Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 10.29
anantaścāsmi nāgānāṃ varuṇo yādasāmaham |
pitṝṇāmaryamā cāsmi yamaḥ saṃyamatāmaham ||29||
The Subodhinī commentary by Śrīdhara
ananta iti | nāgānāṃ nirviṣāṇāṃ rājānantaḥ śeṣo'ham | yādasāṃ jalacarāṇāṃ rājā varuṇo'ham | pitṝṇāṃ rājāryamāsmi | saṃyamatāṃ niyamanaṃ kurvatāṃ madhye yamo'smi ||29||
The Gūḍhārthadīpikā commentary by Madhusūdana
nāgānāṃ jātibhedānāṃ madhye teṣāṃ rājānantaśca śeṣākhyo'hamasmi | yādasāṃ jalacarāṇāṃ madhye teṣāṃ rājā varuṇo'hamasmi | pitṝṇāṃ madhye'ryamā nāma pitṛrājaścāhamasmi | saṃyamatāṃ saṃyamaṃ dharmādharmaphaladānenānugrahaṃ nigrahaṃ ca kurvatāṃ madhye yamo'haṃ smi ||29||
The Sārārthavarṣiṇī commentary by Viśvanātha
yādasāṃ jalacarāṇām | saṃyamatāṃ daṇḍayatām ||29||
The Gītābhūṣaṇa commentary by Baladeva
nāgānāmanekaśirasāṃ madhye'nantaḥ śeṣo'ham | yādasāṃ jalajantūnāmadhipo varuṇo'ham | pitṝṇāṃ rājāryamākhyaḥ pitṛdevo'ham | saṃyamatāṃ daṇḍayatāṃ madhye nyāyadaṇḍakṛtyamo'haṃ chādeśābhāva ārṣaḥ ||29||
__________________________________________________________