Chapter 15 - Duration of Life of the Tathagata

acintiyā kalpasahasrakoṭyo yāsāṃ pramāṇaṃ na kadāci vidyate |
prāptā mayā eṣa tadāgrabodhirdharmaṃ ca deśemyahu nityakālam || 1 ||
[Analyze grammar]

samādapemī bahubodhisattvān bauddhasmi jñānasmi sthapemi caiva |
sattvāna koṭīnayutānanekān paripācayāmī bahukalpakoṭyaḥ || 2 ||
[Analyze grammar]

nirvāṇabhūmiṃ cupadarśayāmi vinayārtha sattvāna vadāmyupāyam |
na cāpi nirvāmyahu tasmi kāle ihaiva co dharmu prakāśayāmi || 3 ||
[Analyze grammar]

tatrāpi cātmānamadhiṣṭhahāmi sarvāṃśca sattvāna tathaiva cāham |
viparītabuddhī ca narā vimūḍhāḥ tatraiva tiṣṭhantu na paśyiṣū mām || 4 ||
[Analyze grammar]

parinirvṛtaṃ dṛṣṭva mamātmabhāvaṃ dhātūṣu pūjāṃ vividhāṃ karonti |
māṃ cā apaśyanti janenti tṛṣṇāṃ tatorjukaṃ citta prabhoti teṣām || 5 ||
[Analyze grammar]

ṛjū yadā te mṛdumārdavāśca utsṛṣṭakāmāśca bhavanti sattvāḥ |
tato ahaṃ śrāvakasaṃgha kṛtvāḥ ātmāna darśemyahu gṛdhrakūṭe || 6 ||
[Analyze grammar]

evaṃ ca haṃ teṣa vadāmi paścāt ihaiva nāhaṃ tada āsi nirvṛtaḥ |
upāyakauśalya mameti bhikṣavaḥ punaḥ puno bhomyahu jīvaloke || 7 ||
[Analyze grammar]

anyehi sattvehi puraskṛto 'haṃ teṣāṃ prakāśemi mamāgrabodhim |
yūyaṃ ca śabdaṃ na śṛṇotha mahyaṃ anyatra so nirvṛtu lokanāthaḥ || 8 ||
[Analyze grammar]

paśyāmyahaṃ sattva vihanyamānān na cāhu darśemi tadātmabhāvam |
spṛhentu tāvanmama darśanasya tṛṣitāna saddharmu prakāśayiṣye || 9 ||
[Analyze grammar]

sadādhiṣṭhānaṃ mama etadīdṛśaṃ acintiyā kalpasahasrakoṭyaḥ |
na ca cyavāmī itu gṛdhrakūṭāt anyāsu śayyāsanakoṭibhiśca || 10 ||
[Analyze grammar]

yadāpi sattvā ima lokadhātuṃ paśyanti kalpenti ca dahyamānam |
tadāpi cedaṃ mama buddhakṣetraṃ paripūrṇa bhotī marumānuṣāṇām || 11 ||
[Analyze grammar]

krīḍā ratī teṣa vicitra bhoti udyānaprāsādavimānakoṭyaḥ |
pratimaṇḍitaṃ ratnamayaiśca parvatairdrumaistathā puṣpaphalairupetaiḥ || 12 ||
[Analyze grammar]

upariṃ ca devābhihananti tūryān mandāravarṣaṃ ca visarjayanti |
mamaṃ ca abhyokiri śrāvakāṃśca ye cānya bodhāviha prasthitā vidū || 13 ||
[Analyze grammar]

evaṃ ca me kṣetramidaṃ sadā sthitaṃ anye ca kalpentimu dahyamānam |
subhairavaṃ paśyiṣu lokadhātuṃ upadrutaṃ śokaśatābhikīrṇam || 14 ||
[Analyze grammar]

na cāpi me nāma śṛṇonti jātu tathāgatānāṃ bahukalpakoṭibhiḥ |
dharmasya vā mahya gaṇasya cāpi pāpasya karmasya phalevarūpam || 15 ||
[Analyze grammar]

lyadā tu sattvā mṛdu mārdavāśca utpanna bhontīha manuṣyaloke |
utpannamātrāśca śubhena karmaṇā paśyanti māṃ dharmu prakāśayantam || 16 ||
[Analyze grammar]

na cāhu bhāṣāmi kadāci teṣāṃ imāṃ kriyāmīdṛśikīmanuttarām |
teno ahaṃ dṛṣṭa cirasya bhomi tato 'sya bhāṣāmi sudurlabhā jināḥ || 17 ||
[Analyze grammar]

etādṛśaṃ jñānabalaṃ mayedaṃ prabhāsvaraṃ yasya na kaścidantaḥ |
āyuśca me dīrghamanantakalpaṃ samupārjitaṃ pūrva caritva caryām || 18 ||
[Analyze grammar]

mā saṃśayaṃ atra kurudhva paṇḍitā vicikitsitaṃ co jahathā aśeṣam |
bhūtāṃ prabhāṣāmyahameta vācaṃ mṛṣā mamā naiva kadāci vāg bhavet || 19 ||
[Analyze grammar]

yathā hi so vaidya upāyaśikṣito viparītasaṃjñīna sutāna hetoḥ |
jīvantamātmāna mṛteti brūyāt taṃ vaidyu vijño na mṛṣeṇa codayet || 20 ||
[Analyze grammar]

yameva haṃ lokapitā svayaṃbhūḥ cikitsakaḥ sarvaprajāna nāthaḥ |
viparīta mūḍhāṃśca viditva bālān anirvṛto nirvṛta darśayāmi || 21 ||
[Analyze grammar]

kiṃ kāraṇaṃ mahyamabhīkṣṇadarśanād viśraddha bhontī abudhā ajānakāḥ |
viśvasta kāmeṣu pramatta bhontī pramādahetoḥ prapatanti durgatim || 22 ||
[Analyze grammar]

cariṃ cariṃ jāniya nityakālaṃ vadāmi sattvāna tathā tathāham |
kathaṃ nu bodhāvupanāmayeyaṃ katha buddhadharmāṇa bhaveyu lābhinaḥ || 23 ||
[Analyze grammar]