Chapter 61

[English text for this chapter is available]

athaikaṣaṣṭitamo'dhyāyaḥ 10. || 61 ||
[Analyze grammar]

śrīśuka uvāca |
ekaikaśastāḥ kṛṣṇasya putrāndaśa daśābalāḥ |
ajījanannanavamānpituḥ sarvātmasampadā || 1 ||
[Analyze grammar]

gṛhādanapagaṃ vīkṣya rājaputryo'cyutaṃ sthitam |
preṣṭhaṃ nyamaṃsata svaṃ svaṃ na tattattvavidaḥ striyaḥ || 2 ||
[Analyze grammar]

cārvabjakośavadanāyatabāhunetra |
sapremahāsarasavīkṣitavalgujalpaiḥ |
sammohitā bhagavato na mano vijetuṃ |
svairvibhramaiḥ samaśakanvanitā vibhūmnaḥ || 3 ||
[Analyze grammar]

smāyāvalokalavadarśitabhāvahāri |
bhrūmaṇḍalaprahitasauratamantraśauṇḍaiḥ |
patnyastu ṣoḍaśasahasramanaṅgabāṇair |
yasyendriyaṃ vimathituṃ karaṇairna śekuḥ || 4 ||
[Analyze grammar]

itthaṃ ramāpatimavāpya patiṃ striyastā |
brahmādayo'pi na viduḥ padavīṃ yadīyām |
bhejurmudāviratamedhitayānurāga |
hāsāvalokanavasaṅgamalālasādyam || 5 ||
[Analyze grammar]

pratyudgamāsanavarārhaṇapādaśauca |
tāmbūlaviśramaṇavījanagandhamālyaiḥ |
keśaprasāraśayanasnapanopahāryaiḥ |
dāsīśatā api vibhorvidadhuḥ sma dāsyam || 6 ||
[Analyze grammar]

tāsāṃ yā daśaputrāṇāṃ kṛṣṇastrīṇāṃ puroditāḥ |
aṣṭau mahiṣyastatputrānpradyumnādīngṛṇāmi te || 7 ||
[Analyze grammar]

cārudeṣṇaḥ sudeṣṇaśca cārudehaśca vīryavān |
sucāruścāruguptaśca bhadracārustathāparaḥ || 8 ||
[Analyze grammar]

cārucandro vicāruśca cāruśca daśamo hareḥ |
pradyumnapramukhā jātā rukmiṇyāṃ nāvamāḥ pituḥ || 9 ||
[Analyze grammar]

bhānuḥ subhānuḥ svarbhānuḥ prabhānurbhānumāṃstathā |
candra bhānurbṛhadbhānuratibhānustathāṣṭamaḥ || 10 ||
[Analyze grammar]

śrībhānuḥ pratibhānuśca satyabhāmātmajā daśa |
sāmbaḥ sumitraḥ purujicchatajicca sahasrajit || 11 ||
[Analyze grammar]

vijayaścitraketuśca vasumāndraviḍaḥ kratuḥ |
jāmbavatyāḥ sutā hyete sāmbādyāḥ pitṛsammatāḥ || 12 ||
[Analyze grammar]

vīraścandro 'śvasenaśca citragurvegavānvṛṣaḥ |
āmaḥ śaṅkurvasuḥ śrīmānkuntirnāgnajiteḥ sutāḥ || 13 ||
[Analyze grammar]

śrutaḥ kavirvṛṣo vīraḥ subāhurbhadra ekalaḥ |
śāntirdarśaḥ pūrṇamāsaḥ kālindyāḥ somako'varaḥ || 14 ||
[Analyze grammar]

praghoṣo gātravānsiṃho balaḥ prabala ūrdhvagaḥ |
mādryāḥ putrā mahāśaktiḥ saha ojo'parājitaḥ || 15 ||
[Analyze grammar]

vṛko harṣo'nilo gṛdhro vardhano'nnāda eva ca |
mahāśaḥ pāvano vahnirmitravindātmajāḥ kṣudhiḥ || 16 ||
[Analyze grammar]

saṅgrāmajidbṛhatsenaḥ śūraḥ praharaṇo'rijit |
jayaḥ subhadro bhadrāyā vāma āyuśca satyakaḥ || 17 ||
[Analyze grammar]

dīptimāṃstāmrataptādyā rohiṇyāstanayā hareḥ |
pradyumnāccāniruddho'bhūdrukmavatyāṃ mahābalaḥ |
putryāṃ tu rukmiṇo rājannāmnā bhojakaṭe pure || 18 ||
[Analyze grammar]

eteṣāṃ putrapautrāśca babhūvuḥ koṭiśo nṛpa |
mātaraḥ kṛṣṇajātīnāṃ sahasrāṇi ca ṣoḍaśa || 19 ||
[Analyze grammar]

śrīrājovāca |
kathaṃ rukmyariputrāya prādādduhitaraṃ yudhi |
kṛṣṇena paribhūtastaṃ hantuṃ randhraṃ pratīkṣate |
etadākhyāhi me vidvandviṣorvaivāhikaṃ mithaḥ || 20 ||
[Analyze grammar]

anāgatamatītaṃ ca vartamānamatīndriyam |
viprakṛṣṭaṃ vyavahitaṃ samyakpaśyanti yoginaḥ || 21 ||
[Analyze grammar]

śrīśuka uvāca |
vṛtaḥ svayaṃvare sākṣādanaṅgo'ṅgayutastayā |
rājñaḥ sametānnirjitya jahāraikaratho yudhi || 22 ||
[Analyze grammar]

yadyapyanusmaranvairaṃ rukmī kṛṣṇāvamānitaḥ |
vyataradbhāgineyāya sutāṃ kurvansvasuḥ priyam || 23 ||
[Analyze grammar]

rukmiṇyāstanayāṃ rājankṛtavarmasuto balī |
upayeme viśālākṣīṃ kanyāṃ cārumatīṃ kila || 24 ||
[Analyze grammar]

dauhitrāyāniruddhāya pautrīṃ rukmyādadāddhareḥ |
rocanāṃ baddhavairo'pi svasuḥ priyacikīrṣayā |
jānannadharmaṃ tadyaunaṃ snehapāśānubandhanaḥ || 25 ||
[Analyze grammar]

tasminnabhyudaye rājanrukmiṇī rāmakeśavau |
puraṃ bhojakaṭaṃ jagmuḥ sāmbapradyumnakādayaḥ || 26 ||
[Analyze grammar]

tasminnivṛtta udvāhe kāliṅgapramukhā nṛpāḥ |
dṛptāste rukmiṇaṃ procurbalamakṣairvinirjaya || 27 ||
[Analyze grammar]

anakṣajño hyayaṃ rājannapi tadvyasanaṃ mahat |
ityukto balamāhūya tenākṣairrukmyadīvyata || 28 ||
[Analyze grammar]

śataṃ sahasramayutaṃ rāmastatrādade paṇam |
taṃ tu rukmyajayattatra kāliṅgaḥ prāhasadbalam |
dantānsandarśayannuccairnāmṛṣyattaddhalāyudhaḥ || 29 ||
[Analyze grammar]

tato lakṣaṃ rukmyagṛhṇādglahaṃ tatrājayadbalaḥ |
jitavānahamityāha rukmī kaitavamāśritaḥ || 30 ||
[Analyze grammar]

manyunā kṣubhitaḥ śrīmānsamudra iva parvaṇi |
jātyāruṇākṣo'tiruṣā nyarbudaṃ glahamādade || 31 ||
[Analyze grammar]

taṃ cāpi jitavānrāmo dharmeṇa chalamāśritaḥ |
rukmī jitaṃ mayātreme vadantu prāśnikā iti || 32 ||
[Analyze grammar]

tadābravīnnabhovāṇī balenaiva jito glahaḥ |
dharmato vacanenaiva rukmī vadati vai mṛṣā || 33 ||
[Analyze grammar]

tāmanādṛtya vaidarbho duṣṭarājanyacoditaḥ |
saṅkarṣaṇaṃ parihasanbabhāṣe kālacoditaḥ || 34 ||
[Analyze grammar]

naivākṣakovidā yūyaṃ gopālā vanagocarāḥ |
akṣairdīvyanti rājāno bāṇaiśca na bhavādṛśāḥ || 35 ||
[Analyze grammar]

rukmiṇaivamadhikṣipto rājabhiścopahāsitaḥ |
kruddhaḥ parighamudyamya jaghne taṃ nṛmṇasaṃsadi || 36 ||
[Analyze grammar]

kaliṅgarājaṃ tarasā gṛhītvā daśame pade |
dantānapātayatkruddho yo'hasadvivṛtairdvijaiḥ || 37 ||
[Analyze grammar]

anye nirbhinnabāhūru śiraso rudhirokṣitāḥ |
rājāno dudravurbhītā balena parighārditāḥ || 38 ||
[Analyze grammar]

nihate rukmiṇi śyāle nābravītsādhvasādhu vā |
rakmiṇībalayo rājansnehabhaṅgabhayāddhariḥ || 39 ||
[Analyze grammar]

tato'niruddhaṃ saha sūryayā varaṃ rathaṃ samāropya yayuḥ kuśasthalīm |
rāmādayo bhojakaṭāddaśārhāḥ siddhākhilārthā madhusūdanāśrayāḥ || 40 ||
[Analyze grammar]