Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 4.31
yajñaśiṣṭāmṛtabhujo yānti brahma sanātanam |
nāyaṃ loko'styayajñasya kuto'nyaḥ kurusattama ||31||
The Subodhinī commentary by Śrīdhara
yajñaśiṣṭāmṛtabhuja iti | yajñān kṛtvā avaśiṣṭe kāle'niṣiddhamannamamṛtarūpaṃ bhuñjata iti tathā | te sanātanaṃ nityaṃ brahma jñānadvāreṇa prāpnuvanti | tadakaraṇe doṣamāha nāyamiti | ayamalpasukho'pi manuṣyaloko'yajñasya yajñānuṣṭhānarahitasya nāsti | kuto'nyo bahusukhaḥ paralokaḥ | ato yajñāḥ sarvathā kartavyā ityarthaḥ ||31||
The Gūḍhārthadīpikā commentary by Madhusūdana
evamanvaye guṇamuktvā vyatireke doṣamāha yejñetyardhena | uktānāṃ yajñānāṃ madhye'nyatamo'pi yajño yasya nāsti so'yajñastasyāyamalpasukho'pi manuṣyaloko nāsti sarvanindyatvāt | kuto'nyo viśiṣṭasādhanasādhyaḥ paraloko he kurusattama ||31||
The Sārārthavarṣiṇī commentary by Viśvanātha
tathānusaṃhitaṃ phalamāha brahma yāntīti | tadakaraṇe pratyavāyamāha nāyamiti | ayamalpasukho manuṣaloko'pi nāsti | kuto'nyo devādilokastena prāptavya ityarthaḥ ||31||
The Gītābhūṣaṇa commentary by Baladeva
ananusaṃhitaṃ phalamāha yajñaśiṣṭeti | yajñaśiṣṭaṃ yadamṛtamannādi bhogaiśvaryasiddhyādi ca tadbhuñjānāḥ | anusaṃhitaṃ phalamāha yāntīti | tatsādhyena jñānena brahmeti prāgvat ||30||
__________________________________________________________