Chapter 259

[English text for this chapter is available]

agniruvāca |
ṛgyajuḥsāmātharvavidhānaṃ puṣkaroditam |
bhuktibhuktikaraṃ japyāddhomādrāmāya tadvade || 1 ||
[Analyze grammar]

puṣkara uvāca |
prativedantu karmmāṇi kāryyāṇi pravadāmi te |
prathamaṃ ṛgvidhānaṃ vai śrṛṇu tvaṃ bhuktimuktidam || 2 ||
[Analyze grammar]

antarjjale tathā home japato manasepsitam |
kāmaṃ karoti gāyatrī prāṇāyāmādviśepataḥ || 3 ||
[Analyze grammar]

gāyatryā daśasāhasro japo naktāśino dvija |
bahusnātasya tatraiva sarvakalpamanāśanaḥ || 4 ||
[Analyze grammar]

daśāyutāni japtvā'tha haviṣyāśī sa muktibhāk |
praṇavo hi paraṃ brahma tajjapaḥ sarvapāpahā || 5 ||
[Analyze grammar]

oṃkāraśatakajaptantu nābhimātrodake sthitaḥ |
jalaṃ pivet sa sarvestu pāpairvai vipramucyate || 6 ||
[Analyze grammar]

mātrātrayaṃ trayo vedāstrayo devāstrayo'gnayaḥ |
mahāvyāhṛtayaḥ sapta lokā homo'khilāghahā || 7 ||
[Analyze grammar]

gāyatrī paramā jāpyā mahāvyāhṛtayastathā |
antarjjale tathā rāmaproktaścaivāghamarṣaṇaḥ || 8 ||
[Analyze grammar]

agnimīle purohitaṃ sūkto'yaṃ vahnidaivataḥ |
śirasā dhārayan vahniṃ yo japetparivatsaram || 9 ||
[Analyze grammar]

homaṃ triṣavaṇaṃ bhaikṣyamanagnijcavalanañcaret |
ataḥ paramṛcaḥ sapta vāyvādyā yāḥ prakīrttitāḥ || 10 ||
[Analyze grammar]

tā japan prayato nityamiṣṭān kāmān samaśnute |
medhākāmo japennityaṃ sadasanyamitityṛcam || 11 ||
[Analyze grammar]

anvayo yannimāḥ proktāḥ navarco mṛtyunāśanāḥ |
śunaḥśephamṛṣiṃ baddhaḥ sanniruddho'tha vā2 japet || 12 ||
[Analyze grammar]

mucyate sarvapāpebhyo gadī vāpyagado bhavet |
ya icchecchāśvataṃ kāmaṃ mitraṃ prājñaṃ purandaraṃ || 13 ||
[Analyze grammar]

ṛgbhiḥ ṣoḍa़śabhiḥ kuryyādindrasyeti dine dine |
hihaṇyastūpamityetajjapan śatrūn prabādhate || 14 ||
[Analyze grammar]

kṣemī bhavati cādhvāno ye te panthā japan naraḥ |
raudrībhiḥ ṣaḍbhirīśānaṃ stūyād yo vai dine dine || 15 ||
[Analyze grammar]

caruṃ vā kalpayedraudraṃ tasyaśāntiḥ parābhavet |
udityudantamādityamupatiṣṭhan dine dine || 16 ||
[Analyze grammar]

kṣipejjalāñjalīn sapta manoduḥkhavināśanaṃ |
dviṣantamityathārddharccaṃ yadviprāntaṃ japan smaret || 17 ||
[Analyze grammar]

āgaskṛt saptarātreṇa vidveṣamadhigacchati |
ārogyakāmī rogī vā praskannasyottamaṃ japet || 18 ||
[Analyze grammar]

uttamastasya cārddharcco japedvai vividhāsane |
udayatyāyurakṣyayyaṃ tejo madhyandine japet || 19 ||
[Analyze grammar]

astaṃ pratigate sūryye dviṣantaṃ pratibādhate |
na vayaśceti sūktāni japan śatrūnniyacchati || 20 ||
[Analyze grammar]

ekādśa suparṇasya sarvvakāmānvinirddiśet |
ādyātmikī kaityetā japanmokṣamavāpnuyāt || 21 ||
[Analyze grammar]

ā no bhadrā ityanena dīrghamāyurabāpnuyāt |
tvaṃ sīmeti ca sūktena navaṃ paśyenniśākaraṃ || 22 ||
[Analyze grammar]

upatiṣṭhet samitpāṇirvvāsāṃsyāpnotyasaṃśayaṃ |
āyurīpsannimamiti kautsa sūktaṃ sadā jape || 23 ||
[Analyze grammar]

āpanaḥ śośucaditi stutvā madhye divākaraṃ |
yathā muñcati ceṣīkāṃ tathā pāpaṃ pramuñcati || 24 ||
[Analyze grammar]

jātavedasa ityetajjapet svastyayanaṃ pathi |
bhayairvvimucyate sarvvaḥ svastimānāpnuyāt gṛhān || 25 ||
[Analyze grammar]

vyuṣṭāyāñca tathā rātryāmetadduḥsvapnanāśanaṃ |
pramandineti sūyantyā japedgarbhavimocanaṃ || 26 ||
[Analyze grammar]

japannindramiti snāto vai śvadevantu saptakaṃ |
muñcatyājyaṃ tathā juhvat sakalaṃ kilviṣaṃ naraḥ || 27 ||
[Analyze grammar]

imāmiti japan śaśvat kāmānāpnotyabhīpsitān |
mānastoka iti dvābhyāṃ trirātropoṣitaḥ śuciḥ || 28 ||
[Analyze grammar]

auḍumbarīśca juhuyātsamidhaścājyasaṃskṛtāḥ |
chittvā sarvvānmṛtyupāśān jīvedrogavivarjitaḥ || 29 ||
[Analyze grammar]

ūdrdhvavāhuranenaiva stutvā śambhuṃ tathaiva ca |
mānastoketi ca ṛcā śikhābandhe kṛte naraḥ || 30 ||
[Analyze grammar]

adhṛṣyaḥ sarvabhūtānāṃ jāyate saṃśayaṃ vinā |
citramityupatiṣṭheta trisandhyaṃ bhāskaraṃ tathā || 31 ||
[Analyze grammar]

samitpāṇirnaro nityamīpsitaṃ dhanamāpnuyāt |
atha svapneti ca japan prātarmadhyandine dine || 32 ||
[Analyze grammar]

duḥsvapnañcārddate kṛtsnaṃ bhojanañcāpnuyācchubham |
ubhe pumāniti tathā rakṣoghnaḥ parikīrttitaḥ || 33 ||
[Analyze grammar]

ubhe vāsā iti ṛco japan kāmānavāpnuyāt |
na sāgānniti ca japan mucyate cātatāyinaḥ || 34 ||
[Analyze grammar]

kayā śubheti ca japan jātiśraiṣṭhamavāpnuyāt |
imannṛsomamityetat sarvvān kāmānavāpnuyāt || 35 ||
[Analyze grammar]

pitarityupatiṣṭheta nityamarthamupasthitaṃ |
agne nayeti sūktena ghṛtahomaśca mārgagaḥ || 36 ||
[Analyze grammar]

vīrānnayamavāpnoti suślokaṃ yo japet sadā |
saṅkato neti sūktena viṣān sarvvān vyapohati || 37 ||
[Analyze grammar]

yo jāta iti sūktena sarvvān kāmānavāpnuyāt |
gaṇānāmiti sūktena snigdhamāpnotyanuttamaṃ || 38 ||
[Analyze grammar]

yo me rājannitīmāṃntu duḥsvapnaśamanīmṛcaṃ |
adhvani prasthito yastu paśyecchatruṃ samutthitaṃ || 39 ||
[Analyze grammar]

aprasastaṃ praśastaṃ vā kuvidaṅga imaṃ japet |
dvāviṃśakaṃ japan sūktamādhyātmikamanuttamaṃ || 40 ||
[Analyze grammar]

parvasu prayato nityamiṣṭān kāmān samaśnute |
kṛṇuṣveti japan sūktaṃ juhvadājyaṃ samāhitaḥ || 41 ||
[Analyze grammar]

arātīnāṃ haret prāṇān rakṣāṃsyapi vināśayet |
upatiṣṭhet svayaṃ vahniṃ parityacā dine dine || 42 ||
[Analyze grammar]

taṃ rakṣati svayaṃ vahnirvviśvato viśvatomukhaḥ |
haṃsaḥ śuciḥ sadityetacchucirīkṣeddivākaraṃ || 43 ||
[Analyze grammar]

kṛṣiṃ prapadyamānastu sthālīpākaṃ yathāvidhi |
juhuyāt kṣetramadhye tu svanīsvāhāstu pañcabhiḥ || 44 ||
[Analyze grammar]

indrāya ca marudbyastu parjjanyāya bhagāya ca |
yathāliṅgantu viharellāṅgalantu kṛṣībalaḥ || 45 ||
[Analyze grammar]

yukto dhānyāya sītāyai sunāsīramathottaraṃ |
gandhamālyairnamaskārairyajedetāśca devatāḥ || 46 ||
[Analyze grammar]

pravāpane pralavane khalasītāpahārayoḥ |
amoghaṅgarmma bhavati varddhate sarvvadā kṛṣiḥ || 47 ||
[Analyze grammar]

samudrāditi sūktena kāmānāpnoti pāvakāt |
viśvānara iti dvābhyāṃ ya ṛgbhyāṃ vahnimarhati || 48 ||
[Analyze grammar]

sa taratyāpadaḥ sarvvā yaśaḥ prāpnoti cākṣayaṃ |
vipulāṃ śriyamāpnoti jayaṃ prāpnotyanuttamaṃ || 49 ||
[Analyze grammar]

agne tvamiti ca stutvā dhanamāpnoti vāñchitaṃ |
prajākāmo japennityaṃ varuṇadaivatatrayaṃ || 50 ||
[Analyze grammar]

svastyā trayaṃ japet prātaḥ sadā svastyayanaṃ mahat |
svasti panthā iti procya svastimān vrajate'dhvani || 51 ||
[Analyze grammar]

vijīgīṣurvanaspate śatraṇāṃ vyādhitaṃ bhavet |
striyā garbhapramūḍhāyā garbhamokṣaṇamuttamaṃ || 52 ||
[Analyze grammar]

acchāvadeti sūktañca vṛṣṭikāmaḥ prayojayet |
nirāhāraḥ klinnavāsā na cireṇa pravarṣati || 53 ||
[Analyze grammar]

manasaḥ kāma ityetāṃ paśukāmo naro japet |
karddamena iti snāyātprajākāmaḥ śucivrataḥ || 54 ||
[Analyze grammar]

aśvapūrvā iti snāyādrājyakāmastu mānavaḥ |
rohite carmmaṇi snāyāt brāhmaṇastu yathāvidhi || 55 ||
[Analyze grammar]

rājā carmmaṇi vaiyāghre chāge vaiśyastathaiva ca |
daśasāhasriko homaḥ pratyekaṃ parikīrttitaḥ || 56 ||
[Analyze grammar]

āgāra iti sūktena goṣṭhe gāṃ lokamātaraṃ |
upatiṣṭhed vrajeccaiva yadicchettāḥ sadākṣayāḥ || 57 ||
[Analyze grammar]

upetitisṛbhī rājño dundubhimabhimantrayet |
tejo balañja prāpnoti śatruñcaiva niyacchati || 58 ||
[Analyze grammar]

tṛṇapāṇirjjapetsūktaṃ rakṣoghnaṃ dasyubhirvṛtaḥ |
ye ke ca jmetyṛcaṃ japtvā dīrghamāyuravāpnuyāt6 || 59 ||
[Analyze grammar]

jamūtamṛktena tathā senāṅgānyabhimantrayet |
yadhā liṅgaṃ tato rājā vinihanti raṇe ripūn || 60 ||
[Analyze grammar]

āgneyeti tribhiḥ sūktairdhanamāpnoti cākṣayaṃ |
amīvaheti sūktena bhūtāni sthāpayenniśi || 61 ||
[Analyze grammar]

saṃbādhe viṣame durge bandho vā nirgataḥ kkacit |
palāyan vā gṛhīto vā sūktametattathā japet || 62 ||
[Analyze grammar]

trirātraṃ niyatopoṣya śrāpayet pāyasañcaruṃ |
tenāhutiśataṃ pūrṇaṃ juhuyāt tryambaketyṛcā || 63 ||
[Analyze grammar]

samuddiśya mahādevaṃ jīvedabdaśataṃ sukhaṃ |
taccakṣurityacā snāta upatiṣṭheddivākaraṃ || 64 ||
[Analyze grammar]

udyantaṃ madhyāgañcaiva dīrghamāyurjjijīviṣuḥ |
indrā someti sūktantu kathitaṃ śatrunāśanaṃ || 65 ||
[Analyze grammar]

yasya luptaṃ vrataṃ mohādvrātyairvā saṃsṛjetsaha |
upoṣyājyaṃ sa juhuyāttvamagne vratapā iti || 66 ||
[Analyze grammar]

ādityetyṛk ca samrājaṃ japtvā vāde jayī bhavet |
mahīti ca catuṣkeṇa mucyate mahato bhayāt || 67 ||
[Analyze grammar]

ṛcaṃ japtvā yadi hyetat sarvvakāmānavāpnuyāt |
dvācatvāriṃśatiṃ caindraṃ japtvā nāśayate ripūn || 68 ||
[Analyze grammar]

vācaṃ mahīti japtvā ca prāpnotyārogyameva ca |
śanno bhaveti dvābhyāntu bhuktvānnaṃ prathataḥ śuciḥ || 69 ||
[Analyze grammar]

hṛdayaṃ pāṇinā spṛṣṭvā vyādhibinnābhibhūyate |
uttabhedamiti snāto hutvā śatruṃ pramāpayet || 70 ||
[Analyze grammar]

śannogna iti sūktena hutenānnamavāpnuyāt |
kanyā vārarṣisūktena digdoṣādvipramucyate || 71 ||
[Analyze grammar]

yadatya kavyetyudite japte'vaśyaṃ jagadbhavet |
yadvāgiti ca japtena vāṇī bhavati saṃskṛtā8 || 72 ||
[Analyze grammar]

vāco vidamiti tvetāṃ japan vācaṃ samaśnute |
pavitrāṇāṃ pavitrantu pāvamānyeyṛco matāḥ || 73 ||
[Analyze grammar]

vaikhānasāṛcastriṃśatpavitrāḥ paramā matāḥ |
ṛco dviṣaṣṭiḥ proktāśca parasvetyṛṣisattama || 74 ||
[Analyze grammar]

sarvvakalmaṣanāśāya pāvanāya śivāya ca |
svādiṣṭayetisūktānāṃ saptaṣaṣṭirudāhṛtā || 75 ||
[Analyze grammar]

daśottarāṇyṛcāñcaitāḥ pāvamānyaḥ śatāni ṣaṭ |
etajjapaṃśca juhvacca ghoraṃ mṛtyubhayaṃ jayet || 76 ||
[Analyze grammar]

āpohiṣṭheti vāristho japetpāpabhayārddane |
pradevanneti niyate japecca marudhanvasu || 77 ||
[Analyze grammar]

prāṇāntike bhaye prāpte kṣipramāyustu vindati |
prāveyābityṛcamekāṃ japecca manasā niśi || 78 ||
[Analyze grammar]

vyuṣṭāyāmudite sṛryye dyute jayamavāpnuyāt |
mā pragāmeti mūḍhaśca panthānaṃ pathi vindati || 79 ||
[Analyze grammar]

kṣīṇāyuriti manyet yaṅkañcit suhṛdaṃ priyaṃ |
yakteyamiti tu ratnātastasya mūrddhānamālabhet || 80 ||
[Analyze grammar]

sahasrakṛtvaḥ pañcāhaṃ tenāyurvindate mahat |
idaṃ medhyeti juhuyāt ghṛtaṃ prājñaḥ sahasraśaḥ || 81 ||
[Analyze grammar]

paśukāmo gavāṃ goṣṭhe arthakāmaścatuṣpathe |
vayaḥ suparṇa ityetāṃ japan vai vindate śriyaṃ || 82 ||
[Analyze grammar]

iviṣyantīyamabyasya sarvvapāpaiḥ pramucyate |
tasya rogā vinaśyanti kāyāgnirvarddhate tathā || 83 ||
[Analyze grammar]

yā oṣadhayaḥ svastyayanaṃ sarvvavyādhivināśanaṃ |
vṛhaspate atītyetadvṛṣṭikāmaḥ prayojayet || 84 ||
[Analyze grammar]

sarvvatreti parā śāntirjñeyā pratirathastathā |
sūta saṃkāśyapannityaṃ prajākāmasya kīrttitaṃ || 85 ||
[Analyze grammar]

ahaṃ sdreti ityetadvāgmī bhavati mānavaḥ |
na yonau jāyate vidvān japanratīti rātriṣu || 86 ||
[Analyze grammar]

rātrisuktaṃ japanrātrau rātriṃ kṣemī nayennaraḥ |
kalpayantīti ca cajapannityaṃ kṛttvārināśanaṃ || 87 ||
[Analyze grammar]

āyuṣyañcaiva varccasyaṃ sūktaṃ dākṣāyaṇaṃ mahat |
uta devā iti japedāmayaghnaṃ dhṛtavrataḥ || 88 ||
[Analyze grammar]

ayaptagne janityetajjapedagnibhaye sati |
araṇyānītyaraṇyeṣu japettadbayanāśanaṃ || 89 ||
[Analyze grammar]

vrāhmīmāsādya sūkte dve ṛcaṃ cabrāhmīṃ śatāvarīṃ |
pṛthagadbhirghṛtairvātha medhāṃ lakṣmīñca vindati || 90 ||
[Analyze grammar]

māma ityasapatnaghnaṃ saṃgrāmaṃ vijigīṣataḥ |
brahmaṇogniḥ saṃvidānaṃ garbhamṛtyunivāraṇaṃ || 91 ||
[Analyze grammar]

apaihīti japetsūktaṃ śuṣirdusvapnanāśanaṃ |
yenedamiti vai japtvā samādhiṃ vindate paraṃ || 92 ||
[Analyze grammar]

mayo bhūrvvāta ityetat gavāṃ svastyayanaṃ paraṃ |
śāmvarīmindrajālaṃ vā māyāmetena vārayet || 93 ||
[Analyze grammar]

mahītrīṇāmavarastviti pathi svastyayanaṃ japet |
agnaye bidviṣannevaṃ japecca ripunāśanaṃ || 94 ||
[Analyze grammar]

vāstoṣpatena mantreṇa yajet gṛhadevatāḥ |
japasyaiṣa vidhiḥ prokto hute jñeyo viśeṣataḥ || 95 ||
[Analyze grammar]

homānte dakṣiṇā deyai pāpaśāntirhutena tu |
hutaṃ śāmyati cānnena annahemapradānataḥ || 96 ||
[Analyze grammar]

viprāśiṣastvamoghāḥ syuṣaṃhiḥsnānantu sarvataḥ |
siddhārthakā yavā dhānyaṃ payo dadhi ghṛtaṃ tathā || 97 ||
[Analyze grammar]

kṣīravṛkṣāstathedhmantu hāmā vai sarvakāmadāḥ |
samipaḥ kaṇṭakinyaśca rājikā rudhiraṃ viṣaṃ || 98 ||
[Analyze grammar]

abicāre tathā śailaṃ aśanaṃ śaktavaḥ pathaḥ |
dadhi bhaikṣyaṃ phalaṃ mṛlamṛgvidhānamudāhṛtaṃ || 99 ||
[Analyze grammar]