Chapter 358

[English text for this chapter is available]

kumāra uvāca |
tiṅvibhaktiṃ pravakṣyāmi tathādeśaṃ samāsataḥ |
tiṅastriṣvapi varttante bhāve karmmaṇi karttari || 1 ||
[Analyze grammar]

sakarmmakākarmmakācca karttari dvipade smṛtāḥ |
sakarmmakākarmmaṇi ca tadādeśastatheritaḥ || 2 ||
[Analyze grammar]

varttamāne laḍākhyāto vidhyādyarthe liṅīritaḥ |
vidhyādau loḍāśiṣi ca bhūtānadyatane ca laṅ || 3 ||
[Analyze grammar]

bhūte luṅ liṭ parokṣe'tha bhāvinyadyatane ca luṭ |
liṅāśiṣi ca śeṣe'rthe lṛḍ bhaviṣyati lṛṅbhavet || 4 ||
[Analyze grammar]

liṅnimitte kriyātipattau pare navātmanepadam |
pūrvvaṃ na parasmaipadantiptasantīti prathamaḥ pumān || 5 ||
[Analyze grammar]

sipthastha madhyamanaro mipvasmascottamaḥ pumān |
ta ātāṃ antātmane mukhyaḥ thāsāthāṃ dhvañca madhyamaḥ || 6 ||
[Analyze grammar]

uttama i vahi mahi bhūvādyā dhātavaḥ smṛtāḥ |
bhuviredhiḥ pacirnandirdhvaṃsiḥ śraṃsiḥ padistvadiḥ || 7 ||
[Analyze grammar]

śīṅaḥ krīḍa़ो juhotiśca jahātiśca dadhātyapi |
dīvyatiḥ svapitirnahiḥ sunotirvasireca ca || 8 ||
[Analyze grammar]

tudirmṛśatirmuñcatiḥ rudhirbhujistyajistaniḥ |
śavādike vikaraṇe maniścaiva karotyapi || 9 ||
[Analyze grammar]

krīḍa़tirvṛṅo grahiścoriḥ pā nīracciśca nāyakāḥ |
bhuvi syāt tiṅ bhavati saḥ bhavatastau bhavanti te || 10 ||
[Analyze grammar]

bhavasi tvaṃ yuvāṃ bhavatho yūyaṃ bhavatha cāpyahaṃ |
bhavāmyāvāṃ bhavāvaśca bhavāmo hyedhate kulaṃ || 11 ||
[Analyze grammar]

edhete dve tathaidhante edhase tvaṃ hi medhayā |
edhethe ca samedhadhve edhe hyedhāvahe dhiyā || 12 ||
[Analyze grammar]

edhāmahe harerbhaktyā pacatītyādi pūrvvavat |
bhūyate'nubhūyate'sau bhāve karmmaṇi vai yaki || 13 ||
[Analyze grammar]

vubhūṣati sanītyevaṃ ṇici bācavayatīśvaraṃ |
yaṅi vobhūyate vādyaṃ vobhoti syācca yaṅluki || 14 ||
[Analyze grammar]

putrīyati putrakāmyatyevaṃ paṭapaṭāyate |
ghaṭayatya'tha sani ṇici bubhūṣayati rūpakaṃ || 15 ||
[Analyze grammar]

bhavedbhavetāñca liṅi bhaveyuśca bhaveḥ pare |
bhavetañca bhavetaivaṃ bhaveyañca bhaveva ca bhavema ca || 16 ||
[Analyze grammar]

edheta edheyātāmedheran manasā śriyā |
edhethāśca edheyāthāmedhedhvamedheya edhevāhi edhemahi || 17 ||
[Analyze grammar]

astu tāvadbhavatāṃ loṭi bhavantu bhavatādbhava |
bhavataṃ bhavat bhavāni bhavāva ca bhavām ca || 18 ||
[Analyze grammar]

edhatāmedhetā medhantāmedhai paṭāvahai pacāmahai |
abhyanandadapacatāmapacannapacastathā || 19 ||
[Analyze grammar]

abhavatamabhavatāpacamapacāvāpacāma ca |
aidhataidhetāmaidhadhvaṃ aidhe caidhāmahīritaṃ || 20 ||
[Analyze grammar]

abhūdabhūtāmabhūvanabhūścabhūvameva luṅ |
aidhiṣṭaidhiṣātāṃ narāvaidhiṣṭhā aidhiṣīdṛśaṃ || 21 ||
[Analyze grammar]

liṭi babhūva babhūvatuḥ babhūvuśca babhūvitha |
babhūvathurbabhūva ca babhūviva vabhūvima || 22 ||
[Analyze grammar]

pece pecāte pecire tvamedhāñcakṛṣe tathā |
edhāñcakrāthe pecidhve pece pecimahe tathā || 23 ||
[Analyze grammar]

luṭi bhavitā bhacavitārau bhavitāro harādayaḥ |
bhavitāsi bhavitāstho bhavitāsmastathā vayaṃ || 24 ||
[Analyze grammar]

paktā paktārau paktāraḥ paktāse tvaṃ śubhaudanaṃ |
paktādhve paktāhe cāhaṃ paktāsmahe hareścaruṃ || 25 ||
[Analyze grammar]

liṅāśiṣi sukhaṃ bhūyāt bhūyāstāṃ hariśaṅkarau |
bhūyāsuste ca bhūyāstvaṃ yuvāṃ bhūyāstamīśvarau || 26 ||
[Analyze grammar]

bhūyāsta yūyaṃ bhūyāsamahaṃ bhūyāsma sarvvadā |
yakṣīṣṭa hyedhiṣīyāstāṃ yakṣīrannedhiṣīya ca || 27 ||
[Analyze grammar]

yakṣīvahyedhiṣīmahi liṅi cāyakṣyateti lṛṅ |
ayakṣyetāmayakṣyantāyakṣye'yakṣyethāṃ yuvāṃ || 28 ||
[Analyze grammar]

ayakṣaayadhvamaidhiṣyāvahyaidhiṣyāmahyarervayam |
lṛṭi syādbhaviṣyatīti edhiṣyāmaha īdṛśam || 29 ||
[Analyze grammar]

evaṃ vibhāvayiṣyanti bobhaviṣyati rūpakaṃ |
ghaṭayet paṭayettadvat putrīyati ca kāmyati || 30 ||
[Analyze grammar]