Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 1.27
tān samīkṣya sa kaunteyaḥ sarvān bandhūnavasthitān |
kṛpayā parayāviṣṭo viṣīdannidamabravīt ||27||
The Subodhinī commentary by Śrīdhara
tataḥ kiṃ kṛtavānityāha tāniti | senayorubhayorevaṃ samīkṣya kṛpayā mahatyā āviṣṭaḥ viṣaṇṇaḥ sanidamarjuno'bravīt | ityuttarasya ardhaślokasya vākyārthaḥ | āviṣṭo vyāptaḥ ||27||
The Gītābhūṣaṇa commentary by Baladeva
atha sarveśvaro dayāluḥ kṛṣṇaḥ saparikarātmopadeśena viśvamuddidhīrṣurarjunaṃ śiṣyaṃ kartuṃ tatsvadharme'pi yuddhe mā hiṃsyātsarvabhūtāni iti śrutyarthābhāsenādharmatāmābhāsya taṃ saṃmohaṃ kṛtavānityāha tān samīkṣyate kaunteya iti svīyapitṛsvasṛputratvoktyā taddharmo mohaśokau tadā tasya vyajyete | kṛpayā kartryā ityukteḥ | svabhāvasiddhasya kṛpeti dyotsyate | ataḥ parayeti tadviśeṣaṇam | aparayeti vā cchedaḥ svasainye pūrvamapi kṛpāsti parasainye tvaparāpi sābhūdityarthaḥ | viṣīdannanutāpaḥ vindan | atroktiviṣādayoraikakālyādyuktikāle
viṣādakāryāṇyaśrukampasannakaṇṭhādīni vyajyate ||27||
__________________________________________________________