabhūṣitam |
vṛtaṃ bhāryāsahasreṇa dṛṣṭvā saṃkrandanodbalam |
spṛhā kṛtā tvayā tatra cārumaulini pārthive || 72 ||
[Analyze grammar]

sarvakāmapradaṃ karma kriyate bhāskārāśritam |
tenaitadakhilaṃ rājyamaśeṣaṃ cāptavānmahīm || 73 ||
[Analyze grammar]

tejaścaivādhikaṃ yatte tathaiva śṛṇu pārthiva |
yogaprabhāvato labdhaṃ kathayāmyakhilaṃ tava || 74 ||
[Analyze grammar]

tatraivāvasathe dīpaḥ praśāntaḥ snehasaṃkṣayāt |
nijabhojanatailena punaḥ prajvalitastvayā || 75 ||
[Analyze grammar]

anyā cottarīyeṇa vīra vartyopabṛṃhitaḥ |
tava patnyā svayaṃ jvālya kāntirasyāstato'dhikā || 76 ||
[Analyze grammar]

tavāpyakhilabhūpālamanaḥ kṣobhakaraṃ punaḥ |
tejo narendra etasmātkimutārādhya bhāskaram || 77 ||
[Analyze grammar]

evaṃ narendraḥ śūdratvādbhānukarmaparāyaṇaḥ |
tanmayatvena samprāpto mahimānamanuttamam || 78 ||
[Analyze grammar]

kiṃ punaryo naro bhaktyā nityaṃ śuśrūṣaṇāvṛtaḥ |
karoti satataṃ pūjāṃ niṣkāmo nānyamānasaḥ || 79 ||
[Analyze grammar]

sarvāmṛddhimimāṃ labdhvā sarvalokamaheśvaraḥ |
pūjayitvārkamīśeśaṃ tamārādhya na sīdati || 80 ||
[Analyze grammar]

puṣpai dhūpaistathā vānyairdīpairvastrānulepanaiḥ |
ārādhayārkaṃ tadveśma sadā sammārjanādinā || 81 ||
[Analyze grammar]

yadyadiṣṭatamaṃ kiñcidyadyanyattu durlabham |
taddatvā ca jagaddhātre bhāskarāya na sīdati || 82 ||
[Analyze grammar]

sugandhāgurukarpūracandanāgurukuṃkumaiḥ |
vāsobhirvividhairdhūpaiḥ puṣpaiḥ srakcāmaradhvajaiḥ || 83 ||
[Analyze grammar]

anyopahārairvividhaiḥ kṛtakṣīrābhiṣecanaiḥ |
gītavāditranṛtyādyaistoṣayasvārkamādarāt || 84 ||
[Analyze grammar]

puṇyarātriṣu mārtaṇḍaṃ nṛtyagītairathojjvalam |
bhūpa jāgaraṇairbhaktyā homaḥ kāryaḥ sadā śuciḥ || 85 ||
[Analyze grammar]

itihāsapurāṇānāṃ śravaṇena . viśeṣataḥ |
tathā vedasvanaiḥ puṇyairṛksāmayajubhirnṛpa || 86 ||
[Analyze grammar]

evaṃ santoṣyate bhaktyā bhagavānbhavabhaṅgakṛt |
bhūyo vaivasvato bhūtvā bhavahṛdbhāskaro naraiḥ || 87 ||
[Analyze grammar]

toṣito bhagavānbhānurdadātyabhimataṃ phalam |
daivakarmasamarthānāṃ prāṇināṃ smṛtisambhavaiḥ || 88 ||
[Analyze grammar]

toṣito bhagavānkāmānprayacchati divākaraḥ |
naiṣa vṛttairna ratnaughaiḥ puṣpairdhūpānulepanaiḥ |
sadbhāvenaiva mārtaṇḍastoṣamāyāti saṃsmṛtaḥ || 89 ||
[Analyze grammar]

tvayaikāgramanaskena gṛhasammārjanādikam |
kṛtvālpamīdṛśaṃ prāptaṃ rājyamanyena durlabham || 90 ||
[Analyze grammar]

anayā śravaṇaṃ puṇyaṃ kārayitvā gṛhe raveḥ |
īdṛkprāptā sampadiyaṃ pūjāṃ kṛtvā tu vācake || 91 ||
[Analyze grammar]

prāptopakaraṇairyastamekāgramatiraṇḍajam |
santoṣayati nendro'pi bhavatā vai samaḥ kvacit || 92 ||
[Analyze grammar]

tasmāttvamanayā devyā sahātyantavinītayā |
bhāskarārādhane yatnaṃ kuru dharmabhṛtāṃ vara || 93 ||
[Analyze grammar]

brahmovāca |
etanmunervaco vīra niśamya sa narādhipaḥ |
bhāryāsahāyaḥ sa tadā saṃprahṛṣṭatanūruhaḥ || 94 ||
[Analyze grammar]

kṛtakāryamivātmānaṃ manyamānastadābhavat |
uvāca praṇato bhūtvā rājā satrājito'cyuta || 95 ||
[Analyze grammar]

satrājita uvāca |
yathāmaratvaṃ samprāpya yathā vāyurbalaṃ param |
paraṃ nirvāṇamāpnoti tathāhaṃ vacasā tava || 96 ||
[Analyze grammar]

kṛtakṛtyaḥ sukhāsīno nirvṛtiṃ paramāṃ gataḥ |
ajñānatamasācchanne yatpradīpastvayā dhṛtaḥ || 97 ||
[Analyze grammar]

ahameṣā ca tanvaṅgī vibhūtibhraṃśabhīrukaḥ |
dravyamāpāditaṃ brahmannihādya vacasā tava || 98 ||
[Analyze grammar]

sampadaḥ kathitaṃ bījamāvayorbhavatā mune |
tvadvaktrādudyatā vāco vijñātā hi dvijottama || 99 ||
[Analyze grammar]

na ratnairna ca vittaughairna ca puṣpānulepanaiḥ |
ārādhyaśca jagannātho bhāvaśūnyairdivākaraḥ || 100 ||
[Analyze grammar]

bāhyārthanirapekṣaiśca manasaiva manogatiḥ |
niḥsvairārādhyate devo bhānuḥ sarveśvareśvaraḥ || 101 ||
[Analyze grammar]

sarvametanmayā jñātaṃ yattvamāttha mahāmune |
yacca pṛcchāmi tanme tvaṃ prasādasumukho vada || 102 ||
[Analyze grammar]

kathamārādhito devo naraiḥ strībhiśca bhāskaraḥ |
toṣamāyāti viprendra tadvadasva mahāmune || 103 ||
[Analyze grammar]

rahasyāni ca devasya prītaye yā tithiḥ sadā |
cānyaśeṣāṇi me brūhi arkārādhanakāṃkṣiṇaḥ || 104 ||
[Analyze grammar]

parāvasuruvāca |
śṛṇu bhūpāla yairbhānurgṛheṣyārādhyate janaiḥ |
nārībhiścātighore'sminpatitābhirbhavārṇave || 105 ||
[Analyze grammar]

samabhyarcya jagannāthaṃ devamakaṃ samādhinā |
ekamaśnāti yo bhaktaṃ dvitīyaṃ brāhmaṇārpaṇam || 106 ||
[Analyze grammar]

karoti bhāskaraprītyai kārttikaṃ māsamātmanā |
pūrve vayasi yatnena jānatā'jānatāpi vā || 107 ||
[Analyze grammar]

pāpamācaritaṃ tasmādbhidyate nātra saṃśayaḥ |
anenaiva vidhānena māsi mārgaśire punaḥ || 108 ||
[Analyze grammar]

samabhyarcya marakataṃ viprebhyo yaḥ prayacchati |
bhagavatprīṇanārthāya phalaṃ tasya śṛṇuṣva me || 109 ||
[Analyze grammar]

madhye vayasi yatpāpaṃ yoṣitā puruṣeṇa vā |
kṛtamasmācca tenekto vimokṣaḥ paramātmanā || 110 ||
[Analyze grammar]

tathā caivekabhaktaṃ tu yastu viprāya yacchati |
divākaraṃ samabhyarcya pauṣe māsi mahīpate || 111 ||
[Analyze grammar]

tattacca prīṇayatyarkaṃ vārdhikenaiva yatkṛtam |
sa tasmānmucyate rājanpumānyoṣidathāpi vā || 112 ||
[Analyze grammar]

trimāsikaṃ vratamidaṃ yaḥ karoti nareśvara |
sa bhānuprīṇanātpāpairlaghubhiḥ parimucyate || 113 ||
[Analyze grammar]

dvitīye vatsare rājanmucyate copapātakaiḥ |
tadvattṛtīye'pi kṛtaṃ mahāpātakanāśanam || 114 ||
[Analyze grammar]

vratametannaraiḥ strībhistribhirmāsairanuṣṭhitam |
tribhiḥ saṃvatsaraiścaiva pradadāti phalaṃ nṛṇām || 115 ||
[Analyze grammar]

tribhirmāsairanuṣṭhānāttrividhātpātakānnṛpa |
trīṇi nāmāni devasya mocayanti ca vārṣikaiḥ || 116 ||
[Analyze grammar]

yatastato vratamidaṃ vividhaṃ samudāhṛtam |
sarvapāpapraśamanaṃ bhāskarārādhane param || 117 ||
[Analyze grammar]

satrājita uvāca |
katamāya tu viprāya dātavyaṃ bhaktito mune |
dvitīye dvijaśārdūla kathayasvākhilaṃ mama || 118 ||
[Analyze grammar]

parāvasuruvāca |
deye purāṇaviduṣe vastre viprottamāya ca |
śrūyatāṃ cāpi vacanaṃ yaduktaṃ bhāskareṇa ca |
aruṇāya mahābāho pṛcchate yatpurā nṛpa || 119 ||
[Analyze grammar]

udayācalamārūḍhaṃ bhāskaraṃ timirāpaham |
praṇamya śirasā nūnamidaṃ vacanamabravīt || 120 ||
[Analyze grammar]

kāni priyāṇi te deva pūjane santi sarvadā |
puṣpādīnāṃ samastānāmārādhanavidhau sadā |
uparāgādivastrādau brāhmaṇānāṃ tathā rave || 121 ||
[Analyze grammar]

bhāskara uvāca |
puṣpāṇāṃ karavīrāṇi tathā raktaṃ ca candanam |
guggulañcāpi dhūpānāṃ naivedye modakāḥ priyāḥ || 122 ||
[Analyze grammar]

pūjākaro bhojakastu ghṛtadīpastathā priyaḥ |
dānaṃ priyaṃ khagaśreṣṭha vācakāya pradīyate || 123 ||
[Analyze grammar]

māmuddiśya ca yaddānaṃ dīyate mānavairbhuvi |
vācakāya1 tu dātavyaṃ tanmama prītaye khaga || 124 ||
[Analyze grammar]

itihāsapurāṇāmyāmabhijño yastu vācakaḥ |
brāhmaṇo vai khagaśreṣṭha sampūjyaḥ prītaye mama || 125 ||
[Analyze grammar]

pūjite'sminsadā vipre pūjitohaṃ na saṃśayaḥ |
bhavāmi khagaśārdūla yatastviṣṭaḥ sa me sadā || 126 ||
[Analyze grammar]

vedavīṇāmṛdaṅgaiśca nātigandhavilepanaiḥ |
tathā me jāyate prītiryathā śrutvā khagottama || 127 ||
[Analyze grammar]

itihāsapurāṇāni vācyamānāni vācakaiḥ |
ataḥ priyo vācako me pūjākartā ca bhojakaḥ || 128 ||
[Analyze grammar]