Chapter 29 - Upapāduka-avadāna

athāśoko mahīpālaḥ samupetya kṛtāṃjaliḥ |
upaguptaṃ yatiṃ natvā prārthayadevamādarāt || 1 || {1}
[Analyze grammar]

bhadanta śrotumichāmi punaranyatsubhāṣitaṃ |
tadyathā guruṇādiṣṭaṃ tathākhyātuṃ ca me 'rhati || 2 || {2}
[Analyze grammar]

iti saṃprarthitaṃ rājñā śrutvā so 'rhanmahāmatiḥ |
upagupto nareṃdraṃ taṃ samālokyaivamādiśat || 3 || {3}
[Analyze grammar]

sādhu śṛṇu maharāja yathā me guruṇoditaṃ |
tathāhaṃ te pravakṣyāmi śrutvā cāpyanumodaya || 4 || {4}
[Analyze grammar]

tadyathā bhagavānbuddhā śākyasiṃho munīśvaraḥ |
sarvajñaḥ sugataḥ śāstā dharmarājo vināyakaḥ || 5 || {5}
[Analyze grammar]

ekasmin samaye māturmāyādevyā hitechayā |
saddharmaṃ samupādeṣṭuṃ prācarattridaśālaye || 6 || {6}
[Analyze grammar]

tatra sa bhagavān gatvā suramye naṃdane vane |
pārijātatale pāṇḍusacchilāyāmupāśrayat || 7 || {7}
[Analyze grammar]

tatra śakrādayo devāḥ sarve taṃ sadguṇākaraṃ |
śākyamuniṃ samālokya muditāḥ samupācaran || 8 || {8}
[Analyze grammar]

tatra taṃ śrīghanaṃ dṛṣṭvā sarve devāḥ pramoditāḥ |
tridhā pradakṣiṇīkṛtya sāñjalayaḥ praṇemire || 9 || {9}
[Analyze grammar]

tato devādhipaḥ śakro divyaratnamayāsanaṃ |
saṃbuddhasya jagacchāstuḥ prājñāpayacchubhojjvalaṃ || 10 || {10}
[Analyze grammar]

tatra sa bhagavāndṛṣṭvā divyaratnamahojvale |
āruhya samupāśritya samātasthau prabhāsayan || 11 || {11}
[Analyze grammar]

tadā sā jananī mātā māyādevī samāgatā |
tamātmajaṃ jagannāthaṃ saṃdṛṣṭvā samupācarat || 12 || {12}
[Analyze grammar]

tatra sa bhagavāndṛṣṭvā mātaraṃ tāṃ samāgatāṃ |
utthāya samupāsṛtya praṇatvaivamabhāṣata || 13 || {13}
[Analyze grammar]

svāgataṃ kuśalaṃ mātarārogyamastu te sadā |
tvatmukhaṃ draṣṭumāyāmi tatprasāditumarhasi || 14 || {14}
[Analyze grammar]

atrāsane samāśritya niṣīdaikāgramānasā |
upadikṣyāmi saddharmaṃ tacchṛṇuṣva samāhitā || 15 || {15}
[Analyze grammar]

ityādiṣṭaṃ munīndreṇa śrutvā sā jananī satī |
māyādevī samālokya tamātmajaṃ samavrāvīt || 16 || {16}
[Analyze grammar]

prāyāmi te mukhaṃ draṣṭuṃ kuśalaṃ te sadātmaja |
tanmamānugrahārthena dharmamādeṣṭumarhasi || 17 || {17}
[Analyze grammar]

ityuktvā sā satī māyādevī mātā jagadguroḥ |
upāsanaṃ samāśritya nisasāda samāhitā || 18 || {18}
[Analyze grammar]

tataḥ śakrādayo devāḥ sarve te saṃpraharṣitāḥ |
pūjāṃgaistaṃ jagannāthaṃ māyādevīṃ ca prārcayan || 19 || {19}
[Analyze grammar]

tataḥ pādānstayornatvā kṛtvā ca tripradakṣiṇaṃ |
parivṛtya puraskṛtvā dharmaṃ śrotumupāśrayan || 20 || {20}
[Analyze grammar]

tatasta bhagavāndṛṣṭvā tāndevān samupasthitān |
āryasatyaṃ samārabhya saddharmaṃ samupādiśat || 21 || {21}
[Analyze grammar]

tataśca bhagavāṃsteṣāṃ devānāṃ sukhamāninaṃ |
saṃbodhisādhanaṃ punarevamupādiśat || 22 || {22}
[Analyze grammar]

anityaṃ khalu saṃsāre duḥkhaṃ śūnyaṃ hyanātmakaṃ |
kāme kiṃcitsukhaṃ nātra kleśasaṃghe samākule || 23 || {23}
[Analyze grammar]

iti matvātra saṃsāre sadā saukhyaṃ yadīchatha |
bodhicaryāvrataṃ dhṛtvā saṃcaradhvaṃ sadā śubhaṃ || 24 || {24}
[Analyze grammar]

niṣkrāmatārabhadhvaṃ ca yujyadhvaṃ buddhaśāsane |
māracaryāṃ parityajya caradhvaṃ bodhicārikāṃ || 25 || {25}
[Analyze grammar]

yaḥ satvahitārthena bodhicaryāṃ cariṣyati |
sa samyagbodhimāsādya saṃbuddhapadamāpsyati || 26 || {25}
[Analyze grammar]

evaṃ matvātra saṃsāre sarve yūyaṃ samāhitāḥ |
triratnabhajanaṃ kṛtvā caradhvaṃ bodhisaṃvaraṃ || 27 || {26}
[Analyze grammar]

ye triratnaṃ bhajantyatra na te gachaṃti durgatiṃ |
sadā sadgatisaṃyātāḥ kramādbodhimavāpnuyuḥ || 28 || {27}
[Analyze grammar]

ityādiṣṭaṃ munīndreṇa śrutvā sarve 'pi te 'marāḥ |
satyameva parijñāya prābhyanandanprabodhitāḥ || 29 || {28}
[Analyze grammar]

tataḥ śakraḥ samutthāya kṛtāṃjaliḥ |
bhagavaṃtaṃ tamānamya prārthayadevamādarāt || 30 || {29}
[Analyze grammar]

bhagavannātha sarvajña sarvadeha surālaye |
saddharmaṃ naḥ samādiśya bhavan vihartumarhati || 31 || {30}
[Analyze grammar]

vayaṃ sarve surā nityaṃ bhavatāṃ śaraṇaṃ gatāḥ |
saddharmaṃ sarvadākarṇya cariṣyāmaḥ śubhāṃ cariṃ || 32 || {31}
[Analyze grammar]

tataḥ sāpi mahāmāyādevi mātā samutthitā |
upetya sāṃjalirnatvā bhagavantaṃ tamabravīt || 33 || {32}
[Analyze grammar]

dhanyo 'si yattvayā putra pratijñātaṃ yathāpurā |
tathā tvaṃ pūryate sarvaṃ sarvārthasiddhirastu te || 34 || {33}
[Analyze grammar]

sadātra devalokānāṃ hitārthe ca prabodhayan |
saddharmaṃ samupādiśya vihara saṃprabhāsayan || 35 || {34}
[Analyze grammar]

iti mātrārthitaṃ śrutvā bhagavān sa jagadguruḥ |
jananīṃ tāṃ sabhāṃ cāpi samālokyaivamādiśat || 36 || {35}
[Analyze grammar]

mātarnaikahitārthenabodhicaryāṃ dadhāmi hi |
sarveṣāmapi satvānāṃ hitārthe 'haṃ jino bhave || 37 || {36}
[Analyze grammar]

tadatra sarvadā naivaṃ tiṣṭheyaṃ tridaśaiḥ saha |
varṣā māsatrayaṃ sthātumichāmi dharmamādiśan || 38 || {37}
[Analyze grammar]

ityādiṣṭaṃ munīndreṇa śrutvā sā jananī mudā |
tathāstviti prabhāṣitvā prābhyanaṃdatprabodhitā || 39 || {38}
[Analyze grammar]

tathā sa bhagavānstatra bodhicaryāṃ prakāśayan |
saddharmaṃ samupādiśya tasthau māsatrayaṃ divi || 40 || {39}
[Analyze grammar]

sarvaśakrādayo devāstriratnaśaraṇaṃ gatāḥ |
satkṛtya śraddhayā nityaṃ dharmaṃ śrutvā prabhejire || 41 || {40}
[Analyze grammar]

tadā tatra sadā svarge maṃgalaṃ nirupadravaṃ |
saddharmasādhanotsāhaṃ prāvarttate samaṃtataḥ || 42 || {41}
[Analyze grammar]

tasmiṃścā samaye tatra srāvastyā vahirāśrame |
jetodyāne vihāre sa maudgalyāyana āśrayat || 43 || {42}
[Analyze grammar]

tadā te sāṃghikāḥ sarve taṃ maudgalyāyanaṃ yatiṃ |
vihāre saṃsthitaṃ dṛṣṭvā dharmaṃ śrotuṃ samīchire || 44 || {43}
[Analyze grammar]

tataste sāṃghikāḥ sarve lokāścānye 'pi sajjanāḥ |
tatsaddharmadeśanāṃ śrotuṃ muditāḥ samupācaran || 45 || {44}
[Analyze grammar]

tatra sarve 'pi te lokāstaṃ maudgalyāyanaṃ guruṃ |
samabhyarcya samānamya dharmaṃ śrotu]mupāśrayan || 46 || {45}
[Analyze grammar]

tāndṛṣṭvā samupāsīnān sa maudgalyo jinātmajaḥ |
ādimadhyāṃtakalyāṇaṃ dideśa dharmamuttamaṃ || 47 || {46}
[Analyze grammar]

tatsaddharmāmṛtaṃ pītvā sarve lokāśca sāṃghikāḥ |
saddharmmasādhanodyuktā vabhūvuḥ paribodhitāḥ || 48 || {47}
[Analyze grammar]

atha te bhikṣavaḥ sarve kṛtāṃjaliḥ puṭo mudā |
taṃ maudgalyāyanaṃ natvā paprachurevamādarāt || 49 || {48}
[Analyze grammar]

bhadanta bhagavaṃ chāstā kutredānīṃ samāśritaḥ |
saddharmaṃ samupādiśya viharati na manyate || 50 || {49}
[Analyze grammar]

tadasmākaṃ manānsyatra bhagavāñchāstā yataḥ sthitaḥ |
tatsatyaṃ samupādiśya prabodhayitumarhati || 51 || {50}
[Analyze grammar]

iti taiḥ prārthitaṃ śrutvā sa maudgalyāyanaḥ sudhīḥ |
sarvānstān saṃghikānbhikṣūn samālokyaivamabravīt || 52 || {51}
[Analyze grammar]

śrutaṃ mayā bhavanto 'sau bhagavāñchāstā 'dhunā divi |
tato mātuḥ surāṇāṃ cā tiṣṭhate dharmamādiśat || 53 || {52}
[Analyze grammar]

tato varṣātrimāsānte bhagavān sa jagadguruḥ |
atra lokahitaṃ kartumavataretsvayaṃ khalu || 54 || {53}
[Analyze grammar]

iti tenārhatākhyātaṃ śrutvā te sāṃghikā janāḥ |
sarve 'py 'bhyanumodantaḥ svasvālayaṃ samācaran || 55 || {54}
[Analyze grammar]

sadā te sāṃghikāstasya maudgalyasya mahāmateḥ |
saddharmaṃ sarvadākarṇya bhajantaḥ samupāśrayan || 56 || {55}
[Analyze grammar]

tato varṣātrimāsānte sarve te sāṃghikā janāḥ |
api taṃ maudgalyamānatvā prārthayadevamādarāt || 57 || {56}
[Analyze grammar]

bhavantātra bhavāñchāstā vijānīyājjagadguroḥ |
draṣṭumichāmahe śāstuḥ saddharmaṃ tṛṣitā vayaṃ || 58 || {57}
[Analyze grammar]

ciradṛṣṭo yadasmābhirbhagavāṃ sa munīśvaraḥ |
tadasyāgramunīndrasya darśanaṃ dātumarhati || 59 || {58}
[Analyze grammar]

tadasmadanukampārthaṃ bhavanṛddhiprabhāvataḥ |
gatvā svarge munīndrasya sahasā samupakramet || 60 || {59}
[Analyze grammar]

tatra gatvā bhavācchāsturmunīndrasya jagadguroḥ |
asmākaṃ vacanaiścāpi vaṃdatāṃ caraṇāmbujau || 61 || {60}
[Analyze grammar]

dehe ca kauśalaṃ saukhyaṃ pṛchatāṃ vacanaiśca naḥ |
evaṃ cāpi puraḥ śāsturnivedituṃ samarhati || 62 || {61}
[Analyze grammar]

bhagavaṃ nātha sarvajña te jāmbūdvīpikā narāḥ |
bhavantaṃ draṣṭumichanti saddharmāmṛtalālasāḥ || 63 || {62}
[Analyze grammar]

yadbhavān sarvasatvānāṃ hitaṃ kartuṃ samudyataḥ |
tadbhagavānmanuṣyāṇāṃ dharmamādeṣṭumarhati || 64 || {63}
[Analyze grammar]

narāḥ svarge samāgaṃtuṃ śaknuvanti na ke cana |
devāstu sarvalokeṣu pracaranti yathechayā || 65 || {64}
[Analyze grammar]

tadbhagavānmanuṣyāṇāṃ hitārthāyānukampayā |
saddharmaṃ samupādeṣṭuṃ jambudvīpamavātaret || 66 || {65}
[Analyze grammar]

vayaṃ sarve sadā nityaṃ bhavatāṃ śaraṇaṃ gatāḥ |
satkṛtya śraddhayā dharmmaṃ śrutvā saṃprabhajemahi || 67 || {66}
[Analyze grammar]

evaṃ śāstarmahāvijña gatvā tatra surālaye |
bhagavaṃtaṃ jagannāthaṃ saṃprārthyeha samānaya || 68 || {67}
[Analyze grammar]

iti taiḥ prārthitaiḥ śrutvā sa maudgalyo mahārddhimān |
evamiti pratijñāya tūṣṇībhūtvādhyuvāsa tat || 69 || {68}
[Analyze grammar]

atha te sāṃghikāḥ sarve lokāścāpi mahātmanā |
tenādhivāsitaṃ matvā muditāḥ svasvālayaṃ yayuḥ || 70 || {69}
[Analyze grammar]

atha so 'rhaṃ mahābhijño maudgalyana ātmavit |
svarge gaṃtuṃ samādhāya samādhiṃ vidadhe kṣaṇaṃ || 71 || {70}
[Analyze grammar]

tataḥ sa ṛddhivīryeṇa suparṇa iva khe 'gamat |
bhāsayan sahasā gatvā divi śāsturupācarat || 72 || {71}
[Analyze grammar]

tatra taṃ samupāyātaṃ dṛṣṭvā sa bhagavānmudā |
svāgataṃ prehi maudgalya niṣīdeti samabravīt || 73 || {72}
[Analyze grammar]

ityādiṣṭe munīndreṇa sa maudgalyaḥ pramoditaḥ |
sāñjaliḥ pādayoḥ śāstuḥ praṇatvaivaṃ samabravīt || 74 || {73}
[Analyze grammar]

bhagavannātha sarvajña prāgato 'haṃ mudā divi |
bhavatāṃ darśanaṃ kartuṃ tatprasīda dayānidhe || 75 || {74}
[Analyze grammar]

kaccitte kuśalaṃ śāstaḥ kiñcidvādhāpi naiva hi |
yātrā sukhaṃ valaṃ vīryaṃ kaccitkāye na cānyathā || 76 || {75}
[Analyze grammar]

bhavānapi vijānīyād yadarthe 'hamihāgataḥ |
tathāpi bhagavannatra vijñāpayeya sarvathā || 77 || {76}
[Analyze grammar]

bhavatāṃ sāṃghikaiḥ sarvairlokaiścāpi mahājanaiḥ |
bhavantaṃ draṣṭumichadbhiḥ preṣito 'hamihāgataḥ || 78 || {77}
[Analyze grammar]

te sarve sāṃghikā lokā bhavatāṃ caraṇāmbuje |
vandanti kauśalaṃ kāye paripṛchanti cādarāt || 79 || {78}
[Analyze grammar]

evaṃ cāpi vadante te sarve lokāśca sāṃghikāḥ |
saddharmaśravaṇotsāharahitā vikalāśayāḥ || 80 || {79}
[Analyze grammar]

bhagavān sarvasatvānāṃ hitārthe bodhimāptavān |
tattathātra manuṣyāṇāṃ dharmamādeṣṭumarhati || 81 || {80}
[Analyze grammar]

tataḥ svarge samāgaṃtuṃ śaknuvanti na ke cana |
devāstu sarvalokeṣu pracaranti yathechayā || 82 || {81}
[Analyze grammar]

tadbhagavānmanuṣyānāṃ hitārthāyānukampayā |
saddharmaṃ samupādeṣṭuṃ jambūdvīpamavātaret || 83 || {82}
[Analyze grammar]

vayaṃ sarve sadā nityaṃ bhavatāṃ śaraṇaṃ gatāḥ |
satkṛtya śraddhayā dharmaṃ śrutvā saṃprabhajemahi || 84 || {83}
[Analyze grammar]

evamasmadvacobhistvaṃ gatvā tatra surālaye |
bhagavaṃtaṃ jagannāthaṃ saṃprārthyeha samānaya || 85 || {84}
[Analyze grammar]

iti taiḥ prārthyamāne 'haṃ tatheti pratibodhitaḥ |
bhavatāṃ vijñāpanāṃ kartuṃ sahasā samupācare || 86 || {85}
[Analyze grammar]

tadbhagavanmanuṣyāṇāṃ hitānukampayādhunā |
saddharmaṃ samupādeṣṭuṃ bhuvyeva tarttumarhati || 87 || {86}
[Analyze grammar]

iti tenārthitaṃ śrutvā bhagavān sa munīśvaraḥ |
taṃ maudgalyāyanaṃ dṛṣṭvā tūṣṇībhūtvādhyuvāsa tat || 88 || {87}
[Analyze grammar]

tasmiṃśca samaye tatra sarve śakrādayo 'marāḥ |
saddharmam śravaṇotsāhāḥ samāgātāḥ samaṃtataḥ || 89 || {88}
[Analyze grammar]

kṛtvā pūjāṃ munīndrasya praṇatvā caraṇāmbuje |
parivṛtya puraskṛtya dharmaṃ śrotumupāśrayan || 90 || {89}
[Analyze grammar]

tadā sa bhagavāndṛṣṭvā tān sarvan samupāśritān |
āryasatyaṃ samārabhya saddharmaṃ samupādiśat || 91 || {90}
[Analyze grammar]

tatsaddharmāmṛtaṃ pītvā sarve śakrādayo 'pi te |
devāḥ saṃharṣitā bodhicaryābhivāñchito 'bhavan || 92 || {91}
[Analyze grammar]

tatsamīkṣya sa maudgalyaḥ kiñcidvihasito mudā |
bhagavaṃtaṃ munīndraṃ taṃ dṛṣṭvaivaṃ samaciṃtayat || 93 || {92}
[Analyze grammar]

ihāpi bhagavānnevaṃ samākīrṇasabhāśritaḥ |
saddharmaṃ samupādiśya viharati yathābhuvi || 94 || {93}
[Analyze grammar]

atha sa bhagavāṃstasya maudgalyasya mahāmateḥ |
manaścintitamājñāya taṃ maudgalyaṃ samabravīt || 95 || {94}
[Analyze grammar]

na me maudgalya satkāravaṃdhitaṃ bhavate manaḥ |
api tvahaṃ yathechāmi tathā sarvaṃ samṛddhyati || 96 || {95}
[Analyze grammar]

āyāntvihāmarāḥ sarve iti mayā yadecchyate |
tadā sarva ime devā āgachaṃti samaṃtataḥ || 97 || {96}
[Analyze grammar]

gachantu ca surāḥ sarve iti mayā yadehyate |
tadā sarva ime devā gachaṃti ca svamālayaṃ || 98 || {97}
[Analyze grammar]

evaṃ me sarvakāryeṣu mano 'bhilaṣitaṃ yathā |
tathātra sarvakāryāṇi siddhyaṃte hi sadā tadā || 99 || {98}
[Analyze grammar]

ityādiṣṭaṃ munīndreṇa śrutvā maudgalya ātmavit |
śāstuḥ pādāmbujau natvā sāṃjaliḥ samupāśrayat || 100 || {99}
[Analyze grammar]

tataḥ sabhāṃ surāṃ kīrṇāṃ sa maudgalyāyano yatiḥ |
tāra sarvāṃ saṃnirīkṣyaivaṃ bhagavantamabhāṣata || 101 || {100}
[Analyze grammar]

vicitrā bhagavandevāparṣadiyaṃ virājate |
nūnamime surāḥ sarve saṃbuddhapadalābhinaḥ || 102 || {1}
[Analyze grammar]

santi hyasyāṃ sabhāyāṃ ye saṃbuddhe saṃprasāditāḥ |
kāyabhedādihotpannāste saṃbodhilābhinaḥ || 103 || {2}
[Analyze grammar]

santi dharme prasannā ye āryaśīlaiḥ samanvitāḥ |
kāyabhedādihotpannāste 'pi saṃbodhilābhinaḥ || 104 || {3}
[Analyze grammar]

santi saṃghe prasannā ye āryadharmānucāriṇaḥ |
kāyabhedādihotpannāste 'pi saṃbodhilābhinaḥ || 105 || {4}
[Analyze grammar]

iti maudgalyasaṃproktaṃ śrutvā sa bhagavāṃstathā |
taṃ maudgalyāyanaṃ dṛṣṭvānuvarṇayan sāmādiśat || 106 || {5}
[Analyze grammar]

evametaddhi maudgalya vicitreyaṃ mahāsabhā |
surendrapramukhā devā yatra santi pramoditāḥ || 107 || {6}
[Analyze grammar]

santi buddhe prasannā ye saṃbodhisādhanotsahāḥ |
kāyabhedādihotpannāste saṃbodhipadonmukhāḥ || 108 || {7}
[Analyze grammar]

santi dharme prasannā ye āryaśīlasamācarāḥ |
kāyabhedādihotpannāste 'pi saṃbodhigāminaḥ || 109 || {8}
[Analyze grammar]

saṃti saṃghe prasannā ye āryasatyasamanvitāḥ |
kāyabhedādihotpannāste 'pi saṃbodhilābhinaḥ || 110 || {9}
[Analyze grammar]

evaṃ śāstrā samākhyātaṃ śrutvā devādhipo 'pi saḥ |
bhagavaṃtaṃ samālokya maudgalyaṃ ca tathābravīt || 111 || {10}
[Analyze grammar]

vicitrā bhagavandevaparṣadiyaṃ virājate |
yatra santi mahāsatvāḥ saṃbodhisādhanodyatāḥ || 112 || {11}
[Analyze grammar]

santi buddhe prasannā ye śraddhayā śaraṇaṃ gatāḥ |
kāyabhedādihotpannāste saṃbuddhapadalābhinaḥ || 113 || {12}
[Analyze grammar]

saṃti dharme prasannā ye śraddhayā śaraṇaṃ gatāḥ |
kāyabhedādihotpannāste saṃbuddhapadalābhinaḥ || 114 || {13}
[Analyze grammar]

santi dharme prasannā ye śraddhayā śaraṇaṃ gatāḥ |
kāyabhedādihotpannāste 'pi saṃbodhilābhinaḥ || 115 || {14}
[Analyze grammar]

saṃti saṃghe prasannā ye śraddhayā śaraṇaṃ gatāḥ |
kāyabhedādihotpannāste 'pi saṃbodhilābhinaḥ || 116 || {15}
[Analyze grammar]

iti devādhipākhyātaṃ śrutvānyāpi surātmajaḥ |
maudgalyaṃ śrīghanaṃ cāpi śakraṃ caikṣyaivamabravīt || 117 || {16}
[Analyze grammar]

vicitreyaṃ mahāsatva devasabhā virājate |
santi yatra mahātmānaḥ saṃbodhisādhodyatāḥ || 118 || {17}
[Analyze grammar]

santi saṃghe prasannā ye satkṛtya prabhajanti te |
dehabhedādihotpannā bhavaṃti bodhilābhinaḥ || 119 || {18}
[Analyze grammar]

santi dharme prasannā ye bhajanti śraddhayā mudā |
dehabhedādihotpannāste 'pi saṃbodhilābhinaḥ || 120 || {19}
[Analyze grammar]

santi buddhe prasannā ye bhajaṃti śaraṇaṃ gatāḥ |
dehabhedādihotpannāste 'pi saṃbodhilābhinaḥ || 121 || {20}
[Analyze grammar]

evametatsamākhyātaṃ maudgalyena mahātmanā |
munīndraśakradevaiśca śrutvā sarve surā mudā || 122 || {21}
[Analyze grammar]

prabodhitāḥ parijñāya saṃbuddhaśaraṇaṃ yayuḥ |
tatra sarve 'pi te devāstriratnabhajanodyatāḥ || 123 || {22}
[Analyze grammar]

tatpuṇyaiḥ śrotaāpattiphalaṃ sākṣātsamāyayuḥ || 124 || {23!}
[Analyze grammar]

tatastāṃ śrīghanaṃ nātvā maudgalyaṃ ca prasāditāḥ |
te śakrādayo devāḥ sarve svasvālayāṃ yayuḥ || 125 || {24}
[Analyze grammar]

atha so 'rhanmahābhijño maudgalyāyana ātmavit |
bhagavantaṃ tamānamya sāṃjalirevamabravīt || 126 || {25}
[Analyze grammar]

bhagavannātha sarvajña bhavatkāryaṃ prasiddhyati |
atra sarve surā bhadraiścaranti bodhimānasāḥ || 127 || {26}
[Analyze grammar]

tattatrāpi manuṣyāṇāṃ hitāya bhagavānapi |
jambudvīpe 'dhunā śāstaḥ samavatarttumarhati || 128 || {27}
[Analyze grammar]

iti saṃprārthite tena maudgalyena mahātmanā |
bhagavāṃstaṃ mahāsatvaṃ maudgalyamevamādiśat || 129 || {28}
[Analyze grammar]

sādhu gachādhunā tatra jambudvīpe nijāśrame |
gatvā lokasabhāmadhye sthitvaivaṃ saṃprabodhaya || 130 || {29}
[Analyze grammar]

avatarejjagadvandhurito 'hni saptame divaḥ |
sāṃkāśe nagare hyāpajjure vana udumvare || 131 || {30}
[Analyze grammar]

ityādiṣṭaṃ munīndreṇa śrutvā maudgalya ātmavit |
tatheti prativijñapya tathā kartuṃ samaichata || 132 || {31}
[Analyze grammar]

atha sa ṛddhimānyogī maudgalyāyana ātmavit |
sāṃjalistaṃ muniṃ natvā samādhiṃ vidadhe tadā || 133 || {32}
[Analyze grammar]

tataḥ so 'rhaṃ mahābhijño maudgalyo 'ntarhito divi |
kṣaṇātpakṣī yathākāśājjambudvīpamavātarat || 134 || {33}
[Analyze grammar]

tatra jetāśrame so 'rhannavatārya nijāśrame |
śubhāsanasamāsīnaḥ prabhāsayannyaṣīdata || 135 || {34}
[Analyze grammar]

taṃ dṛṣṭvāsana āsīnaṃ maudgalyaṃ samupāgataṃ |
matvā te sāṃghikāḥ sarve muditāḥ samupācaran || 136 || {35}
[Analyze grammar]

tacchrutvā muditāḥ sarve lokāścāpi nṛpādayaḥ |
vihāre jetakārāme sahasā samupācaran || 137 || {36}
[Analyze grammar]

tatrāsanasamāsīnaṃ maudgalyaṃ taṃ maharddhikaṃ |
dṛṣṭvā sarve 'pi te natvā parivṛtyopatasthire || 138 || {37}
[Analyze grammar]

tataste bhikṣavaḥ sarve maudgalyaṃ taṃ maharddhikaṃ |
kṛtāṃjalipuṭā natvā paprachurevamādarāt || 139 || {38}
[Analyze grammar]

bhadanta kuśalaṃ kaccidbhavato 'pi jagadguroḥ |
kutra sa bhagavāndharmamādiśaṃstiṣṭhate divi || 140 || {39}
[Analyze grammar]

kadā sa bhagavāṃcchāstā svargādiha samācaret |
kathaṃ cāpi samākhyāti tatsarvaṃ samupādiśa || 141 || {40}
[Analyze grammar]

iti taiḥ prārthitaṃ śrutvā sa maudgalyāyano yatiḥ |
tāṃ sarvān saṃghikāl lokāṃścāpi dṛṣṭvaivamabravīt || 142 || {41}
[Analyze grammar]

bhavantaḥ kuśalaṃ śāstu munīndrasya mamāpi ca |
yuṣmākamapi nāmno 'hamavandaṃ taṃ munīśvaraṃ || 143 || {42}
[Analyze grammar]

parijātamupāśritya sendradevaiḥ samarcitaḥ |
mātuḥ sa bhagavāndharmamādiśaṃstiṣṭhate divi || 144 || {43}
[Analyze grammar]

yathā yuṣmābhirākhyātaṃ tathā niveditaṃ mayā |
śrutvā sa bhagavāṃcchāstā mamaivaṃ samupādiśat || 145 || {44}
[Analyze grammar]

ito 'hni saptame svargādavatareya bhūtale |
sāṃkāśanagaropāpajjure vane udumvare || 146 || {45}
[Analyze grammar]

ityādiśya munīndreṇa preṣito 'hamihācare |
etad yūyaṃ parijñāya prābhyanandata sāṃprataṃ || 147 || {46}
[Analyze grammar]

iti tenārhatākhyātaṃ śrutvā te saṃghikā mudā |
sevaṃ nṛpādi lokāśca prābhyanandanpramoditāḥ || 148 || {47}
[Analyze grammar]

tataste sāṃghikāḥ sarve lokā bhūpādayo 'pi ca |
sāṃkāśanagaropāpajjure vane upācaran || 149 || {48}
[Analyze grammar]

tadā sa bhagavāṃstatra svarge sendrān surānapi |
mātaraṃ samupāmaṃtrya pura evamupādiśat || 150 || {49}
[Analyze grammar]

mātaḥ sendrādi devāśca yūyaṃ sarve samādarāt |
triratnabhajanaṃ kṛtvā pracaradhvaṃ sadā śubhe || 151 || {50}
[Analyze grammar]

gacheyaṃ sāṃprataṃ dharmamupadeṣṭuṃ mahītale |
nṛṇāmapi hitārthena gantumichāmi nānyathā || 152 || {51}
[Analyze grammar]

ityādiṣṭaṃ munīndreṇa sarve sendrāḥ surā api |
mātāpi sāṃjalirnatvā prārthayattaṃ munīśvaraṃ || 153 || {52}
[Analyze grammar]

bhagavannātha sarvajña ko 'smākaṃ dharmamādiśet |
tadatra kṛpayā dharmamādeṣṭuṃ sthātumarhati || 154 || {53}
[Analyze grammar]

iti taiḥ prārthite bhūyo bhagavān sa munīśvaraḥ |
mātaraṃ tān surān sarvāndṛṣṭvaivaṃ ca samādiśat || 155 || {54}
[Analyze grammar]

mātarnāhaṃ sadaikatra tiṣṭheyaṃ dharmamādiśan |
sarvasatvahitārthena saṃbuddho 'smi jagadguruḥ || 156 || {55}
[Analyze grammar]

tanmātarahamālokya martyānāṃ hitakāmpayā |
saddharmāmṛtasaṃdānaṃ dātuṃ gachāmi sāṃprataṃ || 157 || {56}
[Analyze grammar]

ityādiṣṭaṃ munīndreṇa śrutvā mātā surā api |
sendrāḥ sarve 'pi te śāstuḥ pādāmbuje praṇemire || 158 || {57}
[Analyze grammar]

tataste tridaśāḥ sarve mātāpi tasya tāyinaḥ |
tridhā pradakṣiṇīkṛtya natvā svasvālayaṃ yayuḥ || 159 || {58}
[Analyze grammar]

tataḥ sa bhagavāṃstatra devālaye samāhitaḥ |
tatsamādhiṃ samādhāya kṣaṇādantarhito 'carat || 160 || {59}
[Analyze grammar]

tataḥ sa bhagavāṃstatra jambudvīpe prabhāsayan |
sāṃkāśanagaropāpajjure dāve udumvare || 161 || {60}
[Analyze grammar]

avatīrya kṣaṇāttatra śuddhāsane surāstṛte |
samādhāya samāsīnastasthau dhyānasamāhitaḥ || 162 || {61}
[Analyze grammar]

taṃ dṛṣṭvā svāsanāsīnaṃ śrīghanaṃ samupāgataṃ |
sarve te sāṃghikā lokā bhūpādayo 'pyupācaran || 163 || {62}
[Analyze grammar]

tatra taṃ śrīghanaṃ natvā sarve te saṃpramoditāḥ |
tridhā pradakṣiṇīkṛtya samabhyarcyopatasthire || 164 || {63}
[Analyze grammar]

brahmaśakrādi devāśca yakṣagaṃdharvakinnarāḥ |
daityā vidyādharā nāgā garuḍāḥ siddhādayo 'pi ca || 165 || {64}
[Analyze grammar]

śrīghanaṃ samāyātaṃ draṣṭuṃ sarve samāgatāḥ |
natvā pradakṣiṇīkṛtya samabhyarcyopatasthire || 166 || {65}
[Analyze grammar]

tatropapāduko bhikṣurbhagavantaṃ sasāṃghikaṃ |
devādi sarvalokāṃśca bhojayituṃ nyamaṃtrayat || 167 || {66}
[Analyze grammar]

bhagavānapi devādi lokāḥ sarve prasāditāḥ |
tasyānugrahamādhātuṃ tatheti pratyamodayan || 168 || {67}
[Analyze grammar]

atha sa bhagavāṃstatra bhojanasamayāgate |
saṃghamelāpane gaṇḍīmākoṭayanpranādinīṃ || 169 || {68}
[Analyze grammar]

tadgaṇḍīdeśanākāle tasya bhikṣoryathehitaṃ |
tathāsanāṃ vastrāṇi divyāni rucirāni ca || 170 || {69}
[Analyze grammar]

pūjāṅgānyapi divyāni bhojyapānāmṛtānyapi |
sarvāṇyupacāravastūni punaḥ prādurbabhūvire || 171 || {70}
[Analyze grammar]

tadā sa bhikṣurālokya sarvasāmagrasaṃyutaṃ |
bhagavaṃtaṃ sasaṃghaṃ taṃ natvaivaṃ prārthayanmudā || 172 || {71}
[Analyze grammar]

bhagavanbhojanasyātra samayo varttate 'dhunā |
tatsasaṃgho bhavānatra svasvāsane niṣīdatu || 173 || {72}
[Analyze grammar]

tataḥ sa bhagavāṃstatra pādyaṃ gṛhya sasāṃghikaḥ |
svasvāsane samāruhya samāśrayad yathākramaṃ || 174 || {73}
[Analyze grammar]

tathā devādi lokāśca sarvasvasvāsaneṣu tat |
yathākramaṃ samāśritya saṃniṣeduḥ prasāditāḥ || 175 || {74}
[Analyze grammar]

tānbuddhapramukhān sarvān svasvāsanasamāśritān |
dṛṣṭvā sa mudito bhikṣuryathāvidhiṃ samarcayat || 176 || {75}
[Analyze grammar]

tato divyopacāraistairbhojyapānāmṛtādibhiḥ |
tānbuddhapramukhān sarvanyathechaiḥ samatoṣayat || 177 || {76}
[Analyze grammar]

saṃbuddhapramukhāḥ sarve saṃghā lokāḥ surādayaḥ |
taddivyabhojanaṃ bhuktvā vismitāstṛptimāyayuḥ || 178 || {77}
[Analyze grammar]

tataḥ sa bhikṣurālokya sarvānstān saṃpratoṣitān |
tatpātrāṇyapanītvā taddhastādīn samaśodhayat || 179 || {78}
[Analyze grammar]

tataḥ sa bhikṣuroṣadhyatāmbūlādi rasāyanaiḥ |
tānbuddhapramukhān sarvān saṃmoditānakārayat || 180 || {79}
[Analyze grammar]

tatropapāduko bhikṣuḥ sāṃjaliḥ saṃpramoditaḥ |
sasāṃghikaṃ munīndraṃ taṃ natvā tatpura āśrayat || 181 || {80}
[Analyze grammar]

tataḥ sa bhagavāṃstasya bhikṣormatvā śubhāśayaṃ |
āryasatyaṃ samārabhya dideśa dharmamuttamaṃ || 182 || {81}
[Analyze grammar]

taddharmadeśanāṃ śrutvā sa upapāduko yatiḥ |
bhitvā 'vidyāgaṇaṃ prāptavidyābhijñāpado bhavan || 183 || {82}
[Analyze grammar]

paṃcagaṇḍamayaṃ dehaṃ saṃsāramaticañcalaṃ |
viditvā sarvasaṃskāragatīścāpi vighātinīḥ || 184 || {83}
[Analyze grammar]

kleśānmāragaṇāñcāpi jitvārhatvamavāptavān |
tataḥ so 'rhaṃ mahābhijñaḥ pariśuddhatrimaṃḍalaḥ || 185 || {84}
[Analyze grammar]

jiteṃdriyo viśuddhātmā nirvikalpo niraṃjanaḥ |
saṃsāralābhasatkāranispṛhastrijagatsvapi || 186 || {85}
[Analyze grammar]

vaṃdyaḥ pūjyo 'bhimānyo 'bhūdbrahmacārī jinātmajaḥ || 187 || {86}
[Analyze grammar]

taddṛṣṭvā bhikṣavaḥ sarve vismayākulitāśayaḥ |
bhagavaṃtaṃ tamānamya paprachustatpurākṛtaṃ || 188 || {87}
[Analyze grammar]

bhagavan kiṃ purānena bhikṣuṇā sukṛtaṃ kṛtaṃ |
yenopapāduko 'rhaṃ ca bhavatyayaṃ mahāsudhīḥ || 189 || {88}
[Analyze grammar]

yaccāpyasya yaterbhikṣoḥ prārthitaṃ tatsamṛdhyati |
etatsarvaṃ samākhyāya sarvānasmānprabodhaya || 190 || {89}
[Analyze grammar]

evaṃ tairbhikṣubhiḥ prārthite sa munīśvaraḥ |
tān sarvān sāṃghikāl lokān samālokyaivamādiśat || 191 || {90}
[Analyze grammar]

śṛṇudhvaṃ bhikṣavānena bhikṣuṇā yatpurākṛtaṃ |
tatsarvaṃ saṃpravakṣyāmi yuṣmaccittaprabodhane || 192 || {91}
[Analyze grammar]

purāsīnbhagavānbuddho vipaścī nāma sarvavit |
dharmarājo jagacchāstā tathāgato munīśvaraḥ || 193 || {92}
[Analyze grammar]

sa saṃbuddho jagannātho vandhumato mahīpateḥ |
vandhumatyā mahāpūryā rājadhānyā upāśraye || 194 || {93}
[Analyze grammar]

jināśrame mahodyāne sarvasatvahitechayā |
saddharmaṃ samupādiśya vijahāra sasāṃghikaḥ || 195 || {94}
[Analyze grammar]

tasya vipaścinaḥ śāstuḥ sāṃghikāḥ paṃcabhikṣavaḥ |
anyasminmahodyāne varṣāsu vyaharanstadā || 196 || {95}
[Analyze grammar]

tatraikabhikṣuṇā teṣāṃ caturṇāṃ brahmacāriṇāṃ |
vaiyāvṛtyakṛtaṃ karma suprasannānucāriṇā || 197 || {96}
[Analyze grammar]

tataste bhikṣavassarve catvārastatprasādhanāt |
sarvavidyāsamudyuktāḥ samādhisādhanodyatāḥ || 198 || {97}
[Analyze grammar]

klesānmāragaṇāñjitvā pariśuddhatrimaṇḍalāḥ |
sākṣādarhattvasaṃprāptā babhūvu brahmavittamāḥ || 199 || {98}
[Analyze grammar]

tānarhato mahābhijñāndṛṣṭvā sa paṃcamo yatiḥ |
muditastaccaraṇānnatvā praṇidhānaṃ tathā vyadhāt || 200 || {99}
[Analyze grammar]

yadetebhirmamāgamya sākṣādarhattvamāgataṃ |
etaddharmavipākena pravrajyārhattvamāpnuyāṃ || 201 || {100}
[Analyze grammar]

sarvopakaraṇairdravyairavaikalyaṃ yathehitaṃ |
tattathā sarvamapyeva sarvatrāpi samṛddhyatu || 202 || {1}
[Analyze grammar]

etatpuṇyavipākena sa bhikṣuḥ paṃcamaḥ sudhīḥ |
ayameva mahābhijño bhavati hīti manyatāṃ || 203 || {2}
[Analyze grammar]

punarapi bhavatyatra yenāyamupapādukaḥ |
tatkarmaṃ pravakṣyāmi śṛṇuta yūyamādarāt || 204 || {3}
[Analyze grammar]

purāsīdbhagavānbuddhaḥ kāśyapo nāma sarvavit |
arhannātho jagacchāstā dharmarājastathāgataḥ || 205 || {4}
[Analyze grammar]

sa saṃbuddho mahāpūryā vārāṇasyā upāśrame |
mṛgadāve 'diśaddharmaṃ vijahāra sasāṃghikaḥ || 206 || {5}
[Analyze grammar]

tasmiṃśca samaye tatra vārāṇasyaṃ gṛhādhipaḥ |
āsīttasya priyā bhāryā garbhiṇī garbhapīḍitā || 207 || {6}
[Analyze grammar]

prasūtisamaye 'krandadārttasvarā vilāpitā |
tasyā ārttaravaṃ śrutvā sa bharttā karuṇārditaḥ |
śokālaye samudvignaḥ niśrityaivaṃ vyaciṃtayat || 208 || {7}
[Analyze grammar]

hā duḥkhaṃ garbbhapīḍāsyā jāyate kiṃ kariṣyate |
evaṃ duḥkhaṃ hi saṃsāre rogiṇāṃ bhavacāriṇāṃ || 209 || {8}
[Analyze grammar]

māturevaṃ mahadduḥkhaṃ garbbhasthasya śiśorna kiṃ |
etadduḥkhamahaṃ soḍhuṃ na śaknuyāṃ kathaṃ cana || 210 || {9}
[Analyze grammar]

tadatra kāśyapasyāhaṃ śāsane śaraṇaṃ gataḥ |
pravrajya saṃvaraṃ dhṛtvā careyaṃ saṃvṛtiṃ sadā || 211 || {10}
[Analyze grammar]

iti niścitya sa śreṣṭhī gatvā kāśyapaśāsane |
pravrajya saṃvaraṃ dhṛtvā cacāra saṃvṛtiṃ sadā || 212 || {11}
[Analyze grammar]

tataḥ kāle samāghrāte śreṣṭhī sa parikheditaḥ |
triratnasmaraṇaṃ kṛtvā praṇidhānaṃ vyadhāttadā || 213 || {12}
[Analyze grammar]

etatpuṇyavipākena sarvadātra punarbhave |
māturgarbhe hyajāyeyaṃ bhaveyamupapādukaḥ || 214 || {13}
[Analyze grammar]

etena praṇidhānena kāśyapaśaraṇaṃ gataḥ |
triratnabhajanaiḥ kṛtvā pracacāra samāhitaḥ || 215 || {14}
[Analyze grammar]

etatpuṇyavipākena sārthavāhaḥ sa sanmatiḥ |
bhavatyayaṃ mahābhijñaḥ sāṃpratamupapādukaḥ || 216 || {15}
[Analyze grammar]

yathānena tadā tatra praṇidhānaṃ kṛtaṃ mudā |
tathātra śāsane bauddhe pravrajyārhattvamāpyate || 217 || {16}
[Analyze grammar]

evaṃ hi manyatāṃ sarve saṃsāre karma yatkṛtaṃ |
tatphalaṃ bhujyate nūnaṃ yathehitaṃ tathā dhruvaṃ || 218 || {17}
[Analyze grammar]

yenaiva yatkṛtaṃ karmaṃ tenaiva bhujyate phalaṃ |
abhuktaṃ kṣīyate naiva kṛtakarmaphalaṃ kvacit || 219 || {18}
[Analyze grammar]

nāgnibhirdahyate karmaṃ kriyate nāpi codakaiḥ |
vāyubhiḥ śuṣyate nāpi kṣīyate naiva bhūmiṣu || 220 || {19}
[Analyze grammar]

anyāthāpi bhavennaiva yatkṛtaṃ tatphalaṃ khalu |
sarvatra bhujyate sarvairjantubhirbhavacāribhiḥ || 221 || {20}
[Analyze grammar]

kṛṣṇasya karmaṇaḥ pāke duḥkhataiva sadā bhave |
śubhasya sukhatā nityaṃ miśritasyāpi miśritaṃ || 222 || {21}
[Analyze grammar]

evaṃ matvātra saṃsāre sarvadā sukhavāṃchibhiḥ |
triratnabhajanaṃ kṛtvā caritavyaṃ śubhe sadā || 223 || {22}
[Analyze grammar]

ityādiṣṭaṃ munīndreṇa śrutvā te bhikṣavastathā |
satyamiti parijñāya prābhyanandanprabodhitāḥ || 224 || {23}
[Analyze grammar]

so 'pi bhikṣuḥ parijñāya śrutvaivaṃ sugatoditaṃ |
prabodhitaḥ prasannātmā prācaran sarvadā śubhe || 225 || {24}
[Analyze grammar]

iti me guruṇādiṣṭaṃ śrutaṃ mayā tathocyate |
śrutvā rājanstvayāpyevaṃ caritavyaṃ śubhe sadā || 226 || {25}
[Analyze grammar]

prajāścāpi mahārāja bodhayitvā prayatnataḥ |
prerayitvā śubhe dharme pālanīyāstvayādarāt || 227 || {26}
[Analyze grammar]

evaṃ te sarvadā rājan sarvatrāpi śubhaṃ bhavet |
krameṇa bodhimāsadya saṃbuddhapadamāpnuyāḥ || 228 || {27}
[Analyze grammar]

iti tenārhatākhyātaṃ śrutvāśokaḥ sa bhūpatiḥ |
tatheti prativijñapya prābhyanaṃdatsapārṣadaḥ || 229 || {28}
[Analyze grammar]

yadāvadānaṃ hyupapādukasya śṛṇvaṃti ye cāpi niśāmayaṃti |
sarve 'pi te kleśavimuktadehā bhuktvā sukhaṃ yānti jinālayaṃ te || 230 || {29}
[Analyze grammar]