Chapter 356

[English text for this chapter is available]

skanda uvāca |
taddhitaṃ trividhaṃ vakṣye sāmānyavṛttirīdṛśī |
la vyaṃsalo vatsalaḥ syādilaci syāttū phenilaṃ || 1 ||
[Analyze grammar]

lomaśaḥ se pāmano ne ilaci syāttu picchilaṃ |
aṇi prājña ārccakaḥ syāt dantāduraci danturaḥ || 2 ||
[Analyze grammar]

re syāmmadhuraṃ suśiraṃ re syāt keśara īdṛśaḥ |
hiraṇyaṃ ye mālavo ve valaci syādrajasvalaḥ || 3 ||
[Analyze grammar]

ino dhano karī hastī dhanikaṃ ṭikanoritaṃ |
payasvī vini māyāvī ūrṇāyuryuci īritaṃ || 4 ||
[Analyze grammar]

vāgmī mini ālaci syādvācālaścāṭacīritaṃ |
phalino varhiṇaḥ kekī vṛndārakastayā kani || 5 ||
[Analyze grammar]

āluci śītanna sahate śītāluḥ śvālurīdṛśaḥ |
himālurāluci syācca himaṃ na sahate tathā || 6 ||
[Analyze grammar]

rūpaṃ vātādulaci syād vātulaścānapatyake |
vāśiṣṭhaḥ kauravo vāsaḥ pāñcālaḥ sosya vāsakaḥ || 7 ||
[Analyze grammar]

tatra vāso māthuraḥ syādvettyadhīte ca cāndrakaḥ |
vyutkramaṃ vetti kramakaḥ naraścakrāma kauśakaḥ || 8 ||
[Analyze grammar]

priyaṅgūnāṃ bhavaṃ kṣetraṃ praiyaṅgavīnakaṃ khañi |
maudgīnaṃ saudravīṇañca vaidehaścānapatyake || 9 ||
[Analyze grammar]

iñi dākṣirdāśarathiḥ kaci nārāyaṇādikaṃ |
āśvāyanaḥ syācca phañi yaci gārgyaśca vātsakaḥ || 10 ||
[Analyze grammar]

ḍhaki syādvainateyādiścāṭakerastathairaki |
ḍhraki gaudherako rūpaṃ gauvāraścārakīritaṃ || 11 ||
[Analyze grammar]

kṣatriyo ghe kulīnaḥ khe ṇye kauravyādayaḥ smṛtāḥ |
yati mūrddhanyamukhyādiḥ sugandhiriti rūpakaṃ || 12 ||
[Analyze grammar]

tārakādibhya itaci nabhastārakitādayaḥ |
anaṅi syācca kuṇḍādhnī puṣpadhanvasudhanavanī || 13 ||
[Analyze grammar]

cañcupi vittacañcuḥ syādvittamasya ca śabdake |
caṇapi syāt keśacaṇaḥ rūpe syāt paṭarūpakam || 14 ||
[Analyze grammar]

īyasau ca paṭīyān syāt tarapyakṣatarādikam |
pacatitarāñca tarapi tamapyaṭatitamāmapi || 15 ||
[Analyze grammar]

mṛdvītamā kalpapi syādindrakalpo'rkakalpakaḥ |
rājadeśīyo deśīye deśye deśyādirūpakam || 16 ||
[Analyze grammar]

paṭujātīyo jātīye jānumātrañca mātraci |
ūrudvayaso dvayasaci ūrudaghnañca daghnaci || 17 ||
[Analyze grammar]

tayaṭi syāt pañcatayaḥ dauvārikaṣṭhakīritaṃ |
sāmānyavṛttiruktā'avyākhyaśca taddhitaḥ || 18 ||
[Analyze grammar]

yasmādyatastasili ca yatra tatra tralīritaṃ |
asmin kāle hyadhunā syādidānīñcaiva dānyapi || 19 ||
[Analyze grammar]

sarvasmin sarvvadā dā syāttasminkāle rhilīritaṃ |
tarhi ho'sbhin kāla iha karhi sasmiṃśca kālake || 20 ||
[Analyze grammar]

yathā thāli thami kathaṃ pūrvvasyāndiśi sañcayet |
astāti caiva pūrvvasyāḥ pūrvvādigrāmaṇīyakāḥ || 21 ||
[Analyze grammar]

purastāt sañcared gacchet sadyastulye'hanīritaṃ |
utipūrvvābde ca parut pūrvvatare parāryyapi || 22 ||
[Analyze grammar]

aiṣamo'smin saṃvatsare rūpaṃ samasi ceritaṃ |
edyavau paredyavi syāt parasminnahanīritaṃ || 23 ||
[Analyze grammar]

adyāsminnahani dye syāt pūrvvedyuśca tathaidyusi |
dakṣiṇasyāndiśi vaset dakṣiṇāddakṣaiṇā dyubhau || 24 ||
[Analyze grammar]

uttarasyāndiśi vaseduttarāduttarādyubhau |
upari vasaidupariṣṭād bhavedriṣṭāti ūdrdhvakāt || 25 ||
[Analyze grammar]

uttareṇa ca pitroktaṃ āci ca syācca dakṣiṇā |
āhau dakṣiṇāhi vased dviprakāraṃ dvidhā ca dhā || 26 ||
[Analyze grammar]

dhyamuñi caikadhyaṃ kuru tvaṃ dvaidhandhamuñi cedṛśaṃ |
dvau prkārau dvidhā dhāci1 yathā2 || 27 ||
[Analyze grammar]

nipātāstaddhitāḥ proktāḥ tadvito bhāvavācakaḥ |
paṭorbhāvaḥ paṭutvantve paṭutā tali ceritaṃ || 28 ||
[Analyze grammar]

prathimā cemani pṛthoḥ saukhyaṃ sukhāt ṣyañīritam |
steyaṃ yati ca syenasya ye sakhyuḥ sakhyamīritaṃ || 29 ||
[Analyze grammar]

kaperbhāvaśca kāpeyaṃ sainyaṃ pathyaṃ yakīritaṃ |
āśvaṃ kaumārakaṃ cāṇi rūpaṃ cāṇi ca yauvanam |
ācāryyakaṃ kaṇi proktamevamanyepi taddhitāḥ || 30 ||
[Analyze grammar]