Chapter 11

brahmovāca |
yā patiṃ daivataṃ paśyenmanovākkāyakarmabhiḥ |
taccharīrārdhajāteva sarvadā hitamācaret || 1 ||
[Analyze grammar]

tatpriyāṃ priyavatpaśyettaddveṣyā dveṣyavatsadā |
adharmānarthayuktebhyo'yuktā cāsya nivartate || 2 ||
[Analyze grammar]

priyaṃ kimasya kiṃ pathyaṃ sāmyaṃ cāsya kathaṃ bhavet |
jñātvaivaṃ sarvabhṛtyeṣu na pramādyeta vai dvijāḥ || 3 ||
[Analyze grammar]

devatāpitṛkāryeṣu bhartuḥ snānāśanādiṣu |
satkāre'bhyāgatānāṃ ca yathaucityaṃ na hāpayet || 4 ||
[Analyze grammar]

veśmātmā ca śarīraṃ hi gṛhiṇīnāṃ dvidhā kṛtam |
saṃskartavyaṃ prayatnena prathamaṃ paścimādapi || 5 ||
[Analyze grammar]

kṛtvā veśma susaṃmṛṣṭaṃ trikālavihitārcanam |
vṛttakarmopabhogānāṃ saṃskartavyaṃ yathocitam || 6 ||
[Analyze grammar]

prātarmadhyāparāhṇeṣu bahirmadhyāntareṣu ca |
gṛhasammārjanaṃ kṛtvā niṣkārānna niśi kṣipet || 7 ||
[Analyze grammar]

gomahiṣyādiśālānāṃ tatpurīṣādimātrakam |
vyapaneyaṃ tu yatnena sammārjanyā prasādhanam || 8 ||
[Analyze grammar]

dāsakarmakarādīnāṃ bāhyābhyantaracāriṇām |
poṣaṇādividhiṃ vidyādanuṣṭhānaṃ ca karmasu || 9 ||
[Analyze grammar]

śākamūlaphalādīnāṃ vallīnāmauṣadhasya ca |
saṅgrahaḥ sarvabījānāṃ yathākālaṃ yathābalam || 10 ||
[Analyze grammar]

tāmrakāṃsyāyasādīnāṃ kāṣṭhaveṇumayasya 1 ca |
mṛnmayānāṃ ca bhāṇḍānāṃ vividhānāṃ ca saṅgraham || 11 ||
[Analyze grammar]

kuṇḍakādijaladroṇyā kalaśodañcatālukāḥ |
śākapātrāṇyanekāni snehānāṃ gorasasya ca || 12 ||
[Analyze grammar]

musalaṃ kuṇḍanīyaṃ tu yantrakaṃ2 cūrṇacālanī |
dohanyo netrakaṃ manthā maṇḍanyaḥ śṛṅkhalāni ca || 13 ||
[Analyze grammar]

saṃdaṃśaḥ kuṇḍikā śūlāḥ paṭṭapippalako dṛṣat |
ḍāvikā hastako darvī bhrāṣṭasphuṭalakāni ca || 14 ||
[Analyze grammar]

tulāprasthādimānāni mārjanyaḥ piṭakāni ca |
sarvametatprakurvīta prayatnena ca sarvadā || 15 ||
[Analyze grammar]

hiṃgvādikamatho jājī pipalyo māricāni ca |
rājikā dhānyakaṃ śuṇṭhī tricaturjātakāni ca || 16 ||
[Analyze grammar]

lavaṇaṃ kṣāravargāśca sauvīrakaparūṣakau |
dvidalāmalakaṃ ciṃcā sarvāśca snehajātayaḥ || 17 ||
[Analyze grammar]

śuṣkakāṣṭhāni vallūramariṣṭā piṣṭamāṣayoḥ |
vikārāḥ payasaścāpi vividhāḥ kandajātayaḥ || 18 ||
[Analyze grammar]

nityanaimittikānāṃ hi kāryāṇāmupayogataḥ |
sarvamityādi saṃgrāhyaṃ yathāvadvibhavocitam || 19 ||
[Analyze grammar]

yatkāryāṇāṃ samutpattāvupāhartuṃ na dṛśyate |
tatprāgeva yathāyogaṃ saṅgṛhṇīyātprayatnataḥ || 20 ||
[Analyze grammar]

dhānyānāṃ ghṛṣṭapiṣṭānāṃ kṣuṇṇopahatayorapi |
bhṛśaṃ śuṣkārdrasiddhānāṃ kṣayavṛddhī nirūpayet || 21 ||
[Analyze grammar]