Ashtanga-hridaya-samhita [sanskrit]
273,418 words | ISBN-10: 8121800226 | ISBN-13: 9788121800226
The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).
Section 8
vātātapādhvabhārastrīvyāyāmakṣīṇadhātuṣu||10||
rūkṣakleśakṣamātyagnivātāvṛtapatheṣu ca||10||
śeṣau——————————————————————
||11||
Commentary: Aruṇadatta’s Sarvāṅgasundarā
vātādīnāṃ kṣīṇadhātunā pratyekaṃ sambandhaḥ| vātakṣīṇadhātuṣu evamātapakṣīṇadhātuṣvityādi, śeṣau-ghṛtatailābhyāmuktābhyāma vasāmajjānau, śasyete| tathā rūkṣādiṣvapi, evaṃ kleśasaheṣu| atyagniṣu-mahāgniṣu balavadagniṣviti draṣṭavyam, anyathā'tyagniṣu snehaniṣedhāt pūrvāparavirodhaḥ syāt| athavā, atyagniṣvapi vasāmajjānāvanujajñe, apavādavākyatvādasyeti vyākhyeyam| vātenāvṛtāḥ panthānaḥ-chidrākhyāḥ, yeṣāṃ teṣu ca śasyete śeṣau|
Commentary: Hemādri’s Āyurvedarasāyana
vasāmajjorviṣayamāha-vātātapetyādi| vātādibhiḥ ṣaḍbhiḥ kṣīṇadhātuṣu| vātāvṛtapatho-mārutāvaruddhasrotāḥ| śeṣauvasāmajjānau|