Chapter 18

sumanturuvāca |
paurṇamāsyupavāsaṃ tu kṛtvā bhaktyā narādhipa |
anena vidhinā yastu viriñciṃ pūjayennaraḥ || 1 ||
[Analyze grammar]

pratipadyāṃ mahābāho sa gacchedbrahmaṇaḥ padam |
ṛgbhirviśeṣato 1 devī viriñcervāstudevatāḥ || 2 ||
[Analyze grammar]

kārttike māsi devasya rathayātrā prakīrtitā |
yāṃ kṛtvā mānavo bhaktyā yāti brahmasalokatām || 3 ||
[Analyze grammar]

kārtike māsi rājendra paurṇamāsyāṃ caturmukham |
mārgeṇa carmaṇā sārdhaṃ sāvitryā ca parantapa || 4 ||
[Analyze grammar]

bhrāmayennagaraṃ sarvaṃ nānāvādyaiḥ samanvitam |
sthāpayed bhrāmayitvā tu salokaṃ nagaraṃ nṛpa || 5 ||
[Analyze grammar]

brāhmaṇaṃ bhojayityāgre śāṃḍileyaṃ prapūjya ca |
āropayedrathe devaṃ puṇyavāditranisvanaiḥ || 6 ||
[Analyze grammar]

rathāgre śāṃḍilīputraṃ pūjayitvā vidhānataḥ |
brāhmaṇānvācayitvā ca kṛtvā puṇyāhamaṃgalam || 7 ||
[Analyze grammar]

devamāropayitvā tu rathe kuryātprajāgaram |
nānāvidhaiḥ prekṣaṇakairbrahmaghoṣaiśca puṣkalaiḥ || 8 rathopari ṭippaṇī |
kṛtvā prajāgaraṃ hyevaṃ prabhāte brāhmaṇaṃ nṛpa |
bhojayitvā yathāśaktyā bhakṣyabhojyairanekaśaḥ || 9 ||
[Analyze grammar]

pūjayitvā janaṃ2 vīra vajreṇa vidhivannṛpa |
bījena ca mahābāho payasā pāyasena ca || 10 ||
[Analyze grammar]

brāhmaṇānvācayitvā ca cchāṃdena vidhinā nṛpa |
kṛtvā puṇyāhaśabdaṃ ca rathaṃ ca bhrāmayetpure || 11 ||
[Analyze grammar]

caturvedavidairviprairbhrāmayedbrahmaṇo ratham |
bahvṛcātharvaṇoccāraiśchandogādhvaryubhistathā || 12 ||
[Analyze grammar]

bhrāmayeddevadevasya surajyeṣṭhasya taṃ ratham |
pradakṣiṇaṃ puraṃ sarvaṃ mārgeṇa susamena tu || 13 ||
[Analyze grammar]

na voḍhavyo ratho vīra śūdreṇa śubhamicchatā |
nāruheta rathaṃ prājño muktvaikaṃ bhojakaṃ nṛpa || 14 ||
[Analyze grammar]

brahmaṇo dakṣiṇe pārśve sāvitrīṃ sthāpayennṛpa |
bhojako vāmapārśve tu purataḥ kañjajaṃ nyaset || 15 ||
[Analyze grammar]

evaṃ tūryaninādaistu śaṃkhaśabdaiśca puṣkalaiḥ |
bhrāmayitvā rathaṃ rājanpuraṃ sarvaṃ pradakṣiṇam |
svasthāne sthāpayedbhūyaḥ kṛtvā nīrājanaṃ budhaḥ || 16 ||
[Analyze grammar]

ya evaṃ kurute yātrāṃ bhaktyā yaścāpi paśyati |
rathaṃ cākarṣate yastu sa gacchedbrahmaṇaḥ padam || 17 ||
[Analyze grammar]

kārtike māsyamāvāsyāṃ yastu dīpapradīpanam |
śālāyāṃ brahmaṇaḥ kuryātsa gacchedbrahmaṇaḥ padam || 18 ||
[Analyze grammar]

pratipadi brāhmaṇāṃścāpi guḍamiśraiḥ pradīpakaiḥ |
vāsobhirahataiścāpi sa gacchedbrahmaṇaḥ padam || 19 ||
[Analyze grammar]

gaṃdhaipuṣpairnavairvastrairātmānaṃ 1 pūjayecca yaḥ |
tasyāṃ pratipadāyāṃ tu sa gacchedbrahmaṇaḥ padam || 20 ||
[Analyze grammar]

mahāpuṇyā tithiriyaṃ balirājyapravartinī |
brahmaṇaḥ supriyā nityaṃ bāleyā parikīrtitā || 21 ||
[Analyze grammar]

brāhmaṇānpūjayitvāsyāmātmānaṃ ca viśeṣataḥ |
sa yāti paramaṃ sthānaṃ viṣṇoramitatejasaḥ || 22 ||
[Analyze grammar]

caitre māsi mahābāho puṇyā pratipadā parā |
tasyāṃ yaḥ śvapacaṃ spṛṣṭvā snānaṃ kuryānnarottama || 23 ||
[Analyze grammar]

na tasya duritaṃ kiñcinnādhayo vyādhayo nṛpa |
bhavanti kuruśārdūla tasmātsnānaṃ pravartayet || 24 ||
[Analyze grammar]

divyaṃ nīrājanaṃ taddhi sarvarogavināśanam |
gomahiṣyādi yatkiṃcittatsarvaṃ bhūṣayennṛpa || 25 ||
[Analyze grammar]

tailaśastrādibhirvastrastoraṇādhastato nayet |
brāhmaṇānāṃ tathā bhojyaṃ kuryātkurukulodvaha || 26 ||
[Analyze grammar]

tisro hyetāḥ parāḥ proktāstithayaḥ kurunandana |
kārttikeśvayuje māsi caitre māse ca bhārata || 27 ||
[Analyze grammar]

snānaṃ dānaṃ śataguṇaṃ kārttike yā tithirnṛpa |
balirājyāptisukhadā pāṃśulāśubhanāśinī || 28 ||
[Analyze grammar]