Chapter 224

[English text for this chapter is available]

puṣkara uvāca |
vakṣye'ntaḥ puracintāṃ ca dharmādyāḥ puruṣārthakāḥ |
anyonyarakṣayā teṣāṃ sevā kāryā striyā nṛpaiḥ || 1 ||
[Analyze grammar]

dharmamūlo'rthaviṭapastathā karmmaphalo mahān |
trivargapādapastatra rakṣayā phalabhāg bhavet || 2 ||
[Analyze grammar]

kāmādhīnāḥ1 striyo rāma tadarthaṃ ratnasaṅgrahaḥ |
sevyāstā nātisevyāsca bhūbhujā viṣayaiṣiṇā || 3 ||
[Analyze grammar]

āhāro maithunannidrā sevyā nāti hi rug bhavet |
mañaacādhikāre2 karttavyāḥ striyaḥ sevyāḥ svarāmikāḥ3 || 4 ||
[Analyze grammar]

duṣṭānyācarate4 yā tu nābhinandati tatkathāṃ |
aikyaṃ dviṣadbhirvrajati garvaṃ vahati coddhatā || 5 ||
[Analyze grammar]

cumbitā mārṣṭi vadanaṃ dattanna bahu manyate |
svapityādau prasuptāpi tathā paścādvibudhyate || 6 ||
[Analyze grammar]

spṛṣṭā dhunoti gātrāṇi gātrañca viruṇāddhi yā |
īṣacchṛṇoti vākyāni priyāṇyapi parāṅmukhī || 7 ||
[Analyze grammar]

na paśyatyagradattantu jaghanañca nigūhati |
dṛṣṭe vivarṇavadanā mitreṣvatha parāṅmukhī5 || 8 ||
[Analyze grammar]

tatkāmitāsu ca strīsu madhyastheva ca lakṣyate |
jñātamaṇḍanakālāpi na karoti ca maṇḍanaṃ || 9 ||
[Analyze grammar]

yā sā viraktā tāntyaktvā sānurāgāṃ striyambhajet || 6 ||
[Analyze grammar]

dṛṣṭvaiva hṛṣṭā bhavati vīkṣite ca parāṅmukhī || 10 ||
[Analyze grammar]

dṛśyamānā tathānyatra dṛṣṭiṃ kṣipati cañcalāṃ |
tathāpyupāvarttayituṃ naiva śakrotyaśeṣataḥ || 11 ||
[Analyze grammar]

vivṛṇīti tathāhgāni svasyā guhyāni bhārgava |
gahitañca tathaivāṅgaṃ prayatnena nigūhati || 12 ||
[Analyze grammar]

taddarśane ca kurute vālāliḍganacumbanaṃ |
ābhāṣyamāṇā bhavati satyavākyā tathaiva ca || 13 ||
[Analyze grammar]

spṛṣṭā pulakitairaṅgaiḥ svedenaiva ca bhajyate |
karoti ca tathā rāma sulabhadravyayācanaṃ || 14 ||
[Analyze grammar]

tataḥ svalpamapi prāpya karoti paramāṃ mudaṃ |
nāmasaṅkīrttanādeva muditā bahu manyate || 15 ||
[Analyze grammar]

karakajāṅkāṅkitānyasya phalāni preṣayatyapi |
tatpreṣitañca hṛdaye vinyasatyapi cādarāt || 16 ||
[Analyze grammar]

āliṅganaiśca gātrāṇi limpatīvāmṛtena yā |
supte svapityathādau ca tathā tasya vibudhyate || 17 ||
[Analyze grammar]

urū spṛśati cātyarthaṃ suptañcainaṃ vibudhyate |
kapitthacūrṇayogena tathā dadhnaḥ srajā tathā || 18 ||
[Analyze grammar]

ghṛtaṃ sugandhi bhavati dugdhaiḥ kṣiptaistathā yavaiḥ |
bhojyasya kalpanaivaṃ syādgandhamuktiḥ pradarśyate || 19 ||
[Analyze grammar]

śaucamācamanaṃ rāma tathaiva ca virecanaṃ |
bhāvanā caiva pākaśca bodhanaṃ dhūpanantathā || 20 ||
[Analyze grammar]

vāsanañcaiva nirddiṣṭaṃ karmmāṣṭakamidaṃ smṛtaṃ |
kapitthavilvajamvāmrakaravīrakapallabaiḥ || 21 ||
[Analyze grammar]

kṛtvodakantu yaddravyaṃ śauvitaṃ śaucanantu tat |
teṣāmabhāve śaucantu mṛgadarpāmbhasā bhavet || 22 ||
[Analyze grammar]

nakhaṃ kuṣṭhaṃ ghanaṃ māṃsī spṛkkaśaileyajaṃ jalaṃ |
tathaiva kuṅkumaṃ lākṣā candanāgurunīradaṃ7 || 23 ||
[Analyze grammar]

saralaṃ devakāṣṭhañca karpūraṃ kāntayā saha |
bālaḥ kundurukaścaiva gugguluḥ śrīnivāsakaḥ || 24 ||
[Analyze grammar]

saha sarjarasenaivaṃ dhūpadravyaikaviṃśatiḥ |
dhūpadravyagaṇādasmādekaviṃśādyathecchayā || 25 ||
[Analyze grammar]

dve dve dravye samādāya sarjabhāgairnniyojayet |
nakhapiṇyākamalayaiḥ saṃyojya madhunā tathā || 26 ||
[Analyze grammar]

dhūpayogā bhavantīha yathāvat svecchayā kṛtāḥ |
tvacannāḍīṃ phalantailaṃ kuṅkumaṃ granthiparvakaṃ9 || 27 ||
[Analyze grammar]

śaileyantagaraṃ krāntāṃ colaṅkarpūrameva ca || 10 ||
[Analyze grammar]

māsīṃ surāñca kuṣṭhañca snānadravyāṇi nirdiśet || 28 ||
[Analyze grammar]

etebhyastu samādāya dravyatrayamathecchayā |
mṛgadarpayutaṃ snānaṃ kāryaṃ kandarpavarddhanaṃ || 29 ||
[Analyze grammar]

tvaṅmurānaladaistulyairvālakārddhasamāyutaiḥ |
snānamutpalagandhi syāt satailaṃ kuṅkumāyate || 30 ||
[Analyze grammar]

jātīpuṣpasugandhi syāt tagarārddhena yojitaṃ |
saddhyāmakaṃ syādvakulaistulyagandhi manoharaṃ || 31 ||
[Analyze grammar]

mañjiṣṭhāntagaraṃ colaṃ tvacaṃ cavyāghranakhaṃ nakhaṃ |
ganadhapatrañca vinyasya gandhatailaṃ bhavecchubhaṃ || 32 ||
[Analyze grammar]

tailaṃ nipīḍitaṃ rāma tilaiḥ puṣpādhivāsitaiḥ |
vāsanāt puṣpasaṭṭaśaṃ gandhena tu bhaved dhruvaṃ || 33 ||
[Analyze grammar]

elālavaṅgakakkolajātīphalaniśākarāḥ |
jātīpatrikayā sārddhaṃ svatantrā mukhavāsakāḥ || 34 ||
[Analyze grammar]

karpūraṃ kuṅkumaṃ kāntā mṛgadarpaṃ hareṇukaṃ |
kakkolailālavaṅgañca jātī kośakameva ca || 35 ||
[Analyze grammar]

tvakpatraṃ truṭimustau ca latāṃ kastūrikaṃ tathā |
kaṇṭakāni lavaṅgasya phalapatre ca jātitaḥ || 36 ||
[Analyze grammar]

kaṭukañca phalaṃ rāma kārṣikāṇyupakalpayet |
taccūrṇe khadiraṃ sāraṃ dadyātturyaṃ tu vāsita || 37 ||
[Analyze grammar]

sahakārarasenāsmāt karttavyā guṭikāḥ śubhāḥ || 13 ||
[Analyze grammar]

mukhe nyastāḥ sugandhāstā mukharogavināśanāḥ || 38 ||
[Analyze grammar]

pūgaṃ prakṣālitaṃ samyak pañcapallavavāriṇā |
śaktyā tu guṭikādravyairvāsitaṃ mukhavāsakaṃ || 39 ||
[Analyze grammar]

kaṭukaṃ dantakāṣṭhañca gomūtre vāsitaṃ tryahaṃ |
kṛtañca pūgavadrāma mukhasaugandhikārakaṃ || 40 ||
[Analyze grammar]

tvakpathyayoḥ samāvaṃśau śaśibhāgārddhasaṃyutau |
nāgavallīsamo bhāti mukhavāso manoharaḥ || 41 ||
[Analyze grammar]

evaṃ kuryyāt sadā strīṇaṃ rakṣaṇaṃ pṛthivīpatiḥ |
na cāsāṃ viśvasejjātu putramāturviśeṣataḥ || 42 ||
[Analyze grammar]