Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 10.40
nānto'sti mama divyānāṃ vibhūtīnāṃ paraṃtapa |
eṣa tūddeśataḥ prokto vibhūtervistaro mayā ||40||
The Subodhinī commentary by Śrīdhara
prakaraṇārthamupasaṃharati nānto'stīti | anantatvādvibhūtīnāṃ tāḥ sākalyena vaktuṃ na śakyate | eṣa tu vibhūtivistara uddeśata saṅkṣepataḥ proktaḥ ||40||
The Gūḍhārthadīpikā commentary by Madhusūdana
prakaraṇārthamupasaṃharan vibhūtiṃ saṃkṣipati nānto'stīti | he parantapa pareṣāṃ śatrūṇāṃ kāmakrodhyalobhādīnāṃ tāpajanaka ! mama divyānāṃ vibhūtīnāmanta iyattā nāsti | ataḥ sarvajñenāpi sā na śakyate jñātuṃ vaktuṃ vā sanmātraviṣayatvātsarvajñatāyāḥ | eṣa tu tvāṃ pratyuddeśata ekadeśena prokto vibhūtervistaro vistāro mayā ||40||
The Sārārthavarṣiṇī commentary by Viśvanātha
prakaraṇamupasaṃharati nānto'stīti eṣa tu vistaro bāhulyamuddeśato nāmamātrata eva kṛtaḥ ||40||
The Gītābhūṣaṇa commentary by Baladeva
prakaraṇamupasaṃharati nānto'stīti | vistaro vistāra uddeśata ekadeśata ekadeśena proktaḥ ||40||
__________________________________________________________