Chapter 108

[English text for this chapter is available]

agniruvāca |
jambūplakṣāhvayau dvīpau śālmaliścāparo mahān |
kuśaḥ krauñcastathā śākaḥ puṣkaraśceti saptamaḥ || 1 ||
[Analyze grammar]

ete dvīpāḥ samudraistu sapta saptabhirāvṛtāḥ |
lavaṇekṣusurāsarpirdadhidugdhajalaiḥ samaṃ || 2 ||
[Analyze grammar]

jambūdvīpo dvīpamadhye tanmadhye merurucchritaḥ |
caturaśītisāhasro bhūyiṣṭhaḥ ṣoḍaśādvirāṭ || 3 ||
[Analyze grammar]

dvātriṃśanmūrdhni vistarātṣoḍaśādhaḥ sahasravān |
bhūyastasyāsya śailo'sau karṇikākārasaṃsthitaḥ || 4 ||
[Analyze grammar]

himavān hemakūṭaśca niṣadhaścāsya dakṣiṇe |
nīlaḥ śvetaśca śṛṅgo ca uttare varṣaparvatāḥ || 5 ||
[Analyze grammar]

lakṣapramāṇau dvau madhye daśahīnāstathāpare |
sahasradvitayochrāyāstāvadvistāriṇaśca te || 6 ||
[Analyze grammar]

bhārataṃ prathamaṃ varṣantataḥ kimpuruṣaṃ smṛtaṃ |
harivarsantathaivānyanmerordakṣiṇato dvija || 7 ||
[Analyze grammar]

ramyakaṃ cottare varṣaṃ tathaivānyaddhiraṇmayaṃ |
uttarāḥ kuravaścaiva yathā vai bhārataṃ tathā || 8 ||
[Analyze grammar]

navasāhasramekaikameteṣāṃ munisattama |
ilāvṛtañca tanmadhye sauvarṇā meruruchritaḥ || 9 ||
[Analyze grammar]

meroścaturdiśantatra navasāhasravistṛtaṃ |
ilāvṛtaṃ mahābhāga catvāraścātra parvatāḥ || 10 ||
[Analyze grammar]

viṣkambhā racitā meroryojanāyutavistṛtāḥ |
pūrveṇa mandaro nāma dakṣiṇe gandhamādanaḥ || 11 ||
[Analyze grammar]

vipulaḥ paścime pārśve supārśvaścottare smṛtaḥ |
kadambasteṣu jambuśca pippalo baṭa eva ca || 12 ||
[Analyze grammar]

ekādaśaśatāyāmāḥ pādapā giriketavaḥ |
jambūdvīpeti sañjñā syātphalaṃ jambā gajopamaṃ || 13 ||
[Analyze grammar]

jambūnadīrasenāsyāstvidaṃ jāmbūnadaṃ paraṃ |
supārśvaḥ pūrvato meroḥ ketumālastu paścime || 14 ||
[Analyze grammar]

vanaṃ caitrarathaṃ pūrve dakṣiṇe gandhamādanaḥ |
vaibhrājaṃ paścime saumye nandanañca sarāṃsyatha || 15 ||
[Analyze grammar]

aruṇodaṃ mahābhadraṃ saṃśitodaṃ samānasaṃ |
śitābhaścakramuñjādyāḥ pūrvataḥ keśarācalāḥ || 16 ||
[Analyze grammar]

dakṣiṇendrestrikūṭādyāḥ śiśivāsamukhā jale |
śaṅkhakūṭādayaḥ saumye merau ca brahmaṇaḥ purī || 17 ||
[Analyze grammar]

caturdaśasahasrāṇi yojanānāñca dikṣu ca |
indrādilokapālānāṃ samantātbrahmaṇaḥ puraḥ || 18 ||
[Analyze grammar]

viṣṇupādātplāvayitvā candraṃ svargātpatantyapi |
pūrveṇa śītā bhadrāśvācchailācchailādgatārṇavaṃ || 19 ||
[Analyze grammar]

tathaivālakanandāpi dakṣiṇenaiva bhārataṃ |
prayāti sāgaraṃ kṛtvā saptabhedātha paścimaṃ || 20 ||
[Analyze grammar]

abdhiñca cakṣuḥsaumyābdhiṃ bhadrottarakurūnapi |
ānīlaniṣadhāyāmau mālyavadgandhamādanau || 21 ||
[Analyze grammar]

tayormadhyagato meruḥ karṇikākārasaṃsthitaḥ |
bhāratāḥ ketumālāśca bhadrāśvāḥ kuravastathā || 22 ||
[Analyze grammar]

patrāṇi lokapadmasya maryādāśailavāhyataḥ |
jaṭharo devakūṭaśca maryādāparvatāvubhau || 23 ||
[Analyze grammar]

tau dakṣiṇottarāyāmāvānīlaniṣadhāyatau |
gandhamādanakailāsau pūrvavacāyatāvubhau || 24 ||
[Analyze grammar]

aśītiyojanāyāmāvarṇavāntarvyavasthitau |
niṣadhaḥ pāripātraśca maryādāparvatāvubhau || 25 ||
[Analyze grammar]

meroḥ paścimadigbhāge yathā pūrve tathā sthitau |
triśṛṅgo rudhiraścaiva uttarau varṣaparvatau || 26 ||
[Analyze grammar]

pūrvapañcāyatāvetāvarṇavāntarvyavasthitau |
jāṭharādyāśca maryādāśailā meroścaturdiśaṃ || 27 ||
[Analyze grammar]

keśarādiṣu yā droṇyastāsu santi purāṇi hi |
lakṣmīviṣṇvagnisūryādidevānāṃ munisattama || 28 ||
[Analyze grammar]

bhaumānāṃ svargadharmāṇāṃ na pāpāstatra yānti ca |
bhadrāśve'sti hayagrīvo varāhaḥ ketumālake || 29 ||
[Analyze grammar]

bhārate kūrmarūpī ca matsyarūpaḥ kuruṣvapi |
viśvarūpeṇa sarvatra pūjyate bhagavān hariḥ || 30 ||
[Analyze grammar]

kimpuruṣādyaṣṭasu kṣudbhītiśokādikaṃ na ca |
catturviṃśatisāhasraṃ prajā jīvantyanāmayāḥ || 31 ||
[Analyze grammar]

kṛtādikalpanā nāsti bhaumānyambhāṃsi nāmbudāḥ |
sarveṣveteṣu varṣeṣu sapta sapta kulācalāḥ || 32 ||
[Analyze grammar]

nadyaśca śataśastebhyastīrthabhūtāḥ prajajñire |
bhārate yāni nīrthāni tāni tīrthāni vacmi te || 33 ||
[Analyze grammar]