Chapter 50

[English text for this chapter is available]

rāmakṛṣṇayorjarāsandhena saha yuddhaṃ dvārakādurganirmāṇaṃca |
śrīśuka uvāca |
astiḥ prāptiśca kaṃsasya mahiṣyau bharatarṣabha |
mṛte bhartari duḥkhārte īyatuḥ sma piturgṛhān || 1 ||
[Analyze grammar]

pitre magadharājāya jarāsandhāya duḥkhite |
vedayāṃ cakratuḥ sarvamātmavaidhavyakāraṇam || 2 ||
[Analyze grammar]

sa tadapriyamākarṇya śokāmarṣayuto nṛpa |
ayādavīṃ mahīṃ kartuṃ cakre paramamudyamam || 3 ||
[Analyze grammar]

akṣauhiṇībhirviṃśatyā tisṛbhiścāpi saṃvṛtaḥ |
yadurājadhānīṃ mathurāṃ nyarudhatsarvato diśam || 4 ||
[Analyze grammar]

nirīkṣya tadbalaṃ kṛṣṇa udvelamiva sāgaram |
svapuraṃ tena saṃruddhaṃ svajanaṃ ca bhayākulam || 5 ||
[Analyze grammar]

cintayāmāsa bhagavānhariḥ kāraṇamānuṣaḥ |
taddeśakālānuguṇaṃ svāvatāraprayojanam || 6 ||
[Analyze grammar]

haniṣyāmi balaṃ hyetadbhuvi bhāraṃ samāhitam |
māgadhena samānītaṃ vaśyānāṃ sarvabhūbhujām || 7 ||
[Analyze grammar]

akṣauhiṇībhiḥ saṅkhyātaṃ bhaṭāśvarathakuñjaraiḥ |
māgadhastu na hantavyo bhūyaḥ kartā balodyamam || 8 ||
[Analyze grammar]

etadartho'vatāro'yaṃ bhūbhāraharaṇāya me |
saṃrakṣaṇāya sādhūnāṃ kṛto'nyeṣāṃ vadhāya ca || 9 ||
[Analyze grammar]

anyo'pi dharmarakṣāyai dehaḥ saṃbhriyate mayā |
virāmāyāpyadharmasya kāle prabhavataḥ kvacit || 10 ||
[Analyze grammar]

evaṃ dhyāyati govinda ākāśātsūryavarcasau |
rathāvupasthitau sadyaḥ sasūtau saparicchadau || 11 ||
[Analyze grammar]

āyudhāni ca divyāni purāṇāni yadṛcchayā |
dṛṣṭvā tāni hṛṣīkeśaḥ saṅkarṣaṇamathābravīt || 12 ||
[Analyze grammar]

paśyārya vyasanaṃ prāptaṃ yadūnāṃ tvāvatāṃ prabho |
eṣa te ratha āyāto dayitānyāyudhāni ca || 13 ||
[Analyze grammar]

etadarthaṃ hi nau janma sādhūnāmīśa śarmakṛt |
trayoviṃśatyanīkākhyaṃ bhūmerbhāramapākuru || 14 ||
[Analyze grammar]

evaṃ sammantrya dāśārhau daṃśitau rathinau purāt |
nirjagmatuḥ svāyudhāḍhya balenālpīyasā vṛtau || 15 ||
[Analyze grammar]

śaṅkhaṃ dadhmau vinirgatya harirdārukasārathiḥ |
tato'bhūtparasainyānāṃ hṛdi vitrāsavepathuḥ || 16 ||
[Analyze grammar]

tāvāha māgadho vīkṣya he kṛṣṇa puruṣādhama |
na tvayā yoddhumicchāmi bālenaikena lajjayā |
guptena hi tvayā manda na yotsye yāhi bandhuhan || 17 ||
[Analyze grammar]

tava rāma yadi śraddhā yudhyasva dhairyamudvaha |
hitvā vā maccharaiśchinnaṃ dehaṃ svaryāhi māṃ jahi || 18 ||
[Analyze grammar]

śrībhagavānuvāca |
na vai śūrā vikatthante darśayantyeva pauruṣam |
na gṛhṇīmo vaco rājannāturasya mumūrṣataḥ || 19 ||
[Analyze grammar]

śrīśuka uvāca |
jarāsutastāvabhisṛtya mādhavau mahābalaughena balīyasā'vṛṇot |
sasainyayānadhvajavājisārathī sūryānalau vāyurivābhrareṇubhiḥ || 20 ||
[Analyze grammar]

suparṇatāladhvajacihnitau rathāv |
alakṣayantyo harirāmayormṛdhe |
striyaḥ purāṭṭālakaharmyagopuraṃ |
samāśritāḥ sammumuhuḥ śucārditaḥ || 21 ||
[Analyze grammar]

hariḥ parānīkapayomucāṃ muhuḥ śilīmukhātyulbaṇavarṣapīḍitam |
svasainyamālokya surāsurārcitaṃ vyasphūrjayacchārṅgaśarāsanottamam || 22 ||
[Analyze grammar]

gṛhṇanniśaṅgādatha sandadhaccharān |
vikṛṣya muñcanśitabāṇapūgān |
nighnanrathānkuñjaravājipattīn |
nirantaraṃ yadvadalātacakram || 23 ||
[Analyze grammar]

nirbhinnakumbhāḥ kariṇo nipeturanekaśo'śvāḥ śaravṛkṇakandharāḥ |
rathā hatāśvadhvajasūtanāyakāḥ padāyataśchinnabhujorukandharāḥ || 24 ||
[Analyze grammar]

sañchidyamānadvipadebhavājināmaṅgaprasūtāḥ śataśo'sṛgāpagāḥ |
bhujāhayaḥ pūruṣaśīrṣakacchapā hatadvipadvīpahaya grahākulāḥ || 25 ||
[Analyze grammar]

karorumīnā narakeśaśaivalā dhanustaraṅgāyudhagulmasaṅkulāḥ |
acchūrikāvartabhayānakā mahā maṇipravekābharaṇāśmaśarkarāḥ || 26 ||
[Analyze grammar]

pravartitā bhīrubhayāvahā mṛdhe manasvināṃ harṣakarīḥ parasparam |
vinighnatārīnmuṣalena durmadānsaṅkarṣaṇenāparīmeyatejasā || 27 ||
[Analyze grammar]

balaṃ tadaṅgārṇavadurgabhairavaṃ durantapāraṃ magadhendra pālitam |
kṣayaṃ praṇītaṃ vasudevaputrayorvikrīḍitaṃ tajjagadīśayoḥ param || 28 ||
[Analyze grammar]

sthityudbhavāntaṃ bhuvanatrayasya yaḥ |
samīhite'nantaguṇaḥ svalīlayā |
na tasya citraṃ parapakṣanigrahas |
tathāpi martyānuvidhasya varṇyate || 29 ||
[Analyze grammar]

jagrāha virathaṃ rāmo jarāsandhaṃ mahābalam |
hatānīkāvaśiṣṭāsuṃ siṃhaḥ siṃhamivaujasā || 30 ||
[Analyze grammar]

badhyamānaṃ hatārātiṃ pāśairvāruṇamānuṣaiḥ |
vārayāmāsa govindastena kāryacikīrṣayā || 31 ||
[Analyze grammar]

sā mukto lokanāthābhyāṃ vrīḍito vīrasammataḥ |
tapase kṛtasaṅkalpo vāritaḥ pathi rājabhiḥ || 32 ||
[Analyze grammar]

vākyaiḥ pavitrārthapadairnayanaiḥ prākṛtairapi |
svakarmabandhaprāpto'yaṃ yadubhiste parābhavaḥ || 33 ||
[Analyze grammar]

hateṣu sarvānīkeṣu nṛpo bārhadrathastadā |
upekṣito bhagavatā magadhāndurmanā yayau || 34 ||
[Analyze grammar]

mukundo'pyakṣatabalo nistīrṇāribalārṇavaḥ |
vikīryamāṇaḥ kusumaistrīdaśairanumoditaḥ || 35 ||
[Analyze grammar]

māthurairupasaṅgamya vijvarairmuditātmabhiḥ |
upagīyamānavijayaḥ sūtamāgadhabandibhiḥ || 36 ||
[Analyze grammar]

śaṅkhadundubhayo nedurbherītūryāṇyanekaśaḥ |
vīṇāveṇumṛdaṅgāni puraṃ praviśati prabhau || 37 ||
[Analyze grammar]

siktamārgāṃ hṛṣṭajanāṃ patākābhirabhyalaṅkṛtām |
nirghuṣṭāṃ brahmaghoṣeṇa kautukābaddhatoraṇām || 38 ||
[Analyze grammar]

nicīyamāno nārībhirmālyadadhyakṣatāṅkuraiḥ |
nirīkṣyamāṇaḥ sasnehaṃ prītyutkalitalocanaiḥ || 39 ||
[Analyze grammar]

āyodhanagataṃ vittamanantaṃ vīrabhūṣaṇam |
yadurājāya tatsarvamāhṛtaṃ prādiśatprabhuḥ || 40 ||
[Analyze grammar]

evaṃ saptadaśakṛtvastāvatyakṣauhiṇībalaḥ |
yuyudhe māgadho rājā yadubhiḥ kṛṣṇapālitaiḥ || 41 ||
[Analyze grammar]

akṣiṇvaṃstadbalaṃ sarvaṃ vṛṣṇayaḥ kṛṣṇatejasā |
hateṣu sveṣvanīkeṣu tyakto'gādaribhirnṛpaḥ || 42 ||
[Analyze grammar]

aṣṭādaśama saṅgrāma āgāmini tadantarā |
nāradapreṣito vīro yavanaḥ pratyadṛśyata || 43 ||
[Analyze grammar]

rurodha mathurāmetya tisṛbhirmlecchakoṭibhiḥ |
nṛloke cāpratidvandvo vṛṣṇīnśrutvātmasammitān || 44 ||
[Analyze grammar]

taṃ dṛṣṭvācintayatkṛṣṇaḥ saṅkarṣaṇa sahāyavān |
aho yadūnāṃ vṛjinaṃ prāptaṃ hyubhayato mahat || 45 ||
[Analyze grammar]

yavano'yaṃ nirundhe'smānadya tāvanmahābalaḥ |
māgadho'pyadya vā śvo vā paraśvo vāgamiṣyati || 46 ||
[Analyze grammar]

āvayoḥ yudhyatorasya yadyāgantā jarāsutaḥ |
bandhūnhaniṣyatyatha vā neṣyate svapuraṃ balī || 47 ||
[Analyze grammar]

tasmādadya vidhāsyāmo durgaṃ dvipadadurgamam |
tatra jñātīnsamādhāya yavanaṃ ghātayāmahe || 48 ||
[Analyze grammar]

iti sammantrya bhagavāndurgaṃ dvādaśayojanam |
antaḥsamudre nagaraṃ kṛtsnādbhutamacīkarat || 49 ||
[Analyze grammar]

dṛśyate yatra hi tvāṣṭraṃ vijñānaṃ śilpanaipuṇam |
rathyācatvaravīthībhiryathāvāstu vinirmitam || 50 ||
[Analyze grammar]

suradrumalatodyāna vicitropavanānvitam |
hemaśṛṅgairdivispṛgbhiḥ sphaṭikāṭṭālagopuraiḥ || 51 ||
[Analyze grammar]

rājatārakuṭaiḥ koṣṭhairhemakumbhairalaṅkṛtaiḥ |
ratnakūtairgṛhairhemairmahāmārakatasthalaiḥ || 52 ||
[Analyze grammar]

vāstoṣpatīnāṃ ca gṛhairvallabhībhiśca nirmitam |
cāturvarṇyajanākīrṇaṃ yadudevagṛhollasat || 53 ||
[Analyze grammar]

sudharmāṃ pārijātaṃ ca mahendraḥ prāhiṇoddhareḥ |
yatra cāvasthito martyo martyadharmairna yujyate || 54 ||
[Analyze grammar]

śyāmaikavarṇānvaruṇo hayānśuklānmanojavān |
aṣṭau nidhipatiḥ kośānlokapālo nijodayān || 55 ||
[Analyze grammar]

yadyadbhagavatā dattamādhipatyaṃ svasiddhaye |
sarvaṃ pratyarpayāmāsurharau bhūmigate nṛpa || 56 ||
[Analyze grammar]

tatra yogaprabhāvena nītvā sarvajanaṃ hariḥ |
prajāpālena rāmeṇa kṛṣṇaḥ samanumantritaḥ |
nirjagāma puradvārātpadmamālī nirāyudhaḥ || 57 ||
[Analyze grammar]