Chapter 116

[English text for this chapter is available]

agniruvāca |
gāyatryaiva mahānadyāṃ snātaḥ sandhyāṃ samācaret |
gāyatryā agrataḥ prātaḥ śrāddhaṃ piṇḍamathākṣayaṃ || 1 ||
[Analyze grammar]

madhyāhne codyati snātvā gītavādyairhyupāsya ca |
sāvitrīpurataḥ sandhyāṃ piṇḍadānañca tatpade || 2 ||
[Analyze grammar]

agastyasya pade kuryādyonidvāraṃ praviśya ca |
nirgato na punaryoniṃ praviśenmucyate bhavāt || 3 ||
[Analyze grammar]

baliṃ kākaśilāyāñca kumārañca namettataḥ |
svargadvāryāṃ somakuṇḍe vāyutīrthe'tha piṇḍadaḥ || 4 ||
[Analyze grammar]

bhavedākaśagaṅgāyāṃ kapilāyāñca piṇḍadaḥ |
kapileśaṃ śivaṃ natvā rukmikuṇḍe ca piṇḍadaḥ || 5 ||
[Analyze grammar]

koṭītīrthe ca koṭīśaṃ natvāmoghapade naraḥ |
gadālole vānarake gopracāre ca piṇḍadaḥ || 6 ||
[Analyze grammar]

natvā gāvaṃ vaitaraṇyāmekaviṃśakuloddhṛtiḥ |
śrāddhapiṇḍapradātā syātkrauñcapade ca piṇḍadaḥ || 7 ||
[Analyze grammar]

tṛtīyāyāṃ viśālāyāṃ niścirāyāñca piṇḍadaḥ |
ṛṇamokṣe pāpamokṣe bhasmakuṇḍe'tha bhasmanā || 8 ||
[Analyze grammar]

snānakṛnmucyate pāpānnameddevaṃ janārdanam |
eṣa piṇḍo mayā dattastava haste janārdana || 9 ||
[Analyze grammar]

paralokagate mahyamakṣyayyamupatiṣṭhatāṃ |
gayāyāṃ pitṛrūpeṇa svayameva janārdanaḥ || 10 ||
[Analyze grammar]

taṃ dṛṣṭvā puṇḍarīkākṣaṃ mucyate vai ṛṇatrayāt |
mārkaṇḍeyeśvaraṃ natvā namedgṛdhreśvaraṃ naraḥ || 11 ||
[Analyze grammar]

mūlakṣetre maheśasya dhārāyāṃ piṇḍado bhavet |
gṛdhrakūṭe gṛdhravaṭe dhautapāde ca piṇḍadaḥ || 12 ||
[Analyze grammar]

puṣkariṇyāṃ kardamāle rāmatīrthe ca piṇḍadaḥ |
prabhāseśannametpretaśilāyāṃ piṇḍado bhavet || 13 ||
[Analyze grammar]

divyāntarīkṣabhūmiṣṭhāḥ pitaro bāndhavādayaḥ |
pretādirūpā muktāḥ syuḥ piṇḍairdattairmayākhilāḥ || 14 ||
[Analyze grammar]

sthānatraye pretaśilā gayāśirasi pāvanī |
prabhāse pretakuṇḍe ca piṇḍadastārayetkulam || 15 ||
[Analyze grammar]

vasiṣṭheśannamaskṛtya tadagre piṇḍado bhavet |
gayānābhau suṣumṇāyāṃ mahākoṣṭyāñca piṇḍadaḥ || 16 ||
[Analyze grammar]

gadādharāgrato muṇḍapṛṣṭhe devyāśca sannidhau |
muṇdapṛṣṭhaṃ namedādau kṣetrapālādisaṃyutam || 17 ||
[Analyze grammar]

pūjayitvā bhayaṃ na syādviṣarogādināśanam |
brahmāṇañca namaskṛtya brahmalokaṃ nayetkulam || 18 ||
[Analyze grammar]

subhadrāṃ balabhadrañca prapūjya puruṣottamam |
sarvakāmasamāyuktaḥ kulamuddhṛtya nākabhāk || 19 ||
[Analyze grammar]

hṛṣīkeśaṃ namaskṛtya tadagre piṇḍado bhavet |
mādhavaṃ pūjayitvā ca devo vaimāniko bhavet || 20 ||
[Analyze grammar]

mahālakṣmīṃ prārcya gaurīṃ maṅgalāñca sarasvatīm |
pitṝnuddhṛtya svargastho bhuktabhogo'tra śāstradhīḥ || 21 ||
[Analyze grammar]

dvādaśādityamabhyarya vahniṃ revantamindrakam |
rogādimuktaḥ svargī syācchrīkapardivināyakam || 22 ||
[Analyze grammar]

prapūjya kārttikeyañca nirvighnaḥ siddhimāpnuyāt |
somanāthañca kāleśaṅkedāraṃ prapitāmaham || 23 ||
[Analyze grammar]

siddheśvarañca rudreśaṃ rāmeśaṃ brahmakeśvaram |
aṣṭaliṅgāni guhyāni pūjayitvā tu sarvabhāk || 24 ||
[Analyze grammar]

nārāyaṇaṃ varāhañca nārasiṃhaṃ namecchriye |
brahmaviṣṇumaheśākhyaṃ tripuraghnamaśeṣadam || 25 ||
[Analyze grammar]

sītāṃ rāmañca garuḍaṃ vāmanaṃ samprapūjya ca |
sarvakāmānavāpnoti brahmalokaṃ nayetpitṝn || 26 ||
[Analyze grammar]

devaiḥ sārdhaṃ samprapūjya devamādigadādharam |
ṛṇatrayavinirmuktastārayetsakalaṃ kulam || 27 ||
[Analyze grammar]

devarūpā śilā puṇyā tasmāddevamayī śilā |
gayāyāṃ nahi tatsthānaṃ yatra tīrthaṃ na vidyate || 28 ||
[Analyze grammar]

yannāmnā pātayetpiṇḍaṃ tannayedbrahma śāśvatam |
phalgvīśaṃ phalgucaṇḍīṃ ca praṇamyāṅgārakeśvaram || 29 ||
[Analyze grammar]

mataṅgasya pade śrāddhī bharatāśramake bhavet |
haṃsatīrthe koṭitīrthe yatra pāṇḍuśilānnadaḥ || 30 ||
[Analyze grammar]

tatra syādagnidhārāyāṃ madhusravasi piṇḍadaḥ |
rudreśaṃ kilikileśaṃ namedvṛddhivināyakam || 31 ||
[Analyze grammar]

piṇḍado dhenukāraṇye pade dhenornamecca gām |
sarvān pitṝṃstārayecca sarasvatyāñca piṇḍadaḥ || 32 ||
[Analyze grammar]

sandhyāmupāsya sāyāhne nameddevīṃ sarasvatīm |
trisandhyākṛdbhavedvipro vedavedāṅgapāragaḥ || 33 ||
[Analyze grammar]

gayāṃ pradakṣiṇīkṛtya gayāviprān prapūjya ca |
annadānādikaṃ sarvaṃ kṛtantatrākṣayaṃ bhavet || 34 ||
[Analyze grammar]

stutvā samprārthayedevamādidevaṃ gadādharam |
gadādharaṃ gayāvāsaṃ pitrādīnāṃ gatipradam || 35 ||
[Analyze grammar]

dharmārthakāmamokṣārthaṃ yogadaṃ praṇamāmyaham |
dehendriyamanobuddhiprāṇāhaṅkāravarjitam || 36 ||
[Analyze grammar]

nityaśuddhaṃ buddhiyuktaṃ satyaṃ brahma namāmyaham |
ānandamadvayaṃ devaṃ devadānavavanditam || 37 ||
[Analyze grammar]

devadevīvṛndayuktaṃ sarvadā praṇamāmyaham |
kalikalmaṣakālārtidamanaṃ vanamālinam || 38 ||
[Analyze grammar]

pālitākhilalokeśaṃ kuloddharaṇamānasam |
vyaktāvyaktavibhaktātmāvibhaktātmānamātmani || 39 ||
[Analyze grammar]

sthitaṃ sthirataraṃ sāraṃ vande ghorāghamardanam |
āgato'smi gayāṃ deva pitṛkārye gadādharaḥ || 40 ||
[Analyze grammar]

tvaṃ me sākṣī bhavādyeha anṛṇo'hamṛṇatrayāt |
sākṣiṇaḥ santu me devā brahmeśānādayastathā || 41 ||
[Analyze grammar]

mayā gayāṃ samāsādya pitṝṇāṃ niṣkṛtiḥ kṛtā |
gayāmāhātmyapaṭhanācchrāddhādau brahmalokabhāk || 42 ||
[Analyze grammar]

pitṝṇāmakṣayaṃ śrāddhamakṣayaṃ brahmalokadam || 43 ||
[Analyze grammar]