Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 18.32
adharmaṃ dharmamiti yā manyate tamasāvṛtā |
sarvārthān viparītāñśca buddhiḥ sā pārtha tāmasī ||32||
The Subodhinī commentary by Śrīdhara
tāmasīṃ buddhimāha adharmamiti | viparītagrāhiṇī buddhistāmasītyarthaḥ | buddhirantaḥkaraṇaṃ pūrvoktam | jñānaṃ tu tadvṛttiḥ | dhṛtirapi tadvṛttireva | yadvā antaḥkaraṇasya dharmiṇo buddhirapyadhyavasāyalakṣaṇā vṛttireva | icchādveṣādīnāṃ tadvṛttīnāṃ bahutve'pi dharmādharmabhayābhayasādhanatvena prādhānyādetāsāṃ traividhyam uktam | upalakṣaṇaṃ caitadanyāsām ||32||
The Sārārthavarṣiṇī commentary by Viśvanātha
yā manyata iti | kuṭhāraśchinattītivatyayā manyata ityarthaḥ ||32||
The Gītābhūṣaṇa commentary by Baladeva
tāmasīṃ buddhimāha adharmamiti | viparītagrāhiṇī buddhistāmasītyarthaḥ | sarvārthān viparītāni sādhumasādhumasādhuṃ ca sādhuṃ, paraṃ tattvamaparamaparaṃ ca tattvaṃ paramityevaṃ sarvānarthān viparītānmanyata ityarthaḥ ||32||
__________________________________________________________