Chapter 102

sumanturuvāca |
evaṃ yā devadevasya saptamī bhāskarasya tu |
yathā bahūnāṃ bhāryāṇāṃ bhartuḥ kācitpriyā bhavet || 1 ||
[Analyze grammar]

sarvāśca tithayo hyasya priyāḥ sūryasya bhārata |
tasmādasyāṃ nareṇeha pūjanīyo divākaraḥ || 2 ||
[Analyze grammar]

śatānīka uvāca |
tithīnāmadhipaḥ sūryaḥ sarvāsāṃ kathito yadi |
saptamyāmeva yāgo'sya kimarthaṃ kriyate budhaiḥ || 3 ||
[Analyze grammar]

sumanturuvāca |
idamarthaṃ purā pṛṣṭaḥ surajyeṣṭho divi sthitaḥ |
viṣṇunā kuruśārdūla tenoktaṃ haraye yathā |
tathā te sarvamākhyāsye śṛṇuṣvaikamanā vibho || 4 ||
[Analyze grammar]

sukhāsīnaṃ surajyeṣṭhaṃ purā devaṃ pitāmaham |
praṇamya śirasā deva kṛṣṇo vacanamabravīt || 5 ||
[Analyze grammar]

yadyeṣa bhānumāndevastithīnāmadhipaḥ smṛtaḥ |
kimarthaṃ pūjyate brahmansaptamyāṃ brūhi me vibho || 6 ||
[Analyze grammar]

evamuktaḥ surajyeṣṭho viṣṇunā prabhaviṣṇunā |
prahasya bhagavāndeva idaṃ vacanamabravīt || 7 ||
[Analyze grammar]

brahmovāca |
devebhyastithayo dattā bhāskareṇa mahātmanā |
muktvaikāṃ saptamīṃ sarvāṃ samyagārādhanena vai || 8 ||
[Analyze grammar]

yasyaiva yaddinaṃ dattaṃ sa tasyaivādhipaḥ smṛtaḥ |
svadine pūjitastasmātsvamantrairvarado bhavet. || 9 ||
[Analyze grammar]

viṣṇuruvāca |
arkeṇa kataratkasmai dinaṃ dattaṃ mahātmanā |
svadine pūjite'sminvai svamantrairjāyate dhruvam || 10 ||
[Analyze grammar]

brahmovāca |
agnaye pratipaddattā dvitīyā brahmaṇe tathā |
tṛtīyā yakṣarājāya gaṇeśāya caturthyapi || 11 ||
[Analyze grammar]

pañcamī nāgarājāya kārtikeyāya ṣaṣṭhyapi |
saptamī sthāpitātmārthaṃ dattā rudrāya cāṣṭamī || 12 ||
[Analyze grammar]

durgāyai navamī dattā yamāya daśamī svayam |
viśvebhyaścātha devebhyo dattā caikādaśī sadā || 13 ||
[Analyze grammar]

dvādaśī viṣṇave dattā madanāya trayodaśī |
caturdaśī śaṅkarāya dattā somāya pūrṇimā || 14 ||
[Analyze grammar]

pitṝṇāṃ bhānunā dattā puṇyā pañcadaśī sadā |
tithyaḥ pañcadaśaitāstu somasya parikīrtitāḥ || 15 ||
[Analyze grammar]

pīyate kṛṣṇapakṣe tu surairebhiryathoditaiḥ |
śuklapakṣe prapūryante ṣoḍaśyā kalayā saha || 16 ||
[Analyze grammar]

akṣayā sā sadaikaikā tatra sākṣātsthito raviḥ |
kṣayavṛddhikaro hyevaṃ tenāsau tatpatiḥ smṛtaḥ || 17 ||
[Analyze grammar]

dadāti gatimakṣīṇā dhyānamātrasthito 1 raviḥ |
anyepīṣṭānyathākāmānprayacchanti sukhena vai || 18 ||
[Analyze grammar]

tathā sarvaṃ pravakṣyāmi kṛṣṇa saṃkṣepataḥ śṛṇu |
agnimiṣṭvā ca hutvā ca pratipadyamṛtaṃ ghṛtam |
haviṣā sarvadhānyāni prāpnuyādamitaṃ dhanam || 19 ||
[Analyze grammar]

brahmāṇaṃ ca dvitīyāyāṃ sampūjya brahmacāriṇam |
bhojayitvā ca vidyānāṃ sarvāsāṃ pārago bhavet || 20 ||
[Analyze grammar]

tṛtīyāyāṃ ca vitteśaṃ vittāḍhyo jāyate dhruvam |
krayādivyavahoraṣu lābho bahuguṇo bhavet || 21 ||
[Analyze grammar]

gaṇeśapūjanaṃ kuryāccaturthyāṃ sarvakarmasu |
avighnaṃ vidviṣāṃ vighnaṃ kuryāccāsya na saṃśayaḥ || 22 ||
[Analyze grammar]

nāgāniṣṭvā ca pañcamyāṃ na viṣairabhibhūyate |
striyaṃ ca labhate putrānparāṃ ca śriyamāpnuyāt || 23 ||
[Analyze grammar]

sampūjya kārtikeyaṃ tu ṣaṣṭhyāṃ śreṣṭhaḥ prajāyate |
medhāvī rūpasampanno dīrghāyuḥ kīrtivardhanaḥ || 24 ||
[Analyze grammar]

saptamyāṃ pūjya rakṣeśaṃ citrabhānuṃ divākaram |
aṣṭamyāṃ pūjito devo govṛṣābharaṇo haraḥ || 25 ||
[Analyze grammar]

jñānaṃ dadāti vipulaṃ kāntiṃ ca vipulāṃ tathā |
mṛtyuhā jñānadaścaiva pāśahā ca prapūjitaḥ || 26 ||
[Analyze grammar]

durgāṃ sampūjya durgāṇi navamyāṃ taratīcchayā |
saṅgrāme vyavahāre ca sadā vijayamaśnute || 27 ||
[Analyze grammar]

daśamyāṃ yamamātiṣṭhetsarvavyādhiharo dhruvam |
narakādatha mṛtyośca samuddharati mānavam || 28 ||
[Analyze grammar]

ekādaśyāṃ yathoddiṣṭā viśvedevāḥ prapūjitāḥ |
prajāṃ paśuṃ dhanaṃ dhānyaṃ prayacchanti mahīṃ tathā || 29 ||
[Analyze grammar]

dvādaśyāṃ viṣṇumiṣṭveha sarvadā vijayī bhavet |
pūjyaśca sarvalokānāṃ yathā gopatigokaraḥ || 30 ||
[Analyze grammar]

kāmadevaṃ trayodaśyāṃ surūpo jāyate dhruvam |
iṣṭāṃ rūpavatīṃ bhāryāṃ labhetkāmāṃśca puṣkalān || 31 ||
[Analyze grammar]

dṛṣṭveśvaraṃ caturdaśyāṃ sarvaiśvaryasamanvitaḥ |
bahuputro bahudhanastathā syānnātra saṃśayaḥ || 32 ||
[Analyze grammar]

paurṇamāsyāṃ tu yaḥ somaṃ pūjayedbhaktimānnaraḥ |
svādhipatyaṃ bhavettasya sampūrṇaṃ na ca hīyate || 33 ||
[Analyze grammar]

pitaraḥ svadine diṇḍe dṛṣṭāḥ kurvanti sarvadā |
prajāvṛddhiṃ dhanaṃ rakṣāṃ cāyuṣyaṃ balameva ca || 34 ||
[Analyze grammar]

upavāsaṃ vināpyete bhavantyuktaphalapradāḥ |
pūjayā japahomaiśca toṣitā bhaktitaḥ sadā || 35 ||
[Analyze grammar]

mūlamantraiśca saṃjñābhiraṃśamantraiśca kīrtitāḥ |
pūrvavatpadmamadhyasthāḥ karttavyāśca tithīśvarāḥ || 36 ||
[Analyze grammar]

gandhapuṣpopahāraiśca yathā śaktyā vidhīyate |
pūjā bāhyena vidhinā kṛtāpi ca phalapradā || 37 ||
[Analyze grammar]

ājyadhārāsamidbhiśca dadhikṣīrānnamākṣikaiḥ |
yathoktaphalado homo japaḥ śāntena cetasā || 38 ||
[Analyze grammar]

mūlamantrāśca saṃjñābhiraṅgamantrāśca kīrtitāḥ |
kṛtvā yajñāndaśa dvau ca phalānyetāni bhaktitaḥ || 39 ||
[Analyze grammar]

yathoktāni tathoktāni labhetehādhikānyapi |
iha yasmādyathānyasminyo vasedyaḥ sukhī sadā || 40 ||
[Analyze grammar]

teṣāṃ lokeṣu mantrajño yāvatteṣāṃ tithiḥ sthitā |
dahettasmāttathāriṣṭaṃ tadrūpo jāyate naraḥ || 41 ||
[Analyze grammar]

surūpo dharmasampanno kṣapitārirmahīpatiḥ |
strī vā napuṃsako vāpi jāyate puruṣottamaḥ || 42 ||
[Analyze grammar]

ityetāḥ kathitāḥ kṛṣṇa tithayo yā mayā tava |
nakṣatradevatāḥ sarvā nakṣatreṣu vyavasthitāḥ || 43 ||
[Analyze grammar]

iṣṭānkāmānprayacchanti yāstā vakṣye mahīdhara |
candramā yatra nakṣatre mahāvṛddhyā sthitaḥ sadā || 44 ||
[Analyze grammar]

uktastu devatāyajñastadā sā phaladā bhavet |
devatāśca pravakṣyāmi nakṣatrāṇāṃ yathākramam || 45 ||
[Analyze grammar]

nakṣatrāṇi ca sarvāṇi yajñāścaiva pṛthakpṛthak |
aśvinyāmaśvināviṣṭvā dīrghāyurjāyate naraḥ || 46 ||
[Analyze grammar]

vyādhibhirmucyate kṣipramatyarthaṃ vyādhipīḍitaḥ |
bharaṇyāṃ yama uddiṣṭaḥ kusumairasitaiḥ śubhaiḥ || 47 ||
[Analyze grammar]

tathā gandhādibhiḥ śubhrairapamṛtyorvimocayet || 48 ||
[Analyze grammar]

analaḥ kṛttikāyāṃ tu iha sampūjitaḥ paraḥ |
raktamālyādibhirdadyātphalaṃ homena ca dhruvam || 49 ||
[Analyze grammar]

pūjyaḥ prajāpatiḥ prīta iṣṭo dadyātpaśūṃstathā |
rohiṇyāṃ devaśārdūla pūjanādiha gopate |
mṛgaśīrṣe sadā somo jñānamārogyameva ca || 50 ||
[Analyze grammar]

ārdrāyāṃ tu śivaṃ pūjya paścāddvija yamāpnuyāt |
padmādibhiḥ sa divyaiśca pūjitaḥ śaṃ prayacchati || 51 ||
[Analyze grammar]

tathā punarvasvaditiḥ sadā sampūjyate divi |
gurūṇāṃ tarpitā caiva māteva parirakṣati || 52 ||
[Analyze grammar]

puṣye bṛhaspatirbuddhiṃ dadāti vipulāṃ śubhām |
gītairgandhādibhirnāgā āśleṣāyāṃ prapūjitāḥ || 53 ||
[Analyze grammar]

tarpitāśca yathānyāyaṃ bhakṣyādyairmadhuraiḥ sitaiḥ |
rakṣāmiṣādibhistaistaiḥ prītiṃ kurvanti mānada || 54 ||
[Analyze grammar]

maghāsu pitaraḥ sarve havyaiḥ kavyaiśca pūjitāḥ |
prayacchanti dhanaṃ dhānyaṃ bhṛtyānputrānpaśūṃstathā || 55 ||
[Analyze grammar]

phālgunyāmatha vai pūṣā iṣṭaḥ puṣpādibhiḥ śubhaiḥ |
pūrvāyāṃ vijayaṃ dadyāduttarāyāṃ bhagaṃ tathā || 56 ||
[Analyze grammar]

bhartāramīpsitaṃ dadyātkanyāyai puruṣāya tām |
iha janmani yujyeta rūpadraviṇasampadā || 57 ||
[Analyze grammar]

pūjitaḥ savitā haste viśvatejonidhiḥ sadā |
gandhapuṣpādibhiḥ sarvaṃ dadāti vipulaṃ dhanam || 58 ||
[Analyze grammar]

rājyaṃ tu tvaṣṭā citrāyāṃ niḥsapatnaṃ prayacchati |
iṣṭaḥ santarpitaḥ prītaḥ svātyāṃ vāyurbalaṃ param || 59 ||
[Analyze grammar]

iṃdrāgnī ca viśākhāyāṃ jātaraktai prapūjya ca |
dhanadhānyāni labdhveha tejasvī nivasetsadā || 60 ||
[Analyze grammar]

raktairmitramanūrādhāsvevaṃ sampūjya bhaktitaḥ |
śriyo bhajanti sarveṣāṃ ciraṃ jīvanti sarvadā || 61 ||
[Analyze grammar]

jyeṣṭhāyāṃ pūrvavacchakramiṣṭvā puṣṭimavāpnuyāt |
guṇairjyeṣṭhaśca1 sarveṣāṃ karmaṇā ca dhanena ca || 62 ||
[Analyze grammar]

mūle devapitṝntsarvānbhaktyā2 sampūjya pūrvavat |
pūrvavatphalamāpnoti svargasthāne dhruvo bhavet || 63 ||
[Analyze grammar]

pūrvāṣāḍhe hyapaḥ pūjya hutvā tatraiva pūrvavat |
santāpānmucyate kṣipraṃ śārīrānmānasāttathā || 64 ||
[Analyze grammar]

āṣāḍhāsu tathā viśvānuttarāṣāḍhayogataḥ |
viśveśaṃ pūjya puṣpādyaiḥ3 sarvamāpnoti mānavaḥ || 65 ||
[Analyze grammar]

śravaṇe tu sitairviṣṇuṃ pītairnīlaiśca bhaktitaḥ |
sampūjya śriyamāpnoti paraṃ vijayameva ca || 66 ||
[Analyze grammar]

dhaniṣṭhāsu vasūniṣṭvā na bhayaṃ bhajate kvacit |
mahato'pi bhayāttvetairgandhapuṣpādibhiḥ śubhaiḥ || 67 ||
[Analyze grammar]

indraṃ śatabhiṣāyāṃ ca vyādhibhirmucyate dhruvam |
āturaḥ puṣṭimāpnoti svāsthyamaiśvaryameva ca || 68 ||
[Analyze grammar]

ajaṃ bhādrapadāyāṃ tu śuddhasphaṭikasannibham |
sampūjya bhaktimāpnoti paraṃ vijayameva ca || 69 ||
[Analyze grammar]

uttarāyāmahirbudhnyaṃ parāṃ śāntimavāpnuyāt |
revatyāṃ pūjitaḥ pūṣā dadāti satataṃ śubham || 1 ||
[Analyze grammar]

sitaiḥ puṣpaiḥ sthitiṃ caiva dhṛtiṃ vijayameva ca || 70 ||
[Analyze grammar]

tavaivaite samākhyātā yajñāḥ saṃkṣepato mayā |
nakṣatradevatānāṃ ca sādhakānāṃ hitāya vai |
bhaktyā vittānusāreṇa bhavanti phaladāḥ sadā || 71 ||
[Analyze grammar]

gantumicchedanantyaṃ vā kriyāṃ prārabdhameva ca |
nakṣatradevatāyajñaṃ kṛtvā tatsarvamācaret || 72 ||
[Analyze grammar]

evaṃ kṛte hi tatsarvaṃ yātrāphalamavāpnuyāt |
kriyāphalaṃ ca sampūrṇamityuktaṃ bhānunā svayam || 73 ||
[Analyze grammar]

yajñātsa vijayaṃ kuryātkriyāṃ kuryādyathepsitām |
kālacakre'tha vā sūryaṃ rāśicakre kalātmanā || 74 ||
[Analyze grammar]

viśvatejonidhiṃ dhyātvā sarvaṃ kuryādyathepsitam |
vibhūtireṣā coddiṣṭā kriyābhiḥ sādhyate dhruvam || 75 ||
[Analyze grammar]

uddiṣṭābhiḥ prayatnena muktiyogena sādhyate |
bhānorārādhanādvāpi prāpyate muktireva hi |
tasmādārādhaya raviṃ bhaktyā tvaṃ madhusūdana || 76 ||
[Analyze grammar]

ijyāpūjānamaskāraśuśrūṣābhiraharniśam |
vratopavāsairvividhairbrāhmaṇānāṃ ca tarpaṇaiḥ || 77 ||
[Analyze grammar]

yaḥ kārayati devārcāṃ hadayālambanaṃ raveḥ |
sa naro bhānusālokyamupaiti gatakalmaṣaḥ1 || 78 ||
[Analyze grammar]