Chapter 163

śrāddhakalpakathanaṃ |
puṣkara uvāca |
śrāddhakalpaṃ pravakṣyāmi bhuktimuktipradaṃ śṛṇu |
nimantrya viprān pūrvedyuḥ svāgatenāparāhṇataḥ || 1 ||
[Analyze grammar]

prācyopaveśayetpīṭhe yugmāndaive'tha pitrake |
ayugmān prāṅmukhāndaive trīn paitre caikameva vā || 2 ||
[Analyze grammar]

mātāmahānāmapyevantantraṃ vā vaiśyadevikaṃ |
pāṇiprakṣālanaṃ dattvā viṣṭarārthaṃ kuśānapi || 3 ||
[Analyze grammar]

āvāhayedanujñāto viśve devāsa ityṛcā |
yavairanvavakīryātha bhājane sapavitrake || 4 ||
[Analyze grammar]

śannodevyā payaḥ kṣiptvā yavosīti yavāṃstathā |
yādivyā itimantreṇa haste hyarghaṃ vinikṣipet || 5 ||
[Analyze grammar]

datvodakaṃ gandhamālyaṃ dhūpadānaṃ pradīpakaṃ |
apasavyaṃ tataḥ kṛtvā pitṝṇāmapradakṣiṇaṃ || 6 ||
[Analyze grammar]

dviguṇāṃstu kuśān kṛtvā hyuśantastvetyṛcā pitṝn |
āvāhya tadanujñāto japedāyāntu na ḥ tataḥ || 7 ||
[Analyze grammar]

yavārthāstu tilaiḥ kāryāḥ kuryādarghyādi pūrvavat |
dattvārghyaṃ saṃśravān śeṣān pātre kṛtvā vidhānataḥ || 8 ||
[Analyze grammar]

pitṛbhyaḥ sthānamasīti nyubjaṃ pātraṃ karotyadhaḥ |
agnau kariṣya ādāya pṛcchatyannaṃ ghṛtaplutaṃ || 9 ||
[Analyze grammar]

kuruṣveti hyanujñāto hutvāgnau pitṛyajñavat |
hutaśeṣaṃ pradadyāttu bhājaneṣu samāhitaḥ || 10 ||
[Analyze grammar]

yathālābhopapanneṣu raupyeṣu tu viśeṣataḥ |
datvānnaṃ pṛthivīpātramiti pātrābhimantraṇaṃ || 11 ||
[Analyze grammar]

kṛtvedaṃ viṣṇurityanne dvijāṅguṣṭhaṃ niveśayet |
savyāhṛtikāṃ gāyatrīṃ madhuvātā iti tyacaṃ || 12 ||
[Analyze grammar]

japtvā yathāsukhaṃ vācyaṃ bhuñjīraṃste'pi vāgyatāḥ |
annamiṣṭaṃ haviṣyañca dadyājjaptvā pavitrakaṃ || 13 ||
[Analyze grammar]

annamādāya tṛptāḥ stha śeṣaṃ caivānnamasya ca |
tadannaṃ vikiredbhūmau dadyāccāpaḥ sakṛtsakṛt || 14 ||
[Analyze grammar]

sarvamannamupādāya satilaṃ dakṣiṇāmukhaḥ |
ucchiṣṭasannidhau piṇḍān pradadyātpitṛyajñavat || 15 ||
[Analyze grammar]

mātāmahānāmapyevaṃ dadyādācamanaṃ tataḥ |
svasti vācyaṃ tataḥ kuryādakṣayyodakameva ca || 16 ||
[Analyze grammar]

datvā tu dakṣiṇāṃ śaktyā svadhākāramudāharet |
vācyatāmityanujñātaḥ svapitṛbhyaḥ svadhocyatāṃ || 17 ||
[Analyze grammar]

kuryurastu svadhetyukte bhūmau siñcettato jalaṃ |
prīyantāmiti vā daivaṃ viśve devā jalaṃ dadet || 18 ||
[Analyze grammar]

dātāro no'bhivardhantāṃ vedāḥ santatireva ca |
śraddhā ca no māvyagamadbahudeyaṃ ca no . stviti || 19 ||
[Analyze grammar]

ityuktvā tu priyā vācaḥ praṇipatya visarjayet |
vāje vāja iti prītapitṛpūrvaṃ visarjanaṃ || 20 ||
[Analyze grammar]

yasmiṃstu saṃśravāḥ pūrvamarghapātre nipātitāḥ |
pitṛpātraṃ taduttānaṃ kṛtvā viprān visarjayet || 21 ||
[Analyze grammar]

pradakṣiṇamanuvrajya bhaktvā tu pitṛsevitaṃ |
brahmacārī bhavettāntu rajanīṃ brāhmaṇaiḥ saha || 22 ||
[Analyze grammar]

evaṃ pradakṣiṇaṃ kṛtvā vṛddhau nāndīmukhān pitṝn |
yajeta dadhikarkandhumiśrān piṇḍān yavaiḥ kriyā || 23 ||
[Analyze grammar]

ekoddiṣṭaṃ daivahīnamekārghaikapavitrakaṃ |
āvāhanāgnaukaraṇarahitaṃ hyapasavyavat || 24 ||
[Analyze grammar]

upatiṣṭhatāmityakṣayyasthāne pitṛvisarjane |
abhiramyatāmiti vadedbrūyuste'bhiratāḥ sma ha || 25 ||
[Analyze grammar]

gandhodakatilairyuktaṃ kuryātpātracatuṣṭayaṃ |
arghārthapitṛpātreṣu pretapātraṃ prasecayet || 26 ||
[Analyze grammar]

ye samānā iti dvābhyāṃ śeṣaṃ pūrvavadācaret |
etatsapiṇḍīkaraṇamekoddiṣṭaṃ stiyā saha || 27 ||
[Analyze grammar]

arvāksapiṇḍīkaraṇaṃ yasya saṃvatsarādbhavet |
tasyāpyannaṃ sodakumbhaṃ dadyātsaṃvatsaraṃ dvije || 28 ||
[Analyze grammar]

mṛtāhani ca kartavyaṃ pratimāsantu vatsaraṃ |
pratisaṃvatsaraṃ kāryaṃ śrāddhaṃ vai māsikānnavat || 29 ||
[Analyze grammar]

haviṣyānnena vai māsaṃ pāyasena tu vatsaraṃ |
mātsyahāriṇakaurabhraśākunacchāgapārṣataiḥ || 30 ||
[Analyze grammar]

aiṇarauravavārāhaśāśairmāṃsairyathākramaṃ |
māsavṛddhyābhitṛpyanti dattaireva pitāmahāḥ || 31 ||
[Analyze grammar]

khaḍgāmiṣaṃ mahāśalkaṃ madhuyuktānnameva ca |
lohāmiṣaṃ kālaśākaṃ māṃsaṃ vārdhīnasasya ca || 32 ||
[Analyze grammar]

yaddadāti gayāsthañca sarvamānantyamucyate |
tathā varṣātrayodaśyāṃ maghāsu ca na saṃśayaḥ || 33 ||
[Analyze grammar]

kanyāṃ prajāṃ vandinaśca paśūnmukhyān sutānapi |
ghṛtaṃ kṛṣiṃ ca vāṇijyaṃ dviśaphaikaśaphaṃ tathā || 34 ||
[Analyze grammar]

brahmavarcasvinaḥ putrān svarṇarūpye sakupyake |
jñātiśraiṣṭhyaṃ sarvakāmānāpnoti śrāddhadaḥ sadā || 35 ||
[Analyze grammar]

pratipatprabhṛtiṣvetānvarjayitvā caturdaśīṃ |
śastreṇa tu hatā ye vai teṣāṃ tatra pradīyate || 36 ||
[Analyze grammar]

svargaṃ hyapatyamojaśca śauryaṃ kṣetraṃ balaṃ tathā |
putraśraiṣṭhyaṃ sasaubhāgyamapatyaṃ mukhyatāṃ sutān || 37 ||
[Analyze grammar]

pravṛttacakratāṃ putrān vāṇijyaṃ prasutāṃ tathā |
arogitvaṃ yaśo vītaśokatāṃ paramāṅgatiṃ || 38 ||
[Analyze grammar]

dhanaṃ vidyāṃ bhiṣakasiddhiṃ rūpyaṃ gāścāpyajāvikaṃ |
aśvānāyuśca vidhivatyaḥ śrāddhaṃ samprayacchati || 39 ||
[Analyze grammar]

kṛttikādibharaṇyante sa kāmānāpnuyādimān |
vasurudrāditisutāḥ pitaraḥ śrāddhadevatāḥ || 40 ||
[Analyze grammar]

prīṇayanti manuṣyāṇāṃ pitṝn śrāddhena tarpitāḥ |
āyuḥ prajāṃ dhanaṃ vidyāṃ svargaṃ mokṣaṃ sukhāni ca || 41 ||
[Analyze grammar]

prayacchanti tathā rājyaṃ prītā nṝṇāṃ pitāmahāḥ || 42 ||
[Analyze grammar]