Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 3.23
yadi hyahaṃ na varteyaṃ jātu karmaṇyatandritaḥ |
mama vartmānuvartante manuṣyāḥ pārtha sarvaśaḥ ||23||
The Subodhinī commentary by Śrīdhara
akaraṇe lokasya nāśaṃ darśayati yadi hyahamiti | jātu kadācit | atandrito'nalasaḥ san yadi karmaṇi na varteya karma nānutiṣṭheyam, tarhi mamaiva vartma mārgaṃ manuṣyā anuvartante anuverterannityarthaḥ ||23||
The Gūḍhārthadīpikā commentary by Madhusūdana
lokasaṅgraho'pi na te kartavyo viphalatvādityāśaṅkyāha yadi hyahamiti | yadi punarahamatandrito'nalasaḥ san karmaṇi jātu kadācinna varteya nānutiṣṭheyaṃ karmāṇi tadā mama śreṣṭhasya sato vartma mārgaṃ he pārtha manuṣyāḥ karmādhikāriṇaḥ santo'nuvartante'nuvarteran sarvaśaḥ sarvaprakāraiḥ ||23||
The Sārārthavarṣiṇī commentary by Viśvanātha
anuvartate'nuvarterannityarthaḥ ||23||
The Gītābhūṣaṇa commentary by Baladeva
yadīti | ahaṃ sarveśvaraḥ siddhasarvārtho'pi yadukulāvatīrṇo jātu kadācittatkulocite śāstrokte karmaṇi na varteya tanna kuryāmatandritaḥ sāvadhānaḥ san tarhi māṃ dṛṣṭāntaṃ kṛtvā manuṣyāḥ śreṣṭhasya mama vartma kulavihitācāratyāgarūpamanuvarteran tato bhraṃśerannityarthaḥ ||23||
__________________________________________________________